مره متغيره :(

[عاشقة الاسلام]

انا مع منيره الخالد بكل كلمه كتبتها

 

[مُخملْ]

حبيبتي،
مب معناته ان انتي في مرحلة مراهقة يعني تغلطينْ
وتسوين اللي تبينه ، بحجة هالشيْ،

انتي في هالمرحلة يعني انتي عاقله وفاهمة واكبرمن ان حد
يوجهجْ لاصغر الاشيا مثل المذاكرة وغيره.

انتي ليش تتعلمين ؟ تذاكرين؟ تتفوقين؟
خلي هدف جدآم عينجْ عشان تسعين له وتحققينه
لاتعيشين حياتج عالبركة ، اللي يصير ترا بيصير لآ!
خليج طموحةْ ومتفوقة ومحبوبة من الكلْ ، لاتخلينْ صداقاتجْ
اللي مبين انجْ ماتوفقتي فيها تاثر عليجْ. انتقي صديقاتجْ بعنايه
ادري بتقولين صعب الحين بعد ماتعودت عليهمْ ، بس سمعتجْ وصلت للارض
بسبة منو؟ لورفيجاتجْ ملتزماتْ خلوقات جان استنكروا هالاشيا اللي انتي تسوينها
واعانوجْ على تركهاْ، مب يساعدونْجْ ويغرقونجْ آكثر!

رافجي اللي تحسينْ انهمْ بيردونجْ مثل ماكنتيْ، اللي تحسينهم ملتزمات خلوقات
محترماتْ، وبالاول غيري نفسجْ عشان يتقبلونجْ ك وحده منهمْ..

حبيبتي ، آنتي مانخلقتي فهالدنيا الا عشان تعمرين هالارضْ
لاتعيشين حياتجْ عالهامش وتتريين معجزة تغير حياتج!
خذي الامر بجدية شوي واوقفي على حياتجْ ـ عدلي من نفسجْ
لآتوصلين لمستوىْ تخلين الكل يشتكي منجْ !

انتي لوانجْ ماتبين الحل ماحسيتي بالذنب ولاكتبتي هالموضوع
تدورين حلولْ،

اوقفي وقفه جآده مع نفسجْ، وشوفي الخلل وينْ وحاولي تعالجينهْ
واهمْ شي تذكري ان وقتجْ اهمْ شيْ عندجْ. خلي الويكندْ كله للعب والوناسه
استانسي اطلعي ماقولج لا ْ بس حلو لما نوازنْ بين اللعب وبين الشغلْ.
خلي كل شي لوقتهْ لاتفرطين بشي عشان لايختل الثانيْ،
انتي الوحيده اللي بيدجْ الحل، نظمي وقتجْ وحببي الدراسه لنفسجْ
ولاتنشغلين ب نت ولافونْ ولا لابْ ولاغيرهْ،
لمابيكون عندج هدف تسعين له باي طريقه راح تحققينه وتتحدين
نفسجْ ،

توكلي على ربجْ وفوضي امرج لهْ ، وعليجْ بالدعاء في كل وقتْ،
واهمْ مفتاحْ لجْ [عبادتجْ وصلاتجْ] وقوة علاقتجْ بربج.
لاتخلين ْ يمر عليجْ كم يومْ بدونْ ماتقرين قرانْ، حاولي قد ماتقدرين تلتزمين
واقري اذكار الصباحْ والمساء وداومي عليهآْ،
ماتعرفين ، الناس ماتعطي خيرْ

الله يوفقجْ حبيبتي ويهديجْ ويصلحجْ ويحققلجْ اللي تتمنينه

 

[روانتي 12]

شكله البنات خربوج .. آلله يهديج .. صدقيني بتندمين بعدين .. حاولي تردين نفس قبل ..,*