مسجله بديوان الخدمة وناطره الوظيفة ( شاركينا )

[ام خالد 78]

انشاءالله ياقلبي والف شكر لج

باجر انا عندهم انشاءالله ولا عادي ممكن زوجي يسوي كل شئ ؟

 

[فز1عه]

روحي انتي لانه ممكن يعقدون الامور استغفرالله موظفات وموظفين الديوان مو الكل بس الاغلبيه اللي على الريسبشن مالهم خلق بس يصرفون الناس

 

[ام خالد 78]

مشكوره فزاعه تعبتج وياي

 

[spanish-girl]

بنات ما تدرون متى تنزل الاسامي؟؟؟

 

[بيتي بوب بس كويتيه]

انا سمعت انه في اسامي هالاسبوع بتنزل
انشالله اسامينه معاهم

 

[spanish-girl]

بنات شلونكم ما عندكم فكرة متى تنزل الاسامي؟؟؟

 

[ليونه المزيونه]

قوه بنات .. انا ماسجلت بس بسجل على شهر 8 .. تهقون اتوظف على الدوامات ؟؟

 

[^^ROSE^^]

لا ما اظن على الدوامات شوفي انا قدمت شهر 2 وطلع ترشيحي شهر 5 وماباشرت دوام الا شهر 7 على ماخلصت الاجراءات
عشان جذي الموضوع ممكن ياخذ وقت
وهم حسب شهادتج
انا ثنوي بسرعه توظفت
الجامعي يطول اكثر لانه ضغط
بس الثنوي اي مكان يقطونه لووول

 

[spanish-girl]

لول اي صح الثانوي اي مكان يقطونة

 

[*مــــســــك*]

على الله يطلع اسم اختي معاهم

 

[ليونه المزيونه]

وي وانا متامله عالسنه اليديده بتوظف .. شكلي بقعد سنه الله كريم ان شاءالله
بس احنا نتامل خير

 

[بيتي بوب بس كويتيه]

يلا الله كريم

 

[^^ROSE^^]

انزين حبوبة مافكرتي بالقطاع الخاص؟
وعندج في وزارات يصير تروحين تقدمين عندهم بنفسج
في عضوة معانا اسمها قمر قدمت بالعدل وقبلوها
شوفي يمكن لاقدمتي بنفسج ياخذونج

 

[بروق اليل]

انزين متي راح ينزلون اسامي

 

[قليلة العذاريب]

آآآآآآآآآآآآآآآه عقبااالي يا رب ،، أأخلص درااستي وأأأفتك لاعت جبدي ،،،،

 

[بووومه]

هاااي بنات اشلونكم
انا خريجة تربية اساسية لغة انجليزية قالولي اسجل بالديوان 15/8 بنات تتوقعون اداوم معاهم 1/9

 

[أميره بلا قصور]

انا بعد ناطره التسجيل شهر 8

وللاسف بكون مدرسه


بس الله يستر سامعه ان التوظيف مايكون مع الدوامات

يعني شكلنا بنقعد للكورس الثاني

 

[بووومه]

هلا الكادي من وين سمعتي هالخبر انا نفس حالتج بس مصيبة اذا دوامنا الكورس الثاني ضيقة خلق انا وزني زايد من القعده بالبيت ومخربطه نومي بصراحه مو خووووش خبر
بس انا اعرف وحده داومت نص الكورس انشالله ما نتأجل للكورس الثاني
الله يعين ويوفق الجميع انشالله

 

[spanish-girl]

بومة غيري نكج وانشاءالله تتوظفين بسرعه لووووووووووووووووووووول الله يوفقكم حبايبي

 

[أميره بلا قصور]

هلاا بومه سوووري ع التأخير

سامعه من رفيجاتي خريجات صيفي.. ماتوظفو الا شهر2

بس مادري يمكن احنا غير لان احنا خريجين شهر6

ياااارب نتوظف اول السنه ملييييييييييييييييت من القعده