مركز البحر للعيون

[FOZQ8]

قوه بنات
انا براجه يوم السبت عندهم بس مادري اذا لازم تحويل والا لأ
احترت ناس تقولي لازم وناس تقولي لأ ادشين وتسجلين عادي
عيوني وايد تاعبتني وصايرين حمر
انا امدحولي وايد هالمستشفى شرايكم؟؟
انطر ردكم

 

[شجووون]

مشاركة: مركز البحر للعيون

سلامتج ما تشوفين شر
بس انا اللي اعرفه ان مراجعات الصبح لازم يكون في عندج موعد او تحويل اما اذا رحتي العصر عادي يدخلونج بدون تحويل او موعد

 

[حبيبته آنا]

مشاركة: مركز البحر للعيون

ماتشوفين شر حبيبتي
اذا بتروحين البحر اول شي لازم تحويل من المستوصف
ليش ماتروحين حق الدكتور عبدالله المنصور؟؟؟ وايد وايد شاطر علاجه حلو حق العيون

 

[أسيرة موني]

مشاركة: مركز البحر للعيون

والله ماذكر يوم اني رحت خذيت تحويل ولالا

بس انتي روحي اول مستوصف سئلي عشان لا يصير المشوار مشوارين

انا يوم رحت البحر ,,

انا البس عدسات طبيه و مرة رافعه كتاب متين و فلت من ايدي وطاح بعيني

رحت البحر قالولي الشبكية مجروحه

حتى نظر ضعف عن الثانيه بفترت الجرح ,, والحمدلله كان سحطي ,, و عطوني قطرات

بطلت البس عدسات لي يروح الجرح

رحت اجيك مرة ثانيه قالي من قالج فيج جرح ؟؟ فيج انحراف

عطاني قطرات بغيت اموت ,, ماقدر اقطر بعيني ,, تعورني و تذبحني طلعوا القطرات غلط ,,

واصلا انا مافيني انحراف

وكل واحد فيهم يقولي شي

لعبو في عيوني

بعدين صرت كلا اروح اخصصي الي بالسالمية يم مجمع العالم

هناك قالي مافيج شي اصلا الحمدلله ,,

وعطاني قطرات معقمه خلال وبعد العدسات و بس

 

[FOZQ8]

مشاركة: مركز البحر للعيون

مشكورين حبيباتي
خرعتيني موني
الظاهر بروح لخاص
عبدالله المنصور وين ؟
قاريه اسمه بالجريده شكلي بطلع رقمه
مشكورين ماقصرتوا

 

[حبيبته آنا]

مشاركة: مركز البحر للعيون

فوز ترا الدكتور عبدالله المنصور واااااايد زين علاجه وشاطر بمجاله بس اذا بتروحينله نصيحه مني خل يروح معاج احد ولو كان ريال احسن ترا الدكتور مايميز المهم اللي جدامه مرا مايهمه اذا سفور منقبه متحجبه عيوز مراهقه ياهل عادي عنده ديري بالج وترا عادي عنده ويهه منجب