مزاج شرب القهوة العربية بالسفر! بس شلون يسوونها

[Mednight Rain]

السلام عليكم ورحمة الله وبركاته


عندي استفسار بخصوص القهوة العربية شلون يسوونها خصوصا للي بيسافر للدول الاجنبية ولا اكو جولة ولاشي؟

 

[khawla&tito]

اب

اب

 

[Mednight Rain]

اب اب

 

[zaina alotibi]

بدون جولة ماتسير لا القهوة العربية ولا القهوة التركية لانهم يحتاجوون نطبخهم شوية علي النار اخذي معاج جولة صغيرة مالت الرحلات

 

[Mednight Rain]

ماتنفع اللاية؟؟

 

[Mednight Rain]

الغلاية؟

 

[عبير-الشرق]

بالغلايه اخذي القهوه الي مخلوطه بالهيل وخالصه وسويها بس انا ماجربت بس اعرف وحده معانا بالقروب تسويها انا اشرب النسكافيه والقهوه العربيه بالمناسبات

 

[Mednight Rain]

وين تجارب المسافرات؟

 

[الأماكن]

مالج الا الصبر

ولا اذا سكنتي بشقة فيها جولة ... أخذي لج غوري و مطارة و قهوة و هيل ... و مخمخي مخج

انا لما رحت أمريكا ما صبرت عمري الا بالكابتشينو... ولا قندت رااااسي

بالدول الاجنبية ما اشتاق الا لــ2 : القهوة و البخور العود

 

[اللوحه الفضيه]

تقدرين اختي تسوينها عن طريق الغلايه بس لازم تكسرين غطاها او تاخين الغلايه مالت القهوه التركيه موجوده بالغانم اللي مالها غطا عشان ماتفور عليج وتنكت
وشكرا

 

[سآق نملة]

مادرري ..

اب لعيونج ..

 

[Mednight Rain]

مشكووووورين بنات

والله صاجة نشتاق للعود والقهوة بالسفر
صج مزززاج

 

[قانونية]

انا كنت اسويلها

بالغلايه الي بالكهربا احط الماي لين يفور وبعدين قهوه واخليها تطبخ لييييين تخلص

اهم شي الغطا ماتسكرينه

وبكل سفراتي اسويها لازم قهوه مااستغنى

 

[@هداوى @]

مرحبا _ انا بقولكم تجربتى فى كل سفرة اخذ معاى قهوة عربية مخلوطة بالهيل والزعفران واخذ معاى مطارة صغيرة واحط بالمطارة قفشتين من القهوة واكت ماى حار واخليها تنقع ساعتين ونشرب منها ونعدل راسنا قبل مانطلع اى مشوار وحتى بالليل بعد مانرجع من مشاويرنا احن لها واسويلى مطارة واقعد اشربها000000000000 وهذى تجربتى حبيت انقلها لكم

 

[فرصه ثانيه]

بالغلايه زي ما قالووووو البنات.

 

[ام مهاوش]

انا شاريه من مرطز سلطان غلايه حق القهوه العربيه احط فيها الماي واحط القهوه واخليها تطبخ هذي الغلايه ماتتسكر اوتوماتيكي انا اسكرها يعني انا اتحكم فيها
وكانت القهوه موطبيعيه مع الاجواء الاوروبيه والبراد معني مو راعية قهوه عربيه بس صج الواحد يشتاق لها بالدول الاجنبيه