ان شاء الله افيدج لأن هذا تخصصي
بالأول ناجحة بقدرات الانجليزي ولا لأ ؟
اذا أي شوفي :-
أول كورس اخذي مدخل علم نفس ( ناصر المنيع تووب - موسى الرشيدي - امثال الحويلة - نعيمة ) هذول اكثر من وحدة خذوا ال a عندهم بسهولة
والمادة الثانية لأن الكورس الاول يا تمهيدي ( ماانصحج ناخذينه اول كورس لأن يصير بروحه و فوق هذا ما عليه وحدات ) او مادتين وهذا اللي انصحج فيه تاخذينها كمادة ثانية :-
-علم نفس المرأة ( نادية الحمدان )
-ثقافة اسلامية ( عبداللطيف العوضي )
- مدخل رعاية اجتماعية ( هيفاء الكندري اعتقد اسمها - حامد المطيري - حمود القشعان )
- مدخل علوم سياسية ( ابراهيم الهدبان )
والكورس الثاني 4 مواد :-
اذا ساقطة بالقدرات اخذي تمهيدي انجليزي ( هديل المطيري )
و الثلاث مواد اخذي 3 من هذول لأن الزامية وافتكي منها لأنهم غثيثين نوعا ما :-
1- مهارات اتصال ( الزامية فأفتكي منها ) ( عندج زكريا وااايد زين + مصطفى حسن اعتقد اسمه خذيت عنده يفهم ويشرح بضمير والمادة قواعد عربي )
2- جماليات الأدب ( الزامية وهم افتكي منها ) يمدحون مشاري الموسى لأن مايعطي حفظ الأبيات وانا خذيت عند احمد عوض و مايظلم هالدكتورين اللي ما يظلمون
3- انجليزي 141 ( هديل المطيري للأسف تفهم بس ماترفع
- بدر الكندري يرفع مع ان شكله جاد بس حرام رفع اللي اعرفهم - ايهاب العنزي يمدحونه - عبدالله المطيري اذا منزل اخذي عنده يمدحونه )
4- مهارات المعلوماتية والبحث العلمي ( كل دكاترتهم يهبلون )
5- احصاء ( طلال الخميس للأمانة اهوه التوب فيهم )
وبس هذول المهمين اخذي الكورس الاول مع مدخل علم نفس اي مادة اختيارية سهلة و الكورس الثاني اخذي تمهيدي او انجليزي 141 مع 3 مواد الزامية عشان تفتكين و ترتاحين منهم
و اي سؤال انا حاضرة موفقة
