مسج .. اخر الاخبار ... ادعوووو يكون صج .. تاجيل الدراسه

[Dr.Nouf]

:eh_s(6): بنــات انا نقلت كلام الوزيرة بالضبط .. مو " من مصدر موثوق " !!

قبل يومين بالضبببط إهيا قايلة هالحجي بنفسها لانه بكل مدرسة مخصصين غرفة عزل وسسترات وتجهيزات وجذي

وإذا الوزيرة غيرت رايها على اخير لحظة .. هاذا شي جيد .. يعني انا عن نفسي بثنويتي .. اعرف 3 بنات يايين من امريكا فيهم افلونزاا مو راضين يرووحون يفحصون يخافون يقطونهم بالسارية بس انشالله مو تأجيل كورس كامل لانها قوية حقنا احنه كطلبة !!


بنات حبيت افيدكم .. والي عندها اعتراض انا مالي شغل =)

 

[عيون الوحش]

ياااااااااااااااااااالله انك تزينها

 

[الزهرة الخضراء]

ياررررررررررررررب احنا نعطل بعد

 

[moony77]

اللهم امين

 

[q8y-moon]

والله عطو ولا ما عطلو شرهتهم علي الي بيخلي عياله يروحون
وانا بقولك كلمه بس لا يزعلون مني المدرسات
ليش انتم الموظفات تبون تعطلون وخايفين علي عماركم عشان اختلاط بالاجانب؟؟
كا احنا موظفات وهم عندنا اختلاط بالاجانب ما طالبنا بنهم يعطونا اجازات ولا عطل الحق ان اذا عطلو امدرسات يعطلون كل موظفين الدوله هم احنا نخاف نعدي عيالنا
وجه نظر

 

[ღ•»الًـجٌـوِرٌيّ«•ღ]

سنيوريتا ياليت تتأكيد من الخبر وتقولين لنا اذا عند كلااااااااام موثوق شخصياااا

 

[الشرقية]

بنات شفيكم ؟؟؟؟؟؟؟؟؟؟؟؟؟


كل هذا كلااااااااااام


واذا في تأجيل قالوا 4 او 8 اسابيع يعني شهر 11 بيداومون الطلبه

وطبعا المدرسات 6 -9 يداومون وهم يضحكون بعد...........


وهذا الشيء مو غريب علينااااا دائماااااا يتكلمون وتطلع اشاعات واقاويل واقتراحااااااات






واااااخر شيء ما يصير ولاااااا اقتراح ويتم بالرفض.........


ما اقول الاااا تقبلوا الوضع صج المرض انتشر بس الله يستر .......

 

[QUMAR]

شنو المصدر ؟؟؟؟؟؟؟؟؟؟

 

[MiSs^ViRgO]

يا جماعه ترى انتو معطين الموضوع أكبر من حجمه والله
ترى الانفلونزا العاديه تذبح ناس أكثر بوايد من انفلونزا الخنازييييييييييير
هالنوع من الانفلونزا ما تكون خطره الا على الناس اللي تكون عندهم مشاكل صحيه من الاساس
وهاذيلا راح تكون عندهم أولوية بالتطعيم لما يوصل مع الدكاتره والممرضين
والناس اللي انصابو تعالجوا وطلعوا مو كل من ينصاب يموت!!
من 1100 تقريبا ماتوا أربعه عندهم من الاساس مشاكل صحيه
السالفه لازم يكون فيها وعي
خصوصا من اولياء الامور اللي بيودوون عيالهم المدرسه
يعني اللي يشك بعياله انهم مرضى ما يوديهم المدرسه
واللي يشك بنفسه ما ينطر لما يزيد المرض عليه مو يسكت وينخش فبيته
والاهتمام بالنظافه الشخصيه
والسلام من بعيد مو لازم 6 بوسات لما تسلمين
يعني اللي زعلانين لانهم بيأجلون دوام اليهال بس ويقولون يعني احنا مو أوادم
ليش الناس اللي بالبنوك مو أوادم؟؟؟ جم عميل وعميل يمر عليهم
هذا غير الفلوس اللي يمسكونها بايدهم وما تدرون منو كان ماسكها قبل وشنو حالته الصحيه
واللي يشتغلون بالمرور مثلا واييونهم ناس من جميييييييييع الجنسيات مو أوادم؟
وايد ناس يشتغلون بالديره يمرون عليهم مراجعين طوووول اليوم ما قالوا عطونا عطله!!
مو معقوله الديره بتوقف واشغال الناس بتتأجل
وبعدين مو من صاااااااالحنا يا جماعه تأجيل الدوام
وكله بيطلع من عييونا والله
احنا بروحنا بدون شي منكرفين كراف اليهد
بعد ضغط زياده ودوام السبت وغيره من فناتق وزارتنا العجيبه!!

ياجماعه الحافظ الله وماكو الا العافيه انشالله

 

[بنت وايل-]

مرحباااااااااااااا


هذا كلها احلااااااااااااااام من صجكم وزاره التربيه تقعدناااااااااااا اهي تحاااول تطول بالدوامات وتسوي دراسااات تبي غصب نصير مثل امريكا يهدون العصر عباااالهم جونااا مثل جو امريكاااا عزالله لو امريكا يشوووفون جونا لااايلغووون الدراااسه عندهم بدل الغبره والرطوبه

ثااني شي بسال انا سمعت ان وزاره الصحه تبي ترسل اسامي الطلبه اللي حالات خاااصه لوزاره التربيه يعني نص الطلبه يعطلووون والبااااقي شيسووووون ؟


والله شر البليه مايضحك انا عن نفسي بغيب اعيالي موناطره الامر منهم مشافو الدول بسرعه ينفذون القرار ومافي دراسات علا حياااااة الانسان هذا تحته خط احمر

 

[ورود و أزاهير]

أقوووووووووووووووووووووووووووووووووووووووووووووووووووووول
الله يسمع منك


مو مهم المنهج يتعوض ، ، ، وفي أسوء الحالات


تطير على الطالب سنة ولا يطير عمره كله كفانا الله الشر

 

[خشف الشمال]

واعلنت المصادر التربوية عن خطة وزارة التربية «لتكيف العام الدراسي» بعد ان يتم اعتماد تأجيل بدء العام الدراسي في المدارس الحكومية لمدة اربعة اسابيع للمراحل الابتدائية والمتوسطة والثانوية، ولمدة 8 اسابيع في مراحل رياض الاطفال والحضانة وذوي الاحتياجات الخاصة،حيث سيستأنف المعلمون والمعلمات ومديرو ومديرات المدارس دوامهم خلال هذه الفترة لتجهيز المدارس واكمال استعدادتهم للوقاية من المرض، مؤكدة ان قرار التأجيل سيتيح الفرصة لبدء عام دراسي خال من المشاكل .

وقالت المصادر ان المدارس الاجنبية لن تؤجل عامها الدراسي حتى وان اعتمدت وزارة التربية قرار التأجيل، موضحة ان مدير ادارة التعليم الخاص محمد الداحس سيبين وجهة نظر المدارس بشكل عام .
واوضحت المصادر ان وزارة التربية ستتفهم وضع المدارس الاجنبية خصوصا وانها لا تعاني من كثافات طلابية في الصفوف، إضافة إلى الاستعدادات الطبية التي اتخذتها واجراءاتها الاحترازية،اضافة الى رغبة اولياء الامور التي وصفتها المدارس الاجنبية بالايجابية، وكذلك المنهج الدراسي المقيد بجدول زمني مرتبط بدول خارج الكويت، لذلك فإن قرار التأجيل سيكون صعبا جدا ،لاسيما وان جميع المبررات منطقية!
ولفتت المصادر إلى أن المدارس الاجنبية فقط هي التي قد تستثنيها وزارة التربية من قرار التأجيل، حيث ان جميع المدارس الخاصة العربية سيشملها القرار لكونها لم تسجل اي احتجاج على عملية التأجيل.

منقول من جريدة الراي
و

 

[الفنانة]

ياااااااااااااااااااارب مافي مدرسه ويمشون معاشاتنا واحنا معطلين
احنا نحتر من طالباتنا شنو على راسهم ريشه ولا بيذلونا بالمعاش
حتى احنا بشر لازم يحافظون علينا
ومانبي عطله يوم واحد بالاسبوع شنو عاد عطله يومين واحنا محتاسين
بشغل البنات هذا غير المعارض والورش الله يعين بس
يارب مافي دوام ولاتعب والقاري يقول اميييييييييييييييييييييييين

 

[زيـטּ عَبْس]

نداوم بدون طلبه شنسوي ؟؟؟



نبي نعطل معاهم

لو بنص راتب راضيه

بس ماداوم واقعد الصبح لي نهاية الدوام بدوون شي

واخرتها يضغطون علينا ونداوم السبت ومنهج لازم نخلصه

 

[ساندريلا]

ليش يعني احنا عاله على المجتمع ويبون يتخلصون منا؟؟؟
ليش نداااااااوم الي عنده مو جسسسسسسسم يعني

 

[عنايد]

الله يكتب اللي فيه خير وصالح لنا

 

[نماين]

اللــــــــــــه كريم

 

[ميونة]

ياسلااااااااااااااااااااااااااااااااااااااااااااااااااااااام لا والله يعني نداوم والطلبة معطلين اوكي وبعدين؟؟؟؟؟؟؟؟؟؟؟؟؟؟
اذا داوموا الطلبة نداوم معاهم وننحرم من اجازة السبت على اي اساس؟؟؟؟؟؟؟؟؟؟؟؟؟؟؟؟؟؟؟؟؟
اذا داومنا نعطل السبت واذا عطلنا معاهم اوكي نداوم السبت جذي عدل اما مو ماكلينها من الصوبين
وبعدين الموظفين اللي حاسدينا ويقولون انتو حالكم من حالنا لا ياحبايبي انتو عندكم شغل تخلصونا اما احنا شنسوي نجابل الطاولات والكراسي؟؟؟؟؟؟؟؟؟؟؟؟؟

 

[المستغفرة 74]

يابنات اول واهم شيئ لازم ندعي ان الله سبحانة يحفظنا ويحفظ اعيالنا وديرتنا الغالية من هالامراض الله يكفينا شرها . وانا وحدة من الناس مستعده اداوم ليل ونهار بس الله يحمينا . مادري شلون تفكرون.الله يهديكم . ونصيحة لاختي الفنانة ( العمل عبادة).

 

[.]

الله الحافظ..

خو احنا ندوم واليهال بيطلعون وماراح ينحبسون ببيوتهم واغلبنا عندنا اهل ولا احنا نمرض عادي دفعة بلا ..

اذا الله كاتب بيصير ..

والتاجيل ماله داعي تضيع وقت ع الفاضي في شغلات اهم يقدرون يفحصون ويحطون اجراءات وقائية ..