مستجدات ومستمرات الجامعه العربية المفتوحة **) تعالوا نتناقش وندردش ونستانس (**

[F.A]

صاجه اختى زبده
بشرينى زبده نزلولج الاعانه رحتى التعليم العالى؟؟

 

[الاحساس]

حبيبتي الاحساس ابي اسألج عن تخصصج سهل صعب؟؟
وشلون مستواج بالانجلش اول مادخلتي ؟؟ انا مستواي موذاك الزود وهالشي مخوفني حييل؟؟اخاااف ماقدر اكمل؟؟
ياريييت تفيديني؟؟

والله عادي

اذا درستي يكون سهل واذا مادرستي يصير صعب


بالنسبه لمواد التخصص

رياضيات وفيزيا وبرمجه وشبكات واتصالات اكثر شي فيه الفهم اغلب من الحفظ والاهم انج تضغطين على نفسج وتشدين حيلج لأن الكميه كبيره نوعا ما

وانا بصراحه دخلت الجامعه وانجليزيتي عاديه حيل ,, بس كان عندي طموح واصرار ان تصير عندي طلاقه بالانجليزي

والحمدلله عديتها على خير اهم شي ابي شهاده قويه

ودعواتكم بنات

 

[المزن]

:gathering::gathering:مــــــــرحبا يا حلووات شخباركم؟
وبصراحه جزاكم الله خير شجعتوني
اني اكمل لاان انا عندي كورس تخرج
بالكليه انا باالتجاري ودي اكمل
وان شاءالله بسجل من الكورس
الجاااااي والله يوفقكم
وبس ياليت تفيدوني بهالشغل
بنات بليزز بسالكم في تخصص
لغه عربيـه عندكم لاااااان
انا غرامي هاالماده حيل احبهاا
وامااااانه اللي تعرف ترد على وانطر مساعدكم
ومشكورين حبايبي وبالتوفيق

 

[شمشونه]

حبيبتي المزن تخصص التربيه مسكر مغلق عاد مادري يبطلونه الكورس الجاي اولأ؟؟
ياااااااااااااااااااارب يبطلووووونه

 

[ماكينتـ*زينة*ـوشة]

يسلمووو بنات على تفاعلكم وبصراحة انا وايد استفدت منكم


بغيت اسال عن الاعانة شنو الخطوات بالضبط ؟؟ (يعني انا للحين ما ادل شي ممكن وحدة تقوول لنا التفاصيل يعني مثلا وين اروح وتوصف لنا المكان وين هههههههه ما اتشرط ماعليها امر يعني وشنو الشروط يعني يعطوون للكل ولا لفئة معينة؟؟


وبالنسبة للتخصصات صج بنات لا تراجعون عن انكم تكملون دراستكم لان ماكوو شي صعب وسهل لان اللي يبي يحسن مستقبلة لازم يتعب انا عمري 22 وتوني مستجده يعني سهالات انشاء الله ومالكم شغل اي احد يحبطكم قولوا الشاطر اللي يضحك بالاخر


( داشة هوشة ) هههههههههههههههههههههههههههههههههه

عاشوا عاشوا بنات جامعتنا

 

[أنــــــ والحــــــظ ـــا]

هاي بنات
تدرون أنا كانت أمنيتي أدخل الجامعه المفتوحه بس الحظ ماساعدني سكروا تخصص التربيه وأمي قالتلي ياتربيه ياتدخلين معهد أحسلج
بس بغيت أسأل بنات جم تدفعين بالكووورس وصج هو على حسب الماده اللي تاخذينها ؟
لاني سألت وايد بنات وخربطوني
وأمانه اذا افتحوا تخصص التربيه الكورس اليديد عطوني خبر

 

[ماكينتـ*زينة*ـوشة]

هلا والله انا والحظ

صح ندفع على المادة وكل ماده لها سعرها وطبعا المواد التمهيدية تكوون اغلى بس بشكل العام تعتبر الاسعار زينة ومناسبة

وانشاء الله بنقوول لج اذا بطلوووة تامرين حبيبتي

 

[أنــــــ والحــــــظ ـــا]

تسلمين حبيتي ماكنتوشه مايامر عليج ظالم:klhfl:
بس ممكن سؤال >>>ماتنعطى فيس :eh_s(6):
يعني الكورس يطلع عليج أكثر من 500

 

[ماكينتـ*زينة*ـوشة]

لا عادي اخذي راحتج سالي كثر ماتبين


والله اللي اعرفة انه ما راح توصل ال 500 يعني من 400 واقل انا مستجدة وطلع لي 300 وشي ويقوولون اول كورس اكثر شي وبعدين يقل ؟
انشاء الله البنات يوضحوون لج اذا كلامي في غلط لاني مستجدة وهذا اللي سمعت

امري اذا عندج استفسار ثاني لايردج الا لسانج احنا سوينا الموووضوع عشان نتساعد ونتناقش وحياج حبووبة

 

[زبــــــــدة]

ماكنتوشه العكس اول كورس شوي وبعدين يزيد
انا اول كورس 238 لان ماخذيت تمهيدي عديته..
والحين هذي ثالث سنه 415..لان دشيت بالتخصص..

F.a
اي نزلت لي امس..300
انتي فرفوورة صح

 

[الاحساس]

ماكنتوشه العكس اول كورس شوي وبعدين يزيد
انا اول كورس 238 لان ماخذيت تمهيدي عديته..
والحين هذي ثالث سنه 415..لان دشيت بالتخصص..

F.a
اي نزلت لي امس..300
انتي فرفوورة صح

زبدووووه شلون جكيتيهاا لوووووووووووووول

اكيد عرفتيني انا بعد

وترى حتى انا امس نزلتلي الـ300الظهر نزلت

عاد مايندرى متى تنتظم هالاعانه :s

----------------

وعلى فكره بالنسبه للأسعار كل ماده وسعرها على حسب وحداتها ؟

المواد اللي عليهم 3 وحدات سعرهم 45
واللي عليهم 8 وحدات سعرهم 71
واللي عليهم 16 وحده سعرهم 142

طبعا هالاسعار بدون الكتب هذه اسعار المواد حسب الوحدات ,, والكتب اسعارها ماتعدى 60دينار
ورسوم تسجيل 16 دينار كل كورس
وكل سنه لازم نطلع بطاقه جامعيه بـ3 دنانير

** الاسعار المذكوره اعلاه بالدينار الكويتي

لوووووووووووووووووووووووووووووووووووووووووووووووول

 

[fraise]

:68_asmilies-com:
على طاري البطاقه الجامعيه انا كل سنه ادفع 3 ومااسويها بس اول سنه لي سويتها بعدها ماسويتها كلش بس اللي سمعته ان هالكورس راح يخلون دخلت الجامعه بالبطاقه الجامعيه وماادري صح هالحجي او لا!! المهم وين اروح اسوي البطاقه؟!!

 

[أنــــــ والحــــــظ ـــا]

مشكووورين حبايبي عالافاده ...

 

[Shi6oOoNa]

السلام عليكم ...

شلوونكم ؟

حبايبي بغيت استفسر عن تخصص اداره نظم اداريه ... ابي اعرف دراسته كلها بالانجليزي ؟!!!!

ومواده فيها شي بسيط من الرياضيات !!!! ( اذا عندكم فكره ؟ )

ومشكووورين

:aha:

 

[زبــــــــدة]

لوووووووووووووول الاحساس...اي عرفتج خوووووو انا اموون ترى

شيطونه
اي حبيبتي كله بالانجليزي بس جم مادة اختياريه بالعربي..بس مواد التخصص انجلش..
وفي شويه رياضيات يعني شي بسييييييييط جدا جدا لوووووول...

 

[barbya_q8]

F.a

ماقصرتي عالسايت عيزت وانا ادش ومايتبطل واخيرا عرفت اليديد

 

[cute mimi]

مشكورة على الموضوع كان ودي منزمان بموضوع جذي

أنا سنة ثالثة تخصص أدب إنجليزي


منو معاي عشان نساعد بعض

 

[ماكينتـ*زينة*ـوشة]

العفــو حبيبتي cute mimi


بنات شلوون اقدم عالاعانة؟ شنو الشرووط ولا عادي للكل؟

انا مستجدة يعطوني ؟ ولا بعدين ؟
ومن وين اخذ بطاقتي الجامعية؟ ترى انا للحين ضايعه

 

[زبــــــــدة]

ماكنتوشه
اذا عندج محاضرة ...روحي وشوفي اول مادشين في اوراق معلقه بالممر...شايفتهم طبعا شكثرهم لووول
في ورقه مكتوب فيها الوراق المطلوبه..
واي يعطونج اذا انتي مو موظفه...بس تقدمين اوراقج...يبدون يمشونها لج..بس مادري اذا في تقديم او لا..سألي بعد مرة وحده ^_^

والبطاقه نستلمها من الريسبشن...اي واحد قاعد قوليله ابي بطاقتي..بيقولج خالصه اولا ..

 

[ماكينتـ*زينة*ـوشة]

طبعا شايفتهم هههههههههههههههه

بس ما شفت الاوراق المطلووبة

اي انا مو موظفة

زبدة هذيل اللي جدام البااب بالضبط اللي اول ماندش شؤوون الطلبة ولا شنو بالضبط؟؟

انا ما عطيتهم صوورة عشان تخلص ههههههههههه الريسبشن وين اللي جدام الباب بعد؟؟

ترى صج ضايعه