مسرحيات الأطفال تذكرونها :)

[مسك 3]

حياج الله يا ليالي الكويت هدى حسين كانت مسرحياتها تونس صج وليلى والذيب ما طلع مثلها حق اليهال للحين يحبونها اليهال وعلى التقليد الكل قلد انا عندي شريط حق اختي الي أصغر مني مسجله بشريط كاسيت أغانيها وتقلدها خاشته حق عيالها ان شاء الله لما الله يرزقها

 

[كاكاوة سايحة]

تذكرون مسرحية فدوة لج ، إلي فيها هدى و سحر حسين و سمير القلاف و سليمان العسعوسي ... كنت أحب أغانيها (ديايتي بيضي ذهب و أصير غنية بلاتعب ... أبي لي بيضة تسعدني ...طالع بتسعدها!!تسعدها...تسعدني إي والله..عن فقر الدينا تبعدني) و لما سمير القلاف و سليمان العسعوسي يسوون فاصل يغنون بكل اللهجات ، الكويتي غنوا (رحت آنا لو أبرا ولا صيد الحمامة) و السعودي (سليم يا سليم و إيش أسوي بمحبوبي) و المصري (السح الدح إنبو الواد طالع لابوه) واااااااااااي كان وناسة.
ولا مسرحية سيندرلا واي كنت متيمة بالأمير(حسين المنصور) و بموت إلا أبي نفنوف هدى حسين لما تكشخ و تروح حفلة الأمير.
حتى مرة كانوا مسوين مثل الأوبريت بعد سيندريلا ، كانت رجاء محمد سيندرلا و الأمير محمد المنصور ... لما تكشخ رجاء محمد كنت أستانس...كانت عاجبتني تسريحتها (الحمدلله و الشكر)

 

[مسك 3]

كاكاوه انا نفسج كنت حدي معجبه بتسريحه رجاء محمد
وأهم شي في مسرحيه سيندرلا خواتها هههههههه واحد اثنان واحد اثنان

 

[كاكاوة سايحة]

لا لما يشوفون سيندريلا بالحفلة ويقولون وااااااااااااااي شوفي جماااااااااااااااااااااااااااالهاااااااااااااااااااااااا واي شوفي اناقتهااااااااااااااااااا

 

[تفاخيه مبطوطه]

ولا لما يروحون يسلمون على الأمير : واحد اثناااااااااااااان واحد اثناااااااااان ودربيييييييي تهبد انتصار الشراح على ويهها

ههههههههههههههههههههههههههههه

هاللقطه اعيز وانا اعيدها ما امل كل مره اضحك عليها ههههههههههههههههههههه

كاكاوه سايحه جنج اياي حتى اناا متيمه بنفنوف هدى حسين والله كان حلو كشكش اشملحه

بس ياترى اذا سوينا مثله وين نلبسه!

وحسين المنصور كان قمة الوسامه ساحر قلوب العذارى لووووووووووووول

 

[كاكاوة سايحة]

لووووووووووووووووووووووووووووووووووووووول كشكش و حجاب عاد لازم الحجاب يكون آكشن نفس إلي حاطتهم دموع الكويت بموضوعها...بس انتصار الشراح مادري عنها جان اهبدت حسافة طافني

 

[LaSt WoMeN]

الله .. ذكريات الطفولة ..
انا شنو كنت متأثرة بليلى و ا لذيب و اقوم انا وبنت عمي نمثل دور هدى حسين و سحر حسين ..
و نتهاوش كلنا نبي هدى هههه و انا اقولها هدى اكبر من سحر و انا اكبر منج عيل انا هدى ..

و شوفي عاد حزة الظهاري لما ينام عمي و مرته نجابل الفيديو و نترقص
و نخلي ولد عمي يعني الذيب و حدنا مندمجين و عايشين الدور
مع تعابير الويه الحزينة ما انساها ههههه

لا ولا اغنية نبيل شعيل يا شمس لا تغيبي هذي مسوين عليها رقصة نوقف فوق المطرح
و بس تبدي الأغنية ننط جدام و نأشر بإيديننا على الشمس لا لا تغيبي ..:eh_s(9):
و لما يقول ايدي بيدك يا حبيبي نمسك بعض خخخ
و بنت عمي اللي اكبر منه اهي زعيمة العصابة تدربنا على الرقصة و كل اسبوع نرقصها صج صج ماكو شغل
​

 

[LaSt WoMeN]

هههه و من ضيقة الخلق خصوصا الظهاري نروح حق دار يدتي الله يرحمها ان شاء الله
و ناخذ مضاعدها نلبسهم و نلبس عبيها و نطلع برا البيت و نطق الجرس نطقه جم مرة و تفتح الخدامة الباب
و نقول لها سلاام وين ماما احنا بيت ايرانكم و ندش علبالنا قاصين عليها ههههههه
و نروح حق يدتي و نقعد و نقول لها ويين الجااي و نأشر بالمضاعد علشان تشوفهم و تصدق ان احنا عيايز
و مادري شكنا نخوره و نسولف معاها و اهي ماخذتنا على قد عقلنا هههههه الله يرحمها

 

[سبائك]

ههههههههههههههههههههههههههه

صاجين نفنوف هدى حسين بسندريلا اينن لما الحين اذا شفته اعجب فيه<<فيني بقايا طفوله مترسبه ما تروح حتى بالكلوركس خخخخخخخخخ

وطيحة انتصار الشراح عالميه تموت من الضحج خخخخخخخخخخخخ

وعندكم بعد نفنوف منى عيسى بمسرحية احمد والاسود الي معاها حمد بوحمد اللاعب ما ادري منو قاله تصلح ممثل!!!!!!

واي نفنوفها الفضي كنت زاااااااااايغه عليه حييييييييييييل

 

[تفاخيه مبطوطه]

وييييييييي كاكاوه عيل طافتج هبدتها ابدااااااااااااااااع هههههههههههههههههه

فلانه ذكرياتج تضحك اهم شي النقزه من القنفات يكون بداية الرقصه حركه يعني!! وتهبل يدتكم هههههههههههههه

احنا كنا مسوين رقصه على (صبوحه) مالت ميامي

تدريب وعفسه وحركات ههههههههه

 

[سبائك]

فلانه ههههههههههههههههههه يحليلكم شيطلعكم الظهر بهالحر ههههههههه

يا حلوها يدتج ماشيه معاكم مخليتكم والله صدرها وسيع ماشاءالله

 

[LaSt WoMeN]

لووووول عاد شنو صارت قصص حب بين بنت الخالة و ولد الخاالة بسبة هالمسرحيات هههه في ناس اعرفهم جذي
​

تفووخة و سباجة
اي والله حتى اهي من ضيقة خلقها مجابلتنا هههه الله يرحمها
لا وتسألنا بعد وين بيتكم و شلون اهلكم ههههه تلعب معانا​

 

[LaSt WoMeN]

و انا الحين اغني حق ولد اخوي
انت اسمعني زيين زيين و انت افهمني زيين دييير بالك ديير بالك ديير بالك زيين
يستاانس حده عليها


اعتقد مالت مسرحية العصابة


و الثاني اغني له لما بنومه < اشرايكم مو خوش عمة :eh_s(15):
اغني له لولووا .. ناام و لك رب ما يناام ناام و لك رب ما ينااام .. لولواا لوولووا هاااا اشفيكم نمتوا هههههه

مو تقرونها غلط تحسبون اغني له الواوا ههههه ​

 

[Pink GirL]

بنك شنو هذي مسرحية احلام زيدان !!! خابره مسلسل احلام نيران انا !!!



بليز قولي الإغنيه كلها ودي اذكرها .. ذكرت اللحن بس ناسيه الكلمات .. عاد تينن هالإغنيه

ياربي قبل كانو يهتمون بالأغاني اللي بالمسرحيات عشان جذي حافظينهم لما الحين .. عيل مسرحيات هالأيام!! تييب اليهد لا اغاني ولا قصه ماغير صراخ على اليهال .. وين راح المجرم؟؟ منييييييييييييييييييييييييييي ويرد الممثل ويييييييييين؟؟ ما اسمااااااااااع

اووووووووووف غلقه!

تفوخ مسلسل احلام نيران غير

مسرحية احلام زيدان اللي فيها ولد عبدالرحمن النجار اللي يكون ابوه هامله ومايابلة هدية في عيدميلاده ويطلعونله الحيوانات يحتفلون معاه بالحلم
حتى المسرحية نصها فصحى ونصها عامي لوول بس كانت حلوة لليهال

الاغنية مالت البساط السحري الله يسلمج اهي

ربنا يحرسج حقنا يا ديرة الاجداد
انتي هوانا وحبنا وانتي اعز بلاد
كلنا نحبها الكويت
والله نعزها الكويت
الكويت الكويت اه يا الكويت :eh_s(17):

 

[Pink GirL]

ولا مسرحية سيندرلا واي كنت متيمة بالأمير(حسين المنصور) و بموت إلا أبي نفنوف هدى حسين لما تكشخ و تروح حفلة الأمير.
حتى مرة كانوا مسوين مثل الأوبريت بعد سيندريلا ، كانت رجاء محمد سيندرلا و الأمير محمد المنصور ... لما تكشخ رجاء محمد كنت أستانس...كانت عاجبتني تسريحتها (الحمدلله و الشكر)

انا امي شرت لي نفنوف كشكش يشبه نفنوفهاا وكنت مستانسة فيه وكاشخه فيه على رفيجاتي اقولهم انا عندي نفنوف سندريلا انتوا ما عندكم :eh_s(3):

اما اوبريت سندريلا امي كانت مسجلته مو كامل .. آخر شي مقطوووع
الله وكيلكم العام ما ادري اولت العام طرى على بالي وغصب الا لطلعه عاد اشوة عقب ما دخت السبع دوخات حصلته

 

[تفاخيه مبطوطه]

اي فلانه اغنية لولوااااه هذي مهمه جداً اذا ييت انوم اليهال ولازم في مقطع اقول في لولواااااااه طنننننننن <--- مالت اللحن الأصلي هههههههههههههه

طبعاً اليهال = اخواني وعيال خواتي

بنك .. ماعرف هالمسرحيه!!! ومشكوووره على الكلمات عيل مسك خارته ! ههههههههه

 

[LaSt WoMeN]

ههههه تفوووخ أهم شي طنننن عجيييبة :eh_s(15):

يتروالي تقولين طننننن الياهل يفز من نومته ههههه


​

 

[تفاخيه مبطوطه]

هههههههههههههههههههه

شسوي ماقدر امسك اعصابي الطن ضروريه ولا ماتطلع الإغنيه اوكي

عاد كيفه مو مهم ينام المهم انا مستانسه هههههههه

 

[Pink GirL]

و انا الحين اغني حق ولد اخوي
انت اسمعني زيين زيين و انت افهمني زيين دييير بالك ديير بالك ديير بالك زيين
يستاانس حده عليها


اعتقد مالت مسرحية العصابة


و الثاني اغني له لما بنومه < اشرايكم مو خوش عمة :eh_s(15):
اغني له لولووا .. ناام و لك رب ما يناام ناام و لك رب ما ينااام .. لولواا لوولووا هاااا اشفيكم نمتوا هههههه

مو تقرونها غلط تحسبون اغني له الواوا ههههه ​

لوول فلانه العصابة قصتها قصة

كنا ميتين على هدومهم النايلووون ولا عاد بدلة سحر حسين وشعرها عجيب
ونقعد نغني معاها انا المقص المقص لقيت الناس مقصة الف حيلة والف قصة

وسمير القلاف بوكشه بوكشه انا بوكشة اللي تحداني مثل الذبان اكشه

والله يرحمها مريم الغضبان الزعيمة نعيمة والله ايام

الا بقولكم المتيــن اللي وياهم اختفى .. مات ولا عقب الغزو ما رد الكويت !! يمكن فلسطيني صح؟

 

[تفاخيه مبطوطه]

بنك يابختج حققتي حلمج بالكشكش!!

انزين ليش انا ماعرف هالأوبريت اللي تقولون عنه! شوقتوني على تسريحة رجاء !