مساعدة / بسافر الى تايلند وخصيصا الى المستشفى الامريكي؟

[الاخلاص]

مرحبا بنات

بسافر بحيل الله وقدرته الى تايلند الى عنده معلومات عن المستشفى الامريكي شنو التخصصات الي يعالجها وشنو الفندق الي قريب ونظيف منه والأسعار شلونها؟


وشنو الأسواق الي نظيفه وشغلات غريبه فيها

 

[عاشقة السفر]

www.bumrungrad.com
هذا الموقع وفيه كل المعلومات عنه وعن العيادات إلي عندهم وهم عن الفنادق إلي حوالييه وهم تقدرين تدزين لهم إلي تبين وأهما راح يردون عليج .. بس للأمانة أنصحج إذا مافيج شي خطير يستحق العلاج بره لا تروحين .
يعني مثال إهني لو بتسوين عملية شفط وشد للدهون بالكويت بيطلع عليج 2200 دينار وهناك 1800 يعني أهما هناك أقل . بس شنو لاتنسين إنتي راح تدفعين تذكره ماتقل قيمتها عن 170 وهم راح تدفعين فندق وهم راح تدفعين مواصلات وأكل وشرب ف صدقيني راح يطلع عليج أكثر من الكويت وغير إنه الكويت بتكونين بين أهلج يعني بتلقين أحد يهتم فيج

وهذه نصيحتي

ومن ناحية الأسواق عندج ال MBK ,Discover , Siam Square, Siam Paragon, Central World , Platinuim , Big-C
عموما لو تره هذول كلهم يم بعض يعني كله مشي

 

[maadaa]

الله يشافي الوالده , المستشفى الأمريكي من احسن المستشفيات , على ما اعتقد فيه كل التخصصات و عندهم مترجم خاص لكل مريض عربي

 

[الاخلاص]

شكرا بناااااااااااات

 

[@style@]

شوفي حبيبتي روحي وانتي مغمضه مستشفى عجييييييييب وبصراحه مو تجاري انا مجربه بحالات وااايد كافي امي راحت بحال و الحمدلله رجعت بالف صحه وعافيه الله يديمها عليها وناس وايد من اهلنا معالجين هناك تبين اقرب الفنادق النظيفه عندج زينث واماري بلفارد بس اماري شوي ابعد من زينث زينث تروحين منه للمستشفى مشي حبوبه حتى لو امج مو تعبانه حيل روحي هناك تاخذين التشخيص المضبوط والله اعرف حالات وايد بالكويت قالوا لهم كلام وهنيه طلع فيهم شي ثاني وكلام هالمستشفى نفسه كلام مستشفيات المانيا وفرنسا بس ارخص واسرع بالمواعيد تخيلي امي من الطياره للمستشفى من اول ما دخلت فحوصات وعلى طول قالوا باجر عمليتها لان امي كانت تعبانه حيل والله باسبوعين ورجعت امي لله الحمد للكويت الكل كان منصدم الله لايعودها هذيك الايام حبيبتي الحين حتى لو نبي نسوي فحوصات نروح هناك تخيلي امي عمليتها كانت صعبه كل الي كلفها 5000 امي قبل ما تسافر قاعده بالمواساه يومين دفعت فيهم 1500 شوفي الفرق غير الغرف حلوه والعنايه احلى والله يشافي الوالده ويقومها بالسلامه​

 

[الأميرة فولي]

المستشفى الامريكي حلو وسمعته حلوة بعد بس مو بيرفكت بالمرة
آنا عندي مستشفى بياويت أفضل، وأغلب إللي يشتغلون فيه مسلمين لأنه مستشفى إسلامي وأرخص من الأمريكي وعموما الله يشافي الوالدة ويردكم بالسلامة

 

[Om_Ksha]

الله كريم

 

[ليتني ماعرفك]

رد : مساعدة / بسافر الى تايلند وخصيصا الى المستشفى الامريكي؟

تردين بسلامة