مستحيل اسوي جذي .. وانتي شنو الي مستحيل تسوينه؟

[مجنونة ولدها99]

أنا مستحيييييييييييييييل دكتور (ذكر) يولدني ....
مستحيييييييييييييييييييل أطقم أنا والبيبي وأكسسوارات الولاده ....
مستحيييييييييييييييييييل أجيب توزيعات بأستقبالي ....

 

[@سيدة نفسي@]

انا طقمت وياي البيبي وسويت توزيعات وسويت كل اللي بخاطري

ومااااكلفني 300 دينار

لو كنت حامل .. مستحييييييييييييييييييييييييل أداوم ليوم الولادة

محد يستاهل التعب يبون الوحدة تكرف لين تطلع عيونها

صج اني سويتها العام بس توووووووووووووبة والله

أهم ماعلي صحتي وعافيتي وراي ولادة مو لعب

 

[نفول]

مستحيل احط شي بخاطري
ومستحيل اكلف نفسي فوق طاقتها
مستحيل اقعد بالفراش ٤٠ يوم لازم رياضه عالاقل مشي
مستحيل مااتسبح بعد الولاده

بنات عندي سؤال وايد لاحظت كاتبين مستحيل اطقم انت واابيبي وباجي الاغراض
شلون يعني الكفر لون و لبس البيبي لون و باجي الاغراص لون ثاني ماتحسون ان مرقع
انا مافهمت عليكم

 

[دلوعة الفرولة]

الله يسهل على كل حامل ان شاء الله
وماله داعي كل هالخبه خير ان شاءالله اونس الناس على حسابي ولا بعد مايعجبهم شي ولا يمدحون
ادفع صدقه ودفعة بلا على قومتي بالسلامه الفقاره اولى من هالمصخره

انتي صح ماشاء الله عليج ،،،،،،،

الله يزيدج من رزقة وتستاهلين كل خير

:yaaaaaarb:

تحياتي العطرة لج :eh_s(7):

 

[ام فوااز]

المستحيل اسويه
اشرب خروع ودارسين وكف مريم وهالخرابيط
يأحلات التمر يسهل الولادة والدعاء
والمستحيل اسويه البس تراجي فضه ولا ذهب وانا بالمستشفى ليشً حق العين ولا استشور شعري نفس بعض البنات الله يسامحهم الصالون ايي لي الطبيب*

 

[نفول]

ام فواز نبهتيني والله
لان انا احب التراجي بس تدرين يمكن البس فصه صغيييره ماتبين
والاستشوار اهووون وياريت يسوون استشوار انا رحت حق وحده الله يحفظها استشوار وبف اول يوم وثاني يوم مسويه عنقوص
انا عن نفسي بس بستشور قذلتي وباجي شعري بنشفه بالهوار واهوه طبيعي فيه ردات كبار لاني بكون تعبانه
بس امي تقولي استشوريه يبين عادي بس الهوا راح يبين جنج حاطه لفافات حق شعرج وراح يحسدونج

 

[صيتة الخالد]

انا ماتنرفزني الا سالفة الاستقبال
بالله شبي بالناس وانا توني تعبانة وحالتي حالة!!
ولا صرت زينة وانا بالبيت عقب 10 ايام اتحلم بالي يجيني يونسني من ضيقة الخلق

وعلى قولة وحدة من جماعتنا،،
اذا وقت الولايد نحجز جناح كشخة بالسعر الفلاني
على شنو نكشخ بيوتنا ونقط عليها؟!!

 

[ملاك ^ الحب]

مستحيل اسوي استقبال وما اييد الي يسوون استقبال

اعرف وحده حددت يوم حق الاستقبال وخبت نفسها وشرت اكل وايد واخر شي يمكن الي يولها 10 بس واهيا يمكن طالبه حق 50

كفري في بنتي من الضجيج 75 دينار اوف وايت بذهبي ناعم وايد

ومستحيل اسوي طقم لبسي مع لبس البيبي والزباله والكلينكس


والله يسهل عالجميع

 

[ملاك ^ الحب]

مستحيل احط شي بخاطري
ومستحيل اكلف نفسي فوق طاقتها
مستحيل اقعد بالفراش ٤٠ يوم لازم رياضه عالاقل مشي
مستحيل مااتسبح بعد الولاده

بنات عندي سؤال وايد لاحظت كاتبين مستحيل اطقم انت واابيبي وباجي الاغراض
شلون يعني الكفر لون و لبس البيبي لون و باجي الاغراص لون ثاني ماتحسون ان مرقع
انا مافهمت عليكم

لا لو ترقع يعني مثلا كفري لونه ابيض ولبس البيبي ابيض مو شرط يكون نفس الموديل والقصه لا

او مثلا انا في بنتي دراعه بسيطه من المجمع الي بالديره نسيت اسمه حق تجهيز بيبات وامهات لون دراعتي وردي فاتح وبنتي ابيض ماله داعي نفسي


وبعدين احلا شي عالبيبي الابيض


انشالله فهمتيني

 

[صيتة الخالد]

بنات شنو مستحيل تقعدون فترة الاربعين،،
امي قبل كانت نفس هالفكر علبو خرافات حريم كبار وهالخرابيط
وراحت حق نادي وهي بالنفاس ،،وقالت حق المدربة مااذكر شنو جنسيتها
انها بالنفاس وجذي
قامت عليها المدربة!!! شنو حرام علييييج الرحم يبيله ٦ شهور ياالله يرجع لوضعه الطبيعي بعد الولادة
تلعبين بروحج وتسوين رياضة بيلف رحمج ولا يميل ولاينزل ماتسوى عليج

طبعا هالحجي بطلعتها بالنفاس جنه فيني مادري بأخوي الي اكبر مني
لان اكيد ماكو نوادي يسوون جذي هالايام ،،ههههه

 

[أبكاني ذنبي]

خووش موضوع


انا بعد لغيت استقبال المستشفى وبسوي شي بسيط بالبيت


ومستحيل اخذ كفر ب 100 وشي ماتسوى وتوزيعات البيبي

انا شريتها وانا بسويها بالبيت

وبما اني بجر وسمعت وايد لما احس بالطلق ماراح اروح المستشفى على طول

بقعد بالبيت الين خلاص ماقدر اتحمل او ينزل علي شي

ومستحيل اوافق انهم يطهرون ولدي اول ما اولد بالسلامه اخاف عليه

خله جم يوم يرتاح من التنفخ وبعدين اطهره

وبس

 

[نفول]

ملاك الحب اي فهمتج
انا موماخذه كل شي نفس الشي
بس اللهم نفس اللون
ومثل ماقلتي احلي شي عالبيبي ابيض وانا احب البس لون هادي وهم علشان يخش التتفخ الي بويهي ورقبتي خذيتلي اوفوايت فاتح
فطلع شغلي اوفوايت باوفوايت وهم احس لون يوحي بالسلامه وانشالله انا وبنتي نقوم بالسلامه
اهم شي الصحه ووالعافيه

 

[عواش1987]

مستحيل اسوي هالحركه اللي وايد بنات ينرفزوني على ابو انها والده شكلها يخرع وتلبس لفه سوده مع نفنوف بيج ايييووو

وهم مستحيل اسوي نفس بعض البنات استشوار وميك اب خفيف وتسريحه كيرلي ووحركات تضحك

بس اخلي شكلي طبيعي و أأيد القذله انا اقص لي قذله قبل ولادتي لانها تحلي بس ما تنفع الا للشعر الناعم

وبس وتراجي صغيرونه حيل

 

[عواش1987]

مستحيل اكل وادبه قبوط واشياء تطلع الكرشه بالنفاس

مستحيل اشرب ماي وايد بالنفاس

مستحيل اشرب عصير برتقال اللي هابين فيه الحين البنات والسبه ان الدكاتره يقولون لهم

 

[kingq8q8]

بنات متى اقدر اربط بطني بعد الولاده ؟؟؟


ادري السؤال داش عرض

 

[لياحه بنت لواح]

ههههههههههه
وناااسه
كل شي مستحيل
وصح عليكم
وانا مستحيل اكل قبوط بالنفاس لاني ماحبه
ومستحيل ما اتسبح كل يومين عالاقل
ومستحيل البس خواتم وساعه كأني رايحه عزيمه<<شايفه هالحركه
ومستحيل اسبح البيبي لاني اخاف <<الله يخليلي امي

وسلامتكم


اهم شي السلاامه
السلامه غنيمه

 

[أم عزيـز]

مستحيل اشرب خروع او دارسين كلش مو مقتنعه فيهم ولا متقبله فكرتهم

اول شي الدارسين مجربته في بجري يوم حسين بعوار بالتاسع جان امي تقولي شربي دارسين شربت ولا يختفي العوار !!
تميت يومين مافيني شي ؟؟
وبعدين ياني العوار وشربت دارسين واختفى !!
يعني كلش ما فادني والخروع اييب اسهال ولويه على الفاضي وهذا كلام دكتورتي قالت لي بعدي عن الخروع
ينظف البطن بس لكن في ناس تصدف معاهم واييهم الطلق الصجي ههههههههههههه

 

[kuwaitiya_84]

انا سالت دكتورتي قالت حجي فاضي ماتشربين ماااي بالنفاس يطلع الكرش وصج عن تجربه انا بولاداتي الاثنين اسمع كلامها ونفس الشي امي تقولي شربي ماي دااافي مايطلع كرش والعصااااير مهمه جدا للجسم والاكل عمره مايمتن انتي وجسمج انا بالنفاس وبعده اكل لاني ارضع بس شنو بعد العاشر اصكر بطني بحزام من الصيدليه وخفيييف مايضايق وانام فيه لي ثلاث شهور وجسمي ولا كاني وااالده والي تسال متي تربط بطنها اذا طبيعي بعد العاشر واذا قيصريه ماعرف وبالبس بالمستشفي انا متحجبه اخذ الشيلات الحراير الخفاف تتماشي مع لون دراعتي اسود شكوو داشه عزى والبيبي البسه بيج او الوان فاتحه

 

[english muffin]

انا طقمت وياي البيبي وسويت توزيعات وسويت كل اللي بخاطري

ومااااكلفني 300 دينار

لو كنت حامل .. مستحييييييييييييييييييييييييل أداوم ليوم الولادة

محد يستاهل التعب يبون الوحدة تكرف لين تطلع عيونها

صج اني سويتها العام بس توووووووووووووبة والله

أهم ماعلي صحتي وعافيتي وراي ولادة مو لعب

وييييي خرعتينييي
انا قايلة بداوم بجوف لمتى بقدر اواصل

 

[english muffin]

مستحيل احط شي بخاطري
ومستحيل اكلف نفسي فوق طاقتها
مستحيل اقعد بالفراش ٤٠ يوم لازم رياضه عالاقل مشي
مستحيل مااتسبح بعد الولاده

بنات عندي سؤال وايد لاحظت كاتبين مستحيل اطقم انت واابيبي وباجي الاغراض
شلون يعني الكفر لون و لبس البيبي لون و باجي الاغراص لون ثاني ماتحسون ان مرقع
انا مافهمت عليكم

لا لا مب جذي
قصدنا مثل في بنات الكفر و ملابس البيبي والطقم وكامل يكونون نفس اللون والتصميم والنقش