مسجله بديوان الخدمة وناطره الوظيفة ( شاركينا )

[النوالنو]

بس جريده اليوم مافيه

 

[^^ROSE^^]

اي حتى انا مالقيت اسامي بالجريدة غريبه

 

[meen_ana]

بنات شلونكم بليز علمووني شلون اعرف انا اي دفعه يبين ولا شلون

 

[^^ROSE^^]

دشي على الاطلاع على بياناتك الاساسية وفيه انتي اي دفعه
انا مسجله شهر 2 هالسنه ودفعتي 22

 

[Lemon Juice]

انا متخرجه من التجاري صارلي سنه بالضبط , تخصصي محاسبه

تخرجت من اهني وسيده قدمت على الديوان.. نزل اسمي بالجريده بعد شهر بالضبط

واللي معاي امقدمين هم بعد انزلت أسمائهم.. يعني كلنا توظفنا دفعه وحده وبزمن قياسي ما شاء الله

طبعا ً كل وحده منا قطوها بمكان.. بس الواحد يقول الحمد لله على كل حال , أحسن من غيرنا

فـ الديوان أمره عجيب غريب , أحيانا ً بسرعه يوظف اللي امقدمين , وأحيانا ً ينطرهم نطره

اللي أشوفه انه الحين صاير تكدس مو طبيعي بالوزارات والجهات الحكوميه ..

اشلون ؟

يوظفون 5 أشخاص بإداره وحده أو بقسم واحد .. وهالخمسه .. 2 منهم بس اللي لهم مكاتب

أما الـ 3 الباقين قاعدين وحاطين ايدهم على خدهم


بالنهايه أقول هذي الكويت وصلوا على النبي

ehehehe

 

[^^ROSE^^]

شوفي حبوبة انا اتوقع اللي مثلي عالثنوي ولا المتوسط يوظفونهم اسرع من الجامعيين لان معاشاتنا اقل ويحذفونا بأي مكان
بس الدبلوم والجامعي يمكن ياخذ وقت اطول لان لازم مكان ومسمى على درجتهم
يعني مايحطون جامعية سكرتيره
وعلى قولتج صاير تكدس بالوزارات وماكو مكاتب

 

[meen_ana]

سوري ياحيااتي بس من وين اطلع كل هذا الانى صج ضايعه بالقصب طلعت الترتيب

 

[عاليا]

السلام عليكم بنات صارلي شهرين اشتغل بشركه خاصه ومليت شلون اقدم على ديوان ابي وظيفه حكوميه ومتي اقدم لها ولازم استقيل قبل ماقدم

 

[^^ROSE^^]

لازم تستقيلين ويطلع اسمج من التأمينات وتقدمين عالديوان
مدام اسمج موجود بالتأمينات ماتقدرين تسجلين بالديوان

 

[meen_ana]

هاي بنات شلونكم وشخباركم ومتى تعتقدوون راح تنزل دفعه يديده للتوظيف

 

[^^ROSE^^]

اتوقع شهر 7 او 8

 

[تــوتــه]

انا خريجه 1\2008 تخصص دبلوم هندسة كمبيروتر وقدمت شهر 2 وتم قبوولي على طووول بوزارة التربيه << المكان الوحيد اللي طلبته
ترتيبي كان 6 ... مااذكر عدد البنات بالدفعه
واول ما خلصنا من المركز الطبي ,, رحنا للتعيين قالوا توقف التعيين بسبب الانتخابات << أول صدمه

بعد الانتخابات رحنا 21\5 قالوا اوراقككم ما وصلت تعالوا نهاية االسبوع الجاي << ثاني صدمه

رحنا نهاية الاسبوع اللي طاف وقالوا اوراقكم لي الحين ما وصلت من الدعم الفني نطروا لي نهاية الاسبوع الجاي عشان تاخذوون مباشره << وتتوالى الصدمات

شكلنا ما راح نداوم الا السنه الجايه :cxxxp:

امبيه والله بمووووووووت انا من النوع اللي اشتغل اربع وعشرين ساعه حتى بالكليه بكل مكان تشوفوني
ما اعرف اعيش جذي والله قهر

 

[meen_ana]

الله كريم ويوفقج الجميع وااي يعني ماتعتقدوون تنزل قبل شهر 7
يالله نطر لي شهر 7 والله كريم ويكتب للي في خير بناات ادعي لي اتوظف في المكان للي في بالي

 

[^^ROSE^^]

هلا حبيبتي انا ما ادري بالضبط متى تنزل الدفعه اليديدة بس اتوقع شهر 7 لان توهم منزلين هالدفعه فتوقعاتي ان عقب شهرين عالاقل لان هم دايما جذي ياخذون فترة بين دفعه والثانية
بس ان شاء الله ينزلون قبل حرام الطلبة يتخرجون وينطرون على الوظايف قاعدين جذي لا معاش ولا شي وضيقة خلق

 

[عاليا]

لازم تستقيلين ويطلع اسمج من التأمينات وتقدمين عالديوان
مدام اسمج موجود بالتأمينات ماتقدرين تسجلين بالديوان

مشكوره حبيبتي بس متى اقدم علشان اعرف متي اقدم استقالتي الحين مافي تسجيل وانا ليلحين ماخذت شي من التامينات بس قدمت اوراقي عندهم وسجلوني

 

[^^ROSE^^]

عيل دام جذي نطري شوي واخذيلج دعم عماله حسافة على شغلج
بس تأكدي متى موعد التسجيل بالديوان عشان يمديج قبلها تستقيلين وتطلعين اخلاء مسؤولية مادري براءة ذمة المهم اثبات انج الحين مو موظفه ويطلع اسمج من التأمينات عشان تقدرين تسجلين بالديوان
اذا ماباقي شي على التسجيل اقولج استقيلي خوفج اجراءاتهم تطول على مايشيلون اسمج
بس اذا بعد شهرين جذي خلج شهر عالاقل اخذي معاش ينفعج وتالي استقيلي
بس اولا واخيرا تأكدي من موعد الديوان لاتتوهقين وتنطرين لي الموعد اللي وراه

 

[meen_ana]

هااي بنات شلاخبارر متى موعد الثاني للي راح ينزلون في الاسامي البنات يقولون شهر سبعه جم سبعه

 

[حصووووص]

هلا بنات قبل يومين دقيت عالديوان وسألتهم متى الدفعه اليايه وقالوا بعد اسبوع
أو اسبوعين وسألتهم اسمي واصل رقم جم قالوا رقم خمسه ما ادري شنو يعني
ان شالله اسمي مع الدفعه اليايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
والله مليت يا بنااااااااااااااااااااات وىآآآآآآآنا أنطر

 

[عاليا]

ان شاء الله خير حبيبتي متي موعد التسجيل وين اسأل اخاف يروح علي الموعد

 

[meen_ana]

بناات يعني تبشروون انه في دفعه بعد غير للي نزلت انزين وين ادق واسئل منو رقمي جم واصل