مساعدة / بنتي عمرها 18 يوم !

[Um Tuki]

سلام عليكم طبعا عرفتونس انا اللي سألت عن تنظيف البنات
و ماقصرتوا جابتوني و ساعدتوني
و بعد محتاجة منكم مساعدة

بنتي عمرها 18 يوم و انا و ابوها و اخوها و عمتي كلنا مرضى
كحة و زكام

من ثلاث ايام بنتي مرضت معانا تعاطس ة تكح و لما ترجع احس انه شوي ثقيل و عقب عرفت ان البلغم نازل لها في صدرها بعد عمري :eh_s(2):
عورت قلبي هذي وين فيها شدة تمرض

امس كان عندها موعد حق البوصفار و الدكتور حط لها كريم في خشمها و عطاني ادوية لها

بس صراحة اخاف استخدم ادوية حق يهال بهالعمر لاان بولدي تغربلت
وصفولي ادوية غلط و حرام تعذب
الحين متعقدة
زوجي بعد يقول لا تاخذين الادية هذي ياهل شعرفها بدوا شرب ومادري شنو


من جم يوم شفت وحدة يزاها الله خير منزلة موضوع عن ورق الجوافة للكحة
و اليوم راح اشتري و بعطيه ولدي لانهكحته قوية وايد وايد و بلغم ثقيل على صدره
فالللي ابي اعرفه عادي اعطي بنتي قطرات منه ؟؟؟

واللي يسلمكم تردون علي خايفة وايد :yaaaaaarb:

 

[Um Tuki]

افا

مو هذا العشم فيكم

 

[ام غازي 2012]

وووديها طبيب
خاااص


لاتسكتين عنهاا حرااام

 

[& دلوعه زوجها &]

... حياتي والله متشوف شر وديها خاص اضملك حرام متحمل اللله يحفظه لك يارب

 

[Toggi]

بنتي لما صار فيها كحه وبلغم تعادت من اخواني كان عمرها 25 يوم وديتها دار الشفا عند دكتور يمكن اسمه اشرف مال اطفال وصف لها مضاد كلاسيد شراب كنت احط لها مع الحليب 1ونص مل تشرب رقم بس اخضه عدل وبعدين احط فوقه الرقم الثاني من الحليب علشان اضمن انها شربت الدوا بس لازم بها العمرطبيب اطفال خاص يشوفها احسن وعلى فكره سوينا لها اشعه علشان نتاكد انه مافي التهاب صدر وبعدين وصف الدكتور المضاد ان شالله بنتج تتحسن بس وديها ابطبيب

 

[PuPa^^SWeeT]

لدكاترة اخبر



عطيها ادويتها

هذا بلغم


لو تجاهلتيه ولا قلتي بشوف حل ثاني


بيتحول لي ربو


عطيها ادويتها

ومثل ماقلتي توها صغيرة عالامراض

 

[Um Tuki]

انا وديتها طبيب خاص
طبيب اطفال

بس اخاف ياهل بهالعمر اعطيه ادويه

 

[ام الحلوااات]

دااام الـــدكــتـــــور اللـــي وصـــف الادويـــه
طـــبــيــب اطــفــااال مــخــتــــص عــطــيــهــا الادويــه
هـــــو ادرررى بــحــاالـــة بــنـــتــج
بـــس ديـــري بــاااالـــج تـخــلـطــيــن الادويـــه مــع الـحــلــيــب بـاالــرضــعــــه
مــثــل مــاقــااالــــت الاخــــت فــــوووق
خـــطــــر خـــطـــر عــلــيــهــا وهـــي طـفـل مـايـتـحـمـل​

 

[طيبة83]

اذا انتي من البحرين وديها لدكتور حراز شاطر

 

[ناتشوو]

بصراحة
التزمي بكلام الدكاترة
اشدعوة الكبار
نفع معاهم الجوافة ولا الاعشاب
انا مرات احاول استخدم الطب الشعبي
للربو والبلغم بس مايبردون القلب
يهدون بس الكحة هذا حدهم
بس مردي للاطبا والادوية
وانا بنتي بعمر بنتج
لما بدت مع الكمامات والمضادات
والحمدلله
هو الشتا فترة كئيبة
للامهات ):

 

["دلوعة حبيبي"]

وديها للاستشاري مختص بالاطفال .. لا تلعبي فيها ابد
ومن الاخطاء الفادحه تخلطي حالادويه مع الحليب ..
وحاولي قد ما تقدري تتجنبي المضادات الحيويه الا بحالة ارتفعت حرارتها واسمريتي عالخافض يومين
والحراره هي هي ما تنزل بهالحاله استخدمي مضاد وبحالات الاتهاب الشديده يعني التهاب لوز رئه .. اما اذا قالك الدكتور احتقان و وصف لك مضاد هذا ما عنده ضمير ابد او دكتور ما يفهم ..عيالي اوديهم مصخنين من التسنين وصفوا لهم مضاد خيييير ..
كثرة المضادات الحيويه تضعف مناعة الاطفال ويصيروا على اقل القليل يمرضون .. مو انتي بعد بنتك ام كم يوم حرام تلعبي
بمناعتها الا اذا لزم الامر ..انتبهوا من سالفة المضاد حيييييييل ..

 

[أمـ مبارك]

لا يااختي


الدكتور عارف حالتها اكثر منج

عطيها علاجها ولا تخافين واذا انتي مو واثقه روحي للصيديله وسأليهم


وان شااء الله مالها شر



ولا تعبينها بالعلاج الشعبي تراه مايضر ولا ينفع

مجرد تهدأ وبس لامضاد ولا غيره


اللهم بس المررررره اهيا اهم شي انا بكل شي استخدمها


وطمنينا عن بنيتج

 

[Um Tuki]

شلون استخدم المره

و امس الفجر زادت و طرشت ريلي ياخذ الادوية


عطوها قطور للخشم اسمه salinose

و الثاني primalan
بس مادري مو مرتاحة للثاني قريت عنه بالنت و ناس ما مدحوه

 

[ام الحلوااات]

وديــــهــــا الـــطـــوارئ

 

[M!SS.LOBY]

معروف الزنجبيل مع الحليب الدافئ يخفف من الكحه والبلغم يطرد

 

["دلوعة حبيبي"]

معروف الزنجبيل مع الحليب الدافئ يخفف من الكحه والبلغم يطرد

الزنجبيل حار ما يتحملوه الاطفال ..