مستلزمات السفر

[mr000]

في شغله جنها بعد تنفع بالسفر يمكن آخذ منها هالسنه.. شفتها بجمعية مشرف عند بطول ماي الزعتر وماي النعناع وماي الورد..هم نفسهم بس بطول صغار طول الأصبع وهم بلاستك مو زجاج( ماي زعتر-ماي نعناع- ماي ورد-ماي لقاح) تقدرين تحطينهم بجنطة الإيد ولما تكونين بكافيه أو مطعم الفندق وقت الريوق تصبينه بالشاي..طبعا مو ضروري كلش بس حق اللي يحب.. وهم زين حق المعده..وبعد المخده الصغيره اللي حق الرقبه على شكل قوس أو هلال مادري ذكرتوها من قبل وإلا لأ..آنا عندي وحده يايبها ولدي من لندن باخذها ان شاءالله هالمره لأنها تريح الرقبه..وبمطار لندن العام شفت الأجانب كل واحد يايب مخدته معاه حق الطياره..أحاول أحط لكم صورتها..

 

[mr000]

shusha الأشياءاللي قلتي عنها مهمه..والياهل لازم تخلين معاه رقمج وعنوان الفندق..آنا بسفراتي قبل لما كانوا عيالي صغار كنت أسوي مثلج ولما كبروا شوي يعني 10 سنين قمت أعطيهم نقال وفلوس احتياط وكرت عنوان الفندق..

 

[shusha]

اي اي بعد تذكرت شغلة

اللي بياخذ عيالة معاه ودوهم طبيب الاسنان جيكوا على اسنانهم لا تتوهقون بالسفرة

 

[White Musk]

اي اي بعد تذكرت شغلة

اللي بياخذ عيالة معاه ودوهم طبيب الاسنان جيكوا على اسنانهم لا تتوهقون بالسفرة

الحمدلله شيكنا وظبطنا كل شي

 

[الدلال]

في شغله جنها بعد تنفع بالسفر يمكن آخذ منها هالسنه.. شفتها بجمعية مشرف عند بطول ماي الزعتر وماي النعناع وماي الورد..هم نفسهم بس بطول صغار طول الأصبع وهم بلاستك مو زجاج( ماي زعتر-ماي نعناع- ماي ورد-ماي لقاح) تقدرين تحطينهم بجنطة الإيد ولما تكونين بكافيه أو مطعم الفندق وقت الريوق تصبينه بالشاي..طبعا مو ضروري كلش بس حق اللي يحب.. وهم زين حق المعده..وبعد المخده الصغيره اللي حق الرقبه على شكل قوس أو هلال مادري ذكرتوها من قبل وإلا لأ..آنا عندي وحده يايبها ولدي من لندن باخذها ان شاءالله هالمره لأنها تريح الرقبه..وبمطار لندن العام شفت الأجانب كل واحد يايب مخدته معاه حق الطياره..أحاول أحط لكم صورتها..

صاجه مروو, انا المرقدووش ما استغنى عنه واخذ معاي البطول الصغار اللي قلتي عنهم, حييل يريح معدتي

 

[loooly love]

يعطيج العافيه

 

[shusha]

* تاغ جناط السفر واقفال
* شاحن الموبايل وشاحن بطارية الكاميرا وبطاريات واشرطة يديدة حق كاميرة الفيديو
* وموموري احتياط حق كاميرة الفوتوجراف
* جنطة هاندباق فاضية تحطينها داخل جنطة الملابس تغنيج من شراء جنطة

 

[العنود 99]

بنات عندكم نعل فيت فلوب وايد مريحين حق السفر كانكم طايرين في الهوا
وطبي وشكله احلى من كركوس بس مشكله كله نعل مافي جواتي

 

[الدلال]

وين موجودين يالعنوود هالنعل عزج الله؟؟؟

 

[العنود 99]

مادري وين يبعونه في الكويت بس في قطر خذته من جو سبورت

FitFlop

 

[swarvoski^girl]

وين احصلت المميات اللي فيها اكياس؟؟؟

 

[مدرسة طفشانة]

مادري وين يبعونه في الكويت بس في قطر خذته من جو سبورت

fitflop

حبوبة يا ريت تحطين لنا صورة اذا ممكن

 

[shusha]

حبيبتي ماركة fitflop تلقينهم عند اثلتيك فوت بالافنيوز

وهذا سايتهم www.fitflop.com/

 

[الدلال]

مشكووره shusha ماقصرتي

 

[mr000]

المميات اللي فيهم أكياس كنت آخذهم قبل من مذركير..أعتقد لي ألحين يبيعون منهم..وإذا ماحصلتي هني بلندن أكيد أكو منهم أو الدوله اللي بتسافرين لها إذا هي دوله أجنبيه..

 

[العنود 99]

مشكووره shusha ماقصرتي

اشتروها صدقوني ماراح تتحسفون

 

[shusha]

العفو العنود

بنات قبل السفرة رشوا البيت مبيدات حشرية وترسوا البيت لصقات ملوت الحشرات
صكروا الكهربا والسنترال وبرادة الماي والثلاجة وبلاكات التلفزيون والشفاطات
وصكروا حنفيات الماي الرئيسية والبواليع وانتوا بكرامة
والشترات, وفصلوا الغاز عن الجولة
وخلوا مفتاح البيت ومفاتيح سياييركم سبير عند اهاليكم (سبحان الله يحتاجونهم)

 

[الدلال]

صاجه shusha دايما اسوي جذي بالضبط قبل لا اسافر

 

[om l3yal]

شلونكم بنات الصراحة الموضوع وايد حلو ومفيد
حبيت اضيف شويه اغراض ما انذكرت بالتقرير الاخير اللي كتبته om l3yal (مشكورة ويعطيها العافية)

من ضمن اغراضي اخذ ابريج الماي حق الحمام عزكم الله , واخذ كياس نايلون حق الملابس الوصخة لان انا اتنقل من منطقة لي منطقة ويكون عندي ملابس وصخة ما يمدي اوديهم المصبغة ، مكسرات الرفاعي وجبن كريم مثلا ماركة المراعي ، ملقط حواجب ، جنطة خاصة حق السيارة احط فيها الgps واشرطة يديدة حق كاميره الفيديو وبطاريات ، جنطة حق المسبح احط فيها اغراض اليهال من فوط شامبو كريك الحماية نظاره السباحة والطفاحات ، كيرفري في منة كلنكس مبلول وسائل مطهر (نسائي)
فيشة الكهربا الخاصة للدولة اللي بتروحون لها وانصحكم تاخذون اكثر من وحدة .

هذا كل اللي عندي ولي ذكرت شي قلتلكم

هلا فيج حبيبتي شوشو يمكن ما انتبهتي اني ذاكرة هالاشياء بس الاكياس النايلون والجنطة المسبح يمكن نسيتها وراح احطها الحين

 

[om l3yal]

بنات ذكرت بعد شغلة حق اللي معاها عيالها
children id سوار يلبسة الياهل تكتبين علية اسم الاب ورقم الجوال اللي معاج
سبحان الله يضيع ولدج بالسوق ولة بحديقة ( الله لا يقولة )
عشان يدقون عليج ، انا ماخذة حق عيالي من 360 مول-محل انتر سبورت لقينة بسكشن ملابس البحر على شكل ساعه

وخذيت لهم جناط صغيرة على الظهر يحطون اغراضهم اللي يبنها حق الطيارة (psp-i pod-ds )وشوية كاكاو وبطاط وعصير
وشان يبون دفتر تلوين والوان

والله فكرة حلوة بروح اخذ حق عيالي مع انهم كبار عمرهم 10 بس والله الفكرة وااااااااايد حلوة مشكورة حبيبتي