الطريقه اول شي تجيبين صدور دجاج تقطعينه على الحجم الي تفضلينه بعدين تحطينهم بصحن وتصبين فوقهم نص كوب ماء وملعقه زيت وملعقه كركم وملعقه لون طعام احمر << اللون يحكي
هذا ملون الطعام
وخليه عشر دقايق يتخمر زين مع اللون
جيبي خلاط وحطي فيه
2طماطم كبيره
3فصوص ثوم
شوي من الكزبره الطازجه انا ماحصلت طازجه حطيت المجمده
3ملاعق صلصة طماطم
نصف علبة زبادي
انا حطيت قرن فلفل حرارته وسط تقدرين تستغنين عنه
اخلطيهم زين واتركيهم على جنب
الحين جيبي بصل واحمسيه بزبده بعدين جيبي الدجاج الي مخمرينه وحطيه فوق البصل بدون المويه بس لاتكبين مويته خليها قلبيه شوي وحطي الحين نص حبه ماجي وبهارات المسالا اذا ماهي عندك حطي بهارات هنديه او اي نوع عندك بس افضل بهارات المسالا وحطي بهارات الكاري ملعقه وملح شوي وفلفل بودره احمر انا حطيت الي مره حار تقدرون تسغنون عن الحار
بعدين حطي عليهم ربع كاس ماء وخليه يتسبك شوي خمس دقايق
بعدين حطي الخلطه الي خلطناها بالخلاط على الدجاج + المويه الي خمرنا فيها الدجاج اول
خليه نص ساعه مغطى على نار هاديه بعدين افتحيه خلي مويته تثقل شوي وحطي نص او ثلاث ارباع كوب قشطه الخفق قلبيه وخمس دقايق
احس القشطه العاديه احلى حط علبه وحده
ذوقي ملحه اذا يحتاج زيديه
وهنا بعد ماخلص زينيه بالبقدونس
وقدميه مع الرز
وهذا لاول وحده ترد
