مرت حماي يحبونها وانا لا ..!! انا محتره ..

[الـــدفـــشـــة]

والله صح كلامج

وانا آآخر همي الناس حبوها ماحبوها حبوني ماحبوني
براحتهم اهم شي عندي زوجي وبيتي وانا من زمان ماشيه على هالمقوله ((طنش تعش تنتعش))
وعايشه مرتاحه ومريحه راسي

 

[الـــدفـــشـــة]

اي صج ليلحين ماعندي مرت حما بس ان شاءالله قريب بيصير عندي مرت حما

وان شاءالله نكون مثل الخوات واكثر لانه الواحد شنو يبي من هالدنيا غير انه يعيش مرتاح

 

[اميرة زوجي]

انا برايي ان الزوج هو اللي بيفرض احترام زوجته على اهله من خلال انو يحترمها و يقدرها و الكل يكون عارف اهميتها عندو بالتالي اهل الزوج بيعملولها حساب و بيحترموها ويقدروها حتى لو ما حبوها ...
واللي تشتكي من ان حمولتها ما يحترموها اكيد زوجها هوالسبب وما فرض احترامها من البداية

 

[عيون ملكيه]

ما دري انا حمواتي عسل معاي
و عندي مرت حما بس اهي تقول انا احب اخلي نظامي رسمي

و انا لأني بوسط البيت اكون معاهم يوم الاثنين و الجمعه لا اروح لبيت ابوي

أني تقريبا كل يوم اشوفهم بس الزواره اقعد معاهم الاثنين كلهم يكونون متجمعات

اما زوارة الجمعه يكونون موجودين مع رياييلهم وبعد الصلاة يتغدون جميييع
و انا ما ابي اكوون لازقه فيهم بعد بياخذون راحتهم الناس

انا احس ان كل وحده ترسم علاقتها مع الاخرين بالطريقه اللي تريحها


يعني اذا انتي تبين حمواتج يحبونج راح يحبونج لذاتج مو تقليدا لمرت حماج الثانيه !


خووووش موضوووع

 

[Ice Princess]

معاج بكل اللي قلتيه

اهل الريل ما يحبونج ولا يواطنونج مع ان مو مسويت لهم شي .....سوري بنات بالطقاق مو مهم

who care's

بس ما ااذي مرت حماي حرام والله شذنبها ..؟!؟!

اساسا ليش تضرينها شسوت

اهل ريلج اللي يضرونج ما سوتي لهم شي
اللحين تضرين هالمسكينه اللي مالها شغل بالموضوع

لا لازم الوحده تكبر عقلها ودااااااااايما اقولها حق الكل
خلي لج خط رجعه لا تتهورين وتتهاوشين مع الكل

 

[شادن33]

حبيبتى كل فاضية تسوي جذي ولا أنا شلي بمرت حماي حبوها ولا لاء استغفر الله ما احب هالنوعية

 

[PuPa^^SWeeT]

ههههههههههههههههههههه
فشنغووو اتخرعين



حدج معصبة



اذا مرت الحما ما يت صووبي اكييد مالها ذنب ( ماعندي مرت حما ليلحيين )


بس شتسويين بعد الحريم يبون كل شي لهم


يعني تبي اتكون علاقتها سطحية ويا حمولتها و بنفس الوقت انه حمولتها يرزونها على حساب اللي اتبسط وياهم



شنسوي بعد

 

[كشموووشه]

المحبه من الله سبحانه يعني اذا على المحبه يحسدون بعض فالله المعين​

 

[نفـــائس]

بعد ما جربت بجرب قريب

 

[FeShinGoOo]

اشكر كل وحده شاركت بموضوعي والله يهدي هالفئه يارب ترى الحسد والله يسود القلب ..

بالعكس تمنى الخير وصفي قلبج صدقيني ربي يرفع مكانتج ويحبب الناس فيج مثلها بس بتقعدين حسوده وحاقده على ماميش

انتي الي بتتعبين ..

 

[غلا التركي]

يووووووووووووووو

الحال من بعضه ....

انا يدورن رضاها وهي مطنشتهم وتبي فرقااااااااااااااهم
وانا اللي احترمهم واقدر واجيهم معطيني طااااااااااااااااااااااااااااااااااااااااااااااااااااااااااااااااااف


حسبي الله عليهممممممممممممممممممممممممممممممممممممممممممممممممممممممممممم

 

[تذكر خافقي رمحك]

صج ان المحبة من الله
بس ترا والله شي يحز بالخاطر
والمفروض اقل شي يسوونه الحمولة
ان مايفرقون بينهم

 

[كراميلا مرة]

ايي اهو معاك حق من جانب انها ليش تكره مرت حماها مو ذنبها انهم يحبونها
بس من جهه القهر انهم ليش يفضلون بعض الاحيان تصير الوحده محترمه معاهم وتخدمهم وتداريهم
وفي النهاية يفضلون اللي ماتعطيهم جه ولا احترام
وهذا قهر

للعلم ترى انا مو متزوجه
بس هذا وجهة نظري

 

[FeShinGoOo]

ادري ان شي يحر ويقهر بنات انا ماقول ان الحموات مايبطون الجبد بهالحركه بس الي ابي اوضحه

مرة الحما شنو ذنبها ؟؟

اوكي القهر من الحموات اهم الي مو مساوين مابينكم بس اول وتالي مرت الحما مالها علاقه بالي في قلوبهم


صح ولا لا ؟؟

طبعا ما تكلم عن مرت الحما النسره اتكلم عن الي كافيه خيرها من شرها ومالها شغل فيج ولا تتكلم عنج لا بالخير ولا بالشر

 

[دلوعة حمني]

شوفي حبيبتي ... ماكو احد ا يتهاوش كلنا نفسياتنا متقلبة
بس احيانا ظرف معين يحدج انج تردين على حماتج و خصوصا لما تتمادى
بالنسبة لي انا احترم حالي بالمقام الأول و احترم زوجي و ما ارد ...

 

[FeShinGoOo]

^^

هلا والله دلوعه حبيبتي انا ما اتكلم عن الهواش ويا الحموات

 

[ام شيخوه]

تلاقينهم لايحبونها ولا شي بس يجاكرون المسكينة وعلى العموم معاج حق مرت حماها مالها ذنب بالسالفة

 

[ريمي اميري]

انا معاك بالراي ,, ميه بالميه ,
عادتا تكون هذي الي تشتكي انسانه سلبيه مو شايفه عيوبها غيوره وتقارن حياتها بحياة الاخرين !!
يختي لو ركزت على الاحترام وترك النااس بحالهم والاهتمام بحياتهاااااا افضل لهااااا ,, وبعدين خيررررررررررر ياطيرررررررررر لا يحبون
عساهم سالمين الغلا من الله ليش تصب غضبها على بنت النااااس . من جد اضم صوتي لك وادعي الله يهدي كل وحده
من هالعاده الشينه