مرقة الدجاج الايرانية من مطبخ "Alia Abdulla" حياكم..

[alia abdulla]

السلام عليكم... هذي مو اول مرة انزل موضوع في هالقسم... بس كل مواضيعي منقولة..

بس هاي المرة غير.. هاي المرة من مطبخي انا بروحي..

اليوم الله يسلمكم سويت لكم دياي على الطريقة الايرانية.،.



المقادير :

مقادير الدياي:

٢ ملعقة طعام زبدة
١ راس ثوم مفروم
دياية مقطعة مكعبات ( اذا حابين تخلونها اكبر.. عادي على راحتكم)
كوبين ماي

مقادير المرق:

ملعقة طعام زيت
١ راس ثوم مفروم
شوي شبت مفروم
شوي كزبرة مفرومة
بقدونس مفرومة
٢ ملعقة طعام نعناع مفروم
٢ ملعقة طعام طحين الحمص
١/٢ كوب عصير ليمون
٣/٤ ملعقة شاي فلفل اسود
٣/٤ ملعقة شاي ملح

الطريقة:

حمري الثوم ، و الدياي بالزبدة على النار و بعدين ضيفي علىهم الماي و غطيه و خليه يطبخ لمدة ٣٠ دقيقة.

في جدر ثاني.. حمري البقدونس، الكزبرة الثوم، البقدونس، و النعناع بالزيت و خليه على صوب

ضيفي طحين الحمص على الدياي وحركيه ، بعدين ضيفي الخضار اللي سويتيه و باجي المقادير و حركيه عدل و خليه يطبخ ٤٥ دقيقة على نار هادية و هو مغطى ،،، و اخر شي قدميه مع العيش...

و هني و عافية...

 

[دلع^_^]

يمي يمي شكله يشووووق
تسلم ايدج

 

[~ورد~]

تسلم ايدك على الطبخه
الله يعطيك العافيه

 

[جارة القمر]

مشكوووووووووووووووره


وتسلم ايدج

 

[ABEER FLOWER]

ماشاء الله

تـسلـم إيــدج

: )​

 

[صابرة رغم الجروح]

قواج الله حبيبتي

 

[بنت احلام]

خوش مرقه يديده

تسم ايدج ياقمر

 

[وصآآآل]

الله يعطيج العافية

 

[amoon]

تسلم ايدج