مستشفى الاتصالات وتجميل الانف

[أم كادي]

هاي بنات انا مقرره اسوي الحاجز الانفي عندي في اعوجاج ابي اسال احد سمع عند دكتور زين بمستشفى الاتصالات ياليت تفيدوني بليييز :0bee2e8d89:

 

[الطاهره]

دكتور عبدالمحسن ابراهيم دكتور ممتاز واختي مسويه عنده عملية تعديل الحاجز الانفي وتجميل بعد
والله انه شغله حلو وخفيف ومافي ازرقاق ولا انفاخ وايد وما تعبت الا من البنج وعيادته يوم الاثنين رقم 5 دشي عليه وقوليله ابي لامانع وروحي اخذي رقم من الرسبشن

 

[Moondance]

ام كادي انا مسوية عند دكتور عبدالمحسن ابراهيم خوووووووووووووووش دكتور ومسوية نفس العملية اللي تبين تسوينها
توكلي على الله حبيبتي وبالسلامة

 

[Q8stylle]

تعالي اهني اكيد بيفيدونج البنات
http://www.q8yat.net/showthread.php?p=6346330&posted=1#post6346330

 

[أم كادي]

شاكره مروركم ياعسل بس بسال الدكتور عبدالمحسن ابراهيم مواعيده مبجر والا متاخره وجم ياخذ اذا بسويها بالمستشفى نفسه واذا بره والفتايل تعور لما يشيلها ؟

 

[أم كادي]

؟؟؟؟ وينكمممممممممممممممم

 

[الطاهره]

شاكره مروركم ياعسل بس بسال الدكتور عبدالمحسن ابراهيم مواعيده مبجر والا متاخره وجم ياخذ اذا بسويها بالمستشفى نفسه واذا بره والفتايل تعور لما يشيلها ؟

حبيبي الدكتور موعيده الصبح منالساعه 8 لي 11 اعتقد وسويها بنفس المستشفى وما ياخذون منج ولا فلس الا 10 دنانير تامين عالغرفه ويردونها لج بس يحسبون علي كل يوم تقعدين في بالمستشفا دينار واحد بس والفتايل ما تعور بس شويه وخز خفيف توكلي علي الله ولا تختارين غيره

 

[أم كادي]

يسلمو الطاهره يا قلبي زين والدكتور مواعيده قريبه والا بعيده لو بروحله الاسبوع الياي تهقين متى يعطيني موعد

 

[الطاهره]

والله المواعيد مو بيد الدكتور عند البنات ملوت المواعيد يعني اختي عطاها موعد عقب 4 شهور تقريبا بس يمكن في مواعيد اقرب ما تدرين روحي وشوفي

 

[أم كادي]

مشكورين حياتي الطاهره ميخالف اشوف الصوره قبل وبعد عشان اطمن عالخاص والله شجعتيني :**************

 

[أم كادي]

بنات منو سامعه عنه بعد زين هذا اسمه عبدالمحسن ابراهيم هذا غير عبدالمحسن جعفر ؟

 

[je t'adore]

انزين عندي سؤال....

يعني انا اذا ابي اسوي عملية عنده.....في شروط معينة؟؟؟
ولا شنو....قاعدة اسأل لأن ريلي عنده نفس مشكلة الأخت...خشمه عوي...وعنده لحمية..وموراظي يراجع ولامكان...
بس ابي اعرف شنو الخطوات اللي لازم اتبعها....؟؟
وشنو الشروط المطلوبة؟؟
وشكثر يطول موعد العملية؟؟
وسلامتكم...

 

[مناي1978]

الأخت اللي تسأل عن دكتور زين للأنف والا1ن والحنجرة الدكتور منذر العجمي بزين وله عياده الخاص بهيلث كير

 

[مناي1978]

انا واختي مسوين عملياتتجميل عند دكتور شاطر شاطر شاطر وعنده لقب دولي اسمه الدكتور منذر وعيادته بهيلث كير........روحي وماراح تندمين ابد والاسعار والمواعيد ممتازه

 

[مناي1978]

كل الدكاتره الي بمستشفى زين يحولون الحالات الصعبه على الدكتور منذر العجمي وآنا وحده منهم كنت عند الدكتور خالد الصبيح وحولني عليه وبنت خالتي راحت للدكتور جمال الحربي وبعد حولها عليه ..... والحين فتح له عياده خاصه في هيلث كير واسعاره ممتازه وأسلوبه روعه والمواعيد مثل ما تبون ..... وبعد قريت في منتديات ثانية ان عنده لقب أفضل دكتور عربي في تخصصه وأهوا الدكتور العربي الوحيداللي عنده هذا اللقب وحتى على مستوى الخليج كله

 

[diamonda]

انا من قبل جم شهر رحت مستشفى الاتصالات عشان عملية الخشم انا واختي
قالولنا ان الدكاتره وقفوا عمليات التجميل قبل كانوا يسوون ابلاش طبعا لان بالمستشفى
بس الحين محد يسوي اللي يبي يروح حق عياداتهم
استغربت منكم ان الحين يسوون اشلون؟؟؟:080402ask_prv:
انا سائلتهم هناك رايحتلهم قالولي مافي
تأكدوا بنات بليز

والدكتور عبدالمحسن ابراهيم اهوا نفسه عبدالمحسن جعفر؟؟

مناي بجم سويتي عند العجمي؟؟ اول مره اسمع فيه!! واشلون شغله اكيد زين؟؟ بليز ياريت تقوليلي عنه كل شي

 

[أم كادي]

للرفع فيدونا يابنات

 

[اسراء205]

روحي حق د . نيشو بانترناشونال كلينك

 

[ابيك وماابيهم]

رفع

بنات اذا انا ابي اسوي عندهم شلون الطريقه ؟؟

 

[diamonda]

نروح مستشفى زين ونسأل
لان خبري قالوا ان ماقاموا يسوون تجميل الحين
بس يمكن ردوا ما يندرى
بروح اسألهم قبل لا اروح عياداتهم ونقط فلوس هخخخخ:dddds: