مستشفى القصابيين

الحالة
مغلق و غير مفتوح للمزيد من الردود.

Miss Cherry

New member
إنضم
19 فبراير 2007
المشاركات
2,467
مستوى التفاعل
0
النقاط
0
السلام عليكم

اكيد استغربتوا من العنوان وبتعرفون عن اي مستشفى اتكلم .. كل مستشفياتنا عند بعضها بس واحد فيهم غير صج غير

يدخل المريض يمشيى على رجوله يطلع على مقبرة الصليبيخات الا اذا الله رأف بحاله وكتب له ينجو ..


انا ماراح اتكلم عن تجربتي معاهم لانه لو بقولها ماراح تصدقون شي ما يدخل العقل بس بقولكم فلاشات


التاريخ 4 اكتوبر 2008 .. المكان طوارئ مستشفى النحس

جدتي تعبانه وانا عندها كالعادة كل اسبوعين ثلاثة لازم لنا زيارة لهالمكان نقعد فيه ليلة كاملة .. الوجيه مألوفه ريحة المستشفى تجيب لي الاكتئاب من كثر ما اشمها .. قدامنا على السرير مريضه وافدة بالاربعينات مع بنتها تسولف وتضحك مع مريضه بالسرير اللي جمبها الوضع ليما الحين عادي .. يجي الدكتور يفحص المريضه الأولى ويرطن بالانجليزي عطيها بنسلين .. السستر تركض تجهز الابرة اول ما غزتها الابرة وقبل ما يطلع الدكتور تتشنج المريضه يركضون الاطبا والممرضات ويدونها لغرفة الافاقة جمب الـ ER بعد دقيقتين طلعت اكلم الوالد برا واشوف دكتور يكلم بنت المريضة قدام غرفة الافاقة يقولها ماتت .. دخلت جان تقولي وحده من السسترات ( اتلوها الله يأتلهم !! ماجربوا ابرة الحساسية قبل البنسلين ... )


موقف بسيط بس لو اقولكم اللي شفته واللي سمعته يبيلي مجلدات


جدتي دخلت فيه ديسمبر لعام .. مثل زيارتنا المعتادة للـ ER بس هالمره طلبوا ينومونها عشان يسوون تحاليل شاملة كانت حيل تعبانه وتشتكي المهم يومها سووا اشعة مقطعية للراس كانت سليمة .. زادوا السيولة عن المستوى الطبيعي لها والي المفروض يكون بين 2 ونص و 3 ونص بعد اسبوع انتكست حالتها حيل عادوا الاشعة المقطعية طلع نزيف بالمخ قلنا امر الله .. راحوا قطعوا السيولة وعطوها فيتامين K عشان يوقف النزيف بعد اسبوعين عادوا الاشعة لانه حالتها كل مالها تنزل طلعت 3 جلطات غير النزيف ليما هني ابوي قال خلاص بطلعها بس يبيهم يكتبون تقرير نهائي بالحالة طبعا رفض طبيبها اضطر ابوي يستخدم اسلوب ثاني قاله بالحرف الواحد .. عندك لي باجر اذا جيت ومالقيت التقرير باضطر اروح للسفارة السعودية - بحكم انه جدتي سعودية - حزتها بدخل بمشاكل انت بغنى عنها وبينقلونها غصبن عليك ومشى ابوي وخله .. ليلتها نمت عند جدتي يوم جت الساعة 4 ونص الفجر تدخل السستر معاها ابرة قلت شنو هذي قالت فيتامين K :ggdw: منو صرفها ؟ قالت الدكتور ..... نفس القصاب اللي سوا كل اللي صار .. دقيت على الوالد قال قوليلها لااا ماتعطيها ابرة فعلا رفضت ما خليتها تعطيها الابرة .. الصبح جا ابوي لقا التقرير كاتبه الدكتور الله لا يوفقه دنيا واخرة .. يوم رحنا بنتشكي قالوا لنا الملف ضايع وين راح محد يدري


المواقف واجد ولو بقول ماراح اخلص .. بس السؤال هني .. منو يحمينا من دكاترتنا ؟

ووين وزارة الصحة من كل هالبلاوي اللي تصير .. المدرس لو يرفع صوته على طالب ولا يطقه اشتغلوا عليه من كل صوب والدكتور يذبح بخلق اللله ووزراة الصحة تسانده وتوقف معاه بالاخير يقولون ليش كل يوم طالع خبر دكتور توطا ببطنه مراجع !! على الأقل خذا حقه بنفسه

واللي بتسألني اي مستشفى اللي اتكلم عنه .. هو مستشفى تابع لكلية الطب وكفى :ggdw:
 
التعديل الأخير:

unapproachable

New member
إنضم
28 مايو 2009
المشاركات
1,769
مستوى التفاعل
1
النقاط
0
الإقامة
Kuwait
الله يستر علينا ويكافنا شر المرض .. صح كلامج والله يحفظج انتي واهلج ويحفظ الجميع
 

اسوووره

New member
إنضم
5 مارس 2008
المشاركات
3,717
مستوى التفاعل
0
النقاط
0
الإقامة
اغلى الاوطان يا كويت
الله يعينكم حبيبتي و صااااااااجه بلي قلتيه و ربي يقوم يدتج بالسلامه و يفرح قلوبكم بقومتها بالسلامه ان شاء الله ...

و بالنسبه للمستشفى حبيبتي خوو نعرفها من غير لا توضحين انها مستشفى مبارك الموقره حسبي الله عليهم و نعم الوكيل ...
 

Ms.PeRFeCT

New member
إنضم
21 مارس 2009
المشاركات
768
مستوى التفاعل
0
النقاط
0
الإقامة
منــهو مثل الكويت؟!
ليش زين؟؟

شفيها اذا سنعوا شوي بهالمستشفيات.. شفيها لو حطوا الات متطوره ويابوا دكاتره سنعه تخاف من الله!!!

شي يقهر الصراحه المكان الوحيد اللي مفروض يكون كامل متكامل مهملينه هذي ارواح اوادم مو لعب.. لازم يعني نسافر برى نغز ابره ونرد!

استغفرالله بس

الله يطول بعمر يدتج ويخليها لكم ان شاءالله
 

بنات حواء2

*مساعدة مشرفات قسم المعلمات*
إنضم
6 يوليو 2007
المشاركات
13,898
مستوى التفاعل
2
النقاط
0
و الله تبين الصج و لا ولد عمه
مستشفياتنه فااااااااااااااااااااااااااااااااشله
و دكاترتنه فااااااااااااااشلين
اضاهر انهم ماخذين شهادتهم بفلوس
و لا دكتور فاهم يذبح اوادم
 
إنضم
3 أغسطس 2009
المشاركات
45
مستوى التفاعل
0
النقاط
0
والله صاجه وكلامج عدل

ولو انا منج اوديها السعوديه لان بصراحه اسمع مستشفياتهم وايد زينه ومتطوره
 

FunKa

New member
إنضم
4 سبتمبر 2008
المشاركات
1,217
مستوى التفاعل
0
النقاط
0
العمر
37
الإقامة
الـكـويـت
نفس العدااااااااام أقصد العداااااااان

لا وألحين إنفلونزا الخنازير منتشر فيه بشكل موطبيعي

مايعرفون يطهرون المكان فإنتشرت الإنفلونزا والله يابنات

قطع

ألحين ماقمنا نروح لهلمستشفى أبدن

على طول خاص

بالطقاق الفلوس أهم شي العنايه


...
 

Ibtisama

New member
إنضم
2 مارس 2009
المشاركات
2,967
مستوى التفاعل
1
النقاط
0
الإقامة
الكويت أحلى بلد
اهو بس مستشفى مبارك؟؟؟


تعالي شوفي ابن سينا مستشفى القصاصيب صج... اخوي بغى يموت من علاجاتهم.. سوينا له كتاب علشان علاج بالخارج و القصاصيب موراضين يوقعون عليه و السبب ان يقولون حضرتهم ان العلاج متوفر عندهم مع ان حالة اخوي خطره ورم بالمخ اللي يبعده

وديناه على حسابنا بره.. تدرون الدكاتره هناك شنو قالوا طبعا بعد ما ابوي سالهم قالوا احنا نعتقد ان الدكتور اللي عالج ولدك بالكويت كان يحاول قتله

بنات والله الشاهد على كلامي اني ما زدت على كلامي بولا كلمه .. والله ناس تقهر محد يحاسبهم و تاركين القرعه ترعى يشققون و يخيطون على كيف كيفهم

بس والله ما اظلمهم كلهم في دكاتره و نعم شادين حيلهم بس نادرين اللي جادين و بشكل عام الحالات الخطره ما تصلح احد يخاطر بعمره و يعالج بمستشفياتنا .. اهم على الدوده الزايده و يكحون هالمره ورم بالمخ!!

و مشكوره اختي و الله يقووم يدتج بالسلامه يا رب
 
التعديل الأخير:

Miss Cherry

New member
إنضم
19 فبراير 2007
المشاركات
2,467
مستوى التفاعل
0
النقاط
0
مشكورين اللي ردوا واللي قروا الموضوع بدون ما يردون


بس صج ما يحس الا المريض او اهل المريض اللي دابكوا بالمستشفيات .. تسيب كبير ولا حسيب ولا رقيب والوزارة واقفه مع الدكتور ظالم او مظلوم .. يبقى الرابط ظمير الدكتور هذا اذا كان عنده ظمير او ادنى درجة من اخلاقيات المهنة اللي للأسف يفتقدونها

يدخل القصاب على المريض ما يسلم واذا سلمت عليه مايرد عليك السلام جنك تطر من حلاله وياليت عاد على معرفه تلقاه قوطي بس شنسوي

رحت برا عالجت وربي والله يشهد على كلامي اغلب الكويتين اللي كانوا معانا اخطاء طبية وحتى جدتي كتبوا بتقريرها انه طريقة العلاج اللي خذتها بالكويت خطأ وهي سبب النزيف والجلطات بس ربنا فوقهم

صح فيه ناس عندها ظمير بس قليييل شي ما يذكر .. هو شخسران ماشي معاشه ولا وراه احد بيحاسبه واسمه دكتور لو فعلا في وزارة الصحة مسئوول شريف جان شاف الوضع ووقف وقفة جادة على هالموضوع مو كل من اشتكى ضيعوا ملفه كلهم شلة كلن ماسك على الثاني ممسك وكل واحد فيهم ذابح مليون واحد برقبته

بس لي متى وحنا جذي .. يعني لانه الخدمات الصحية والتعليمية ببلاش خلوها اي شي .. خل ياخذون مننا رسوم راضيين بس بالمقابل نشوف دكاتره مو قصاصيب ونشوف ادوية مثل الناس عشان المصلحة العامة بدال ما يسفرون خلق الله برا اعباء على الدولة وفيها نسبة حرمله وبوق نصب واستنزاف للمال العام
 

جروح76

New member
إنضم
27 أغسطس 2008
المشاركات
474
مستوى التفاعل
0
النقاط
0
هاااااااااو إنتو نسيتو قبل كم شهر الدكتور الوافد اللي بمستشفى مبارك الي طلع معاه شهادة متوسطه ولا له شغل بالطب أبد ... لا ومتعين عن طريق وزارة الصحه بعد وخاضع لاختبارات شلون مادري بس لأنه يايب معاه شهادات مزوره من بلده اللي اهي اكيد مصر.

الله يحفظنا ويحمينا من شر هالأطباء
 

((SAFIRA***Q8YA))

New member
إنضم
4 أكتوبر 2008
المشاركات
611
مستوى التفاعل
0
النقاط
0
الإقامة
بأغلى ديرة ..الكويت
لا حول الله..
الله يشفي يدتج ويقومها بالسلامه ويصلح حال مستشفياتنا
الواحد قام ايخاف يمرض عشان ما يدش المستشفيات<<قصدي المذابح والمسالخ
يويله من ربه الي متساهل ابشغله ويقعد يلعب بحياه الأوادم
حسبي الله ونعم الكيل
 
الحالة
مغلق و غير مفتوح للمزيد من الردود.