^*^*'~~مرجع باسماء محلات الbaby بيبي والاطفال بدبي المميزة

[ليمون ونعناع]

الله يعافيج
حياج الله

 

[ليمون ونعناع]

نكمل

مردف سيتي سنتر


المجمع في منطقه مردف

هذي لسته باسماآ محلات الاطفال بالدور الارضي. والاول

وهذا اول محل زرته. كاندي لايت

لقيت عنده شغلات حلوة لاستقبال البيبي بالمستشفى توزيعات احنا نسميها رووووووعه

غير الحلويات والكاكاوات

هذي بعض الصور

كوكيز
للاولاد

للبنات

هذا كاكاو ينفع لتوزيعات الاولاد لان لونه ازرق

هذي كانت مقتطفات

صور بعض المحلات

جمبوري

بامكن باتش و تاب اوليل

اوكايدي وماتيرنتي ديستنيشن سابقا مذرهود

Bhs kids

كارترز

هذي صورة نيو كولكشن للصيف

وهذي صورة لمحل ماتبرنتي دستينشن حدهم كيوت

وخلصنا من تقريري لمردف سيتي سنتر الكبييير ماشالله

قاعدة انزل الصور من الايفون وتعبت بس يستاهلون حبايبي بمنتدى كويتيات

ومانبي غير دعوة حلوة

وانتظروني وشجعوني للمحطه القادمه






دبي مول انشالله

 

[ليمون ونعناع]

سقط سهوا

فيه محل الشخصيه المعروفه هيلو كيتي بمجمع مردف سيتي سنتر

 

[شيماء99]

هلا حبيبتي ليمون ونعناع توني أشوف الموضوع
مرحبا بج في الامارات بلدكم الثاني و نورتوها
وزين إنج جيتي في هالوقت لأنه موسم تنزيلات في المهرجان وفعلا التنزيلات ملموسه
وفي دبي مول نفس باجي المولات الكبيرة محلات البيبي والأطفال في الدور الثاني و جنب بعض و ماركات واايد وبعض أفرع المحلات بظاعتهم أحلى من مولات ثانية
و إن شاء الله تقضين أوقات حلوة وتستانسين إنتي والعايلة
وبالعافية على ولدج
و لاتنسين تزورين القرية العالمية بس لبسي ولدج زين وغطيه عن البرد و أفضل تروحون أول ماتفتح لأنه بالليل يزيد البرد خاصة هاليومين
وبالتوفيق

 

[ليمون ونعناع]

ياهلا فيج
شيماء

وصحيح دبي مول ماشالله كبير وتقريبا شامل كل المحلات الي زرتها وبضاعتهم اكثر

بسسسس مافيه كارترز معشوووووقيييييي

يلا نطروا بنزل عن دبي مول

شجعوني وادعولي
يارب يجدد سفر صاحبه الموضوع و تحط لنا تقارير اكثر واكثر و يحفظ وليدها يارب

 

[ايطاليه]

يعطييج العافيه عالتقرير الحلو

حبيبتي انا بروح ليلتين ان شالله اول ليله دبي مول والقريه العالميه والليله الثانيه بطلع الصبح مبجر لانه طيارتي العصر

وكنت ناويه اروح مول الامارت شنو تنصحيني اروحله ولا اروح مردف سيتي سنتر ؟؟ يعني شنو احلي حق ملابس الياهال؟؟

وشكرا

 

[ليمون ونعناع]

ايطاليه وين راح تسكنين بأي منطقه

شوفي دبي مول فيها زيادة عن باقي المولات اكواريوم وشلالات و نافورة راقصه ماكو منها الا ثنتين وحدة بدبي ووحدة بلوس انجلوس وتبدي عروضهم ساعه ٦مساء وفيها محلات من كل الاصناف وماركات عالميه و محللت مثل الافنيوز والاجانب فيه وايد
وامارات مول فيه سكي دبي مدينه ثلجيه روعه و محلات طبعا كثيييرة ووايد فيه الاجانب

مردف سيتي سنتر اكثر شي فيه المواطنين فديتهم
بس عيبه بعيد اذا بنتروحين بالتاكسي يطلع غالي الاحسن تروحين بالمترو بعدين تاخذين تاكسيي بعشرة درهم للسنتر ولازم تطلعين مبجر عشان تحصلين تاكسي للردة لان المكان بعيد ويمكن ماتحصلين تاكسي واذا حصلتي تنطرين وايد

دبي مول واما ات مول روحي لهم بالمترو لان محطاتهم قريبه من بعض تقريبا والطريج بالمترو بينهم. ماياخذ حتى خمس دقايق شوفي الخريطة مالت المترو بحطها لعيونج

يعني انصحج لاتروحين مردف سيتي سنتر لان الطريج بياخذ وقت ونفس المحلات موجودة بامارات مول الي اهو قريب ودبي مول الي على نفس الخط خصوصا ان وقتج ضيج بس ليلتين
ولكن اذا بتروحين للمردف سياي سمتر فهو روعه وجديد وكبييير وفيه مطاعم كثيرة وفيه محل الحلويات ماشفته في مول ثاني

 

[ليمون ونعناع]

دبي مول اقل شي يبيلج اربع ساعات

وامارات مول نفس الشي

القريه العالميه ماشفتها ولكنها كبييرة جدا

وفيه ملاحظه
شي حلو ان يوم الجمعه المترو ما يفتح الا الساعه ١ظهرا تقديرا لصلاه الجمعه

 

[ايطاليه]

حبيبتي مشكوووورة عالرد ماقصرتي

انا اختي حاجزتلي جراند بيل فيو للشقق الفندقيه فمادري اي منطقه بس تقول فريب من مول الامارات

بس انتي اللي معبرتني لووول حبيبتي ماتعرفين المطاعم اللي بجميرا وووك متى تصكر لاني اول ليله اوصل بالليل ومايمديني الا اني اتعشى

او مكان في مطعم 24 ساعه نفس مركز سلطان عتدنا شلون يفتح 24 ساعه وفي مطعم ..؟؟

 

[ليمون ونعناع]

حاضر بسألج الرسبشن ولا يهمج

شوفي هذا اللنك فيه معلومات عن فندقكم

http://www.booking.com/hotel/ae/grand-belle-vue-apartment-dubai.ar.html
القريب من مول الامارات يصبر في منطقه اسمها البرشا
فندقكماذا قريب من محطه المترو اسمها مدينه دبي للاعلام بعدها في محطه ايمها شرف دي جي بعدها مول الامارات على طول

انا احب افيد بالي اقدر عليه والله يهنيكم ويسهل سفركم

 

[(لولوه)]

حلو موضوعج والاحلى تقريرج وصورج
يعطيج العافيه موفقه يا رب

 

[ايطاليه]

بعدعمري صج صج ماقصرتي بميزان اعمالج ان شاالله وايد ساعدتيني

 

[ليمون ونعناع]

ايطاليه حياج الله

يسكرون المطاعم ساعه١١ واسم المكان مارينا ووك
ماادري اذا فيه مكان ثاني اسمه جميرا ووك

فيه سوق اسمه اسواق جميرا وايد راقي وتصميم صاير طابع القديم ومحلاتهم مثل سوق البحار بدبي مول تراثيه وغاليه اسعاره ماادري اي واحد تقصدين
وطبعا فيه كافيهات ومطاعم وانا هناك كان فيه كذا قروب سياحي من الاجانب
هذي صور من اسواق جميرا لعيونج

 

[ليمون ونعناع]

هذا من اسواق جميرا

شورت رجالي ونفسه للبيبي والسعر للكبير٩٥٠درهم والصغيرمااذكر بالضبط جم بس جنه كان٥٠٠

 

[ليمون ونعناع]

لولوة
الله يعافيج ماقصرتي مشكورة

 

[ايطاليه]

مشكورة حبيبتي

 

[ترف بابا]

صراحه قليل كلمة روعه ع الموضوع

حبيبتي ليمون احب التقارير الدقيقة جذي (spesific)

مشكوورة

 

[ترف بابا]

وهذا اب اب اب لعيووونج

 

[ليمون ونعناع]

سامحوني على التأخير
بس لان كان رحمه السفر ورديت من السفر لازم افرغ الجنط وارتب البيت

والحين انا باك وبحط لكم الصور

 

[ليمون ونعناع]

دبي مول

هذا الشلال بدبي مول مشهور كبير بارتفاعه

وهذا دبي مول من بره

الحلو والمميز فيه عن بقيه المولات الاكثر من روعه ان دبي مول مخصصين لكل فئه طابق او قسم خاص فيهم والاطفال والبيبيات لهم الطابق الثاني فديتهم

وهذي لسته بأسماء المحلات بالطابق الثاني
وايضا موجود بيبي جاب baby Gap بجانب الاكواريوم بالطابق الارضي

http://www.thedubaimall.com/en/general/shopcategory?filterTermId=166&type=1&viewmode=list

اول شي محل هيلوكيتي
وايد حلو للكبار والصغار

فلاشات و اكسسوارات للاب توب والكمبيوتر وغيره

الكولكشن اليديد

خلصنا مو هيلو كيتي
نكمل