مستحيل اسوي جذي .. وانتي شنو الي مستحيل تسوينه؟

[english muffin]

قوة بنات
خل ننسى التعب والثقل والعوار و نسولف شوي
شنو المستحيلات الي تسوينها في الحمل والولادة ؟
يعني اشياء تجوفين الناس يسونها بس انتي مو متقبلة الشي مثلا او مب عاجبج
ببدأ انا
انا في الولادة مستحيل اشرب خروع و الاعشاب وهالسوالف لان اكتشفت انه ممكن يفيدني مثل مافاد غيري وممكن ماينفع ويطول او يروح طلقي مثل الي يصير لبعض البنات
و في المستشفى مستحيييل اطقم فراشي مع فراشي البيبي القماط و اشتري قوطي كلينس وكلشي نفس الثيم
وايد مال اول وقديمة الحركة
و بحاول اذكر بعد اشياء

 

[MzOoOn 22]

مي تو نفس الاشياء الللي قلتيها ... ونوي اكلف ع نفسي باستقبال وخبه بالمستشفى .. الاستقبال بببيت اهلي وبس ..

وعسى الله يسهل علينا يارب ...

 

[حب1985]

مستحيل اسوي استقبال بالمستشفى وبفترة الاربعين كلها
مستحيل وانا حامل احط فبيتي بخور

 

[Meeesh]

انا نفسج بالضبط مستحيل اسوي هالشغلتين ومستحيل احط بالونات :bbbiu:

واللي ماراح اسويه اني اخذ ابرة الظهر :eh_s(1):

وماراح البس بنفاسي ملفع وماعرف ايش :eh_s(4):

 

[نزغه]

مستحيل اروح للمستشفى اول مايجيني الطلق عشان مايبهذلوني ولاخروع والاشياء هاذي ولاابرة ظهرويارب سهل ولاتي وكل حامل واارزق كل محرمومه آمين

 

[Model Look]

انا مستحيل اكلف نفسي باستقبال مستشفى خو جاي وقهوه وحلو بس

ومستحيل اشتري كفر لجم ساعه ب ٢٠٠ ولا ٣٠٠ دينار

الناس تيي الاستقبال تتحمد بالسلامه والوحده ماتدري تطلع من الولاده زينه ولا لا

 

[ام اغلى الناس]

انا كنت اقول ما اخذ هالسوالف
بس دكتورتي هي اللي قالت اشربي قفشتين خروع
هالمره باذن الله
ماودي اقط واجد على الكفر والتجهيز
المره اللي طافت الكفر كان ب٣٠٠ حرام واجد عليه
ماودي اكثر ملابس لان البيبي يكبر بسرعه


اهم شي الله يقومنا بالسلامه

 

[kingq8q8]

سوالف استقبال وحلو وكاكاو واحجزلي غرفه بالشي الفلاني وروحه ورده على محلات الكاكاو نووو ويي

ولا اشتريلي كفر اب 100 ولا ميتين خيير انشالله اروح اشتريلي فيهم ذهب ينفعني

ياحلات سويت هوم وعلى 30 و40بعد الخصم اشفيها اذا شريت بهالسعر ويهبلون بعد

وماعرف اسوي استقبال احسه سخافه واللي يبي يزورني حيالله الله مو شرط يوم محدد

واذا تذكرت شي بقولكم

وبسسسس

 

[kuwaitiya_84]

انا بعد استحاااااله اسوي استقبال بالمستشفى توني والده وتعبانه وخياط وويهج اصفر واستقبالي بعد الاربعين واستحاله اخذ كفر يصك ال ٣٠٠ شدعوه شحلات الكفرات بالضجيج وزارا هوم والحلو باخذ بس حلو قهوة مو اكثر وشاي وقهوة وعصاير والبيبي ماراح البسه وخبه لا لبس ناعم ومهاد حلو وكافي وانا علي عيالي الاثنين ما اطلب البيبي الا حق اهلنا لكن اذا معارف او غيرهم لا والمستشفى ما اكلف علي زوجي الا الغرفه الملكيه والامبراطوريه ليييش علشان الناس يعجبهم ولا لا المهم ما اكلف عليه ولا اخب نفسي ويعجبهم ولا لا وطبعا بالطلق ارووح متاخر والله يسهل علينا انشالله

 

[الجويرية]

خووووووووووووش موضوع --

انا عبالي بس بروحي اللي رافضه الاستقبال مع انه امي تحن علي بس مابي

انا ضد الاستقبال مع انه عايلتي بناتها كلهم استقبال خساااااير ولا يزورونها بالبيت بعد شهالبهذله -كفر ولدي كلفني وبنتي غيرت فيه حطيت عليه تور وحركات ودخلت لون بناتي طلع جديييييييييييييد

وماكو يوم محدد كلن وظروفها ---بالطلق ارووح متاخر كافي تبهذل بعيالي شفت الموت خروع وامشي ياارب سهل

 

[وصايف4]

مستحييييل ألبس نفس الزخرفه والالوان بقمصان النفاس ودانتيل وشك احب الناعم البسيط
شي يفشل مووو حلووو كلش وهم ما احب اناوكفري وكلينكس والزباله وسرير البيبي نفس الشي هم موو حلووو

 

[english muffin]

صح مستحيل اخذ كفر ب١٠٠ وفوق
شدعوة
ومستحيل اخسر فلوس عالتوزيعات

 

[الجوهرا]

الله يسهل على كل حامل ان شاء الله
وماله داعي كل هالخبه خير ان شاءالله اونس الناس على حسابي ولا بعد مايعجبهم شي ولا يمدحون
ادفع صدقه ودفعة بلا على قومتي بالسلامه الفقاره اولى من هالمصخره

 

[*مرايم كيوت*]

الصراحة عجبتني كل الردود نفس الشي مااحب الاستقبال
كل وحده واليوم الي يريحها حياها الله شدعوه سفيره احدد الايام
والكفر ما أخذه يكلف أنا شريت خام من التراث الهندي وسويته جيس
للكفر مع خياط كلفني كله ٥٠ مع الكلف بعد والبيبي لبسه مع لفته ذر بين
وكل مابسطتي الامر كل ماصار شكله أحلا وانا بجامه حرير من أنور أوف وايت مع فيونكه
لشعري بس مستحيل اكثر سوالف ألزينه هذي

 

[*مرايم كيوت*]

اب اب اب

 

[*kim*]

مستحيل اسوي استقبال واللبس طقم الكفر مع البيبي مع البدله

 

[um haya]

انا معاكم يا بنااات ضد الاستقبال <<< جنج بتهزبين حق عرس مو استقبال مولود هههههههههههه وضد ابرة الظهرر <<< اخاف اكون نص مشلوله شي يخرع ... مستحيل انسدح بفراشي 40 يوم وما اتحرك !!! يعني لازم رياضه ومشي بس امهاتناا ضد الشي هذا ...مستحيل اييب رداده لان من الله الجسم بيرد كل شي مكاانه كاافي الربط والمشد والاعشاب .... واخر شي مستحيل اييب خدامه اثيووبيه <<< شكو بالموضوع مادري

 

[خوووخه w]

وانا بعد مستحيييييل اسوي استقبال وخبه وسوالف هياط على حساب زوجي ومستحييييييل اشتري كفر حتى لو ميه دينار ليش مطقوقه على راسي اهم شي السلامه ياما حريم ماطلعو من الولاده سالمين انا وحده افكر بسلامتي وسلامت ولدي يارب يبلغني شوفته بحضني واللي يبيني يجيني بدون استقبال ولاهم يحزنون والفلوس اللي تنقط على المستشفى انا اولى فيهم اجهزلي احلى تجهيز بعد الاربعين او اسافر مع زوجي اجدد شهر عسلنا او اشتري فيهم ذهب لي ينفعني للايام الجايه

 

[english muffin]

انا اخاف من الابرة بس مادري اذا ضدها او لا

 

[أم يوسف وأمونة]

موضوعج فله


شوفي انا من سابع المستحيلات

اخلي خالتي ام ريلي تدش معاي غرفه الولاده

وااااااي عندي3 اسم الله وكل مره نفس القصه تبيني اقولها قبل لا ادش

بس مسستحيييييييل اقولها

وهمن ما اقط 300 اة500 على كاوكاو وكفر واخرتها الناس بتعلق حرام والله