مرت عليج هالنوعية من الناس ...؟ ( للنقاش الجاد جدا )

[منبع عبط^_^]

تقريبااااا مرت يعني بنفس الموقف بس ماقولتني شي لا تفسر كلامي ع كيفها وتطلعني بصوره مو حلوه بالبدايه كنت اعصب تالي قمت اطنش واكتشفت اني لمن طنشتها وخليتها تفهم ع كيفها اني حطيت حد للسالفه وماقام يوصلني تفسير غلط ع كلامي لوول

 

[سمو]

اللهم صل علي محمد وال محمد

شكرا لصاحبه الموضوع ....:rerrerek:

لماذا و نحن مسلمون تعتري المسلم هذه الاخلاقيات و هذه القيم و هذه التصرفات وهذه المشاعر ؟؟

من التصرفات اللتي نراها واضحه بالمنتدي ...هو حقد البعض علي مذهب غير مذهبهم ...وعلي اشخاص من ذاك المذهب ...في مواضيع شتي حتي مواضيع الانتخابات ...احيانا اتسائل ... هل هذه تصرفات مسلمه تربت علي يد والدين صالحين ... اتخذت من القذف والسب والشتم اسلوب لها في الرد او المشاركه بالمواضيع المختلفه ..ليس من الدين شيئآ ... الم تفكر ان الله لن يسمع دعاءها بسبب اثاره الفتنه والخلاف بين المسلمين ؟!!

 

[PuPa^^SWeeT]

سموو يا قلبي


ادري بحرتج

والمفروض احنا دين واحد


و نوحد صفووفنا



بس الله يهدي الجميع

 

[Unusual]

هالنوووعية من الناس التفسير الوحيد لتصرفاتهم هو الحقد والغييرة والحسد اللي عامي ع قلوبهم ..

 

[طموح لايتوقف]

كثرة أعداك دليل على نجاحك ( والنجااح في جميع المستويات قد يكون شخصي ،مهني ،أجتمااعي ألخ

 

[PuPa^^SWeeT]

^^^^


تدرين كلمتج خلتني افطن لامور انا مو دارية عنها


فعلا لما يكثر الاعداء معناه النجاح بازدهار


مشكووورة باقلبي

 

[نور مغليها]

مافي إنسان كآمل هذا اول شي ..
ثآني شي ان احنا بمجتمع يحب الانتقآد بكل شششيء !
لاحظت ان الي النآس الي عايشيين معاهم سواء بالدوآم َ أو بـ بمحيط الاهل في اشياء نسويها تكون عاجبتنآ بس ما تعجبهم فـ يلجئون للإنتقآد .. واحيآنآ ينقدون بسخرريه فـ نحس انهم غيرآنيين أو مثل مانقول بلهجتنآ (( مو حآصله لج عشان جذي تنتقدين ))
​

 

[PuPa^^SWeeT]

الحل الوحييد اهو اللي انا اشوفه

خلال هالفصل الدراسي اللطيف


راح اسفههم ولا راح اعطيهم كلمة خلاص


و بس


للاسف الشدييد انه اخلاق الناس تهبط لهذا الدرك


بس شنقول و شنخلي يا ناس

يعني احنا محيط عمل واحد ولنا نفس الهدف ماله داعي حركات الابتدائي

اليوم سياسة التطنيش بدت تعطي مفعولها

مو قادرين يقعدون كله بس يكلموني


ويشوفون ويتحرشون


انا وايد مستغربة

بس


عش رجبا ترا عجبا

 

[nany_82]

تسلمين على الموضوع الرائع
والله انا اعاني من هالمشكله و تحديدا بالدوام
لوعو جبدي بس ما اقول الا حسبي الله و نعم الوكيل
و فعلا هذا مرض

 

[PuPa^^SWeeT]

^^^
ايي والله

كل شي ممكن اتحمله

الا مشاكل الدوام


اكون على اعصابي

 

[زوجي توأم روحي]

وايد مروا على من هالنوعية

والعلاج

أكبر طااف

القافلة تسير والكلاب تنبح

وان طعنت من الخلف فاعلم انك بالمقدمة

ولا ترمى بالحجارة الا الشجرة المثمرة

 

[كيكه توفي]

يا كثرهم حقري طنشي بعد شتسوين (اغلق آذانك فلست مصرح لإغلاق أفواه الآخرين)

 

[PuPa^^SWeeT]

امس وانا بنام

طبعي اجيك عالوتس اب ساعات عالستاتوس


يعني استانس على سوالف البنات


ولا اشوفها حاطة توبك

اشكرة عنيي

انصدمت
اليوم ييت الدوام مبتسمة

اقولها فلااانة توبكج عجييييييييييييييييييييييييييييييييب



بحطه عندي ببوقه عادي


قالتلي اول شي تضحك عادي


بعدين لما شافتني حطيته قالتلي بوبا من صجج عاجبج ؟؟؟؟

قلتلها ايي عاجبني


وايدد



انصفق ويهااا

 

[بخـــارى]

هالنوعيه
فيهم غيره وحسد
علاجهم ترقين نفسج
وتدعيلهم بالهدايه

 

[scorpiona91]

احلا طاف و الله يعينج

 

[فرولااااا]

والله اناااا عن نفسيييي يعني اتوقع كل مجتمع تلقيييييييييييييين فيه هالنوعيه وسراحه واجد حتى لو ماتبينلج شي تلقينها باين من النظرات

 

[* بنت المطر *]

والله انج جيتي ع الجرح يافديتج والله

مصيبه لم يكون الحاقد من قرايبك او من لحمك ودمك تحاولين تطوفين تغاضين ماكو فايده !!

انا عندي وحده بالعايله مع الاسف من هالنوع كارهتني وحاقده علي من غير اي سبب !! مع اني زينه وياها ولي مواقف

وياها ماتنسي بس ماكو فايده الحقير حقير حشاكم

وهمن مره كنا متجمعين بمخيم العايله وزوجة واحد من جماعتنا كنت اول مره اشوفها وقعدت وياها وقعدنا نسولف واطلعلها

من هالمكسرات والبسكوت وافوم اسوي الجاي وسوالف وضحك فجاه جان تسال منو جايب المطبخ والمواعين والغاز قتلها

انا وزوجها قام يمدحني والله حسيت انها شبت وتوقعت من نظراتها وتصرفاتها عقب انها احقدت وغارت وفعلا عقب ماردينا

قامت تحش فيني عند زوجها وتقولني كلام ماقلته وتحررف بكلامي لاوتدق على اهلي بعد تشيشهم علي حسبي الله ونعم

الوكيل على كل حاقد وظالم طبعا انا طبعي مااسكت ازف وادقر وابين الغلط واللي يخلينا نطيح بمثل هالناس اننا نكون على

نياتنا وماندري مع الاسف عن نوايا الناس

ومشكوره ع الموضوع خلاني افضفض شوي لوول

 

[a7la_7b]

مروووووو علي شكثر بس هالنوعيه انا اسحب عليها واتجنبها واعطيها اكبر طااااااف
لأنهم مصابين بالمرض وهو مرض الحقد والغيره والحسد والنفاق

الله كريم

 

[a7la_7b]

ومراااات ادعيلهم بالهدايه وان الله يفكني من شرهم

 

[ام حسين 80]

ناس مريضة اللي تسوي جذي
يبيلها علاج نفسي