مرت اخوي وغيرتها القاتله

[mona q8]

السلام عليكم ورحمة الله وبركاته
ابي ادخل بالموضوع على طول
طبعا العنوان موضح نص الكلام اللي بقوله
والله يا بنات أني ما أبالغ
كل ما اسوي شي تقلدني فيه
احس نفسي محكوره بين اربع جدران
والله احسها طابقه ع نفسي
راح اقولكم اللي يصير بالضبط وانتوا أحكموا
اول مره عرفت انها تقلدني
كان برمضان العام الفات
قبل ما يجي رمضان بأيام
شريت ميني دراعه لي نص الساق
وقلت لها بخليها للعيد
وقبل العيد بأسبوع
نادتني لغرفتها وورتني دراعة العيد
والا الصدمه نفس بدلتي بالضبط بس اهيه طويله
لانها ما تقدر تلبسها جدام إخواني
وقلت يمكن نست وقلت لها نفس بدلتي قالت لي إيه ادري
ورحت العمره وكل ما أحط ايدي ع شي خذت منه
حتى قطع الخام اللي اشتريها تشتري نفسها
اهيه مو مكمله دراستها وقفت عند عاشر
ولما تزوجت اخوي وشافت اني أداوم بالتطبيقي
قالت ودي اكمل دراستي<<طبعا أمي ماتحب هالعاده تقول أحسن شي البنت تخلص رابعه ثانوي عند اهلها
وبعدين عادي تكمل الجامعة عند زوجها
المهم ما منعناها بس الصدمه اللي صار اليوم
من جم يوم وانا أفرفر بالفور سيل لقيت ونفنوف
وريته أمي واهيه كانت قاعده يمنا تسمع بس ما شافت النفنوف
أمي نظرها ضعيف وقالت شنو خامته قلت نص سترج والنص الثاني ترتر وقلت سعره50 دينار
وعلى طول راحت لغرفتها وفرفرت بالفور سيل ليما لقته
أنا شريت النفنوف امس بس ليما الحين ماقلت لاحد
واليوم راحت السوق وشافته جان تييني وتقولي لقيت النفنوف
اللي تبينه وورتني صورته لاقيته بالسوق ومصورته بتليفونها
طبعا أنا وأمي انصدمنا لان ما توقعنا احد يعرفه لأني ماقلت لاحد
والحين حلفت لامي أني ماراح البسه بالعرس والعرس باجي له 5 ايام
وأمي قالت ما راح اشتري غيره قولي لمرت أخوج لا تشتريه
قلت لها ببيعه وأشتري غيره
والله يا بنات حـــــــــــــدي متضايقه ما ادري شسوي
خصوصا العرس ما باقي عليه شي
بلييييييييز سااااااااعدوني

 

[Tom ♥ Jerry]

,


واااي و الله حاسه فيج كنت اعاني من وحده من العايله
كآنت بهالطريقه .. و المشكله تعيب على شكلي و ستايلي و بعدين
آنصدم انهآ تقلده .. :eh_s(14): صج شعور مآ يحس فيه الا الي مجربه :eh_s(11):


يمكن بعض البنات يشوفون انها مشكله عاديه أو اقل من عاديه !
بس فعلا اهيه مشكله عويصه .. خصوصا اذا كنتي تحبين هالبنت و مآ تبين
تزعلينهآ أو ترفعين ضغطها أو تزفينهآ :eh_s(2):


مآدري شقولج .. بس صج مآ تنلآمين اذا مآ لبستي النفنوف
اعتقد الي يسوون هالسوالف .. اشخاص مآ عندهم شخصيه .. أو عندهم خلل في الشخصيه
أو خلل بالثقه بالنفس ! انتي عآد حآولي كثر مآ تقدرين تبينين لها آنج متضايقه
من هالتقليد الآعمى .. و ثاني شي لا تراوينهآ اي شي تشترينه يديد
عشان مآ تروح تقلده و جدآمهآ لا تقولين بشتري الشي الفلاني آو بسوي الشي العلاني ..

و آلله يكون في عونج :eh_s(22):
لحقي اشتري نفنوف ثاني مآ بقى شي للعرس

 

[لولو8090]

عندنا وعندك خير الله يفكنا ويغنينا عنهم

 

[إليزآبيث مناحي]

هلآ حبيبتي ‘ الله يكون بالعون ويساعدك
عندي حلين * يا انك تكلمينها انها ماتلبس النفنوف بالعرس
وتقتنع ان شاءالله
* او تسوين نفسك اتكلمين رفيقتك بالتلفون وانك شريتي
نفنوف أحلى وبهذيك القيمه وموديله كذا
وهي طبعا تسمع ^_^

أآآمم وحاولي تكلمينها عن ثقتها بنفسها وبذوقها
يكون لها ستايلها الخاص ومو شرط انتي تكلمينها
اي شخص يموون


# وبس يا حلوه

 

[‏ڝڋٸ ٵڸڪٿہـآڻ]

الحل إنكـ مااعااد تتكلمين قدامها بشئ ولاعاد تورينها اغراضكـ .. وسطحي علاقتكـ معها عشان ماتسألكـ كثير تجبركـ تعلمينها باللي تشترينه ..أنا زوجة أخوي اذا راحت معنا السوق ماشتري شئ لاني عارفه اني تحت المراقبه فما حب اروح الا مع امي وخواتي وبس ... أماااا العرس الله يعينكـ تلبسين واحد غيره لان ممكن تلبسه وتحرجكـ قدام الناس ولا بعد يمكن يقولون انتي اللي مقلدتها .. الله يعينكـ ويسهل لكـ

 

[المرتاحة]

والله يـــا اختي انا ما أشوفها مشكله وعادي عندي اذا شفت وحدة لابسه مثلي بس مادري ليش الناس تتضايق وتتحسس والله مستغربه منكم

دام شاريه بفلوسها بدون ما تعييب او تضايقني عادي ليش أزعل

تيك ات ايزي ولبسي النفنوف وروحي العرس واذا صج انتي مو حابه قولي لها تلبس حق العرس شي ثاني بطريقة ذربه او اختاري لها بدله ثانية يعني سأعيدها علي الاختيار امبين عليها تثق بذوقج ليش تفسرين تقليدها لج غيره ، هونيها و تهون

 

[mona q8]

,


واااي و الله حاسه فيج كنت اعاني من وحده من العايله
كآنت بهالطريقه .. و المشكله تعيب على شكلي و ستايلي و بعدين
آنصدم انهآ تقلده .. :eh_s(14): صج شعور مآ يحس فيه الا الي مجربه :eh_s(11):


يمكن بعض البنات يشوفون انها مشكله عاديه أو اقل من عاديه !
بس فعلا اهيه مشكله عويصه .. خصوصا اذا كنتي تحبين هالبنت و مآ تبين
تزعلينهآ أو ترفعين ضغطها أو تزفينهآ :eh_s(2):


مآدري شقولج .. بس صج مآ تنلآمين اذا مآ لبستي النفنوف
اعتقد الي يسوون هالسوالف .. اشخاص مآ عندهم شخصيه .. أو عندهم خلل في الشخصيه
أو خلل بالثقه بالنفس ! انتي عآد حآولي كثر مآ تقدرين تبينين لها آنج متضايقه
من هالتقليد الآعمى .. و ثاني شي لا تراوينهآ اي شي تشترينه يديد
عشان مآ تروح تقلده و جدآمهآ لا تقولين بشتري الشي الفلاني آو بسوي الشي العلاني ..

و آلله يكون في عونج :eh_s(22):
لحقي اشتري نفنوف ثاني مآ بقى شي للعرس

والله انج حاسه فيني
بس أنا لما ما ابي الثوب مؤ يعني ما عندي شخصيه
أنا قصدي اعاندها اخليها تشتري النفوف وانا اشتري أحسن منه
عشان مره ثانيه ما تعيدها
لأني مليت من كثر ما أغير نفانيفي بسبتها

عندنا وعندك خير الله يفكنا ويغنينا عنهم

آمييييييين

هلآ حبيبتي ‘ الله يكون بالعون ويساعدك
عندي حلين * يا انك تكلمينها انها ماتلبس النفنوف بالعرس
وتقتنع ان شاءالله
* او تسوين نفسك اتكلمين رفيقتك بالتلفون وانك شريتي
نفنوف أحلى وبهذيك القيمه وموديله كذا
وهي طبعا تسمع ^_^

أآآمم وحاولي تكلمينها عن ثقتها بنفسها وبذوقها
يكون لها ستايلها الخاص ومو شرط انتي تكلمينها
اي شخص يموون


# وبس يا حلوه

ما ينفع حبيبتي لأني كلمتها وقلت لها في أشياء ماتصلح لها
لان أهي متينه
تدرين شقالتلي قالت: أنا ما عندي ثقه بنفسي
يعني اعترفتلي

الحل إنكـ مااعااد تتكلمين قدامها بشئ ولاعاد تورينها اغراضكـ .. وسطحي علاقتكـ معها عشان ماتسألكـ كثير تجبركـ تعلمينها باللي تشترينه ..أنا زوجة أخوي اذا راحت معنا السوق ماشتري شئ لاني عارفه اني تحت المراقبه فما حب اروح الا مع امي وخواتي وبس ... أماااا العرس الله يعينكـ تلبسين واحد غيره لان ممكن تلبسه وتحرجكـ قدام الناس ولا بعد يمكن يقولون انتي اللي مقلدتها .. الله يعينكـ ويسهل لكـ

والله قاعده أحاول كثر ما اقدر أني أتحاشى ها وما اقول لها عن اغراضي اليديده
بس ما ينفع ما ادري شلون تعرف

والله يـــا اختي انا ما أشوفها مشكله وعادي عندي اذا شفت وحدة لابسه مثلي بس مادري ليش الناس تتضايق وتتحسس والله مستغربه منكم

دام شاريه بفلوسها بدون ما تعييب او تضايقني عادي ليش أزعل

تيك ات ايزي ولبسي النفنوف وروحي العرس واذا صج انتي مو حابه قولي لها تلبس حق العرس شي ثاني بطريقة ذربه او اختاري لها بدله ثانية يعني سأعيدها علي الاختيار امبين عليها تثق بذوقج ليش تفسرين تقليدها لج غيره ، هونيها و تهون

حبيبتي أنا ما قلتها من عبط
أهي قالت بنفسها
كانت جارتنا عندنا وقالت أختي الصغيرة لامي : يمه أحبج
جان تقول لامي: خالتي أحبج
جان تقول جارتنا: انتي تغارين من الياهل؟
ردت وقالت أنا حتى من منى أغار<<قصدها أنا
واهيه بنفسها تقول أنا ما عندي ثقه بنفسي
يعني بالعربي انسان يقولج انه ما عنده ثقه بنفسه
ويغار منج
شنو تفسرين تقليده
(غيييييييره)

 

[شذى2007]

هههههههههه بصراحه تضحكني اللي جذيه انا بعرف شلون يفكرووون خلاص انتي اشتريتي شتبي تقلد ماتبي تصير مميزه

جد الله يعينج عليها

 

[MiSsY HottY]

الله يعينج على الملاقه

 

[دلوعة أبوهآ]

آلله يعينك عليهآ
بيني لها كثر ماتقدري انك متضايقه من تصرفاتهآ وغيرتهآ وتقليدها ..
احس هالفئه من الناس فيها مرض وانفصآم وماعندهم شخصيه اصلاً
فيقلدون اللي حولهم ويتقمصوآ شخصية الغير ..


اما موضوع الفستآن والله انا انقهرت شلون انتي عاد !!! آلله يعينك
حاولي تبيعي هذا وتشتري واحد ثآني ..

ومره ثانيه لاتتكلمي عن اي شي قدامهآ
ولاتوريها اي شي

 

[دلوله 111]

هههههههآآآآي
اللي صار لج صارلي
مثلا اليوم لبست دراعه بعد أسبوع لبسته لبست قصير بعد اسبوع لبسته
المفروض ماتورينها ولا تعطينها ويه ولا تكلمينها
والله يعينج

 

[oshi_q88]

لاتورينهآ آغرآضج ولاتخلينهآ تروح معك السسوق

 

[بيرلا ستور]

اقضوا حوائجكم بالكتمان
انا كنت مثلج صرت اييب بدون لا اتكلم ومشيت عكلام رسولنا عليه السلام
لحقي يبي واحد غيره والله المستعان
انا مااحب اللي يقلد لهالدرجة حلات الانسان يكون مميز بكل شي ويشوف اللي يناسبه
الله يهديها

 

[خالتي قموش]

مريت في هالحاله
والمشكله تعيب
والاقيها مقلدتني

الله يعين بس
هذه حدها عندها نقص

 

[شموخي اتعبهم]

نفس حالتج بس من قريبه لي ربي يعينج ويعني والله ناس مرضئ وانتي لاتخلينهاتدري عن اغراضج

 

[fatma A]

ترا عادي بالعكس لازم تفتخرين انها تقلد باشياء زينه يعني مثل تبي تكمل تعليمها وبعدين على سالفه الملابس يمكن من كثر ما تحبج تبي تقلدج بكل شي ترا هالشي عادي

 

[سعوديه ماسيه]

يا كرهي لتقليد السريع

 

[فتاة الإبتسامة]

مسكينه احس كسرت خاطري وبالعكس يوم كملت تعليمها احسها احسن شي قلدته فيج اصلا يمكن سويتي لها خير
وبعدين ترا كله لبس ماتسوا حقد بينكم علشان شي تافه انتي كلميها بهدوءوصراحه وشوفيها يمكن تحتاج احد يعلمها
ترا ماراح نطلع من هالدنيا بشي
والله يوفقج انشالله

 

[قَلبڪْ صًخرْ]

ويع. ويع

الله يعينج عليها تغث

ماكو حل الا تبيعينه وتدورين بديل قبل

 

[انونا]

تدرين والله كسرت خاطري جد ترا مسكينه ما تدري شتسوي ولا شتلبس تلاقينها شافتج ان ذوقج يهبل قالت البس مثلها

حمدوا ربكم يت على جذي والله في ناس يفرقون من غيرتهم بس شكلها على نياتها والله لو خبيثه جان ما قالتلج ماعندي ثقه

واذا كلش متضايقه من حركتها وديها على يوم السوق وانتي اختاريلها

واذا تبين تشترين شي لا تورينه لاحد ولا تتكلمين جدامها

وتبين الصج حركتج مو حلوه يوم قلتي لامج وماوريتيها المفروض يوم تكون بعيده بس موجدامها