مرت من جنبي وقالت .....

[شونغ هونغ]

انا يبنات مامدح نفسي والله الكل منهبل علي وكلن يمدح باخلاقي وخجلي وادبي وانا يمكن ثقتي بنفسي مو قووويه اليوم وانا واقفه عند المكتبه حقه الكليه بشتري ملخص الا وحده صراحه اعرفها بس لااحبها ولا تحبني هي شكلها قصييره جداا وسمينه وفرحانه ومنغره بسمنتهاا حمدالله والشكر >>وانا يعني بشرتي بيضاء وشقراء>>>معليش قاعده اوصف
المهوم لما مرت من جنبي قالت اعوذ بالله تحسب اني ماسمعتها والله انقهرت وماحليت باختباري مو عشان كلمتهااا الا عشان ليش كل هالبغضاء ليه هي وشلتها مايدانوني .....حسبي الله ونعم الوكيل

 

[Tom ♥ Jerry]

.



اول شي انتي حلوة و اهيه جيكره ما يعطيج الحق انه تتكلمين عنها بهالطريقه !
ثاني شي .. انتي ما عندج ثقه بنفسج حبيبتي .،
كلمه وحده تاثر فيييج هالتاثير السلبي الكبير !! تعلمي الثقه بالنفس

 

[عويتقة]

الله يهدي الجميع

 

[جنون العاطفه]

الله يهديج ​

 

[قموووره]

الله الهادي​

 

[_zahra]

اهمممممممممممممم
المشكلة ما تستدعي انج تكتبين عنها بالمنتدي بصراحة واهم شي تعززين ثقتج بنفسج دام تقولين ان هالمواصفات فيج.

 

[شونغ هونغ]

انا حساسه وايد

 

[فهده المطيري]

القافله تسير والكلاب تنبح =) !

 

[bobo lover]

سوي نفسج ما سمعتي واذا تمادت اكليها بلسانج
انتي ما عندج ثقة، حلوة وجميلة على وصفج وهالكلمة اثرت فيج؟ عيل شلون لو كنتي جيكرة؟؟

تعوذي من ابليس وترا عادي في ناس ما يحبون اللي احسن منهم وياااا كثرهم

 

[شباصـه فرنسيــه]

طنشششي

 

[(حكاية قلب )]

الله يسامحها​

 

[البارونـه]

ليش هالسطحيه؟
وشدخل شكلج بالموضوع؟
ترا ملينا كل وحده عندها مشكله قالت انا شقره وحلوه وطويله وجسمي حلو
اوكي وبعدين؟ شنو المطلوب منا؟ نمدحج ونسبها؟ونقولج اكيد غيرانه منج؟
هي صح ممكن غلطت بس انتي اغتبتيها وذنبج اكبر
ويمكن هي من الداخل وايد انظف منج ومتواضعه ،،مو معناته اذا كنتي سطحيه فـ كل الناس مثلج؟
يمكن هي مايهمها الشكل ولا غيرانه منج ،، بس لانج مو واثقه بنفسج حطيتي مقارانات بشي حلو فيج
صفي النيه ولا تظنين انها غيرانه،،يمكن هي ماتحبج ولسانها طويل بس ترا عادي اتيج ملكه جمال وتتصرف نفسها
الشكل مو مقياس

 

[طعنـــة غـــدر]

يبيلج ثقه بنفسج كااه انتي تقولين عنهاا جذيه وحرتج
وكلام الناس طاااف خليه اخر همج ويمكن ماتقصد خل الواحد يصير عندة حسن نية

 

[زهرة دلقينيوم]

لاترمى بالحجر الا الشجرة المثمرة
ماعليج منها بس يبيلج ثقه بالنفس مو تكبر لا ثقه يمكن شافتج حلوه قالت هاذي متكبره ماتدرين يمكن عشان جذي قطت الكلمه

 

[khawla&tito]

انا عارفه انج محتره من تصرفها والسبب اللي خلاج ماتحلين بالاختبار ونزلتي هالموضوع ووصفتيها وقارنتيها مع نفسج لانج مارديتي عليها وطنشتيها السكوت مع هذي المواقف هو الي سبب لج الي سويتيه لو بس وقفتيها عند حدها باسلوب معين ماصار فيج الحره هذي ونسيتي السالفه خلاص ولاعاد تتجرأ تسويها مره ثانيه (=

 

[khawla&tito]

انا اقول لج عن تجربه وحاسه فيج اول كنت اسكت واقعد فيني حره اسبوع واقعد اسب وادعي واتشكى ههههه بس خلاص غيرت طريقتي مع هالاشكال لانها ماتعرف الذوق والاحترام صرت اوقفهم عند حدهم والله انسى الموضوع خلاص ولااقعد محتره وافكر بالموقف مره ثانيه لاني طلعت الحره اللي سببوها لي عليهم

 

[LiL LiLeY]

عطيها احلا طاااااااااف دام انج ما تحبينها خلاص مالج شغل فيها ولا في كلامها اعتبريها كاسكو قاعد يتكلم

يعني اهي جيكرة و انتي حلوه ليش تتأثرين من كلامها مادري ...

الله يهديج بس

 

[om MaRyooM]

هههههههه والله سوري ماظحكني شي الا كلمتج (الكل منهبل علي) !!!

حبيبتي ردي عليج وبكل صراحة .. انتي الظاهر مو ماعندج ثقة بنفسج نفس ماتقولين .. الا مغترة بنفسج !!!!!
الله يهديها ويهديج



واذا اهي قالتلج اعوذ بالله ردي عليها قوليلها من الشيطااااااااااان الرجيييييييييم



عادي بتعيشين وتشوفين اشكاال الوااان من البشر

 

[شونغ هونغ]

هههههههه والله سوري ماظحكني شي الا كلمتج (الكل منهبل علي) !!!

حبيبتي ردي عليج وبكل صراحة .. انتي الظاهر مو ماعندج ثقة بنفسج نفس ماتقولين .. الا مغترة بنفسج !!!!!
الله يهديها ويهديج



واذا اهي قالتلج اعوذ بالله ردي عليها قوليلها من الشيطااااااااااان الرجيييييييييم



عادي بتعيشين وتشوفين اشكاال الوااان من البشر

اعجبني ردك لا حبيتي مو مغروره وثقتي بنفسي ضعيفه واما من ناحيه مالي الناس هم الي يقولون والله اخرهمي الجمال بس ليت ربي يفكني من هالاشكال

 

[شونغ هونغ]

بنات اشكركم على الردود