مره متغيره :(

[غلا سعود ~]

السلام عليكم ورحمة الله وبركاته ،
بنات بدش بمشكلتي على طول
انا كنت مره متفوقة بدراستي ودايم يكرموني والابللات والمراقبات والكل يعرفني ^^
كنت هاديه مره مستحيل تسمعين مني نفس حتى بالبيت او المدرسه او بالجمعات العائليه وباي مكان
بس السنه ذي مدري شصار بالاسبوع اغيب على الاقل يومين كلها ع النت اكلم صديقاتي اي باد تلفزيون طلعات ،
أسئلوني عن المنهج اللي قاعده ادرسه ؟ تصدقون كذا ماده والله العظيم اني مادري وش المنهج
ولا فاهمه درس واحد حتى كتبي جديده
كنت مره شاطرهه وهاديه وخجوله الحين كله اتهاوش مع الابلات وسوالف بالحصص ولا احل واجباتي اخذه المدرسه جمعة بنات وكشخه بس ،
ولا احترم احد لا بالبيت ولا بالمدرسه ،
ما توقعت ابد اوصل لهذا المستوى من " قلة الادب "
مره كنت خجوله وهاديه الحين الكل يشتكي مني !
وتذكرون الموضوع اللي نزلته بالقسم هذا عن اني مره ماعندي ثقه بنفسي وخجوله وماعندي شخصية
الحين لو تشوفوني تقولون مستحيل هذي هي نفس البنت ؟
حتى كنت دينه اكثر من كذا الحين اشوف مسلسلات واسمع موسيقى معد اصلي زي قبل " قصدي السنن وكذا " الحين x تغيرت مره
احيان اقول ليتني ارجع زي قبل واحيان اقول كذا احسن خلني استانس
يعني معد فيه شي يونسني غير الموسيقى والمسلسلات والطلعات و " قلة الادب "
ما ادري شالحل ؟​

 

[غلا سعود ~]

ونسيت اقول لكم
تراي بالمتوسط ​

 

[غداً القاك]

عادي قلبي فتره مراهقه ..

 

[منيرة خالد]

دامج مراهقه هاذي تغيرات هرمونيه

ودام عرفتي مشكلتج امسكي العصا من النص >>> ارجعي للمذاكرة شوي شوي وخففي من الكلام والسوالف مع رفيجاتج ، وشوفي منو من رفيجاتج تساعدج على الغلط ابتعدي عنها


حاولي تسوين كنتروك على حياتج وخففي من اتصالج بالصديقات >> خصصي لهم وقت محدد


اما المدرسة >> تذكري كل ما احترمتي مدرساتج احترموج وقدروج لا تفقدين هاذي الصفه

 

[غلا سعود ~]

عادي قلبي فتره مراهقه ..

كيف عادي
يعني هذي الطريقة الوحيدة اللي اعيش فيها مراهقتي !
أشوف كثيرات بنفس سني او اصغر ما يسوون اللي اسويه

 

[غلا سعود ~]

دامج مراهقه هاذي تغيرات هرمونيه

ودام عرفتي مشكلتج امسكي العصا من النص >>> ارجعي للمذاكرة شوي شوي وخففي من الكلام والسوالف مع رفيجاتج ، وشوفي منو من رفيجاتج تساعدج على الغلط ابتعدي عنها


حاولي تسوين كنتروك على حياتج وخففي من اتصالج بالصديقات >> خصصي لهم وقت محدد


اما المدرسة >> تذكري كل ما احترمتي مدرساتج احترموج وقدروج لا تفقدين هاذي الصفه

احاول اكثر من مره بس مالي خلق ابد من اشوف الكتاب يضيق خلقي عمري ماجبت نسبة اقل من 7 بالختبارات الشهريه واذا جبتها صكت فيني الدنيا
الحين عادي مافرقت اجي الصبح واسئل البنات الاختبار وش اليوم ؟
اجيب 2 صفر عادي ماتفرق اغيب عن الاختبار عادي ماهمني
بديت اقلل مكالماتي مع صديقاتي بس بدل ما اروح اسوي شي يفيدني اقعد ع النت < من حفره لدحديره
والمدرسات بعد مايفرق معي احترموني ولا لا موب اخر همي اهم شي استانس << مره مو زي قبل

 

[Ato0osh]

السلام عليكم

حبيبتي كل انسان يمر بوقت يتغير فيه نمط اسلوبه تفكيره شخصيته بالاصح وهذا شي طبيعي مثل ماقالو اخواتي تغير بالهرمونات او حدوث حالات اكتئاب كره او الحاجه الى شيء صعب الوصل اليها او التفكير فيها .

عزيزتي حاولي ان لاتؤثر تلك الؤثرات على دراستة وعلاقاتك الاجتماعيه ، وتذكري بأن الدراسه مهمه وما يقضي من عمرك بدون فائده صعب ارجاعه ، حاولي ان تفتحي صفحه جديده هذبي تفكيرك ضعي حداً نظمي وقتك وسوف تنجحين ..

تمنياتي لك بالتوفيق والهداية ​

 

[قلبي يتبعك]

ربي يووفقج

 

[غلا سعود ~]

،

Ato0osh

قلبي يتبعك​

،

مشكورات ^__^
وين باقي البنات ؟ المشاهدات كم والردود كم ، تحطيم وربي ​

 

[Tom ♥ Jerry]

.


فتره المراهقه جذي .!
بس هم كثر مآ تقدرين خلج مؤدبه
يعني مو على بو انج بفتره مراهقه مآ تحترمين لا صغير ولا كبير :/
سوي كونترول على نفسج حبيبتي
وردي حق دراستج و خلج قريبه من ربج

رفيقات السوء الي تمشيتي وياهم الفتره الآخيره
خليهم عنج ترا مآ ينفعونج بالعكس رآح يضرونج

 

[sosowaty]

الله يوفقج

 

[مولاي الفرج]

حبيبتي انتي اول شي لازم تعرفين انج مخلوقه عشان عبادة الله وثاني شي عشان تصيرين ام

يعني من الحين حطي ابالج انج توصلين احسن مستوى بالتعليم عشان تحصلين وظيفه تساعدين فيها زوجج وعيالج

وثاني شي انتي بتربينهم يعني من الحين لازم تضبطين نفسج وتصرفاتج

والسبب واضح اهو البنات

ترى اللي مسلينج الحين بس تتخرجين ماراح يدرون عن هوا دارج

سئلي كل البنات بيقولون لج محد يدري عن احد

وان شاءالله تردين مثل اول لاتحاتين خلي اخلاقج عاليه مع الكل وردي شدي حيلج واهتمي بصلاتج ودعائج وماكو الا الخير

 

[ღ جمانة ღ]

فترة وتعدي بس اهم شيء حفظي على صلاتك ^_*

 

[3oosh <3 MJ]

حبيبتي يمكن انتي قبل كنتي صغيرة وكان عندج دافع انج اذا اجتهدتي الناس بيحترمونج وبتحسين انج كبيرة
او اذا تفوقتي امج وابوج بيكافؤونج
والحين راح هالدافع صار مايهمج لانج كبرتي
فكري انتي ليش تبين تدرسين؟؟
تبين تدرسين وتتفوقين عشان تقدرين تشتغلين وظيفة مميزة فالمستقبل ؟؟
او تبين تدرسين لانج اذا درستي بتحصلين مقابل من الاهل ( حرية اكثر، مكافأت، ... الخ)
خل يكون لج هدف من ورى المذاكرة ، بعدها بتلتزمين
وتعلمي شلون توازنين بين الوناسة والجد ، لأن كلهم مهمين
والله يوفقج يا حبيبتي

 

[الحللللوه]

الله يوفقنا لسااتك صغيره

 

[$ الذوق كلهــ $]

الله يوفقج

 

[غلا سعود ~]

حبيبتي يمكن انتي قبل كنتي صغيرة وكان عندج دافع انج اذا اجتهدتي الناس بيحترمونج وبتحسين انج كبيرة
او اذا تفوقتي امج وابوج بيكافؤونج
والحين راح هالدافع صار مايهمج لانج كبرتي
فكري انتي ليش تبين تدرسين؟؟
تبين تدرسين وتتفوقين عشان تقدرين تشتغلين وظيفة مميزة فالمستقبل ؟؟
او تبين تدرسين لانج اذا درستي بتحصلين مقابل من الاهل ( حرية اكثر، مكافأت، ... الخ)
خل يكون لج هدف من ورى المذاكرة ، بعدها بتلتزمين
وتعلمي شلون توازنين بين الوناسة والجد ، لأن كلهم مهمين
والله يوفقج يا حبيبتي

ع العكس من كنت بالابتدائي و امي وابوي ماكانوا يكافئون إذا تفوقت
من كنت بالابتدائي لين بداية المتوسط أحس تفكيري كان اكبر من كذا
كذا من نفسي اجتهدت وكنت حريصه على دروسي مره ومنظمه حياتي
كل درس احفظه صم حتى وقت الاختبارات ما اذاكر لاني صامه كل شي ونسبتي تطلع زينه
ما احتاج مساعده ابد بدروسي ودايم اكون من الخمس الاوائل على الصف
حتى انهم اختاروني باختبار للموهوبات على مستوى كبير يوم كنت بخامس
وكان الاختبار فجئه ونجحت فيه
بس ما كملت لان المكان اللي بنكمل فيه كان بعيد مرررره عن بيتنا
كان كل تفكيري اني اخذ شهادة زينه واكون دكتوره واشياء كثيره كانت ببالي
الحين زين لو فلحت بالاختبارات الشهريه
مشكوره على ردك ^_^

 

[غلا سعود ~]

لـ كل اللي ردوا علي
مشكورات ^_^
الله يوفقكم ،

 

[مفسرة الاحلام]

فتره وتعدي كلنا مرينا فيها واحنى صصغار

اهم شي ربك لازم تحرصين على صلاتك وصدقيني بيصلح كل شي

 

[*_*3nona*_*]

عادي بس المهم عرفتي غلطتج ;p وانشالله تعدلينها شوي >>> خلي وقت تنتبهين بالحصه ووقت الابله تكتب سولفي على الخفيف بالفرص استعبطي خلي خميس يمعه سبت طلعاتج ووناستج وحاولي بالبيت تخلين من الساعه 3 لي 5 حق دراستج و الباجي نت وكلمي رفيجاتج و بي بي وكل شي بتسوينه سويه