مساعدتكم يالاجاويد

[ربي يحرسك]

السلام عليكم
انا مشكلتي في ولدي والله مدري شلون اكتب الموضوع
بس ياليت تساعدوني الله يخليكم
انا ختنت ولدي بطريقه اتوها يديده علي ما ادري اذا في احد يعرفها
اللي هي الختان بالحلقه لبلاستيكيه
الحمدالله ختنته وماتعبني بالختان الحمد الله بس المشكله انه بعد ماختنه
صار الذكر يدخل داخل تحت جلد الذكر نفسه انا استغربت هل الشي هذا طبيعي
رغم اني اذا ضغطت عليه من الجنبين يطلع وماشاء الله ختانه مضبوط ومرتب
بس المشكله اني اذا شلت يدي يرجع من جديد يدخل الا شوي من الراس
هالسالفه مسببتلي محاتاه مايعلم فيها الا رب العباد
لاني افكر لبعيد وخوفي مستقبلا
ولا اقدر افتح هالسالفه لاحد اخاف احد يجرحه بعدين
انا قريت ان هالشي عادي وان كل مالياهل كبر يبرز العضو عنده ويصير طبيعي
بس احسه كلام ابغا ناس مجربه وعندها فكرع وخبره
يااااااااااااااااليت اللي عندها فكره عن الموضوع او مجربه الختان بالحلقه لبلاستيكيه
او عندها معلومه تفيدنا الله يحفظلكم عيالكم ويفرح قلبكم وقلب كل محرومه ويرزقكم ويرزق كل وحده ماجابت عيال بالذريه الصالحه يااااااااااااااارب

 

[فطومه الحلوة]

انا احس فيج لاني مريت بنفس تجربتج و الصراحه كنت احاتي وايد بس قالولي لي كبر راح يتعدل و صج الحين صار عمره سنه و احسه احسن من قبل وايد بس للحين اشوي يدش داخل الجلد بس اهم شغله تسوينها انج لما تبدلين البامبرز ترفعين الجلد اشوي و تنظفين تحته لان لو خليتيه بيتجمع وصخ وااايد و يصير شكله كانه ملتحم

 

[*^^حرم الدكتور^^*]

لا تخافين حبيبتي ما فيه شي انشالله .. اللي بولدج اسم الله عليه طبيعي و تصير وااايد انا بولدي الاول جذيه بس عاادي مع الوقت يخف
انا نفسج كنت احاتي بس ريلي فحصه و قال كل شي طبيعي و الحمدلله
و ماشالله انتي قلتي انه طهوره كان ممتاز و ترا طريقة الحلقة وااايد زينة و حلوة و عملية .. بس اذا حابة تطمنين اكثر خلي طبيب يشوفه و يطمنج .. و ما فيه الا العااافية انشالله
انتي اهم شي لا تحاتين و لا تقعدين تضغطين على المنطقة وااايد ترا مو زين و اخذي بنصيحة الاخت فطومة يعني تأكدي من نظافة المنطقة و تجفيفها..

و اعذريني عالاطالة