مساعد مهندس والفني كل وحده تتفضل اهني حياكم

[Golden]

يسلموا عالرد والحمدالله نعمه بعد اكو كادر يديد ميه ميه:RoadRunner:

اي كادر هذا ؟؟

نورينا

 

[تمنيتك]

رد : مساعد مهندس والفني كل وحده تتفضل اهني حياكم

مرحبا بنات


بغيت اسئلكم .. في احد بالداخليه ؟؟

الفني .. له بالداخليه ... كادر فني ؟؟

 

[العجميه سبشل]

ما شاء الله والله زين المعاش عسى ربي يباركلج فيه

ماقلتيلنا وين تشتغلين حبوبه ؟

واذا على التكمله ياوخيتي كلنا نبي بس الواقع مايساعد

حرام عليهم ما يعادلولنا ... الا ندرس بره والظروف ما تسمح واذا سمحت موقفين الاعتراف

يعني متصكره بويههنا... الله يعين

اسفة بنات اللي سألتني وين اشتغل

انا بوزارة الصحة

 

[شقرديـه عالطل]

اي كادر هذا ؟؟

نورينا

علمي علمج:23_asmilies-com:
بس خالي قالي لكم كادر يديد ومن الوناسه:eh_s(9): ماسالته

 

[Golden]

علمي علمج:23_asmilies-com:
بس خالي قالي لكم كادر يديد ومن الوناسه:eh_s(9): ماسالته

انا بعد سمعت انه في كادر يديد بينزلونه

بس شسالفته وصج ولا كلام فاضي ؟؟ مادري !!

بنات اللي يعرف عن هالموضوع يقوول

 

[om kisha]

بنات تكفوون ساعدووني عيزت وانا اسال محد يرد بالمواضيع الثانيه منو احسن
كهربا ماي ولا اشغال ولا تطبيقي ولا النفط ولا التربيه محتاره

 

[Golden]

قصدج وزارة النفط ؟ لان الوزاره تفرق عن المؤسسات فرق كبير
اذا وزاره هذا تجمعهم انا اللي اعرفه انه حالها حال وزارات الدوله بس مكانها وايد يمدحونه
http://www.q8yat.net/showthread.php?t=354364

التطبيقي مو وزاره تعتبر هيئه حكوميه مستقله
وفيها مميزات بس مرات يذمونه ومرات يمدحونه اتوقع على حسب القسم مالج
وهذا تجمعهم
http://www.q8yat.net/showthread.php...E1%CA%D8%C8%ED%DE%ED+%E6%C7%E1%CA%CF%D1%ED%C8

اما وزاره الكهربا والاشغال على حسب شنو شهادتج
لان انا مدحولي الكهربا بتجمعنا بالنسبه حق تخصصاتنا
بس الاداريين يقولون ماكو فرق بين الاشغال والكهربا بس مو متأكده

شوفي هذا تجمع وزارة الاشغال
http://www.q8yat.net/showthread.php?t=275621

وهذا تجمع وزاره الكهربا
http://www.q8yat.net/showthread.php?t=233467

اما بالنسبه حق التربيه وايد ناس يذمونها ووايد ناس يحبون عطلتها
شوفي اذا مدرسه حلووه التربيه لج
اما اذا اداريه ما انصحج اذا شغلج بالوزاره ولا بالمنطقه التعليميه
الااا اذا بمدارس ممكن عشان تعطلين وياهم

وان شاء الله اكون ساعدتج بقرارج

 

[ماريا 2006]

انا بالداخليه
وماني عارفه ليش كل الوزارات تاخذ بدل موقع الا احنا عطونا سنه بعدين اقطعوه منو بالداخليه اتنورني اقدر اطالب فيه او خلاص انا اتصور احنا اقل معاش واكثر كراف

 

[Golden]

حبيبتي جم صارلج بالداخليه ؟

وجم معاشج ؟

ووين دوامج ؟ مو لازم يكون دوامج بعيد عشان يصرفولج ياه ؟؟

 

[om kisha]

مشكوووووووره فديتج جلودين الله يفتحها عليج

 

[زوزو الحلوه]

سلام بنات ..
انا يمكن اقدم وحده فيكم بالوظيفه انا خريجه معهد اتصالات وملاحه تخصص صيانه حاسب الي المسمى اللحين فني اول حاسب الي صارلي 7 سنين المعاش 790 اشتغل بوزاره الداخليه..اللي تقول اقل معاش ماكو فرق بين الوزارات اذا تبين اكثر اشتغلي بخاص اكيييد في كوادر وسوالف انا كل اللي تخرجوا معاي نفس معاشي في منهم بالاعلام في بالكهربه معاشنا اهو اهو لانه من الديوان واللي اسالت عن بدل موقع 50 اي عطونا وسحبوه اللحين تقدرين تاخذينه...في عدد معين انج تتطلعين بمواقع معينه يكلفونج فيها الاداره اهني يعطونج ال50 ...وعلى الكراف مو كل مكان بوزاره الداخليه كراف احنا اغلب الفنيين نكون بمراكز الخدمه فا يكون مركز اجهزته قديمه تلوع الجبد تكرفين كراف على ما يفكرون يجددون المركز وفي مراكز يديده حلوه وين وين تشتغلين ...وانشالله اكون فدتكم

 

[ياعيون مغليك]

خلنا نتوظف واشارككم
لاعت جبودنا من البطاله تخللنا

 

[ام علووي]

انا بالداخليه مساعد أول مهندس فيزياء وصارلي عشر سنين بالداخلية ومعاشي 850 وخرده ماادري جم لانهم خصموا حق زياده
المتقاعدين وكان معاشي مع بدل الموقع 900 وحرمونا من الكادر وبالاخير اسحبوا الخمسين مالت الموقع ولا في كادر
وصراحه عليهم بالعافيه المهندسين بالكادر بس تمنينا يحوشنا شي .... ودي اكمل بس ماادري اشلون ووين والله يعين

 

[جاذبية]

مرحبا انا فني ثاني صيانة تعيين يديد شهر واحد اللي طاف متخرجه من الاتصالات والملاحه ومعاشي 680 ومع التكليف 730 وشي اكيد بكمل بس نشوف انشاالله.... واخيرا صار عندنا تجمع الواحد يفضفض فييييييه وناسه ويستفسر ومايضيع ههه

 

[om kisha]

جاذبيييييه انتي اي وزاااه ؟؟؟

 

[سفرجل]

انا بالاعلام صارلي ست سنين
ومسماي الوظيفي مساعد اول مهندس الكترونات اتصالات خريجه تكنولوجيا
كان مسماي مساعد مهندس بس ليش صارلي خمس سنين غيروا مسماي----------------قصه
معاشي 816 جنه

 

[om kisha]

انزين الاوقاف ماتدرون جم معاشهم بالضبط ؟؟؟
واااي بنات احسسسسس ضاايعه كل دقيقه فلم وكل دقيقه اقرر ابي مكان مادري اصلا جم رغبه لنا

 

[جاذبية]

جاذبيييييه انتي اي وزاااه ؟؟؟

هلا حبيبتي انا بوزارة التربية

 

[الكيكه دندن]

رد : مساعد مهندس والفني كل وحده تتفضل اهني حياكم

انا اختي هم مثلكم مساعد مهندس
معدات طبيه

وبطاليه

وين تقدر تقدم اهيا قدمت بوزارة الصحه بس عندهم اكتفاء وبالتربيه اعتقد هم مايبووووون؟

 

[نـ(المطيري)ـازكـ]

الكيكة شنو هذا معدات طبية ..؟

وين بأي كلية تدرس ..؟