مرت اخوي وغيرتها القاتله

[عيوني شقااقيه..]

ويييييييه عندنا و عندج خيير في وحده اعرفها كل ما شافتني تقول لي دلول شهالهلاقه وانا الحمد لله معروفه عند الكل باناقتي و هذي استغفر الله ذوقها ام الهلاقه تقولين سيلانيه مره كننا رايحين حفله استقبال و كنت لابسه بدله تهبل شحلاتها والاكسسوار عجيييب حييل حتى شكثر سألوني من وين ماخذته و بجم من وين الأكسسوار ما شاء الله يهبل عليج تفاجأت فيها تقول لي دلول انتي مخيطته عن اي خياط لووول قمت اضحك جان اقول لها حبيبتي هذا جاهز و قلت لها اسم المحل المهم الصدمه الكبرى و اللي مت ضحك منها بنت خالتي مصوره معاها بعرس نفس البدله و نفس الاكسسوار بس لون الأكسسوار غير غشييت مت ضحك و طبعا انا كل ما اشوفها اعطيها طااااف كالعاده بس انتي الله يعينج مره اخوج يعني 24 ساعه لازقه

 

[CSS_]

المشكله مو هني..

المشكله كلنا عرفنا النفنوف اللي تبينه ويمكن تلبسينه بالعرس.. يالله بنات خل نقلدها;Pp

 

[mona q8]

من كلامك عرفت انها ضعيفه شخصيتها ويعجبها ستايلك

انا اقول احسن من الخش والدس صادقيها وروحي معها للسوق وبنفسك اشتريلها
لان صعبه اعيش ببيتي كاني بسجن اتكلم بصوت واطي واسكر الباب كاني مسويه جريمه


لالا ياقلبي بتتعبين

وحرام هي واضح ماعندها سالفه واللي بقلبها على لسانها

اكسبيها وربي بتكسبين اجرها

واذا رحتي وشريتيلها بنفسك فستان للحفله ماتوقع بتقلد لان خلاص عندها فستان

وشي احسن من شي تقلد باللبس ولا اللي تجيك الذوق ميح وواثقه من نفسها وتفشلكم

انا اعرف ناس متضايقين من زوجة اخوه ذوقها منحط ودايم تفشلهم بمناسباتهم
وحاولوا يعدلون من ذوقها وعرضوا يساعدونها ويروحون معها للسوق
بس وربكم واحد تحس ان هي الكشخه وهم اللي مايعرفون بالذوق

حبيبتي مشكووره ع الرد
والله الشاهد علي أني قعدت معاها وعلمتها شنو يلوق عليها وشنو اللي ما يلوق
وشنو الموضات الدارجة
بس ترجع وتهيلق بعمرها

 

[mona q8]

ماحسها مشكله بالعكس .. اذا مابينكم ضغينه او مشاكل قبل ليش تتحسسين ؟
بالعكس وناسه تصادقينها يمكن تحب ذوقج وتحب ستايلج واخوج يمكن يقولها قلدي اختي وابيج نفس ستايلها !
حبيبتي صادقيها وروحو مع بعض وتغرضو واخذيلها من ذوقج صدقيني نيتها زينه البنيه بالعكس مخليتج قدوتها احلى شي عشان تحسبين حساب كل شي بشخصيتج ..

جربي الي قلتلج وبترتاحين حيل ..

موفقه

نفس الي قلته سبقتيني :d

حبيبتي تسلمين

 

[mona q8]

احسن حل:rerrerek:

مشكووره

ما اعتقد غيره لو غيرانه منج كان ما امدحتج وقالت لج ماعندي ثقه بنفسي بالعكس شكلها عاجبها لوكج وتحاول تقلدج عشان تصير مثلج من حسن نيه "

عاجبها على عيني وراسي بس انها تخرب علي بالعرس
هذا شي لا يطاق

ويييييييه عندنا و عندج خيير في وحده اعرفها كل ما شافتني تقول لي دلول شهالهلاقه وانا الحمد لله معروفه عند الكل باناقتي و هذي استغفر الله ذوقها ام الهلاقه تقولين سيلانيه مره كننا رايحين حفله استقبال و كنت لابسه بدله تهبل شحلاتها والاكسسوار عجيييب حييل حتى شكثر سألوني من وين ماخذته و بجم من وين الأكسسوار ما شاء الله يهبل عليج تفاجأت فيها تقول لي دلول انتي مخيطته عن اي خياط لووول قمت اضحك جان اقول لها حبيبتي هذا جاهز و قلت لها اسم المحل المهم الصدمه الكبرى و اللي مت ضحك منها بنت خالتي مصوره معاها بعرس نفس البدله و نفس الاكسسوار بس لون الأكسسوار غير غشييت مت ضحك و طبعا انا كل ما اشوفها اعطيها طااااف كالعاده بس انتي الله يعينج مره اخوج يعني 24 ساعه لازقه

الله يعينج ما احب هالنمونه

المشكله مو هني..

المشكله كلنا عرفنا النفنوف اللي تبينه ويمكن تلبسينه بالعرس.. يالله بنات خل نقلدها;pp

ههههههه الحين العرس خلص
عادي ههههه

 

[ماكواسم2]

الحين هذي مشكلة .. خلاص لا اتقولين شئ ولا اتورينها شئ والله احس انج انتي اللي تبين اتشهرين فيها انها اتقلدج ليكون احد في المنتدى يعرفكم

 

[الجذابـة2022]

والله عندي وعندج خير ...وانــا نفس حالتـــج

مع مرت اخــوي تغيــر منــي بشكــل مب طبيعــي اهي كلش ماتعرف تلبس بالمرة مثل مايقولون اهل الكويت

( هليقيــــة من قلب )

مرة كنت رايحـة مع امـي اسوي لي عبي وكانت معانا ,,, وسويت لي عبايتين وقامت سوت نفسي وياليت مسوية الالوان غير

الواحد يمكن يسكت المشكلة نفس الالوان .. ولما اروح مجمع وترز وجها معاج والله مااقدر اخذ لي اي شي لان تاخذ مثلي

ساعات مااقدر اشتري لي شي اضطر اروح مرة ثانية من دون ماتدري واخذ لي ,,,

وتهاوشت معاها ,, الصراحة لان انا مااحب احد يقلدنـي متعمد .. والحين لين اكشخ فالعيد او في اي مناسبة يجن جنونها

وكله تقول حق ريلها ليه اهي كله تكشخ وليه اهي تشوف نفسها ..بتموووت ..

بس ما ادري ليه يسون جي هل نقص شخصية هل حاله نفسية هل اهم تعمدين عشان ينرفزون الواحد او مافي ثقة ..

والصراحة حاسة فيج لاني مريت في هالشـي ,,,وحاليا مفتكة ومرتاحــة ....​

 

[نفـــائس]

لا تحجين شي جدامها ابد ابد

 

[روح رفيجآتي]

عاد قلنا تقليد بس مو جذي حتى بالعرس بتلبس نفسج
طيب حاولي تنزلين السوق لحالج وهي مو موجوده واشتري بالدس بدون ماتدري
علشان ما تقلد ياربي المفروض تشتري شيء على ذوقها مو تقلد ما احب احد يشتري نفسي بالضبط
الله يصبرج ويعينج عليها تقهر صراحه

 

[Sareeta]

انزين انتي ليش تفهمينها جذي يمكن واثقة من ذوقج وتحبج فتحب الي تشترينة و تشتري نفسة مو مشكله
بعدين الغيرةما تكون باللبس بس


علعموم الله يهدي النفوس و يعطي الكل على قد نيته

 

[قوس قزح]

الله يعينج وبعدين لا تورينها شغلج

 

[mona q8]

الحين هذي مشكلة .. خلاص لا اتقولين شئ ولا اتورينها شئ والله احس انج انتي اللي تبين اتشهرين فيها انها اتقلدج ليكون احد في المنتدى يعرفكم

اولا أنا إنسانه محترمه وماني مريضه نفسيا عشان اسوي الحركات اللي قلتي عنها
ثانيا عشان تعرفين شخصيتي لازم تدخلني ع ملفي الشخصي وتشوفين مواضيعي وردودي
وتعرفين شخصيتي مؤ تحكمون من موضوع واحد
ولعلمج مافي اي وحده اعرفها معرفه شخصيه بهالمنتدى
مع ان مشاكلها وايد معاي
والمنتدى أنا احبه واثق فيه بس ولا مره شكيت منها
بس هالمره كنت متضايقه
وخاصة انها ضغطتني وايد
بس عالعموم مشكوره انج عبرتيني ودخلتي

 

[mona q8]

لا تحجين شي جدامها ابد ابد

عاد قلنا تقليد بس مو جذي حتى بالعرس بتلبس نفسج
طيب حاولي تنزلين السوق لحالج وهي مو موجوده واشتري بالدس بدون ماتدري
علشان ما تقلد ياربي المفروض تشتري شيء على ذوقها مو تقلد ما احب احد يشتري نفسي بالضبط
الله يصبرج ويعينج عليها تقهر صراحه

انزين انتي ليش تفهمينها جذي يمكن واثقة من ذوقج وتحبج فتحب الي تشترينة و تشتري نفسة مو مشكله
بعدين الغيرةما تكون باللبس بس


علعموم الله يهدي النفوس و يعطي الكل على قد نيته

الله يعينج وبعدين لا تورينها شغلج

مشكوووورين حبايبي ع الردود الحلوه

 

[mona q8]

والله عندي وعندج خير ...وانــا نفس حالتـــج

مع مرت اخــوي تغيــر منــي بشكــل مب طبيعــي اهي كلش ماتعرف تلبس بالمرة مثل مايقولون اهل الكويت

( هليقيــــة من قلب )

مرة كنت رايحـة مع امـي اسوي لي عبي وكانت معانا ,,, وسويت لي عبايتين وقامت سوت نفسي وياليت مسوية الالوان غير

الواحد يمكن يسكت المشكلة نفس الالوان .. ولما اروح مجمع وترز وجها معاج والله مااقدر اخذ لي اي شي لان تاخذ مثلي

ساعات مااقدر اشتري لي شي اضطر اروح مرة ثانية من دون ماتدري واخذ لي ,,,

وتهاوشت معاها ,, الصراحة لان انا مااحب احد يقلدنـي متعمد .. والحين لين اكشخ فالعيد او في اي مناسبة يجن جنونها

وكله تقول حق ريلها ليه اهي كله تكشخ وليه اهي تشوف نفسها ..بتموووت ..

بس ما ادري ليه يسون جي هل نقص شخصية هل حاله نفسية هل اهم تعمدين عشان ينرفزون الواحد او مافي ثقة ..

والصراحة حاسة فيج لاني مريت في هالشـي ,,,وحاليا مفتكة ومرتاحــة ....​

الله يعينج حاسه فيج

 

[PuPa^^SWeeT]

الله يهدييها ان شالله


عاد عرس



مو حلوة هالحركة




؟؟؟

 

[*مطبخ الذواقة*]

وااااااااي الله يعينك









حااااسه فيج




وماراح ترتاحون الا اذا طلعت هى واخوج وسكنوا بروح هم

 

[كتكوته نورة]

صج مشكله

عندج وعندي خير ... بنات صج شسالفه !! لا أنا مرت أخوي بشكل فظيع وبعدين في طبع خلاني انفر منها

إذا شافتني مرتاحا وسعيده لازم لازم تدور على شئ يضايقني

انتي بس ملابس !! واااي أنا حتا بكريماتي تسألني شنو تستخدمين وأنا أقول وعقب فتره تقولي خوش كريمات


شئ فظيع...

انتي أحسن شئ لا تتكلمين جدامها وإذا شريتي شئ لا تورينه

 

[برنسس كاتي]

والله عندي مشكله نفس مشكلتج
قريبتي نفس الشي بكلللللللل شي تقلدني بشكل مو طبيعي
لدرجة حتى رفيجاتي تعرفهم !!!! تقريبا كلهم
يعني مثلا مره سويت عباية ولبستها مدة طوييله
بعد فتره اشوفها مسويه عباية نفسسسسسسسس الشي !!!
لا ومره طلعت وياها وكانت لابسة نفس عباتي +_+
وبعد كان فيه عرس ناس يقربون لنا
وشرحت لها موديل ولون فوستاني وقلت لها ايه شنو بتلبسين قالت مو مقررة
ولمن اروح العرسسسسس !!
شفتها لاابسة نفسسسسس الووون ونفسسس المووديل
لدرجة لمن سلمت عليها اختي من بعيد تحسب انه لابسين نفس الفستان
يعني ما ادري ليش !!

الحل اني ماا صرت اقول لهاا ولاا شي
وحذفتها من جوال -_-
والله اني من صرت قريبه منها وانا ما ادري شفيني
أحس بكئاابة وأشياء وايد تنكد علي
بس احسها عينها علي وتبي تقلدني

بس الحين
ولا صرت افتح فمي بكلمة عندها
والله وارتحت الحييييين بشكل موووو طبيعيييييييي
كأنه احد كب علي ماي بارد برررد قلبي

هذا الحل شتسويين ولا تقولين ولا شي عندها
وكل شي عندج ما ادري ولا قررت شبلبس
والله يفكج منها

والله شي يحرررررر خصوصا لو انج تعبانة على الشي ومدوورته دوااره

 

[سلطة]

عندنا وعندج خير أنا وايد وايد مقهورة من هذا الشي وما لاقيه له حل بس أختي تقولي إذا شريتي شي أو سويتي شي سكتي ولا تعلقين ولا تتكلمين عنه عشان ما تلفتين انتباههم الظاهر إن هذا هو الحل