مريـووم،،ومأساة السب والتتفل وقلة الادب لوول !!!!

[om MaRyooM]

السلام




من جم شهر نزلت موضوع اكتب فيه معاناتي مع بنتي بالسب والتتفل عالراايح والراد

وان هالشي متلعمته من اليهال اللي حواليها

والبنات ماقصرو

بس مافاد معاها ولا حل



عمرها 3سنوات الا شوي ..

دخلتها توني حضانة


والوضع تأزم زيادة خصوصا اني يبت بيبي فصارت عصصصصبية



بنااات .. مريووووووم مفشلتني قاصة ويهي الكل يقول شتعلمونها ؟؟ وليش ماتربونها @@
:eh_s(2):


جد متأزمة مادري شسوي
اول يوم العيد طلعناها مابقى احد مازفته وصارخت عليه

واااي اكره الياهل اللي جذي


لا زف فاد .. ولا مساحل ولاعقاب

حربت كل شي ..

هذا غير نغزات الحمولة :krkrkr: ... وانا اللي كان ينضرب فيني المثل بالهدوووء والاخلاق
الحين بنتي قليلة ادب
ههههه


حتى الشغالة مو مفتكة منها .. تأذيها لله فللله جذي من غير سبب

وكل يوووم اعاقبها .. بس هالبنت ماتفتهم يربي شسوي :bbbiu:

 

[ديانا سبنسر]

الله يعينك عليها بس لازم تحاولييين معاها مرة واثنين وثلاث لغاية ماتعلم ان اللي تسويه خطا اخاف بس تغار من البيبي الجديد ةتحاول تلفت الانتباه ؟

 

[فرفشه منعنشه]

ياويلي ام مريوم جنج تتكلمين على بنتي بس بصراحه ولا واحد من عيالي الحمدالله تبارك الرحمن سب ولا يتفل او كلام وصخ من هم بيبيات لاني انا بنفسي اجابلهم ومن هم صغار بس يصيرون سنه اوديهم تعليم مبكر اكاديميه ثنائيه والحمدالله العكس ينضرب فيهم المثل بالاخلاق بس مشكلي مع بنتي العناد والراس اليابس والحركه وحركات مادري من وين تييبها توقف قلبي وفيها غيره من اخوها الصغير بس بالتصرفات واللعانه اما سب وهالنوع من الشغلات لا الحمدالله


شنسوي البنات عوبات هههههههههههههههههههههه

 

[om MaRyooM]

^
^
فرفشة

الله يخليهم لج

انا لأن بنتي تختلط وايد ببنت حماتي وعيال خالاتي اليهالوو فتتعلم بسرعة


والله مادري شسوي

 

[الجووورى]

سوي كرسي عقاب انا سوته مع عيال اختي احط كرسي واسميه كرسي العقاب كل ماقالت شي غلط قعديها عليها ولا احد يكلمها وقوليلها عقابك نص ساعه واذا شفتيها زادت زيدي خمس دقايق مره علي مره وبتشوفين يقل السب واذا شفتيها قامت شيليها وقعديها عالكرسي بدون ماتكلميها هالطريقه شفتها ببرنامج ناني الل تدش البيوت وتعدل اوضاعهم مدري الاسم صح ولا بس نفعت معاهم الحين لا صرت موجوده يخافون يقولون شي غلط

 

[جذابه بنت ذيابه]

هلا وغلا ام مريوم


لج وحشه والله ..



ياحياتي الله يخليها لج يارب .. ويحفظها

اقولج شي نفس ولدي جنني هبل فيني .. ومتى زادت شطانته لما جبت اخته كلهم يقولون لي ليش ولدج جذي
شفيه شسالفته ليومج مهبل فيني حتى خدامتي تشكي منه

 

[nadoo]

الله يعينج

 

[om MaRyooM]

الجوري

انا مخصصة لبنتي سريرها حق العقاب لوول .. والله مايفيد معاها لو اقعدها سنة كاملة

ومشكووورة





جذابة

هلا وغلا .. نورتي والله

لوول الله يعينا عليهم

 

[ريمي اميري]

لا مستحيل هههههههههههههههههههههههههههههههههههه الله يعينك صراحه عاد لو صبي كان تهون بنيه صعبه هههه

بس للان الحل بيدك انتي شكلك مدلعتهااااا تلقينك تعاقبينها وانتي تضحكين لها! او ماتعاقبينه مضبوط يعني تتساهلين معاها

بالعكس خليك حااااااازمه عشان تعمل حساب لعقابك ’ مره شفت سوبر ناني جابت لوحه فيها صور تهبل يحبونها الصغار
وقالت لمن تقول كلام حلو اعطيك صورة تلصقها على اللوحه ولمن يكون عندك 5 بوسترات راح تاخذ الهديه , بس يبيلك تصبرين معاااااااها
مو بين يوم وليله الحل يبيله وقت .

 

[@الياسمين@]

والله انا نفس المعاناة .... بنتي يننتني عمرها 3 ونص ماكانت جذي .. اهي بطبعها حنانه بس عقب مايبت اختها استخفت
مع ان انا وايد مهتمه فيها وما حسسها اني انشغل عنها بس ماكو فايده
وهم صايره تتفل واااي تفشلني ...
جربت كل الطرق معاها بس كل محاولاتي فاشله

 

[om MaRyooM]

مشكورين بعد عمري عالتفاعل

 

[๓ίşś зśŏłả..!]

نفس بنتي بس على اهدى شوي
بنتي عمرهآ 4 سنين وصايره عنيده
الله يعين اذا لقيتي حل لا تبخلين علي
الله يهديهم يارب

 

[الحرير]

وانا بعد اعاني معاكم نفس المشكلة
ولدي عمرة سنتين و7 شهور وكان ينضرب فيه المثل بالاخلاق والنظافة والذرابة والادب وكل شي حلو
ماشاء الله ،، ومن جبت اخته استخف صار مايسمع الكلام ويبجي بسرعة وعلى اي شي وغير جذي مقيد حريتي
لا تروحين حمام ( اعزكم الله ) لا تقفلين الباب خليه مفتوح ،، واخرتها من جم يوم يقولي لا تنامين ههههههه
الله يعين ،، كله من الدلع بس شنسوي ياربي البجر ومستانسين عليه
وهو ياعمري على باله اني مطنشته ولا احبه
ذاك اليوم بسته ،، جان يقولي ماما تحبني ،، قلت اي احبك حبيبي وحضنته ،، صج طفل على باله ما احبه


انا على بالي بس انا اللي اعاني طلع بنات تجمعي يعانون نفسي
الله يعينني ويعين كل ام
شكراً على الموضوع ام مريوم والله يخلي لج بناتج وتشوفينهم عرايس يارب
فتحتي موضوع مهم يمكن من خلاله نجد الحل بعد الله سبحانه وتعالى*

 

[المسكـ]

انا بصراحه استعملت كل الطرق السليمه ماافاد في ولدي
ولدي مو بس يسب ويتفل لا ييقول كلام وصخ منها كلمة ق..........د طبعا
اول مره قالها واضحكوله ويوم طالع بويهي شافني معصبه حدي بس ساكتتله
وبعدين قالها بخوف مني وبعدين صار لاااااااااااااااا يقولها عادي عنده
جان امسكه واكفخه تكفخ << ظالمه لوول
ومن يوم طقيته ماقام يقولها
على فكره ترا خال ريلي معلمه وفرحان اوي بالكلمه
بس انا عصبت بصراحه مو حلوه ياهل طوله شبرين يتلفظ بهالكلام
وخليت الطق الحل الاخير اذا مافادت كل الطرق الاخرى
حتى التفال كان لما ييتفل اطقه على حلجه واقوله عيب لاتتفل انت تشوفني اتفل؟ ولا تشوف بابا يتفل يقول لاااااااااااء اقوله عيل عيب
ويالله روح اوقف عالطووفه << يكرررررررررره عمره من هالعقاب لانه حركي مو مال وقفه لووول

 

[EleGanZa]

واااي اسم الله عليها

مادري شقولج لان ماعندي خبره للحين ولدي عمره سنه وشوي مع ان في بدايه الشطانه لوول بس صغير


الله يهديها لازم من الحين تحاولين معاها كثر ماتقدرين لان اذا اكبرت ماكو فايده

 

[هدفي الفردوس]

تابعي برامج الخليفي حيل مفيدة

 

[ام الحوراء زينب]

ام مريووووووووووووووم جنج تتكلمين عن ولد اختي ذابحنا
يسمع من بيت يدي ويقعد يسب عندنا بالبيت طبعا بيتنا ممنوع السب والتتفل والطق
هالولد متمرد عمره سنتين وشهرين تعالي شوفيه يسب اكثر من مايسولف
واول يوم العيد امي موديته العاب طاق اليهال طققققق معنه اسم الله عليه قزم حيل نتفه بس ايده ثقيله
مبجي كل اليهال بالالعاب يت وحده معصبه تتحلطم على امي تقولها طلعو ولدكم ذبحنا قام يكفخ باليهال يمسك راسهم ابعض ويطقهم
ولمن ابوه يوديه بيت اهله هم نفس السالفه محد يلعب وياه والسبه انه يطق ويتفل ويسب
ذبحنا كل الطرق استخدمناها تخريع وزف وطق وتحكرينه بالبيت تعاقبين تعطين هدايا كلش ماكو فايده
اذا لقيتي الحل قوليلي

 

[VET-Nour]

يااااااااااااو اكره هالنوعيه من الجهال
كرسي العقاب زين و خليه منعزل احسن ,
او اذا قلة ادبها قوليلها قاع يطلع منج ريحه خايسسه ويييييع احنا مانحب الي ريحتهم خايسه > قولي و انتي توخرين عنها
و كلكم وخرو عنها و حقروها ساعه و اذا ردت قلة ادبها زيدي علا الوقت
او خليها تلهي بلعبه أو أي شيء
و ان شا الله تصير هاديه

 

[*peace*]

تصدقين حتى بنتي لوعت جبدي كللش ولاكلمة جبي كل كلمه والثانيه

جبي اقولها لا عيييييب اهيا تفهم عيب ان غلط بس ماينفع كلش

ودي اعطيها كف بس

ماتفهم هههههههه

 

[AVE.NJ]

الله يعينكم
والله انه ولدي صغير وماادري الزمن شنو خاش لي
الله يستر