مسرحيات الأطفال تذكرونها :)

[مسك 3]

اليوم من قعدت من النوم وعانه علي أغنيه توني صحيت توه صحى مالت مسرحيه البساط السحري اللي غناها عبدالرحمن العقل ورجاء محمد رجاء محمد كانت حبيبتي كل ما سوت شي أبي مثلها حتى الشامه كنت أحط كحل أمي وأقعد أقلدها
وتذكرت أيام ما كنت أقلدهم بالدار ولازم نوقف على المكتب والا ورا البرده يعني مسرح تذكرون هالمرحله الحلوه وكنت أقلد فيروز الصغيره في أغنيه معانا ريل معانا ريال ده مبلغ عال ومش بطال
والحين يا حلوات منو مثلي كانت عندها طفوله فنيه ناطره مشاركاتكم

 

[الاسطورة]

خخخخخخخ
ذكرتيني بسالفتي
انا قبل يوم كنت صغيره وامي اتشغلي الفيديو
كنت حاطه في بالي انهم بس قاعدين يمثلولي
لووووووووووووول
امبيييييييييه صج فشله لما كبرت عرفت ان هالمسرحيات كلها تسجيل وانا اخر من يعلم
لوووووووووووووووووووول

 

[هاي]

ويييييييييييييييييييي
عيل انه متزوجه وانطط جني هباه لريلي واقول له :أنا الاسد انا الاسد وخر عني يا ولد
والله مسخره
كنا عايشين حياة وااااااااااايد حلوه وصج كل البراءه فينا
يسلمو على الموضوع:eh_s(17):

 

[مسك 3]

الأسطوره ههههههه ذكرتيني على طاري يمثلون لي أنا كنت أطلع ثوبي الزري وألبسه كنت من أشد المعجبات في عبدالرحمن العقل ولازم أكشخ اذا بشوف مسرحياته
هاي اي والله يا زين ذيك الأيام
يسلمو على المشاركات

 

[الاسطورة]

=مسك 3]الأسطوره ههههههه ذكرتيني على طاري يمثلون لي أنا كنت أطلع ثوبي الزري وألبسه كنت من أشد المعجبات في عبدالرحمن العقل ولازم أكشخ اذا بشوف مسرحياته





لوووووووووووووووووووووووووووووووول
ضحكتيني يا ام النفنوف الزي
شنو هالاغراء؟؟؟؟

:d :d :d

 

[زلابيا]

لووووووووووووووووووول

انا واخوي ثقافتنا انجليزيه خخخخخخ

كان يلعب بالليتات يفجهم ويسكرهم يعني ديسكووووووو .. شرايكم بس بالفن
:eh_s(15):

وكنا نقلد كل شي مساكين والله كنا عايشين الدور انه جنه معاهم

مشكوووره

 

[مسك 3]

زلابيا أحنا الديسكو مالنا غير الأباجوره بالنص ورول سكيت الأصفر والأزرق وكل شوي متعرجبين بالواير
الأسطوره ولازم أفل الشعر بعد هههههه عشان يشوفني بأحلى صوره

 

[الاسطورة]

زلابيا أحنا الديسكو مالنا غير الأباجوره بالنص ورول سكيت الأصفر والأزرق وكل شوي متعرجبين بالواير
الأسطوره ولازم أفل الشعر بعد هههههه عشان يشوفني بأحلى صوره

لووووووووووووووووووووووول
حدج نكته
اتخيلج وانتي فاله الشعر ومكوكش لا وتلفحين بعد
لووووووووووووووووووول
بدعتي يا مسوك

 

[مسك 3]

هههههههه الأسطوره وأهم مرحله مرحله لما يقعدون من النوم وتعالي مشطي شعرج خو أيامها لا يوكو ولا كوكو طرق كريم ويلا الأحمر وماي والمشط مال الزراعه الآسود ويا حبذا لو ما أبجي ولا أحوس وماما تفجج الكشه عشان ما أحصل كمعه بظهر البروش ولاتفهميني غلط بس كان مو ديسكو كثر ماهو سكيتنغ مرات يقلب الموضوع ديسكو صج واذا تعرجبنا وطحنا يصير فجأة حلبه مصارعه
ونرجع حق محور حديثنا أحلى مسرحيات الطفوله
كانت السندباد البحري كنت ميته على بدلتهم ام كبوس والجوتي بوحديده
أ ب ت تمنيت أكون مضيفه عقبها واحلى شي خربش خرابيش
البساط السحري اللي ما أحبهم أخليهم بدور الأراقوزات بالمسرحيه وانا كيفي عاد يا عبدالرحمن العقل أو رجاء محمد
خخخخخخخخخخ أما مسرحيه توم اند جيري نسيت تفاصيلها بس أذكر أغنيه عداوة عداوه احنا عداوه ...........

 

[رفرف]

عيل انا كنت مدمنة مسرحيات هدى حسين (ليلى والذيب - الواوي وبنات الشاوي - البنات والساحر) ..
والحين بنتي أدمنتهم ماتحب التلفزيون كلللللللش ماغير هالمسرحيات شريط ورا شريط وصامة اغانيهم صم حتى بالسفر اخذهم معاي dvd ماستغنى عنهم ..

 

[سمسميه]

هزينا يا يا يا ديرفا هزينا يا ديرفا
والي يطيح ما ما ما نلقفه والي يطيح ما نلقفه
البنات والساحر تهبل هالمسرحيه وكل مسرحيات هدى حسين
كانت المسرحيه شي اساسي من طقوس العيد تذكرون؟؟هههههه

 

[مسك 3]

واي انا ما أنسى مسرحيه بحرينيه لازم يحطونها كل عيد قبل الغزو
حيه انا الحيه فوق النخله وتحت النخله حيه انا الحيه

 

[سمسميه]

مسك ههههههههههههههههههه عرفتها!! لووووووول
والي يمثل لبس بلسوت لماعي حده ضيج!!

 

[مسك 3]

خخخخخخخخخخخ اي امبيييه

 

[سبائك]

وي سكتي يا مسك

بالغزو ما عندنا شغل غير نمثل الواوي وبنات الشاوي حق اليهال

انا كنت باولى ثنوي بس والله كنت استمتع مو مثل بنات هالوقت

عاد انا شمسه واختي قمره وبنت عمي الذيب والباجي الخرفان ههههههههههههههههههههه

ماكو مشاهدين ههههههههههههههههههه

تفوخ بتذكر هالسالفه دبلنا جبودهم فيها خخخخخخخخخخخخخخ

 

[تفاخيه مبطوطه]

المشكله سباجه اذا صار وقت المقطع الثاني اللي في الخرفان بقدرة قادر يتحولون الجمهور الى خرفان تبنبع هههههههههههههه

يصير ماكو مشاهدين ههههههههههه

انا غرااااااااامي الواوي وبنات الشاوي وليلى والذيب حافظتهم صمممممممم اسمعهم من الأول لي الأخير

هذاك اليوم بالمسنجر ماكو شغل انا وميومه قاعدين نسمع ليلى والذيب لوووووووووول

 

[رنين]

وي يا مسك احنا عااااد طفولنا و مراهقنا كلها فنيه

لي الحين كل ما طرت علي اغاني مسرحية الزرزور مثل اغنية (طق الجرس طق....جت ضيقة الحلق) يرف قلبي لذاك الزمن.

الله يسلمج قبل كنا نسوي مسرحيات ،مواسمناعلى طول

مثلا سنو وايت و الاقزام السبعه بس لأن مافي اقزام سبعه(حدنا اربع ممثلين) فصار سنو وايت( انا طبعا) و الذيب الطيب....

ولد خالتي اول المسرحيه الملك و بعدين في الفصل الثاني يصير الذيب
و ولد خالتي الثاني اول المسرحيه اخو سنووايت اللي كان مسافر و جا يبي ينقذها بعدين بقدرة قادر صار الامير المعرس و آخر شي زواجهم لعب يهال


و الله و خالاتي معطينا على قد عقولنا متجمعين مع مرت خالي و يدتي و مجابلينا و كاشخين حق المسرحيه و تصوير و حاله.
و المخرجة طبعا سبائك و اهي بعد الماكيير و الملكه الشريره
شغلنا بتاع كله

و بعدين صرنا بالأزمه تخصص الواوي و بنات الشاوي و طبعا لأني كان غرامي هدى حسين كنت مستولية على ادوارها
و عقب الأزمه سوينالنا انا و سبائك دفتر خاص مالنا شغله الا نحط فيه صور الممثلات و نكتب تعليقات عليهم عاد يا سنعه يا نمهزئها

 

[تفاخيه مبطوطه]

اي والله يارنين قبل اهلنا لهم مقاقه يقعدون ويعطون اليهال ويه!!

الحين بس نجعم فيهم وسكتو ولا تسكتون وازعاج! محد يتحمل والله يكسرون الخاطر

 

[جرح الليالي]

ههههههههههههههههههههههههههههههههههههه مسوووك بدعتي والله خخخخخخخخخخخخخخخخ

عاد العقل والله ما تصدقين اشكثر اشوفه خخخخخخخخخخخخخخ


كنت اخذ بنت اخووي من الروضة وهو بعد اظاهر ياخذ ولده والا ولد ولده خخخخخخخخخخخخخخخخخخ

ومرة يانه بحصة الموسيقى قاعدة يعلم ابلتنا خخخخخخخخخخخ

لو ادري عنج جان قلصتج معاي خخخخخخخخخخخخخ

انا ما كنتاحب اشوف مسرحيات اطفال الا ليلى والذيب
كنت اكثر شي احب مسلسلات هدى حسين لما تكون بنت الشاهبندر وتفل الكشه

وطبعا المسلسلات اللي من هالطقة اللي قبل الغزو صج كانت حلوة

ويسلممووووووو عالموضوووع خيتوووووووووو

 

[مسك 3]

وي سكتي يا مسك

بالغزو ما عندنا شغل غير نمثل الواوي وبنات الشاوي حق اليهال

انا كنت باولى ثنوي بس والله كنت استمتع مو مثل بنات هالوقت

عاد انا شمسه واختي قمره وبنت عمي الذيب والباجي الخرفان ههههههههههههههههههههه

ماكو مشاهدين ههههههههههههههههههه

تفوخ بتذكر هالسالفه دبلنا جبودهم فيها خخخخخخخخخخخخخخ

زين احنا كنا نمثل حق الباربيات كنا وايد مدلعينهم خخخخخخخخخ