مساعده من السعوديه لاهل الكويت الغالين

[الظروف وحشه]

السلام عليكم انا عضوه جديده بالمنتدى وان شاء الله ناوين نزور الكويت الاسبوع الجاي عنديكمم سوال ارجو ان تجاوبو عليه ابي اسال عن الميني دراعه والدراعات تتوقعون القاهم بمجمع الاوقاف واذا فيه مكان ثاني يبيعهم ارجو انكم تدلوني عليهم وبالنسبه لمجمع المعلم تتوقعون كله شتوي لاني ابي منهم ملابس للبيت لي ولعيالي بالنسبه للدراعات ابي اسعارهم تكون متوسطه وابي بعد اسال عن اماكن اروحله انا وعيالي طفلين 4 و6 سنين لان الاسواق ماراح اروح الا للي ذكرت بس سفرتنا راح تكون ترفيهيه بالدرجه الاولى وش رايكم بالمجمع العلمي وابي اذا فيه مدن العاب غير اللي موجوده بالاسواق يعني مدن ترفيهيه ادري طولت عليكم بس زوجي قالي التخطيط رح يكون علي سفرتنا راح تكون 5 ايام دلوني وين نروح مشكورين وجزاكم الله خير

 

[زهرة الفردوس]

للدراعات عندج الاوقاف والعربيد والبلوكات والمعارض
أما الترفيهيه عندج حديقة الحيوان والمدينه الترفيهيه وحديقة الشعب ومرح لاند والمجمعات فيها قسم ألعاب
شوفى ركن السياحه بالكويت

 

[زهرة الفردوس]

http://www.q8yat.net/showthread.php?t=304156

 

[ام الدرر]

حياج الله حبيبتي
السوق الحين اغلبه شتوي
ودخلنا بموسم البر فقليل تلقين ميني دراعة صيفي
سوق السالمية اللي فيه سيتي سنتر موجود فيه المعلم ومحلات ثانية دراريع وقمصان طويلة
وفيه العاب ومطاعم فوق
واي سؤال حاضرين يالغاليه​

 

[♥ SWeeRa ♥]

رد : مساعده من السعوديه لاهل الكويت الغالين

حبيبتي روحي
مجمع العربيدللدراريع بالفروانيه...
تلقين عندهم جاهز وخياط
اذا بتقعدين يومين او 3 روحي العربيد اول
واذا على الملابس وين تبين
ملابس عندج الافنيوز
اما المعلم خياط الكويت والا سوريا
مو ماركات
بس تلقين عندهم اشياء رخيصه وحلوه

انتي قولي شنو تبين بالضبطوعيالج
صغار ماتحصلين لهم بالمعلم السالميه

 

[الظروف وحشه]

رد : مساعده من السعوديه لاهل الكويت الغالين

الله يعطيكم العافيه انتم عطيتوني اكثر من مكان للدراعات بس الشوبنق انا مخليته يوم واحد فقط ابي محل اقدر القى فيه الميني دراعه العربيد والا الاوقاف والمعلم ابي منه اغراض للبيت لي ولعيالي اذا مافيه شي موجود راح اكنسله وبالنسبه للمولات انا مليت من مولات الرياض ابي شي مالقاه بالرياض اللي هي ميني دراعه

 

[الظروف وحشه]

رد : مساعده من السعوديه لاهل الكويت الغالين

تكفون اهل الكويت انا بكره ابجيكم ابي الفزعه منكم وانتم اهل الفزعات

 

[زهرة الفردوس]

حبيبتى المينى دراعه قتلج تلقينها بالبلوكات عند سوق الصفاة بالديره

 

[الظروف وحشه]

رد : مساعده من السعوديه لاهل الكويت الغالين

مشكورين للي ردو الله يعطيهم العافيه

 

[العود الأصلي]

ياهلا والله بأهلنا اهل المملكة ديار بومتعب عسي اللله يشافيه

حبيبتي اذا سفرتكم محددة نصيحه لا تروحين الاوقاف والله حرام يضيع وقتج تبين اسواق للشغلات اللي ذكرتيها
مدينة المعلم ستي سنتر كل شي فيه حتي القمصان فيه
والدراريع عندج اختيارين يا البلوكات فوووق روعه او العربيد وكلهم يخلصون خلال يومين لان الحين مو موسم وان كنت ارشح لج العربيد كونه متخصص دراريع وقمصان قصيرة
وحياج الله مره ثانية

 

[بواسم]

هلا فيج اختي بالنسبه للترفيه عندج مرح لاند بالصباحيه وحديقه الشعب مليانه العاب والمدينه الترفيهيه وعندج المجمعات مثل

الافنيوز وستي سنتر السالميه وهو المعلم والمركز العلمي والمني دراعه افضل شي سوق الصفاة فوق بالبلوكات تلقين تشكيله كبيره

والله يوفجج . اذا حابه انا بعد عندي مني دراعه

 

[ام الحلوووين]

هلا والله حياج الله

لاحررام بنات البلوكات مافيه نادر اغلبه تفصال العربيد بدشين تفتحين حلجج من ميني دراعه عمارتين جنب بعض مليانه ورخاااااااااااااااص حيل

يعني 12 تقريبن 150 مافيه اغلا من 200 ريال نصيحه مني لااتضيعيني بين مني ومناك

اهو بالفروانيه ورا جمعيه الفروانيه لان فيه مجمع اسمع العربيد بلاز نفس المنطقه هذا مجمع اهو لا خياطين قولي ابي العربيد

الاوقاف نوعن ما غالي ونفس العربيد همن البلوكات ونادر ماتحصلين بيضيع وقتج ماكو شي اغلبه قماااش وانتي اتجيبين الموديل

الترفيه كويت ماجيك مجمع وفوق العاب الافنيوز فيه ماجك لاند العاب همن سيتي سنتر السالميه العاب حديقه الشعب المدينه الترفيهيه

واذا لج بالعربيد بتروحين له روحي مجمع مناور تحت السرداب فيه فاشن مل

رووووعه حق سوالف بيت ورخيص يعني مشوارين نفس المكان

 

[الظروف وحشه]

رد : مساعده من السعوديه لاهل الكويت الغالين

مشكورين اجل اكنسل الاوقاف والبلوكات على حسب كلامكم لانه وقتي ضيق ومحدود قعدتنا كلها 5 ايام

 

[ميسم]

رد : مساعده من السعوديه لاهل الكويت الغالين

اب اب اب اب اب اب

,,,,,,,,,,,,,

 

[قمر الكويتية]

رد : مساعده من السعوديه لاهل الكويت الغالين

رفع


لا إله إلا أنت سبحانك إني كنت من الظالمين

 

[noorq8]

رد: رد : مساعده من السعوديه لاهل الكويت الغالين

مشكورين اجل اكنسل الاوقاف والبلوكات على حسب كلامكم لانه وقتي ضيق ومحدود قعدتنا كلها 5 ايام

نصيحه ,نصيحه ,نصيييييحه ومابي منج غير الدعاء لاتفوتين تمرين فياصل اللي بالجابريه عند مستشفى مبارك مقابل مدرسة الخباب بن الأرت الابتدائيه بنين ,أول مره أطبه اليوم بس شيييييييييييييييييييييييي مو أي شي دراريعه صج غويليه شوي تبدأ ب50 بس صج صج صج فخاااااااااااامه وكشخه ,لي رحتي له حطي رايج هني ,توصلون بالسلامه.