مساعد مهندس والفني كل وحده تتفضل اهني حياكم

[شقرديـه عالطل]

الله كريم ونتوضف
واشاركم يارب

 

[shoshowoo]

حبوبات انا مساعد مهندس كيمياء معاشي صافي 730 بالاشغال

 

[همس الجــليــد]

رد : مساعد مهندس والفني كل وحده تتفضل اهني حياكم

بغيت اسال لي بالسنترال جم معاشهم وشنو بيون تخصصات ؟؟

الخريجات التكنلوجيا ؟


:e3:

 

[عالمة الحب]

السلام عليكم شلونكم أنا مساعد مهندس كيمياء بغيت أسأل عن البكلريوس الهندسه الكيميائيه مادري فتحته التطبيقي أو لا

 

[الكيكه دندن]

رد : رد: مساعد مهندس والفني كل وحده تتفضل اهني حياكم

الكيكة شنو هذا معدات طبية ..؟

وين بأي كلية تدرس ..؟

اهلين حبيبتي اهيا ادرست بالتطبيقي

عندها دبلوم من كليه التكنولوجيا قسم معدات طبيه

وقدمت ماكو فايده :nocommint:

مع انها معدلها حلو

 

[emankuwaiti]

فني صيانة حاسب الي - اتصالات و ملاحة 2006
لاكادر و لا شي بس بدلات
بالداخلية و الراتب 700 و شي

ودي اكمل بس مترددة أخذ تفرغ لان البدلات راح يقطعونها طول فترة الدراسة

و الله يعين

 

[خاطر مذبوح]

الكيكة شنو هذا معدات طبية ..؟

وين بأي كلية تدرس ..؟

تخصص معدات طبية موجود بكلية التكنولوجيا بس اهوه مصكر حالياً صارله يمكن ثلاث سنين !

السلام عليكم شلونكم أنا مساعد مهندس كيمياء بغيت أسأل عن البكلريوس الهندسه الكيميائيه مادري فتحته التطبيقي أو لا

و عليكم السلام انا ادرس الحين بالتكنولوجيا تخصص كيمياء تطبيقية و مافي خطة بتطبيق البكالوريوس حاليا مع الاسف هذا كلام العميد والبكالوريوس راح يتطبق على الهندسة الكيميائية للبنين و ليس البنات

حبوبات انا مساعد مهندس كيمياء معاشي صافي 730 بالاشغال

الله يبارك لج فيهم انشاءالله
بس بغيت اسألج ماعليج أمر اذا تقدرين تفيديني
ودي اعرف شلون طبيعة الشغل بالأشغال ؟
تشتغلون بالمختبرات ؟ والا شنو تسوون بالضبط؟
و يعطيج العافيه والله يوووفقج

 

[الكيكه دندن]

رد : مساعد مهندس والفني كل وحده تتفضل اهني حياكم

ايييييييييييي يعني مسكينه تخصصها مو مطلوب اهيا خذت الشهاده تقريبا من 7 سنين او اكثر
والوالد يقول لها اذا ماكو فايده دشي جامعه اتصيرين مدرسه احسن ههههههه

 

[نـ(المطيري)ـازكـ]

امبية معقولة ماحطوها بأي وظيفة ..؟

هذا وانا كنت بدرسة ..!! صدمتوني الصراحة ..

 

[ماريا 2006]

سلام بنات ..
انا يمكن اقدم وحده فيكم بالوظيفه انا خريجه معهد اتصالات وملاحه تخصص صيانه حاسب الي المسمى اللحين فني اول حاسب الي صارلي 7 سنين المعاش 790 اشتغل بوزاره الداخليه..اللي تقول اقل معاش ماكو فرق بين الوزارات اذا تبين اكثر اشتغلي بخاص اكيييد في كوادر وسوالف انا كل اللي تخرجوا معاي نفس معاشي في منهم بالاعلام في بالكهربه معاشنا اهو اهو لانه من الديوان واللي اسالت عن بدل موقع 50 اي عطونا وسحبوه اللحين تقدرين تاخذينه...في عدد معين انج تتطلعين بمواقع معينه يكلفونج فيها الاداره اهني يعطونج ال50 ...وعلى الكراف مو كل مكان بوزاره الداخليه كراف احنا اغلب الفنيين نكون بمراكز الخدمه فا يكون مركز اجهزته قديمه تلوع الجبد تكرفين كراف على ما يفكرون يجددون المركز وفي مراكز يديده حلوه وين وين تشتغلين ...وانشالله اكون فدتكم

انا خريجة تكنولوجيا تفرق شهادتي من مكان لي مكان وبدل موقع كل الوزارات تاخذه من غير طلعه
يعني انا اتكلم عن خريجات التكنولوجيا مواتصالات بالداخليه نفس المعاش بس بره غير
وليش اشتغل بخاص كل الوزارات اكثر منا (اتكلم عن خريجات التكنولوجيا)

 

[ماريا 2006]

انا بالداخليه مساعد أول مهندس فيزياء وصارلي عشر سنين بالداخلية ومعاشي 850 وخرده ماادري جم لانهم خصموا حق زياده
المتقاعدين وكان معاشي مع بدل الموقع 900 وحرمونا من الكادر وبالاخير اسحبوا الخمسين مالت الموقع ولا في كادر
وصراحه عليهم بالعافيه المهندسين بالكادر بس تمنينا يحوشنا شي .... ودي اكمل بس ماادري اشلون ووين والله يعين

بعد متى اقدر اغير مسماي لمساعد اول انا مثلج بالداخليه

 

[^ أم الـزيـن ^]

بناااات منو تشتغل بوزاارة الموااصلاات ومتخرجه من معهد الاتصالات والملاحه ؟؟

يااليييت تفييدوونا شلوون الدوام هناك وجم معاشاتهم جزااكم الله الف خيير ؟؟

 

[ريم الغلا123]

مرحبا منو فيكم خريجة اتصالات وتشتغل بمدرسة وجم المعاش؟

 

[Golden]

بعد متى اقدر اغير مسماي لمساعد اول انا مثلج بالداخليه

:gathering:
مساعد مهندس = دبلوم تخصصي :eh_s(13):
مساعد أول مهندس = دبلوم تخصصي + 4 سنوات خبرة :eh_s(13):
مساعد مشرف = دبلوم تخصصي + 8 سنين خبرة منها 4 سنوات خبرة بوظيفة ( مساعد اول مهندس ) :eh_s(13):
مشرف = دبلوم تخصصي + 12 سنوات خبرة منها 4 سنوات خبرة بوظيفة (مساعد مشرف )
:ggdw:

هذا ردي بتجمعنا ( خريج كلية التكنولوجيا )

ان شاء الله بيفيدج

 

[Golden]

امبية معقولة ماحطوها بأي وظيفة ..؟

هذا وانا كنت بدرسة ..!! صدمتوني الصراحة ..

اي الحين التخصص الناجح بكليتنا اهوه هندسة الكمبيوتر

ما ارفع من تخصصي بس اهوه الوحيد اللي اشوفه ماشي بالديوان بس يرشحونه باماكن ماتسر

اما الكيميا والفيزيا ظالمينهم وخصوصا بالتربيه ينشال منهم الكادر والمسمى يصير محضره علوم

والالكترونيات اتصالات البنات راحو سئلوو لان طولو ومارشحهم الديوان والرد كان انهم محتاجين شباب من تخصصهم

اما المعدات الطبيه مصكرين هالتخصص بالكليه صارلهم فتره لان نفس السالفه مو مطلوب

والله يعين

 

[Golden]

رد: رد : مساعد مهندس والفني كل وحده تتفضل اهني حياكم

ايييييييييييي يعني مسكينه تخصصها مو مطلوب اهيا خذت الشهاده تقريبا من 7 سنين او اكثر
والوالد يقول لها اذا ماكو فايده دشي جامعه اتصيرين مدرسه احسن ههههههه

عمري خل الوالد يكلم اي عضو عن مشكلتها

وايد 7 سنين ظلم هذا

 

[Golden]

السلام عليكم شلونكم أنا مساعد مهندس كيمياء بغيت أسأل عن البكلريوس الهندسه الكيميائيه مادري فتحته التطبيقي أو لا

لا للحين ما بطلوو

وهذا الرد بيفيدج

http://www.q8yat.net/showpost.php?p=17151730&postcount=236

 

[Golden]

حبوبات انا مساعد مهندس كيمياء معاشي صافي 730 بالاشغال

وايد بنات يسئلون اي وزاره احسن الاشغال او الكهربا

ودامج بالاشغال ابيج تجاوبين على هالسؤال :d

 

[خاطر مذبوح]

اي الحين التخصص الناجح بكليتنا اهوه هندسة الكمبيوتر

ما ارفع من تخصصي بس اهوه الوحيد اللي اشوفه ماشي بالديوان بس يرشحونه باماكن ماتسر

اما الكيميا والفيزيا ظالمينهم وخصوصا بالتربيه ينشال منهم الكادر والمسمى يصير محضره علوم

والالكترونيات اتصالات البنات راحو سئلوو لان طولو ومارشحهم الديوان والرد كان انهم محتاجين شباب من تخصصهم

اما المعدات الطبيه مصكرين هالتخصص بالكليه صارلهم فتره لان نفس السالفه مو مطلوب

والله يعين

ترى الكيميا تخصصنا مو مظلوم الحمدلله
مظلوم بوزارة وحدة فقط اللي اهيا التربية مثل ما قلتي ينشال منهم المسمى لأنهم يصيرون محضرات علوم
و اللي ما تبي تنظلم لا تدخل التربية مو مجبووورة فيها
عندكم وزارة الدفاع و الاشغال و الكهربا و الماي و الهيئات و معهد الابحاث و الصحة هذي كلها
بيكون مسمانا فيها مثلكم مساعد مهندس و الوظيفة على الدرجة الخامسه و ثلاث علاوات مافي فرق
والمعاش بعد مثلكم و اعتقد اكثر بعد بجم دينار .. انا رفيجتي تخرجت من الكيميا و معاشها الحين 750 و في وحدة اهني قالت معاشها 730
وبعد يوصل أكثر فبعض الأماكن اللي يكون فيها زيادة عن الاماكن الباجي
و بنفس الوقت الكمبيوتر كذا وحدة تقول معاشها 720 مادري 680
الكمبيوتر ناجح لأنه مرغوب بكل الوزارات يعني مجاله أوسع من الكيميا لأن الكيميا محدود
بس حبيت اوضح هالنقطة للي حابين يدخلون كيميا او فيزيا عشان لا يتحبطون لأني كنت محبطة مثلهم ليش اني صدقت كلام البنات بالكليه يتكلمون على الله
لكن بعد ما حولت للتخصص ( مادري شلون حولت له سبحان الله بيوم وليله بدون تفكير حتى اني ما قدمت مع طلبات تغيير التخصص )
و قريت و سألت البنات اللي متوظفين عليه اكتشفت كل الكلام اللي انقال عن هالتخصص غلط ليش انه بنات الهندسه الإلكترونية كانوا دايماً يقللون من تخصص الكيميا و الفيزيا
و هالشي انتشر بالكليه لدرجة ان كلللللللل بنات تخصصي اللي اعرفهم بالكيميا قالو بنحول ما يبون التخصص !! وانا طلعت من هندسه الكترونية و رحت له حتى الكل مستغرب مني لووول
الفرق ان احنا نشتغل بالمختبرات و انتو تشتغلون بالاداره

 

[Golden]

ترى الكيميا تخصصنا مو مظلوم الحمدلله
مظلوم بوزارة وحدة فقط اللي اهيا التربية مثل ما قلتي ينشال منهم المسمى لأنهم يصيرون محضرات علوم
و اللي ما تبي تنظلم لا تدخل التربية مو مجبووورة فيها
عندكم وزارة الدفاع و الاشغال و الكهربا و الماي و الهيئات و معهد الابحاث و الصحة هذي كلها
بيكون مسمانا فيها مثلكم مساعد مهندس و الوظيفة على الدرجة الخامسه و ثلاث علاوات مافي فرق
والمعاش بعد مثلكم و اعتقد اكثر بعد بجم دينار .. انا رفيجتي تخرجت من الكيميا و معاشها الحين 750 و في وحدة اهني قالت معاشها 730
وبعد يوصل أكثر فبعض الأماكن اللي يكون فيها زيادة عن الاماكن الباجي
و بنفس الوقت الكمبيوتر كذا وحدة تقول معاشها 720 مادري 680
الكمبيوتر ناجح لأنه مرغوب بكل الوزارات يعني مجاله أوسع من الكيميا لأن الكيميا محدود
بس حبيت اوضح هالنقطة للي حابين يدخلون كيميا او فيزيا عشان لا يتحبطون لأني كنت محبطة مثلهم ليش اني صدقت كلام البنات بالكليه يتكلمون على الله
لكن بعد ما حولت للتخصص ( مادري شلون حولت له سبحان الله بيوم وليله بدون تفكير حتى اني ما قدمت مع طلبات تغيير التخصص )
و قريت و سألت البنات اللي متوظفين عليه اكتشفت كل الكلام اللي انقال عن هالتخصص غلط ليش انه بنات الهندسه الإلكترونية كانوا دايماً يقللون من تخصص الكيميا و الفيزيا
و هالشي انتشر بالكليه لدرجة ان كلللللللل بنات تخصصي اللي اعرفهم بالكيميا قالو بنحول ما يبون التخصص !! وانا طلعت من هندسه الكترونية و رحت له حتى الكل مستغرب مني لووول
الفرق ان احنا نشتغل بالمختبرات و انتو تشتغلون بالاداره

عمري ما اقصد اقلل من تخصصكم ولا شي بالعكس انا قاعده اقول مظلومين على دراستكم لانها قويه

وهالكلام مثل ما قلتي منتشر وبنات التخصص اهما بنفسهم يتكلمون الحجي مو مني طالع

والله يوفق الكل ان شاء الله