مستجدات ومستمرات الجامعه العربية المفتوحة **) تعالوا نتناقش وندردش ونستانس (**

[ماكينتـ*زينة*ـوشة]

صح بنات اخنا توهقنا ما كان في احد يساعدنااا


نفس ماقالت بنت الكويت اخذي عربي وانجليزي وجي ار 101

انا اول كورس اخذت جذي ..

 

[بنت الجامعة]

لا يسمح للطلبة المستجدين ان يسجلون اكثر من 3 مواد

وموفقين يارب

 

[ليتني مت بدالك]

يا بنات نصيحه مني انا مجربه وصارلي 5 سنين بالجامعه وبدخل بالسادسه والله مو كسل بس جهل بالنظام , ابي اقولكم شغله مو الكل عارفها ترى مواد التخصص تنزل بداية السنه بس يعني مو تقولين اول كورس بسجل المواد اللي من 3 وحدات ومستانسه عبالج مواد التخصص تنزل الكورس الثاني ترى ما تنزل , يعني تنطرين سنه وتروح من عمرج وانتي ما تدرين, امشوا على الخطه الدراسيه بالضبط لا تزيدين مواد ولا تنقصين.ونصيحه الكورس الصيفي خلوه للمواد اللي من ثلاث وحدات ودربالكم على المعدل لا تقولون نبي النجاح وخلاص لا ترى الدي تخسف المعدل خلكم كله a &b لا تنزلون عنهم لأنهم يرفعون المعد حيل اول كورس.

انا صارلي جذي سجلت مادتين تخصص وبعدين سحبت وحده عى امل اسجلها الكورس الثاني يوم جه الكورس الثاني بسجل ولا طلع ما يصير فراحت علي سنه وانا مدري بس يله كل طراق بتعلومه.

انشالله تاخذون بنصيحتي لأني ندمانه ليش الماده اللي سحبتها كانت متطلب لماده ثانيه فتأخرت سنه ثانيه , دربالكم لازم تعرفون الماده والمتطلب المسبق لها.

وأسالوا عن الدكاتره الزينين اللي شرحهم حلو ويعطون علامات لا تسجون عند دكتور الا انتوا متأكدين منه , شاركوا اهني وأسالوا عن احسن الدكاتره.

وبس وأي استفسار انا حاضره حبوبات وباتوفيج

 

[pinki.style]

شخباركم ؟ منو فيكم سهرانه؟

 

[pinki.style]

ليتني مت بدالك
شلونج شخبارج؟؟
يعني انا الحين مستجده تخصص ادارة أعمال
اول شي اتخصص واخذ المواد والا اشلون ؟؟ مو اول شي اخذ مواد مشتركه وبعدين ادش بمواد التخصص؟؟

 

[ليتني مت بدالك]

ليتني مت بدالك
شلونج شخبارج؟؟
يعني انا الحين مستجده تخصص ادارة أعمال
اول شي اتخصص واخذ المواد والا اشلون ؟؟ مو اول شي اخذ مواد مشتركه وبعدين ادش بمواد التخصص؟؟

هلا حبيبتي اول شي مواد الأجباريه وبعدين الأختياريه وبعدين التخصص انشالله, امشي حسب الخطه بالملي وما راح تأخرين ولا تضيعين ودخلي المناقشات الدراسيه حق المواد اللي بتسجلينها من منتديات الجامعه المفتوحه والله فادتنا نفس منتدى يمعه ومنتدى السعوديه عجيب كل الملخصات فيه.

 

[ماكينتـ*زينة*ـوشة]

شلونكم صبايا ؟

شلون العطلة معاكم ؟؟

 

[أحلى عقربة]

بنات بقيت اعرف في هناك مرشدين احد يسألهم قبل لا يسجل يعلمون شلون الطريقة ؟؟؟؟

 

[ماكينتـ*زينة*ـوشة]

راح يكونون معاكم بالقاعه لاتحاتين ..

 

[pinki.style]

ها بنات المستجدات محد فيكم راح اختبار القدرات للحين؟

 

[^^DADDIES GIRL^^]

ليش محد رد علي؟

 

[miss shmo0o5]

بنات انا مـتاكده اني راح ارسب بالقدرات العربي والانجلش ,,,,,, بس تنصحوني اخدel 98 عند منووو ؟؟
شرايكم بميسه ابو حنيش ؟؟؟ ولا محمد فران ؟؟؟؟

و ar111 اخذه عند منووووو ؟؟؟


ويقولون المستجده ما يصير اخذ اكثر من 3 مواد ,,,,,,, باقيلي ماده اختارولي اياه مع دكتور زين ؟؟؟؟
وانا تخصصي ادراة اعمال
ناطرتكم

 

[ماكينتـ*زينة*ـوشة]

انجليزي انا اخذتة عند دانية والله زينة او منى قرطم

والعربي اخذي عبدالمجيد او ايهاب
والمادة الثالثة اخذي تعلم ذاتي جي ار 101

 

[miss shmo0o5]

انجليزي انا اخذتة عند دانية والله زينة او منى قرطم

والعربي اخذي عبدالمجيد او ايهاب
والمادة الثالثة اخذي تعلم ذاتي جي ار 101

جي ار 101 اخده عند منووووووو ؟؟؟؟


و بس هاذا جدولي؟؟
ما يصير ازيد ؟؟؟

 

[فاهمه *]

مساء الخير بنات شلونكم شخباركم
بنات اداره اعمال ابي تفيدوني انا الكورس الياي ابلش مواد تخصص طبعان خذيت
b120 مقدمه حق اداره الاعمال و
lb160 سجلتها ودي احط مكانها b200 لان يقولون اسهل منها اي وحدة احطها قبل لان ماخذه معاهم مادة تنميه جي ار112 شرايكم​

:eh_s(1):

 

[Mawiya]

السلام عليكم

بنات أنا امتحاني القدرات يوم 23

إدعولي بالتوفيق

انا تخصصي أدب انجليزي

ابي اسألكم تخصص الحاسوب دراسته

تعتمد على العملي اكيد فشلون على نظام

الجامعه المفتوحه يكون معتمد على عملي

اذا مافي محاضرات منتظمه

انا ودي أحول من أدب انجليزي إلى تقنية معلومات

بس خايفة لان النظام المفتوح يعتمد عالطالب

فشلون بشرح حق نفسي المواد

 

[miss shmo0o5]

بناات شلووونكم؟



توني اجيك على اللاب

طلعت بلاب 5
تاريخ 19/ 8

وناااااااااااااااااسه انتي معاي انا بعد لاب 5 تاريخ 19 _ 8 :dddds::dddds:

 

[(ام سارا)]

السلام عليكم بنات
المستجدات منو امتحانها 16 /8 يوم الاحد
تخصص ادب انجليزي
الظاهر اول وحده تمتحن انا حتى بمنتديات الجامعه مالقيت احد نفس هالتاريخ
ادعوا لي مااخذ تمهيدي
والي اختبروا قبلنا شلون درجه اسئله الانجلش العربي مو مهم عندي

 

[زبــــــــدة]

مساء الخير بنات شلونكم شخباركم
بنات اداره اعمال ابي تفيدوني انا الكورس الياي ابلش مواد تخصص طبعان خذيت
b120 مقدمه حق اداره الاعمال و
lb160 سجلتها ودي احط مكانها b200 لان يقولون اسهل منها اي وحدة احطها قبل لان ماخذه معاهم مادة تنميه جي ار112 شرايكم​

:eh_s(1):

انا تخصصي ادارة اعمال وباقيلي 4 مواد تخصص واتخرج بس
المواد اليديده ماعرفلها والله

يعني بي120 وبي 160 مادري شنووو

انتي شوفي الخطه الدراسية وامشي عليها عشان ما تتوهقين

 

[ماكينتـ*زينة*ـوشة]

شلوووونكم؟؟



باركــــــولي بتوظف


نزل اسمي اليوم دزوا لي مسج



يلا الموظفاااات شجعوني ..