مساعدة اهيئ عيالي باللغة

[ام ردح]

السلام عليكم امهات انا انشالله السنه الجايه عيالي سجلتهم المدرسه المستقبل واحد كي جي 2والثاني في اولي ابتداي بس المشكله عيالي من رياض الحكومه يعني ماعندهم لغة فياليت الي عندها تجربه تقولي هل الامر صعب عليهم انهم يمشون بالدراسه واذا في تقويه فيتليت تنصحوني وين اوديهم قبل العام الدراسي الجديد الله يخليكم امهات ساعدوني لان المستقبل هي المدرسه الوحيدة الي حصلي تسجيل فيها وقبلوهم الله يخليكم لاتبخلون بنصيحه والي تعرف مكان زين ينفعهم ويقوي مستواهم واكون شاكرة لكم ولها دعوة من قلبي

 

[أنهار الكويت]

هلا حبيبتي انا هالسنه تقريبا مريت بنفس تجربتج بس بنتي حولتها على ثانيه روضه يعني بس اولى كانت بالحكومه

اول شي تعبت معاها لان كانوا يقولون لي مستواها باللغه اقل وحده بالصف وكان هالشي يحرني

لان مو سالفه احرف او ارقام او الوان لا هالشغلات مقدور عليها كانوا يقولون لغتها صفرررر ماتفهم علينا واهي مدرستها انجليزيه يعني حصه بالاسبوع بس عربي وطول الاسبووع انجلش كلشي حتى الرياضيات

المهم سألت ودورت وتعبت ابي شي يقوي بنتي
حصلت مدرسه ادرسها بالبيت واهي كانت تشتغل بنفس مدرسة بنتي بس طلعت
اللي دلني عنها تيچر ولدي اهو بالحضانه بنفس مدرسة اخته

والله دقيت عليها واتفقت معاها وقمت ايبها بالسبوع مرتين
كل ما تيي تعطي بنتي ساعه ونص واعي هنديه بس للامااانه شاطره وماتكلم بنتي الا انجليزي فبنتي غصب تعلمت ولقطت منها كلمات
تقريبا استمريت معاها شهرين وشي وشفت بنتي خلاص قدرت وحتى من مدرستها تعلمت لان هناك ممنوع تتكلم عربي حتى مع رفيجاتها فغصب فاكيد بتعلم وانا بالبيت اكلمها انجليزي والفلبينيه بعد فخلاص خلال ٣ شهور تعلمت ماشالله صارت حتى بالبيت مع اخوها تتكلم انجلش
والكورس الثاني يبت لها ابلتها اللي بصفها وهم استفادت وايد منها قامت تعلمها شلون تقرا الكلمات الصغيره
تقريبا شهر وقطعتها والحين صارلي شهر تقريبا خليت بنتي على راحتها بس تحل هوم وركاتهاومجرد اني والخدامه نكلمها انجلش بس

حتى اهم بالمدرسه قالولي مستواااها وااايد زين صاار مع مستوى الطلبه
وبس

واذا تبين رقم المدرسه الهنديه انا حاضر

 

[ام ردح]

هلا اختي انهار مشكورة وايد والله يجزاج خير اي والله ياليت ابي رقم المدرسه عفيه خل ابلش معاهم من الحين

 

[الأميرة جوري]

لرفع

 

[ههديل]

http://edu-homes.com/cat-12-1.html
موقع خاص للمعلمين

 

[أنهار الكويت]

هلا والله العفووو ياقلبي

(998) 406-98 اسمها مس بريزلن كانت تعطي بنتي الساعه ونص ب ١٢ دينار

 

[أنهار الكويت]

٩٩٨٤٠٦٩٨

 

[فجر ا]

السلام عليكم اختى اول شىء تتابعى معاهم من البيت تحفيظ الحروف بعدين الاصوات بعدين الكلمات
بالنسبه للتاسيس القاعده الحلبيه للعربى انا بنتى استفادت وايد ...مع الاطفال مابتمل احسن يتعلمو ويستفيدو ...

 

[om omae]

السلام عليكم
اختى انا مدرسة لغة انجليزية وعندى دورات تاسيس حق الاجازة الصيفية
اذا تبي تواصلي معي
واتس اب 97534309
وان شاء الله بالتوفيق

 

[ام ردح]

مشكورين خواتي جميعكم علي الردووود

 

[أنهار الكويت]

اللي بتعلم عيالها عربي ماااكو على حمزه الخياااااط روعه بس لازم تسجلون عيالكم من الروضه معاه عشان يستقبلهم ويكملون معاه