الهدف العام : التعرف على بعض المهن المختلفة .
الأهداف السلوكية :1) يتعرف على رمز العدد 4 ومدلوله .
2) يشارك أقرانه بحماس فى المسابقات الجماعية .
3) يؤدى بعض الحركات التنشيطية للعدد ((4)) .
التقنيات التربوية : 4 مطارق لعبة بلاستيك (( تقدرين تجمعينهم من الفصول من أدوات النجار وهى عهدة من الوزارة استعيريهم من المدرسات لدرسج )) -4 من أدوات المزارع مثل شبل أو مشط بس يكون حجمهم كبير-بطاقات للأعداد من 1 إلى 4- بطاقة للعدد4 بحجم ورقة الa4- طوقين-السبورة وأقلام السبورة بلون أحمر وأزرق أو أى لون تبينه-بطاقات صغيرة بحجم الكف على عدد أطفال الفصل وتكون من الورق الملون مايكلف عليها الأعداد مثلا عندك 10 أطفال لازم توفرين 10 بطاقاتمكتوب عليها العدد 4 وتزيدين 10 بطاقات ثانية بس تكتبين عليها باقى الأعداد من 1 إلى 3 وتنثرينهم بالفصل علشان أسرع طفل يأتى ببطاقة العدد 4 من بين باقى البطاقات كمسابقة بسيطة جماعية وبنفس الوقت حركتيهم-سماعةالطبيب-للمسابقة فى نهاية الدرس عندك سلتين واحدة فيها 4 أظرف مكاتيب والثانية 4 سنارات الصيد لعبة وتحطين فى كل سلة شى مخالف مثلا أى أداة من أدوات أصحاب المهن-مجسم بيت قطعة من الفليىن أو أى كرتون بلون بنى علشان يكون أرضية تحطين عليها البيت وأمامه مساحه فاضيه -سيارة لعبة صغيرة -عرائس أم وأب وبنت وولد يعنى أسرة تنباع بدسمان ب3دنانير .
المنبه : قصة صغيرة , الأسرة فرحة لأن بيتهم خلص ويبون يسكنون بس أهو ينقصهم بعض الأشياء يا ترى شنو اهى فكروا وساعدوهم لما يتوصلون للسرير أو الكراسى من نحتاج للنجار يدخل النجار المعلمة الثانية أو أى طفل شاطر عندج ملبسته بلسوت وبيده علبه فيها 3مطارق وتسئلينهم من الذى دخل علينا يسلم عليهم ويسألهم عن اسم خبرتهم ولما يجاوبون يعطيهم الكيس كهدية على اجابتهم الصحيحة.
طبعا على السريع ماذا يفعل النجار يقولون الكراس الطاولات ...الخ ,أذن هو من أصحاب المهن وهو مهم فى حياتنا ولازم نحترمه ونقدر مكانتة لأنه يتعب كثيرا فى عمله ويعمل كما أمرنا الله به عز وجل وتقرؤن الآية الكريمة .
بعدين تسئلينهم قبل أن نفتح العلبه ماذا نقول البسملة وتطلعين الأدوات وتناقشينهم كله على السريع تعرضين المطارق والأمشاط وسماعة الطبيب وتقولين ماذا نلاحظ يقولون لج هذة مطرقة لونها حجمها صغير وهذا مشط حجمه كبير وهذه سماعة طبيب لونها أحمر.
تظعين الطوقين وتطلبين من طفلين يصنفون واحد على يمينك والثانى على يسارك اللى على اليمين تقولين له أنت سوف تضع لى المطارق الصغيرة داخل هذا المنحنى المغلق بدون ما تأشرين عليهم ويكونون 3 مطارق والرابع تكونين حاطته على طاولة أى ركن مثلا والثانى على يسارك تقولين له وأنت سوف تضع لى الأمشاط داخل هذا المنحنى المغلق وخليهم يبدون مع بعض مع تشغيل الموسيقى كمسابقة.
تسئلين الأطفال من الفائز الأول ومن الفائز الثانى ويصفقون لهم ويرجعون مكانهم.
راح تشوفين عندك الطوق اللى على اليمين داخلة 3 مطارق واللى على اليسار داخله 4 أمشاط وتطلبين من طفلين يأتون عندك ويعدون
طلعى المطارق خارج المنحنى وخلية يأخذ مطرقة وحدة ورى الثانيه يحطها داخل الطوق وبعدين تقولين من يأتى لى بالعدد 3 ويضعه عند المجموعة ويكون العدد ينحط يا على اليمين أو ورا الطوق يعنى الطوق والمجموعة أمام العدد وبعدين المجموعة الثانية طفل يحط الأمشاط واحد واحد داخل المجموعة مع العد لما يقول 4 وتقولين للأطفال مارأيكم أن نتعرف على العدد 4 تطلعين بطاقة العدد 4 ويقرونها بشكل جماعى وبعدين واحد واحد بشكل فردى وتبدين من يمين الأطفال وآخر واحد يحطها على السبورة وبعدين تكتبين العدد على السبورة مرتين واحد بحجم كبير بلون أزرق والثانى بحجم صغير بلون أحمر .وتسئلينهم ماهذا العدد مع رفع الصوت عندالعدد الكبير يجاوبون بصوت عالى هذا العدد4 حجمه كبير ولونه أزرق وهذا العدد يجاوبون هذا العدد4 حجمه صغير ولونه أحمر.
بعدين تطلبين من أحدهم يضع العدد 4 عند المجمعه (الأمشاط) .
بعدين تطلبين منهم أنج تريدين المجموعتان متكافأتان يقولون لج نزيد عنصر على مجموعة المطارق ويأتى بها أحد الأطفال من أى ركن إنتى حاطته فيه .
وتطلبين منهم تغيير العدد لأنه غير صحيح مع المجموعة فيحطون العدد4 .
بعدين مسابقاتج مثلا هيا لنقفز 4 مرات مع العد -نصفق 4مرات مع العد-نرفع 4 أصابع مع العد وبعدين تطلبين منهم أسرع واحد يدور على بطاقة العدد4 ويرجع مكانه ويرفعها فوق مع الموسيقى .
بعدين يصفون طابورين للمسابقة الأخيره يركبون على السبور المسابقة وهى عبارة عن (( تكونين راسمة بقلم السبورة مربعين كبار شوية واحد على اليمين والثانى على اليسار وتحت كل واحد منهم كاتبة العدد 4 داخل مربع صغير, والأطفال يحطون المحسوسات داخل المربع وتكونين حاطه وراهم مغناطيس عاد كيفك تبين أو مجسمات والصور أرخص لج مثلا قلنا مربع يحطون فيه الأظرف والثانى يحطون فية صور السنارةطبعا كل مجموعة 4 صور )) .
وبس والله ىوفقكم
اتمنى تدزون لي على الخاص اكون شاكره لكم
