مرجع و تجمع محبات الكروشيه ( متجدد )

[يوآش يوآش]

مشكوره : )

 

[دلوعه 90]

عفيه حبيباتي أبي أبي الكروشيه الي يكون حجمها كبير شوي ..

كل ماأروح عند الكلف الي بالجمعيه ماأحصل ..

عفيه وين ألاقيهم؟؟؟؟؟؟؟؟؟؟؟؟؟؟ :eh_s(22):

 

[*أم*خالد*]

دلوعه طيري على بركات عندهم اشكال والوان بس قرقشي يا قرقاشه ترى غالي

انا اليوم يايبتلكم مشاركة اتهبل انا زغت عليها

http://www.youtube.com/watch?v=WNVVqC7EwaE&feature=related

ان شاء الله لمه اخلص المشروع اللي عندي اسويها اتينن

جنطه حلوة

 

[*أم*خالد*]

واللي تبي تتعلم ترى بركات يسوي دورات ارخص من خدمة التعليم المستمر مع ادواتها وشغلها

واللي عندها همه تتعلم من اليوتوب ابلاش بس يبيلها صبر وممارسة

 

[*أم*خالد*]

مادري وين بنات التجمع
الوووووو الووو الوووو الوووو = يعني صدى هيهيهيهي

اقول .. من شنو يطلع الشغل عوي يعني ينجفس بروحه .. توني سويت كنبل بس اطرافه تنجفس لي داخل بروحهم .. من الخيط ولا الغرزه ولا الشد مالي بالشغل ؟

 

[دلوعة روحي]

هلا ام خالد

معاج

صارلي مدة ادش الموضوع و ماكو احد و ماكو مشاركات

يمكن شادة بالشغل او منقصة غرز

 

[*أم*خالد*]

مو منقصه والشغل انا غرزتي راخيه مو شاده

بس يله اعطيه اوتي يصير آدمي

ناويه ادش عالاميروقيمي = اتوقع جذي تنقال

سويتي شي من قبل ؟؟

 

[دلوعة روحي]

اي عرفت قصدج

لا ما جربت

 

[عروس الدنيا]

رد : مرجع و تجمع محبات الكروشيه ( متجدد )

بنات الي يبي دوره اعرف وحده تعطي 6 ساعات بالاسبوع 25 دينار و اذا تبين مع العده 5 دنانير زياده ... و الدوره العصر 3 ايام بالاسبوع ..راسلوني بالخاص اذا تبون المعلومات

 

[دلوعة روحي]

مشكورة دي عروس

و الله يعطيج الف عافية

 

[miss dream]

​

ام خالد
اتوقع ايصير اليش جدي لاا انتين مرة ترخين مرة تشدين

على فكرة ترى ام عزيزان حدها فنانه وعندها موقع على اسمها ومحختص بس فالاشغال اليدويه

انا كلشي عندي موسمي
ههه يعني ااايام الشتى كنت فالكروشيه انا وخواتي وبنات خالي يعني العااايله والحين كلهم قاامو يسوون ويبيعون بعد

الحين وفهالحر مالي خلق الصوف ااابد بس يعني الين بغيت طقطقت عليهم كم شغله بس انسوي تتطريز ومفارش يهاااال ومثل الشي بعد قاامو يسون اطقم للليهال الجدد فاعااايله والناس عجبتهم قامو يبيعون منهم

انشاااء لله بنزلكم اعمالي واعمال خواتي وبنات خاااالي وادعو لبنت خااالي بدريه الصاااالحه ارجوكم

 

[miss dream]

ام خااالد ترى الفيديو الشنطه بسيطه بس يبا اليها وقت وتااالي بتفرحين فيها باول بداايه بتتعتبين والين خلصتين بتستاسين

 

[دلوعة روحي]

مس دريم انتي من البحرين ؟

حياج بيننا

و ناطرين الصور يا قلبي

بالصيف شغل القطن حلو

استانس عليه

 

[*أم*خالد*]

​

ام خالد
اتوقع ايصير اليش جدي لاا انتين مرة ترخين مرة تشدين

على فكرة ترى ام عزيزان حدها فنانه وعندها موقع على اسمها ومحختص بس فالاشغال اليدويه

انا كلشي عندي موسمي
ههه يعني ااايام الشتى كنت فالكروشيه انا وخواتي وبنات خالي يعني العااايله والحين كلهم قاامو يسوون ويبيعون بعد

الحين وفهالحر مالي خلق الصوف ااابد بس يعني الين بغيت طقطقت عليهم كم شغله بس انسوي تتطريز ومفارش يهاااال ومثل الشي بعد قاامو يسون اطقم للليهال الجدد فاعااايله والناس عجبتهم قامو يبيعون منهم

انشاااء لله بنزلكم اعمالي واعمال خواتي وبنات خاااالي وادعو لبنت خااالي بدريه الصاااالحه ارجوكم

يبتيها ماشالله عليج

صح انا مرات ارخي ومرات اشد لووول الكنبل كله طلع معاق بس زين كـ اول شغل واول مره

الغرزه الثلاثية صعب اني اشد فيها وايد احس الشغل ينمقط ويصير طويل فيها :bbbiu:

 

[*أم*خالد*]

شريت كتب اميروقيمي تحبون هالسوالف تبون احط جم شغله منه ولا تفضلون الموتيف ؟؟

 

[دلوعة روحي]

ام خلود اختاريلنا شي على ذوقج

ما يمنع

 

[miss dream]

هلا حلوات
ااي انا من البحرين
ولله كنت ناويه اجي الكويت هالايام بس محد مشجع يقولون جو الكويت حر وجفاف
احنا البحرين حر ورطوبه هههههههه

نرجع المحور حديثنا
بحط لكم كم من شغله عندي سويتها غير عن الي ماصورتهم للاسف كنت اسوي واعطيهم اصحابهم ماكنت افكر اصورهم
على مايتحملون بس

 

[miss dream]

حبوبات حبيت اخد رايكم
انا و خواتي نفكر انسوي الينا تجارة اهني فالمنتدى فهل تتوقعون انا احنا ننجح
والشغله الثانيه الين الناس حبت شغلنا وقالت تبي شلون راح يكون توصيل هل اهل من قبل جرب يطرش الى احد من دول الخليج وكم ياخد |؟

 

[miss dream]

شريت كتب اميروقيمي تحبون هالسوالف تبون احط جم شغله منه ولا تفضلون الموتيف ؟؟

شنهو هاذا الشي؟؟؟
اي خلي لنا نجوف

 

[miss dream]

كفر تلفون

[/IMG]