مرتفعات الكاميرون في ماليزيا - من تصويري

[Samurai]

السلام عليكم ورحمة الله وبركاته ..

في زيارتي الاخيره لماليزيا .. ذهبنا لمنطقة الكاميرون .. وكانت بصراحه من اجمل المناطق اللى زرتها وتستحق تعب الطريق .. 4 ساعات من العاصمه في الباص وممكن تروحون تاكسي 3 ساعات ونص ..
بس الباص ارخص .. للشخص 25 رنجت .. بس بالتاكسي يمكن 350 رنجت ..

منطقه جوها منعش يميل الى البروده .. لا توجد رطوبه نهائيا .. باليل كنا نلبس جاكيت ..
منطقه ريفيه جدا .. لاتوجد مجمعات ابدا .. هادئه .. الساعه 9 بالليل كل شي مسكر ..

واتركم مع الصور

فندقنا ... LakeHouse

مزارع الشاي

 

[Samurai]

القعده اللي جنب غرفتنا .. عاد تخيلو الريوق في هالمكان ..

الكاميرون بس طبيعه.. خذينا تاكسي ورحنا جوله الى مزارع الشاي ومصنع الشاي BOH
كانت احلى رحله بصراحه .. ومرينا مزرعة الفراشات والنحل ومزارع الفراوله وتمشينا شوي بالمدينه ..مدينه متواضعه والناس بشوشين ..

معلومات عامه .. سميت بالكاميرون على مكتشفها البريطاني كاميرون وتشتهر بمزارع الشاي ..

 

[ريمه الكويت]

تهببببببببببببببببببببل الكاميرون رحت لها السنه الي فاتت روعه صج مافيها سوقه بس حلوه حق الراحه النفسيه الله يالجو روعه والزرع والطبيعه تهبل تحسين جوها نظيف ومنعش والله ذكرتيني فيها بس عيبها الطريج وعر وطويل

يعطيج العافيه

 

[spacetoon]

اي صح .. الطريق عيبها الوحيد .. بس تستاهل

 

[ورد وكادي]

أنا سكنت بالستروبيري قبل سنتين وناويه أروح هالسنه شلون الفندق وهل فيه بلكونه لأن هذي أهم شي للزوجي

 

[أم حمني المزيون]

مشكوووورة على هالصور الروووووعة....

 

[dalprincess]

حسافه انا رحت ماليزيا بس مارحت هالمنطقه :/ انشالله هالسنه

 

[Samurai]

أنا سكنت بالستروبيري قبل سنتين وناويه أروح هالسنه شلون الفندق وهل فيه بلكونه لأن هذي أهم شي للزوجي

لا للاسف مافي بلكونه

 

[ArEEj]

ما شفتها حسافه
صج روووووووووعه

مشكووووره على الصور

 

[keeka]

واو ماشاء الله خوش صور الطبيعه تهبل يسلمووو

 

[غروري ضروري]

حلووووووووين

تسلم ايدج والله..

 

[Samurai]

مشكورين خواتي

 

[banota]

واي تهبل الصور
ذكرتيني بالكاميرووووووون روووووووووووعة
بس عيبها الطريج 5 ساعات بالباص بس تستاهل انا اكثر شي عجبني مزارع الجاي جنه مو صج

 

[كلي دلع!]

يسلمووو على الصور

 

[البسمله]

عليج بلعافية انا ناوية اروح الشهر الجاي وعندي سؤال -كم يوم تستاهل القعده فيها وهل فيها بسطات او اسواق واهم شي ما اسم الفندق؟

 

[Samurai]

هلا اختي البسمله

والله كم يوم تستاهل .. على حسب رغبتج .. احنا قعدنا فيها 3 أيام .. بس بيوم واحد رحنا كل الأماكن .. بس انا من محبي الطبيعه .. يعني ما عندي مشكله اقعد فيها شهر

اي فيها سوق عادي كشكات .. بس مافيها شي مميز ..

والفندق اسمه lake house
بس ترى اهو بعيد عن المدينه 20 دقيقه .. فانصحج تاخذين فندق قريب .. الا اذا كنتي تحبين الهدوء والريلاكسيشن

 

[زيـنـه]

تسلمين على الموضوع

 

[brettey]

مشكوره بس بسألج التاكسي للشخص 350 رنجت ولا اشلون ؟
بس روعه الصراحه تحسفت اني مارحت حق مرتفعات الكاميرون المره اليايه ان شاء الله

 

[Samurai]

مشكورين خواتي ..

لا بريتي .. اجرة التاكسي 350 الى 400 رنجت .. مو على الشخص ..
بس بالباص نوع Vip ب 25 رنجت للشخص الواحد يعني اذا كنتو أكثر من 5 أشخاص التاكسي أحسن .. توقفون متى تبون وتصورون لان المناظر حلوه بالطريق

 

[فساتين فخمه]

يالله الجنه