مستشفى السيف ~~~~ ابحر برعايتنا

[om 7sony]

الحمدالله على السلامه

الله يسلمج حبيبتي

 

[om 7sony]

هاي بنات
في شي بعد نسيت اقول لكم عنه

زارتني بالغرفه ٣ دكتورات
دكتورتي ٣ مرات
ودكتورة الطوارئ اللي كانت موجوده وقت ولادتي مرتين
ودكتوره ثالثه هنديه

طبعاً ما يدشون اذا انتي نايمه او اذا عندج ضيوف
وما شفت شي بالفاتوره اسمه زيارة طبيب :/

 

[om 7sony]

اب
اب
اب

 

[om 7sony]

سبحان الله
والحمدلله
ولا اله الا الله
والله اكبر
ولله الحمد

 

[المسكـ]

فديتج والله ام حسون
الله يخليلج حسووووووووووون وابوه واخوه وكل اللي يعز عليج
انا طبعا المفروض اولد بالشفا بس شكلها ولادتي قربت وكل يوم اتصل عليهم عشان الامبراطوري يقولولي فلللللللل
طبعا تحبطت حددددددددددي رحت رويال اختنقت ماقدرت حتى ادش طواريهم
طلعت رحت السيف وشفت الغرفه الرويال اكبر وحده عجبتني بس خت حدددددددددددددددددددددي منهم ومن ولادتهم لانه مستشفى يديد
دشيت الطواري عند شيرين تهبل ماشالله عليها فحصتني قالت السداده مالت الرحم نازله وانتي بعدج بالثامن وحسابج غلط انا عبالي 28/1 ادش التاسع طلع لا 5/2 ادش التاسع
قالتلي تبين اوقعج على مسؤوليتج وادخلج ولاده وانا ماراح ادخلج ابدا الا اذا البيبي تعبان لاسمح الله او نزل الماي غير جذي اسمحيلي قتلها انا مفتوحه 2 سم قالت عادي ردي البيت ريحي وان شفتي دم احمر ولا ماي ولا قلت حركة البيبي تعالي غير جذي مابي اولدج

وريحتني يوم قالت احنا من صالحنا تولدين اليوم وناخذ منج فلوس بس انا عندي الله يراقبني اذا صار بالبيبي شي لا سمح الله بيكون بذمتي
هني حسيت براحه مووووووو طبيعيه
وانتي يا ام حسون جنه الله دزج لي من السما
عشان اعرف ان المستشفى اوكي والسسترات زينين والدكاتره بعد

واسمحيلي بهالاضافات
الحين انا عرفت ان للتربيه والداخليه خصم 20/ بس خصم سنع الصراحه
وفوق هذا اي شي تبين زود مع الغرفه يعطونج مجانا قصدي الكراسي والطاولات وهالسوالف
عندج امكانيه تغيرين مكان سريرج حزة الاستقبال طبعا هالحجي عن الغرفه العووده a
وترا حتى الدخول للطواري والسونار والتخطيط علييه خصم 20 /
كان حسابنا 45 وصار 36
وفوق هذا المستشفى راقي وهادي ونظييييييييف وكل شي فيه الكتروني هالشي ونسني بصراحه
الاثاث نوعا ما اوكي طبعا مو الستايل اللي احبه بس حلوو وغريب
حبيت عنايتهم بالطواري بس كنت متخوفه من ولادتهم
الطواري بالليل كله دكتورات مافيه دكاتره رياييل
واهم شي اهم شي ان مااافي ضغط عليه ابدا يعني مجرد مادشيت من الباب دشت على غرفة الفحص على طول
عندهم الدكتوره الالمانيه زينه تمدحها حيل مرت اخوي
وشرين تهبل وفاهمه وفحصها زين ما يعور ابداااااااااااا
وروبينا امدحتها لنا اختي ام حسون
يعني ان شالله ان الله اراد راح اولد هناك واييبلكم التفاصيل

ويعطيج الف عايفه ام حسون الله يجعله في ميزان حسناتج

 

[لورا 22]

مبرووك والحمد الله على السلامه
فخاطري عاد اجرب يالسيف يالسلام واشكلي برد للهادي ما احب اغامر

 

[om 7sony]

الله يعافييييج حبيبتي المسك

اي والله حلو المستشفى ،،، رعايه واهتمام

واذا عالاثاث
انا غيرت كلللل الاثاث اللي بالغرفه قلبتها فووق تحت >>> هههههه

 

[om 7sony]

المسك
للاسف انا طالبه وزوجي بوزاره الصحه
ما عطونا خصم
ولا جان طلع خصم حلووو

اذا حابه المستشفى توكلي على الله والسهاله من رب العالمين
والله يقومج بالسلامه ان شاء الله

 

[om 7sony]

لورا حبيبتي
اهم شي انتي تكونين مرتاحه من المستشفى

انا بالاول كنت محتاره بين الهادي والسيف
بس الحمدلله استقريت عالسيف
والحمدلله الحمدلله ما تحسفت

 

[بنت الدوام]

الحمدلله على سلامتج ام حسوني

بصراحه ماكنت ادري انج والده بالسيف!!

خبري الكل يذم بالسيف وبمعاملتهم وانهم مايعرفون حق البيبي

بس انتي اول وحده اسمعها تمدح فيه

عموما الحمدلله على سلامتج انتي وحسوني اهم شي

 

[om 7sony]

بنت الدوام الله يسلمج
والله انا ما سمعت عنه الا كل خير
انا كنت اسال بنات مجربين الولاده عندهم ما اسمع كلام وبس
وترى الولاده والسهالات من الله
المهم الرعايه والاهتمام

 

[om 7sony]

اب
اب
اب

 

[om 7sony]

رفع

 

[اموت بالكرز]

الف الحمدلله على السلامه انا بالثامن واراجع بعد عند الدكتوره روبينا اتهبل ونفسيتها اتهبل بس كنت احاتي المستشفى نفسها بس الحمدلله طمنتيني لانه الكل يقولي انهم نصابين وراح ياخذون منج الدبل ومايخلون شي ما يحسبونه بس الحمدلله طمنتيني انا لما سالتهم قالو لي انه لي خصم 20 بالميه بعد وانشاالله على قولتج السهاله من رب العالمين والله يسهل على الجميع

 

[zargona99]

الحمدلله عالسلامه ويتربى بعزج ان شاء الله
انا اراجع بالسيف عند دكتوره روبينا واااي يا ربي هالدكتوره حدها تينن وتهبل اسلوبها ومعاملتها روووووعه من اشوفها ارتاح نفسيا

بغيت اسالج جم سؤال لاني خوافه وبجريه

شلون صاير عوار الطلق؟
وشلون كمامهم؟
حسيتي بالعوار وقت الولاده؟
حسيتي بالخياط؟
وعقب ما رحتي غرفتج حسيتي بمكان الخياط وعواره؟ يعني الادويه كانت تخدر الالم؟

الدكتوره كانت مريحه وقت الولاده؟

 

[om 7sony]

اموت بالكرز

اي والله تهبل هالدكتوره ،،،،، انا وايد ارتحت لها

والله المستشفى رعايه واهتمام
وانا كنت سائله من قبل عن الزيادة اللي ياخذونها
قالولي بحدود ٢٠٠ اذا كل شي طبيعي
وانا ولدي سووله سونار وتابعه طبيب جراحة الاطفال وغير ادويتي وتحاليلي ،،، خذوا تقريباً ٢٠٠
يعني مثل ما كنت متوقعه

بس ما قالولي
طلق صناعي
ولا طبيبه يتني الغرفه
ولا غرفة ولاده خاصه
او ان اهلي دخلوا معاي
غير الكمام والوجبة داخل غرفة الولاده

يعني هذا كله شامله سعر الولاده

 

[om 7sony]

زرقونه

الله يسلمج حبيبتي

والله هالدكتوره اعيز واقول عنها تهبل تهبل
صج ارتاح لها نفسياً ما شاء الله >>>> اخاف احسدها هههههه

حبيبتي عوار الطلق بالضبط نفس عوار الدوره بس ضربيه باس ١٠٠٠٠٠
يعني نفس عوار البطن والظهر بس مضاااعف

بس الله يخلي الكمام
والله انا وااااد نفعني الكمام الحمدلله،،، كان زين وقوي
بس هم النيرس ماكانت تخليه على طول علي
كانت اوقات تشيله وتحط لي اوكسجين ،، وتقولي بس اذا ياج عوار اخذيه ......
يمكن لاني وااايد تاثرت فيه ،،


وقت الولادة عطتني بنج تحت ،،،،
ما حسيت بعوار ،،،
دايما يقولون ان العوار كله وقت الطلق ،،، بس طلعة الراس ما تاذي ،،،،

وقت الخياط غمضت عيوني
ولم فتحتها سالت قالولي اي خلاص تخيطتي وكل شي تمام
ما حسيت بشي ابداً

لم صعدت الغرفه عطوني مسكنات وغسول وكريم حق الخياط
ما حسيت بعوار
بس لم كنت اقعد وقت الاستقبال كان شوي ياذيني مكان الخياط

مسكنهم وايد قوي وحلو ،،،،، وتقولج بس تاخذين حبتين باليوم واذا تعورني بنص اليوم وتبين مسكن تعطيج بندول

الدكتوره كانت حدددها مريحة وقت الولاده
ووايد صبرتني ،،، وتمسح علي
يحليلها والله تهبل
حتى دكتورة الطوارئ اللي صادفتها كانت خوش دكتوره
والله انا نفسيا كنت مرتاحه منهم الحمدلله

 

[zargona99]

ما شاء الله الحمدلله على سلامتج

صج التربيه لهم خصم؟؟

انا مدرسه ولا مره قالولي انه في خصم شلون اقولهم؟
وشلون يعرفون اني مدرسه ويسوون لي خصم؟؟

 

[om 7sony]

مادري والله حبيبتي
تقدرين تسالين الريسبشين هناك

اكيد هم عندهم الخبر الاكيد
وشنو الوزارات اللي لها خصم

 

[zargona99]

سمعت الداخليه

والحين سمعت التربيه

بس شلون طريقتهم

ومادريت بالخصم الا وانا بالسابع