مستجده بالعلوم الاجتماعيه .. ( اسئله عن الكليه وتخصص علم الاجتماع )

[CSS_]

-



السلام عليكم ورحمه الله وبركاته.. :eh_s(17):



معاكم اختكم بالله " فلانه بنت فلان " .. مستجده بالاجتماعيه ومادري وين الله قاطني :eh_s(16): << بما اني ماكنت ناويه عليها


بس الخيره فيما اختاره الله.. المهم بعد هالطواله حبيت اسئلكم جم سؤال لعل وعسى اعرف شالطبخه


انا ان شاءالله ناويه تخصص علم الاجتماع

ف قالولي لازم لما تسجلين تاخذين مواد من التخصص ومادري شنو اخذ وعند اي دكتور

ولما اسجل جم ماده؟ والتمهيدي اقدر اختار الدكتور اللي ابيه؟


ياليت احد يساعدني بالتسجيل وهالسوالف لاني ضايعه ،،

وشكراً واعتذر على القرقه :$ ..

:eh_s(7):

 

[CSS_]

ردوآ ولو جبر خآآطـر..

 

[أنسام الكويت]

اذا تبين تمهيدي اخذي عند ايهاب العنزي او عبدالله المطيري

و اذا مواد اخذي مدخل علم اجتماع يمدحون فواز العنزي وعامر الصالح وصراحه ما جربتهم فما ادري

وعندج مدخل علم نفس امثال الحويلة او ناصر المنيع

و عندج ثقافة قانونية انس التورة

بكل صراحة رفيجاتي مجربين هالدكاترة ويمدحونهم موفق

وبتحبين الكلية حياج الله

 

[CSS_]

مشكوووره حبيبتي

عامر الصالح وفواز العنزي الكل يمدحهم .. ان شاالله باخذ عندهم اذا لقيت

بس ماعرفت الحين .. اذا انا ابي علم اجتماع، اخذ مواد من علم النفس وهالسوالف؟

واول شي اخذ مادتين بس ، عدل؟

 

[m7ro0oma]

والله انا تخرجت ونسيت بس اذكر اول كورس خذيت مقدمة علم ونفس وتمهيدي انجليزي وعقب خذيت مقدمة انثربولوجيا ومقدمة اجتماع وخدمة وانثربولوجيا والباجي اختياري بعدين تخصصت اجتماع
وعلى الدكاتره دكتووور عامر الصالح اينننن وحتى فواز زين وعلي الزعبي اخذي عنده انثربولوجيا وايد زين ويساعد
شوفي اليوسفي واللنقاوي مووو زينين الشلال زوييين ما يدااوم كلش مادري عاد غير نظامه والا لا
واذا خذيتي مقدمة علم نفس اخذي عند نعيمه طاهر وايد زينه
وان شاء الله فدتج
واذا عندج اي سؤال سألي ان شاء الله اقدر افيدج بشي حسب ذاكرتي *

 

[CSS_]

^

حبيبتي حيييل فدتيني مشكوووره

بس بغيت اسألج عن تخصص علم الاجتماع شلونه؟ وشنو اصير بعدين


اللنقاوي مو زين؟ قالولي اخذي عنده :|

 

[اخت خالتهم]

انا علم اجتماع

انتي شنو ودج مساندج ؟

انصحج المساند خليه ادارة اعمال موجود بالادارية والدراسة باللغة العربية .. ويقولون سهل
انا ما جربته

او تخصصي مساند اعلام

او جغرافيا او علم نفس

المهم

لازم تاخذين مادة مدخل علم اجتماع
وانصحج بـ الصالح أو فواز العنزي
و لازم تاخذين مدخل انثربولوجيا لانها تفتح مواد تخصص من علم الاجتماع مجموعة كاملة
و انصحج اخذيها عند مهـا السجـاري .. أو علي الزعـبي

اخذيهم مع بعض عشان تفتكين
وبعد افتكي من مهارات اتصـال و جماليات الادب يلوعون الجبد حلاتهم اول شي وتفتكين
وانصحج التمهيدي خليه بالصيفي

يعني اخذي مادتين
انثربولوجيا وعلم اجتماع

والكورس الثاني اخذي 5 مواد او 4 مواد اختيارية
مثل
حقوق انسـان = سهله
علم نفس المرأه
مهارات اتصال =اجبارية
جماليات الادب = اجبارية

و بجذي باالصيفي تقدرين تقدمين على تخصص
و تاخذين التمهيدي
وتدخلين سنة ثانية متخصصة و ماخذة تمهيدي ومفتكه

وحزتها فكري شنو تبين مساندج واخذي مدخله

و موفقـة

 

[اخت خالتهم]

انا اقولج جذي عشان يمديج تتخصصين بالصيفي
و تفتحلج مواد كورس اول
لان اذا ما مداج تتخصصين بالصيفي
كورس اول ماراح تفتحلج مواد التخصص
بتدورين المواد بالتفق

 

[CSS_]

مشكوووره حبيبتي عالرد


بس سالفه التمهيدي والمواد مافهمتها.. شلون اذا اخذته بالصيفي تفتح لي المواد؟

وفي شغله حبيت اسأل عنها، بدال لا اخذ تمهيدي امتحن قدرات وانجح احسن صح؟

وتنصحيني ما اخذ التمهيدي؟

 

[m7ro0oma]

شووفي حبيبتي التخصص حلووو بس يعيدوون ويزييدوون بنفس الكلام كله نفس العلماء وطبعا يبييله حفظ لان كله علماء وتعاريف بس مافي شغل برزنتيشنات واايد نفس علم النفس والخدمه والمواد اغلبها سهله خاصه ان اغلب لدكاتره متساهلين شوي غير اللي قتلج وخري عنهم بس مثل ما قتلج يبيلها حفظ
اللنقااوي انا خذيت عنده نظامه يهزئ وجذي هذا اللي ما حبيته فيه واذا رحتي بتكلمينه عادي يطردج
والمجالات تقدرين تصيرين مدرسه انا عن نفسي قدمت الديوان وطلع اسمي مرتين بالشؤوون ورفضت بس حييل مطلوب عندهم تخصصنا وتقدرين تتعينين بواسطه طبعا بالهيئات وايد من رفيجاتي تعينوا هناك
والتمهيدي تقدرين تمتحنين قدرات بس اذا ما نجحتي اخذي تمهيدي ترا حييييل سهل وانصحج بدكتور عبدالله المطييري صج خوووش دكتوور وشووفي اذا بتاخذين التهميدي صيفي مثل ما قالت الاخت او اول كورس مع مقدمة علم نفس مثلا او اجتماع شوفي شنو تحسينه يناسبج اكثر وقتلج انا عن نفسي اول كورس تمهيدي ومقدمة علم نفس وكنت مرتاحه
*وحيااج الله

 

[CSS_]

^


حبييبتي مشككووره ريحتيني كنت احاتي البرزنتيشنات لوول ، ولا العلماء سهالات حفظنا بالفلسفه لين قلنا بس

يهززئ @@! مو زين اخذ عنده هذا

سالفه التوظيف خايفه منها.. يعني صعب حيل يوظفوني مدرسه؟ انا اخترته عشان اصير ابله مهارات حياتيه مابي غير جذي

جني بهون عن الاجتماع لول

بقدم قدرات ان شاءالله واذا مانجحت باخذه صيفي..


الله يحييج حبيبتي ومشكووره مره ثآنيـه :** (F) ..,

 

[omaseel]

موفقه

 

[CSS_]

آآبب ساعدوني بنات تسجيلي قررررب


باخذ مدخل علم اجتماع < بليز ابي دكتور زين ماتدرون اذا فواز العنزي منزلها؟

وتمهيدي مادري عند اي دكتور ،، فيدوني بدكاتره زينيين بلييز:**

 

[Ray.Bana =$]

لووول انا رديت عليج بالموضوع هذاك بس خل ازيد معلومات

لازم تاخذين مادتين من المداخل يعني تاخذين مدخل علم اجتماع ومدخل شي ثاني

فواز العنزي رفيجتي ماخذه عنده تقول زين بس امتحاناته صعبه بس ان شاء الله اذا انتي حابه الماده مايصير شي صعب عليج

انزين انتوا المستجدين لازم تسجلون بس مادتين !!!

اذا مادتين لا تاخذين تمهيدي هالكورس لأن اهوا عن مادتين يعني تخيلي تداومين كورس كامل على مادة وحده مو شي :/

اخذي التمهيدي كورس ثاني والاحسن لج انج تخلصينه من اول سنة لج بالجامعة ماتخلينه ثالث سنة لأن اذا خذيتيه راح تفتحلج مادتين انقلش الزاميين

 

[m7ro0oma]

لا حبيبتي تقدرين تصيرين مدرسه وحده من رفيجاتي صارت مدرسة اجتماعيات واهيا تخصصها اجتماع بالعكس اتوقع اذا تبين مدرسه سهاله
العفووو حبيبتي حيااج الله :**

 

[DaLoo3t BaBaTii]

.



مدخل إجتمآع

آخذي عند فوآز آلعنزي و آنتي مغمضةة ..

ممتآآآآآآآآآز ..

.

 

[snowfoshya]

محروومه نظاام قبل تصير مدرسه


الحين لو شنوو مستحيل مدرسه لانه كليه التربيه مكتفييييه بشكل كبيير
اذا تبين مدرسه حياتيه او اجتماعيات او رياض اطفال او علم نفس كللهم بكليه التربيه



يعني لازم تحولين تربيه

اما خريجه علوم اجتماعيه انسسي تصيرين مدرسه

وسألي بنات الاتحااد

 

[CSS_]

خوفتييني

متآكده مسستحيل؟؟ لان قالولي في احتمال اصير!!

انزين مني لي اربع او خمس سنين يمكن يتغير الوضع! ..

واذا كلش كلش ماقدر اتوظف بالواسطه؟

 

[دايم على البال]

الله يوفقج .. ادري الموضوع قديم
بس قولي لنا شصار معاج