مستجدات ومستمرات الجامعه العربية المفتوحة **) تعالوا نتناقش وندردش ونستانس (**

[شوق الحب]

بنات انا منصدمة من الامتحان الخط صغييييير ما اشوف بصراحة
بس الحمداللة و اخذت انجليزي تمهيدي 98 و عربي 111 وجي آر
و عندي سؤال شلون ادخل على الايميل اللي سولنا اياه
ومع موقع الجامعة عشان التسجيل ما يفتح معاي ليش ؟؟

 

[HASB_83]

السلام عليكم

انا وعدتكم اني اقولكم كل شي يصير معاااي

وسوري على التأخير ماقدرت اشبك امس

المهم

امس كان امتحاني الساعه 12 لي 2

بلاب 5

رحت على الساعه 11 ونص تقريبا كان اكو استاذ موجود بالاب

اول شي عطانا الورقه اللي فيها الخطه الدراسيه والشرووط

بعدين نقلنا ارقامنا الجامعية
وورانا شلون ندش على الامتحان
اول شي الانجليزي

مع العلم اني ما كنت خايفه من الانجليزي كنت حدييييييي متصروعه من العربي


المهم اللي صار

اول 3 صفحات تقريبا كلها اختياري متعدد

يعني يعطونج جمله وانتي تكملين
بصراحه الكلمات صعبه وبعض الجمل ماتنفهم

وعقب هالصفحات يابوا طقعه عليها اسئلة

اهما قطعتين

اول قطعه اتذكر كانت عن واحد امريكي مسوي اول ديكشنري امريكي
وتحتها الاسئله

والقطعه الثانية عن معادله الفلوس والوقت وال RATE

القطعتين واايد سهلين بالنسبه لي
يعني حليتهم وانا متأكده 95% الحمدلله

والصفحه الاخيره كانت قطعه وفيها فراغات كلمات

وتحت الاسئله يقولولج بفراغ رقم 1 شلون المفروض تكون الكلمه ويحطونلج اختيارات
هذي صعبه شوي
يعني تضيعييييييييين



المهم خلصت وماراجعت لاني اذا راجعت بعفس الدنيا لول
اييي وانتي تحلين موجود بالصفحه فوق الوقت اللي باجيلج


خلصت الامتحان وسويت سيف وشفت نتيجتي تقريبا 47
وتخليني بالمستوى الثاني التمهيدي للانجليزي

لان لي 49 نهايه التمهيدي الثاني

ومن 50 تبدين تاخذين الانجليزي الاجباري! تخيلوا


المهم الحين العربي

اول ماشفته اخترعت

بس الحمدلله حسييته وااايد اسهل من الانجليزي

لاحظوا هذا وانا كنت حديي خايفه وانا كلللللللش مو زينه بالعربي


المهم اول سفحه كانت اقتباس من كتاب عن مدرس يدرس الطلبه اللغه العربية والحركات وشلون تأثر على الكلمه
والقطعه عليها اسئلة

مثل:
شنو احسن عنوان للقطعه
شنو تمس القطعه
اييبون كلمه من القطعه ويقولون شنو قصده ........




المهم الصفحه اللي وراها كانت قصيده لغازي القصيبي عن الطفوله والغربه
وهم عليها اسئله



وبعدين اييبون اسئلة وانتي تختارين
شنو ضد هالكلمه
وشنو مرادف هالكلمه
وشنو قصده
وهل هالكلمه حرف جر او مفعول او او
بس بالنسبه للقواعد يمكن بسسسسسسس 5 اسئلة مو اكثر



المهم خلصت العربي واطلعت نتيجتي الصدمه اللي صج ماكنت متوقعتها 67 !!!!!!!! :dddds:


الحمدلله الحمدلله لاني كنت حدي خايفه وماتوقعت اييب شي كلللللللللش


بهالنتيجه اعدي العربي الاول وعلى طوول ادش على الثاني اللي يعتبر اخر واحد الحمدلله



بعدين يعطيج ايميلج للجامعه والرقم السري انتي تغيرينه

ويخليج تدشين تختارين المواد

يقولج اقل شي لازم تاخذين 3 مواد

انا سجل العربي اضبطت الحمدلله
ثاني اسبوع يوم الخميس كل اسبوعين


الانجليزي كل 3 ايام بالاسبوع!! انصدمت اشدعوووووه

المهم الانجليزي الساعات كلها قبل الساعه 3 وانا اساسا عندي دوام قلت حق الاستاذ وقالي مومشكله سجلي الحين اي وقت ونزلي تحت عند الاستقبال قوليلهم


وسجلت التعليم الثاني اتوقع اسم الماده وهم نفس مشكله الانجليزي

طبعت الجدول


وطلع السعر الاجمالي 376 تقريبا

سعر الثلاث مواد وسعر الامتحانين
وكرت الجامعه
و جم شغله بعد

احنا المستجدات مايصير ندفع عن طريق السايت كي نت ممنوع

نقدر كي نت تحت عند المالية او تحويل بنكي



خلصت خذيت جدولي وغيرت باسوورد ايميلي ونزلت عند الاستقبال

كلمت اللي موجود مع العلم انه نفسيييييييه بس مو كثر الاستاذ اللي كان حاط علي!!

تخيلوا اسئل الاستاذ سؤال يحقرني ويروح حق وحده ثانية!

اكثر من مره صارت الحركه امبيه تنرفزت جان اقووول هووووو شفيييييييه ليش تحقرني :eh_s(14):

جان اييلي قالي شوووبيييك!!

قلتله قاعده اسئل حقرتني ومشيت والبنات ترد عليهم

امبيه تخيلوا كل البنات يرد على اسئلتهم الا انا قهرني



المهم نرد لموضوعنا


قلت حق الريال عن المواد الانجليزي والثانية

طبعلي ورقتين حق كل ماده

ويقولج انتي كتبي

انا كتبت بما معناه:

الرجاء توفير الماده المذكوره باوقات متأخره مع العلم بانني موظفه والدوام ينتهي في الساعه 3 .
وكتبت جم شغله بعد

وشكثررررررررررررررررر بنات مالقوا اوقات متأخره خصوصا الانجليزي والتعلم الثاتي

وقال دشوا السايت بتاريخ 9/ 9 وشوفوا السحب والاضافه



انا مادفعت قلت بروح اي يوم ادفع
اخر يوم نهايه 8

اللي بالاستقبال قالي! والاستاذ يقول كلام ثاني

بس بنات انتوا تأكدوااا


واذا تحويل لازم تحولين لرقم حسابهم مكتوب على الورقه اللي وزعها والبنك يعطونج وصل تييبينه المالية هم قبل انتهاء وقت التسجيل








بنات لاتحاتون سهالات ان شاءالله
الانجليزي اساسا التمهيدي مستويين
الدرجه من
0 الى 25 المستوى الاول
و من 26 الى 49 المستوى الثاني

ومن 50 وفوق الماده الاجباريه الاولى


ومواد الانجليزي الاجباريه 3 مواد اتوقع

والعربي مادتين كلهم اجباريين


والحمدلله الله سهل


ادري قلت قصه حياتي بس بوضحلكم كل شي
لاني قبل الامتحان كنت ابي اي وحده تقولي التفاصيل بس ماشاءالله البنات بس قالولها رؤوس اقلام
يعني كلش ما يرحوني ولا بردوا قلبي


المهم اتمنى تجربتي وكلامي يريحكم شويييييه على الاقل


والله يوفق الجميع


واي تعبت :krkrkr:

 

[نور اهلي]

الله شكثر بدلياتج لوووووووووووووووول



بس ماقلتي لنا اسئله الانجليزي قواعد ماقواعد ؟ مافي كلش؟؟؟؟ مايبتي طاريها

 

[HASB_83]

الله شكثر بدلياتج لوووووووووووووووول



بس ماقلتي لنا اسئله الانجليزي قواعد ماقواعد ؟ مافي كلش؟؟؟؟ مايبتي طاريها

افاااااااااا


تعيبين على بدلياتي!!


لاني كنت اكتب بسرعه ابي البنات اللي عندهم امتحان اليوووم يقروووون اذا كانوا شابكين
بلحق عليهم

مراح ارد على سؤالج زعلت :0bee2e8d89:































هههههه

الانجليزي اييبولج جمله وتكملين بكلمات عاديه
ان كانت ماضي او قبلها يكون was... has....had....have...is.......are
يعني لازم تركزين بالجمله علشان تعرفين باي تصريف


وسؤال يقولج من الجمل التالية ايهي الجمله الكامله اللي تعتبر صح
ويحطون حمل بعضهم غلط ان كان بمكان الكلمات او من شي ثااني


واكو جم سؤال لالالازم تفهمين الجمله اللي تعتبر معقدددده علشان تنقين الكلمه وطبعا حتى الكلمات معقدين
ماتدرين يعني شنووو


واكو جم سؤال يونسون سهلين يعني بدون تفكير تحطين الاجابه


وصاجه اللي قالت ان الكلام صغير


انا بالعربي عيوني دمعت من كثر من بققتهاااا
الحجي صغيرررر

حتى ناديت الاستاذ الفلم اللي علينا
في سؤال ماقدرت اقراه مادري شنو مكتوب حاطين فتحه وكسره وضمه والكلمات ماتبين منهم
قلتله شنو السؤال شنو مكتوب

حقرنيي ومشى

واااااااااااااي بغيت اكفخه بالشاشه!! :eh_s(14):

 

[بنت الجامعة]

نموذج امتحان اللي امتحنوا عربي وانجليزي على ها الرابط

http://www.m-aou4.com/vb/t2857.html

بالتوفيق يارب

 

[miss shmo0o5]

بنات انا اخذت بالانجلش 26 و عطاني المستوى الاول انجلش 98
مو المفروض اخذ 99 ؟؟؟؟؟؟؟؟؟؟؟؟؟؟؟؟؟؟؟

 

[بنت الجامعة]

بنات انا اخذت بالانجلش 26 و عطاني المستوى الاول انجلش 98
مو المفروض اخذ 99 ؟؟؟؟؟؟؟؟؟؟؟؟؟؟؟؟؟؟؟

غاليتي شيكي على الدرجات

وموفقة يارب

 

[miss shmo0o5]

مشكوووووووووره بنت الجامعه
يعطيج العافيه ما تقصرين

 

[بنت الجامعة]

العفوو حيااتي

الله يعافيج يارب من كل شر

موفقة يارب

 

[رزة الكويت]

تسلمووووون والله

 

[HASB_83]

اييي عيل انا ضيعت المستوى الاول لما 29 ههههه


يسلموو بنت الجامعه





بنات عندي سؤال ضروري وبليز ابي رد شامل
مابي رؤوس اقلام <---- تعقدت لول





اول اسبووع ضروري اداوم فيه؟

انا الماده اللي خذيتها ومراح اغيرها اهيا العربي يوم الخميس من ثاني اسبوع

الانجليزي والتعلم الثاني ليلحين ماثبتهم لان ماكو اوقات متأخره


السؤال

اقدر ما اداوم اول اسبوع وابدي الدوام من ثاني اسبوع؟


لاني اول اسبوع يهتمون بالغياب والحضور ويشددون
والا نفس المعاهد والكليات اول اسبوع يكونون شويه متساهلين؟؟؟؟

 

[pinkya_dlo3ah]

قوووووووووووووه بناتو شلونكم شخباركم شمسوين مع موادكم اللي بتاخذونها

خيتوHASB_83

حبيبتي اول اسبوع دراسه لوول هذي جامعه مو مدرسه

لان انتي تداومين بالاسبوع مرتين او 3 والمحاضره ساعتين وهما يحطونلج بالجدول لمن تستلمينه التاريخ اللي تبدي فيه االماده

وانا انصحج ماتفوتين ولا محاضره لان ان فوتيها وايد اشياء اتطوفج

اي استفسار انا حاضره

 

[pinkya_dlo3ah]

نسيت اقولج شغله لمن تحضرين المحاضره يحسبونلج درجات الحضور ولمن تغيبين عنها تنقص من درجاتج

وبششش

 

[pinkya_dlo3ah]

احم احم

اختي تسلم عليكم وتقولكم الاعانه شفيها تأخرت <<مالت شهر 7

لووووووول انا مالت 6 مانزلتلي و7 نزلت و8 ماكو لوول

 

[pinkya_dlo3ah]

السلام عليكم بنات اشلونكم بسالكم سؤوال للمستمرات اذا فكرت احول ان شاءالله بعدين من تخصص الى تخصص يصير واشلون الطريقه؟

اي يصير راح تلقين بالجامعه نص الكورس ينزلون تحويل بين البرامج ((التخصصات)) بس لازم معدلج مايقل عن نقطتين

 

[pinkya_dlo3ah]

هاااي بناات انا اليوم رحت امتحنت وامتحان الانجليزي كان صعبب والعربي اهون منه لووول
سجلت انجليزي 99 ووحضاره و تاريخ وحضاره الكويت يوم وريت جدولي اختي تقولي ليش ماخذه كلا اختياري ولا واحد اجباري بنات زين انه مادفعت شلون ارد اغيرهم متى

حبيبتي انا انصحج انه اما تسحبين تاريخ وحضاره الكويت او حضاره اسلأميه لان ماراح تقدرين عليهم كلهم حفظ وتواريخ

والحضاره عزج الله تلوع الجبد وتغث يعني انا عندي تاريخ الكويت احسن واسهل واذا بتاخذين اخذي عندالدكتور عبدالمحسن

جمال كريم بالدرجات وامتحاناته سهله


وتقدرين تشيلين واحد من اللي فوق وتحطين اماtu170 او تعلم ذاتي لان هالمادتين اجباريه فعالأقل تخلصين شي من الاجباري

تقدرين تغيرنهم بوقت السحب والاضافه شهر 9 بس ماذكر التاريخ

 

[miss shmo0o5]

بنات الجدول اللي عندي مو كتوب فيه متى المحاضرات
شلون اطلع جدولي و بعرف وين الخطه الدراسيه اللي يقولون عنها

 

[pinkya_dlo3ah]

حبيبتي انتي لمن تدفعين تروحين تستلمين الجدول من الرسبشن اللي عند الباب او اللي بالكفتيريا ويحطون الاسبوع الاول او الثاني

وتاريخ الحاضره متي واليوم اللي تداومين فيه

الخطه الدراسيه موجوده حببيتي على هذا الرابط

https://www.aou.edu.kw/onlineregistration

راح تروحين فوق تلاقين كلمه مكتوب عليها ((الخطة الدراسية )) وراح تفتحلج صفحة الخطة الدراسية للطالب

اللي راح يكون فيها نوع المتطلب ومجموع الساعات وغيرها وعلى اليمين راح تلقين عرض هني ضغطي على عرض وبس

 

[miss shmo0o5]

مو مكتوب الخطه الدراسيه

 

[pinkya_dlo3ah]

امبله حبيبتي صدقيني في جيكي عدل لان انا طالع عندي