مسـاحـتي الخـاصه .. عن كـل ما يخص عآلـم المكيـاج {الجزء الثاني}

[ENG.Nour]

رد: مسـاحـتي الخـاصه .. عن كـل ما يخص عآلـم المكيـاج ...

لا يوقف لا يوقف ,,,, جكجكجكجكجك

اولا : تسلم ايدج عالموضوع العجيييب , مادري ويني عنا من زمان
ثانيا : امبيييي بنااات
ابي الاختراع الصيني مال الماسكرااا , انا وايد اتأذى من سالفة البقع والعبالة
ثالثا : عندي استفسار
شنو احسن كونسيلر ؟؟؟
انا استخدم maybelline وايد مرتاحتله
هذي صورتا


وقبل ما استخدم هذا كنت استخدم مال نيفيا بس والله مو لاقية صورتا حاليا
المهم ان لوع جبدي , اهوه يغطي عدل بس يطلع روحج على ما يتوزع

يالله عطوني رايكم

 

[عز النفس يغنيني]

رد: مسـاحـتي الخـاصه .. عن كـل ما يخص عآلـم المكيـاج ...




السـلااااااااااااامـ عليـكم ورحمـه آلله وبركـاته ..

شلونـكم بنوتات فديـتكم صـراحه أثلجـتوآ صدري :eh_s(2): بردودكـم الطيبه وتفاعلـكم .. أشكركم جزيل الشكر .. ووجودكم .. يخليني مـا أوقف بإذنه تعـالـى ..

وتـم بحمد الحمدالله إنتهااااااااء الكورس الصيفي بعد مشقه وعنااااااااء :j013: ومجهـزه لكم ريفيوز إنمـااا إيه



بسم آلله الرحمن آلرحيـم ..


(( آللوشنـات ))



من حبيب الكـل بدي شوب .. يهبـلووووون كلهم وخطيرين ..

من آليمين

زبده wild cherry

زبده strawberry

لوشن wild cherry


والفرق بين الزبده وآللوشن .. إن الزبده أثقل وتصلـح للشتاء أكثر واللوشن خفيف .. >> بس طبعا انا ما أمشي على كلامهم :eh_s(3):







من بوتس .. لوشن مع السبرآي مالـه .. يهببببببببـل وانا أسميه لوشن البرد ..




من فكتوريا سيكـرت ..

الاثنين إللي على اليمين قدييييييميييييييين بس يهبلووووووووووووووووووووووووووون >> مخليه شويه منهم متحسفه أخلصهم

إللي بالنص كان ليمـتد .. بس يهبل بنات إذا لقيتوه بالغلط مكان أو مخشوش أخذوه وأنتوا مغمضين :eh_s(20):

وأخر واحـد يهبـل وعلى ما اعتقد لين إللحين موجود ببـوتس




من بآث أند بدي وركـس .. لوشن الرمـان يهببببببببببببببببببببببببببببببببببببببببببببببببببببببببببببل ..

من أحطه يسألوني شنو هالريحه إللي فاحت وشنو حاطه

طبعـا مخلصه واحد لي النص .. وواحد جديد مع البتر والشور جل ..

خذيـته من تاجره تبيعه بالمنتدى .. نكها دلوعه البريسـم تعاملـها حلو وما قصرت
بسرعه وصلته لي .. شهاده حق لازم أقولهـا ومو قصدي أسوي دعايه ..






يتبـع ..

 

[عز النفس يغنيني]

رد: مسـاحـتي الخـاصه .. عن كـل ما يخص عآلـم المكيـاج ...




((المـرطبات الطبيعيه - طبيه -زيوت للجـسم .. ))




هـذه صوره جمـاعيه




نبـدأ من اليمين جعلـكم من أصحاب اليمين ..

-زيـت الليمون يهبـل للترطيب .. وحتى تقدرون بدآل لا تاخذون ليمونه وبعدين تسوون سنفره بالملح

تدهون نفسكم بـ زيت الليمون وتخلونه فتره بعدين تفركون نفسكم بالملح وشوفوا عاد النعومه

- زيت جنين القمح ترطيـبه حلو ومعرووف بـ فوايده


- لوشنات فازلين بأنواعها تهببببببببببببببببـل ..

-لوشن جونسون الوردي أحس إني لما أحطه جني بيبي ريييييحته كلها براءه


- بخاخ زيت اللوز من جونسون يهببببببببببل بنات لازم تشترونه وتجربونه .. نفس طريقه زيت جونسون بس هذا أحلى

لانه تمتصه البشره بسرعه يعني لما تخلصون سباحه بخبخي جسمج و دقاااايق ينشف


-scholl لـ تشققات القدم .. أحسه نفسه نفس لونـا ونفس فـازلين ...



-لونا هذا حبيييييييييب الوالد ويهبل لـ تشققات القدم .. طبعا ربع أبوي يوزعون كراتين على الديوانيه وحيل رخيص بمصر ..


سودو كريم : حبيب القلب والرووووووووووووح .. لما أحف جسمي أحطه بعده عشان ما تتهيج وتحمر ..

وبعد ما أسوي وجهي ليزر هم أحطه .. وللحروق .. وللمشق وحتى للترطيب وبتااااااااع كلـو ..


أخر شيء فـازلييييييييييين القلب .. يهبل للشفايف - للجسم - الوجه .. خاصه إذا بشرتج جافه أو مقشره وحده بـ وحده .. :rerrerek:



وسـلامـتكم

 

[عز النفس يغنيني]

رد: مسـاحـتي الخـاصه .. عن كـل ما يخص عآلـم المكيـاج ...




بسـم آلله الرحمـن آلرحيـم ..

بحط لكم تجـاربي للعنـايه بالحواجب والرموش يعني كـ علاج مو بإستخدام أدوات التجميل .. وهذا أهم شيء ..




رقم 1 : خلـطه حيـادر للحواجب والرموش .. للاسف على كـل المدح إللي حصلته بس ما سوت لي أي شيء يذكر ..

وهذا مو بس بـ ملاحظتي لنفسي حتى ملاحظه الناس القريبين مني .. ممكن نبتت الحواجب بس الرموش لااااااا ..

وأنا إلتزمت فيها ومخلصه القرشه كامله .. :eh_s(1): .. عمومـا إللي يصلح لج ما يصلح لغيرج .. وأنا هذه تجربتي بكل أمانه ...


رقم 2 : هذه الخلطه فضيييييييييييييييييييييييييييييييييعه .. هي مالت المـلاك .. حق الرموش الحواجب ..
من غير مبالغه تهبل .. نبتت رموشي وحواجبي .. هذه ثاني قرشه أستخدمهـا ..

بقولكم بإختصار تجربتي .. أحطها تقريبا مرتين باليوم .. لما أرد من الدوام حزه تقيوله الظهر ..

ولما أنام بالليل هم أحطها بعود أذون حق الرموش إللي تحت .. والرموش إللي فوق بماسكرا نظيفه ..

أما للحواجب عادي أي وقت أحط لان مشكلتها لا دشت العيون تحرقج فـ سيده حطيها وغمضي عيونج ونامي :dddds: ..



رقم 3 : مافالا إللي قومت الدنيا وقعدت فاااااااااااااااااااااااااااااااااااااااااشلـه .. هذه ثاني قرشه أستخدمها وماكو فايده ..

إستخدمتها فوق الشهرين ونظامي أي وقت أكون في فاضيه أحطها .. يعني إذا ما حطيتها بالليل أحطها الظهر ..

يعني حيل عنايتي كانت كثيفه .. أحطها مرتين ثلاث عادي .. مـا شفت منها أي شيء يذكر ..!!



رقم 3 و 4 : خروووع الرمووووووش معروف . .يهبل للحواجب .. :eh_s(15):



رقم 6 : يا طويلين العمر أنا جننت حواجنا بـ جمعيه عبدالله مبارك ( بو سعيد ) .. أقوله أبي شيء حق الرموش ..

عطاني خروع جان أقوله عندي .. ولا يقولي عندي خلطه أسويها إللي فيها نواه التمر قصده عن خلطه حيادر.. جان أقوله شريتيها من مرأه وبعد شعندك غيرها :dddds:ههههههههههههههه ما خليت شيء ..

إلا يقولي عندي زيت ياخذونه مني الايرانيات بالهبل حق الرموش والحواجب .. عاد انا من قال إيرانيات قلت يالله عطني ..
تعرفون حواجبهم تبارك الرحمن شلون ..

المهم إستخدمته للرموش ما تتحملوووووووونه بنات يحرق بشكل مو طبيعي ..المهم إخترعت وتركته ...

عاد مكتوب عليه تونيك للشعر إسمه روز ماري إللي هو (( إكليل الجبل )) .. عـاد مادري إذا كلامه صج أو لا ..


=-=-=--=-=-=-=-=-=-=-=-=-=-=-=

يعنـي خلاصه تجـاربي إللي نفعني خلطه الملاك + خروع الرموش والحواجب ..

إستمروا عليهم بنات ... شهر شهرين شالمشكـله .. أنا يمكن أستعملهم من شهر 5 إذا ما خاب ظني ..

طبعا حواجبي صاروا عايمين على بعض وكثااف ... رحت ضبطتهم بصالون الشرقيه .. طلعوا يهبلون صج إللحين أنا راضيه عنهم تمـااااااام الرضا وأكيد مستمره و في أماكن معينه خفيفه ..

صج بقولكم شفت هناك ( حصه اللوغاني ) وجها لـ وجه يمه يا بنات إسم الله عليها تهبل أحلى من غير مكياج
صج صج بيبي فيييييييييس .. :wqedqw: دايم يصادفونها بنات خالتي هناك بـ انا كل ما أروح ما أشوفها ..


وسلااااااااااامـتكم يـا بنوتـات .. هذه تجاربي بين إيدكم .. وإن شاء الله تستفيدون .. :eh_s(17):

 

[عز النفس يغنيني]

رد: مسـاحـتي الخـاصه .. عن كـل ما يخص عآلـم المكيـاج ...



السـلاااااامـ عليـكم . . شلونـكم فديـتكم ..

مبـارررررررررررررركـ عليكم الشهر وعسـاكم من عواده ..


هذا طلـب الغاليـه (( فوشيـا قيرل )) إللي هو شدواتي إللي من الهنود وسرداب الشايع

بسـم آلله الرحمـن آلرحيـم ...


الاسـامي عليهم .. وإللحين بتكـلم عن كل شدو بإختصار مفيد ..



ever bilena : أول علبه شدو أحصلها بحيـاتي الالوان تهبببببببببببببببببـل لحد اللحيييييييييييين ..


just gold : حلـوه ألوآنهـا وناعمـه ..

مبروك : هذا يهببببببـل .. خاصه المشمشي والبنفسجي والبني المحمر >> ما خليتي شيء ..


LDM: هذول خذيتهم من الزلزله ألوانه حلـوه وعليهم قلتر


miss rose : هذا يهبببببببببببببببببببببـل .. تعرفون درجات المخملي الهاديـه ...


وأخـيرااااااااااااااا علـب ( مكيـاج ) يهبـلووووون يهبـلووووون كلهم وكل علبه لها ألوان مميزه عن الثانيه ...

بالنسبه للشدوات الصغار أنا مطلعته الالوان الحلوه والمميزه من العلبه عشان تكون قدام عيني دااااايـم ..



** نقـطه مهمه : الشدوات المخمليه تقدرين تستخدمينهم مع ماي وهذا يعطيكم نتيجه الشدو الكريمي نفسه ...






آلقلتـرز .. أنا حييييييييييـل مقله في إستخدام القلتر والبيجمنت ..



عليهم أساميهم ..

ADS .. هذا كل ألوان البيجمنتس خذيتهم من سرداب الشايع

علبه مكياج هذه إضاءه كريميه تحت الحاجب


مكياج : ما احط زري إلا ممكن بدايه العين أو لمسه خفيفه .. فـ رأيي حلوه بس لا تقربونها من العين لان من تجربتي الصمغ إللي فيه مو شيء .. فـ إذا بتحطونه بعدوه عن العين

ميلاني يهبببببببببل يهببببببببببببببل لتحت الحاجب وعلى بدايه الجفن ..


سبلاش : يبجييييييييييييييي من حـلااااااااااااتـه خاصه الذهبي ماكلته أكال أحط لمسه بسيطه على الوجنات

وأحطه تحت الحاجب وأحطه بدايه العين ..

وكـل ألوانه يهبلون .. تلقونهم عند المنصور ..




الشدوآآت الكريميه




هـم ما أستخدمهم واجد لاني مثل ما قلـت لكم أحط بالفرشه ماي يطلع لي شدو كريمي أو مائي ..

الاسـامي عليهم ..


سمايلنق : يهبلون أستخدمهم كـ بيس وكـ شدو كريمي .. أستعملت الذهبي كـ بيس وآلله حلو .. والزيتي لين إللحين ما جربته ..

قولدن ليدي : هذول قديمين حيل عندي أول كنت أحط منهم خاصه حق السحبه من ورا بس جنهم إللحين نشفوا ..


مكياج : يهببببببببببببببببببببببببببببببببببببببببببببببببببببببببببببببببببببببببببببببببببل .. كـ تاتو على الحواجب

وأستعمله على كسره الجفن .. وهم للسحبه من ورا .. خطير خطير ..


وسلامـتكم حبيبات قلبي ..

 

[عز النفس يغنيني]

رد: مسـاحـتي الخـاصه .. عن كـل ما يخص عآلـم المكيـاج ...




وهـذا طلـب حبيبتي ( روضه الطيب ) وطلـب جم بنت مـا أذكر نكـاتهم سـوووووووري ..


((البلشـرات والشيمرات والاضاءات إللي دآيم أستخدمهم وأحبـهم :eh_s(21): ))


بسـم آلله الرحمـن آلرحيـم ..





1- شيمـرات بدي شوب الوردي والبرونز يهبـلوون وأشهر من نار على علم ..
في طريقه حلوه أسويها .. إني أخذ من الجانب الفاتح وأحطه على الوجنات والجانب الغامج على عظمه الخدود ...

2-بلـشر بسـام فتوح يهبـل لوووونـه وردي فاتـح بس واااااااضح .. من زمان كنت أدور هاللون ولقيته ..

مكـتوب عليه just a glow .. وعمومـا هو أفتح وردي عنده ..

3- ماكـس فاكتر : أتوقع هالدرجه حيل معروفه بالمنتدى لان كذا مره أشوفها تحط صورته .. لونه classic rose 220

يهبـل لونه ومـا اعرف أحدد لونه شنو صراحه :eh_s(3):


4-بنفت :برونز مع هايلات .. تقدون تستخدمونهم مع بعض الهايلات بعدين تحته البرونز وتقدرين تستخدمين البرونز بروحه كـ كونتور .. أو الهايلات بروحه كإضاءه .. إسمه bronzing and highighting


5- بنفت : لونـه يهبببببببببببببببببببـل .. يشبهونه حيل بالـ اورغازم إللي من نـارس ..
إسمه coralista

6-سماش بوكس : شيييييييييييمر يهبل .. لونه لحمـي أو سكري صج صج خطير .. أسمه soft lights

7-برستيج : مينيرال بلش ..لونه المشمشي إللي حيل طبيعي وهادي مكتوب عليه

baked mineral blush-fard

8-بدي شوب : إضاءه حلوه ذهبيه تصلح للجسم وتصلح للوجه بعد ....

9-ميكب فور إيفر : علبه الكونتور تهبل تهبل تهبل تهبل تهبل تهبل .. هذه خلاص ما أنومها إلا عند راااااااااااسي ..

إن شاء الله بالدرس الجاي بقولكـم شلون تنحتون وجييييييييهكم وتنقزون خديداتكم فيه ..

10 -كارازا الهنود : يهبببببببببل الوردي والموف بس لونهم قوي يصلح لمناسبه .. ومعاهم قلتر ..

11-ماكس فاكتر : بلشرين كريمين حلـوييييييييين .. لون مشمشي ولون وردي ...

12 -ريميل : وردي إسمه pink rose قطعته ونتفته يعني راح فيها من إستعمالي ..

13-ماك : قطره الاضاءه لونها مشمشي يهبببببببببببببببببببل .. من كولكشن go to the beach

14-ماكس فاكتر : شيمر بان ستيك ... يهبل يعطيج الاضاءه الاضاءه الزجاجيه ..

15-مكياج من الهنود : لمعه الفازليييييييييييييييين الاشهر من نار على علم ..حلـووووه بس يبيلها جو بارد عشان ما تسيح ..

ويبيلها بس كميه خفييييييف مو تكثرون منها ..




وهذا بلشـر مع إضاءه من كلينـك نسيت أصوره معاهم إسمه almond blossom .. رقم 03 ...

يهبـل ورهييييييييييـب وعجييييييييييييب .. دايم أقولكم وأدري لوعت جبدكم بهالكلمه :dddds: بس جنه بلشر اللبنانيات






إن شاء الله إستفدتوآ فديـتكم ..

 

[عز النفس يغنيني]

رد: مسـاحـتي الخـاصه .. عن كـل ما يخص عآلـم المكيـاج ...

بسـم آلله الرحمن آلرحيم ..

نرجع للريفيـوآت المتنوعه ..


شيمرات بوبي براون تهببببببببببببببل .. وهالمـاركه بكبرها تهبل بس غاليه قطيعه يعني لازم تحطين لها
ميزانيه مبلغ وقدره


هذول كل الالـوان مع أساميهم ...





هذا سواتش لـ واحد فيهم .. وعلى فكره ترى يصير تستعملينه كـ شدو .. بس ألوانه فاتحه يعني تصلح لـ بدايه العين

أو تحت الحاجب ..











حمرتهـا من ماك إسمها made to order




أيلاينرها الازرق من نـارس




يتبـع . .

 

[عز النفس يغنيني]

رد: مسـاحـتي الخـاصه .. عن كـل ما يخص عآلـم المكيـاج ...




حمـر ريميـل طبعا تهبل تهبل تهبل .. وخاصه ورديـاتهااااااااااااا ماكو درجه وردي ما تلقونها

والحلـو إن الدرجات مو متشابهه ..


إسمها 340 Lily Extase







إسمها 250 Glamourous Pink





إسمها 600 Soft Coral




620 Coral Queen





يتبـع ..

 

[عز النفس يغنيني]

رد: مسـاحـتي الخـاصه .. عن كـل ما يخص عآلـم المكيـاج ...

هالحلـوه حمرتها من ريميل بعد .. إسمها kiss me










وعاد هذه حمرتها أشهر من نار على علم









وسـلامـتكم .. :eh_s(17):

 

[Petite]

رد: مسـاحـتي الخـاصه .. عن كـل ما يخص عآلـم المكيـاج ...



أول شي مبارك عليكم الشهر وينعاد عليكم بالخير

وثاني شي واي لأ ماصدق كتبت رد شطوله وانمسح !!


أول شي تسلم ايدج عزوز الريفيوات قمه قمه

بالنسبة للشدوات أحب استخدم البنيات بني فاتح ، بني غامج
واذا كشخت حدي حطيت لون تحت عيني
حالياً أستخدم من سماش بوكس علبه فيها 3 ألوان أساسيه :
الأسود ، البني ، الاوف وايت
وللمناسبات أستخدم شدوات لوريال يبرقون برق وايد حلوين يعجبوني


والإضاءات أستخدم من ريفلون اضاءة بالضبط مثل الهاي بيم من بنفت
والشيمر من براند بالبحرين موحافظه اسمها والله .. بس بالضبط مثل بوبي براون !
وهم بودي شوب حلوه .. بس انكسرت وانكسر قلبي وياها
واي مادري ليش احس مكياجي جنه عيالي
وان تظايقت رحت أي محل حتى لو بس أشوف المكياج ارتاح نفسياً !

الرموش .. استخدمت خلطة حيادر ..وعكسج والله نفعتني وحبيتها حيل بس طبعاً
انا مو مداومه عليها .. يعني بين فتره وفتره ونتيجتها عجبتني الحمدلله .. يعطيها العافيه


لاتنسين الريفيو عن الكونتورنغ مال ميكب فور ايفر لأن صارلي فتره حاطته باللسته عندي
وهم سعره لا هنتي


اممم وبالنسبة للي استخدمتهم من باث اند بدي ووركس
كنت طالبه كل مجموعه شغلها الكامل شور جل ومست وبدي بتر
بس بدون اللوشن لأني مآخذه بداله البدي بتر لأنها أثقل وتخلي الجسم قشطه ياقشطه

الكرز كلش ماحبيتها وعطيتها أخوي لول شسوي والله ماعندي خوات جان أحطهم بغرفته ، بس اهوا عجبه البدي مست أكثر شي

الرمان يبووووي تحطيم عوار قلب تشفيط تقحيص كل شي .. تخلي الناس كلها تلزق فيج من الريحه العجيبه

وارم فانيلا شوقر يمه عوار قلب بعد خصوصاً اللي يحبون العطورات الثقيله والفانيلا وهالسوالف شي مو طبيعي تتسبحين بالشور
جل وعقب تحطين البدي بتر والمست وتتبخرين وتحطين دهن عود تحسين نفسج ملكه

وايلد هني هم حلو وريحته عسل بس ماحبيته كثر الرمان والفانيلا


وسامحيني طولت عليج وايد هالمره

 

[عز النفس يغنيني]

رد: مسـاحـتي الخـاصه .. عن كـل ما يخص عآلـم المكيـاج ...

((مقتطفـات)) لمكيـاج عجبـني ..

هالصـور مسيفتهم عندي بالجهاز فـ قلت أشاركم فيهم كل فتـره أحطلكم مجموعه ..

ذوقي بالمكياج أحب الناعم البارز وأحب الفخم .. وأحب كل الالوان ..


بسم آلله الرحمن الرحيم ..


المغنيه ماريـا .. مكياجها يهبل دايم وحواجبها خطيره عراض بس مو عراض رسم لا عراض شعر وهذا محليهـا ..




وحليييييييييمـه .. أموت بمكياجها لاني أحسها تعرف لـ نفسها وملامحها .. وتبرزهم عدل مدل :icon30:







هني لوك مارلين خطـيييييير عليها




هني أحب وجهـا أحسه رويااااااااان ويهبل .. ولون حمرتهـا تحطيييييييييييييييييم






راهي جابر هني مكيـاجها تحطييييييييييـم . . كات آي وعدسات فاتحه البوز من قدام مفتوح





هني المغنيه ريماس هم لوكها يهبببببببببببـل .. هم كات آي بس من تحت حاطه شدو بنفسجي بشكل بسيط وخط ضعيف

وطالع يهبـل .. وحمرتهـا بعد تهبل ذكرتني بحمر سانلوران 90 % تلقونها عنده






وسلامـتكم ..

 

[عز النفس يغنيني]

رد: مسـاحـتي الخـاصه .. عن كـل ما يخص عآلـم المكيـاج ...

درس ( الكونـتور )

.. أو مثل ما يسمونه نـحـت الوجـه وتنقـيز الخدود >> هذه من عندي


يعتبر من الصيحـات الجديده بعالم المكيـاج .. وإللي فهمته من الدروس إللي بالنت سواء باليوتيوب

أو بالبلوقات .. إن الكونـتور شيء أسااااااااااااسي .. يعني ما تعتبرونه بلشر لا .. لازم تسوون كونتور وتحطون بلشر ..

وهالمعلومه توني أعرفها لاني إذا سويت كونتور ما أحط بلشر على بن هو بلشري ..

إللحين يعني لازم تحطون الكونتور + البلـشـر ..


بسـم آلله الرحمن الرحيم .. نبـدأ الدرس ..


الطريقـه .. :


هذه صور توضح لـكم الطريقه ..








وهذا فيـديو إستفـدت منه حيييييييييييييييييييييييييييـل .. شوفوه عدل مدل ترى تفهم من قلب ..


http://www.youtube.com/watch?v=l56_RPHUegQ



يتبـع ..

 

[عز النفس يغنيني]

رد: مسـاحـتي الخـاصه .. عن كـل ما يخص عآلـم المكيـاج ... متجدد

تجـربتـي .. :


هذاك اليوم رحـت محل ( ميك أب فور إيفر ) ... الجديد يوم الافتتـاح ..

بنات لا يطووووووووووووووفـكم يهبل يهبل .. شغلات غريبه عجيبه .. غير عن الاستاندات إللي نشوفهم بمراكز التجميل ..

ونفسيتهم تهبببببببببببـل ويعطون من قلبهم >> حبيتهـم :eh_s(21): ..

سألتها عن الكونتور جان تقولي قومي خل أحط لج طبعا ما صدقت على الله ..

حطت لي شقـوووووووول وشخـلي بنات :lkmnkl: وجهي صار يهبل ما غير أشوفه بالمنظره ..

المهم .. خذيت انا رقم 2 .. حبيته لا غامج ولا فاتح .. ميديام .. وسعره 12 أو 13 ما أذكر ..







وحطت لي بهالفرشه سعرهـا 24 :eh_s(2): لانها عباره عن فرشتـين ...




-=-=-=-=-=-=-=-=-=-=-=-=-=-=-=-=-=-=


طريقتـي ..:


1- الفـرش

وفـرشي إللي استخدها وعطتني نفس النتيجه ويمكـن أحلىى :icon30:





إللي لونهم رصاصي => هذول جاييني هديه من محل إسمه سنساي ( مو كانيبو ) .. بالسعوديه .. سيت كامـل وفرشـه

تهببببببببببببببببـل وبروفيشنال .. إن شاء الله بتكلم عنهم

adore==> هذه من سنتر بوينت صوب المكيـاج تهبـل ..

farmasi==> من محل بهبهاني ( الجواهر الساحره ) .. تهببببببببببببببببل وعجيبه للشيمـر ..



2- الخطـوآآآآآآآآآآت .. خليط مابين الفيديو إللي حطيت لكم إياه وبين الطريقه إللي علمتني إياها إللي تشتغل ..



1- تحطون الفرشه بشكل مايل عشان تحددون عدل مكان عظمه خدودكم .. لان كل وحده قصه وجها غير ..

2-تاخذون اللون البني إللي يناسب بشرتكم .. وتحطون بشكل خفيف يعني يادوب الفرشه تلمس بشرتكم وكل مالكم تزيدونه ..

3- تحطين اللون الفاتح فوق بمحاذاتـه ..

4- تحطين على الوجنـات بلشر .. وممكن تحطين فوق البلشر إضاءه نفس اللون ..



والنتيـجه :


ماشاء الله ولاحول ولا قوه إلا بالله






وأخيـرا بنات ... أكيد مع الاستمرار والممارسه راح تعرفون أكثر لـ قصه وجهكم وإللي يصلح له ..

يعني إذا ما ضبط من أول مره لا تتحبطون .. ...

وسـلامـتكم حبيبتـاتي ..

 

[Cruella Devil]

رد: مسـاحـتي الخـاصه .. عن كـل ما يخص عآلـم المكيـاج ... متجدد

يعطيج ألف عافية :stars:
أنا حق الكونتور أستخدم مال بنيفيت ، استخدامه وايد سهل و يحلي الويه وايد .. وأحط فوقه اللمعة و يطمر خدي على قولتج :ggdw:


تسلم ايدج حبيبتي :eh_s(7):

 

[عز النفس يغنيني]

رد: مسـاحـتي الخـاصه .. عن كـل ما يخص عآلـم المكيـاج ... متجدد

السـلااااااااااااامـ عليكـم .. شلونـكم .. عساكم بخـير .. :eh_s(17):

بنـاء على طلب واجد من البنات بحط لكم حمـري إللي من الهنود .. وإعذروني ما قدرت أحطهم كلهم :ssssso:

لانهـم وااااااااااااااجـد .. فـ حطيت الممـيزين وإللي ما تكلمـت عنهم من قبل ..وإللي يستاهلون أتكلم عنهم مره ثانيه . .

وإللي حابه تشوف باقي الحمر تسوي سيرج على مواضيعي .. وإن شاء الله تلقاهم ..


=-=-=-=-=-=-=-=-=-=-=-=-=-=-=-=-=



بسـم آلله الرحمـن آلرحيـم ..



ببدأ بالحمـرتين إللي يا كثـر ما سألوني عنها وهي بنـص دينـااااااااار لا غيـر يعني 500 فلس


albon .. من المنصور بس قوليله أبي الحمر إللي بنص يطلعهم لج .. لاني إكشتفتهم وأنا أنبش بالحمر
وإنصدمت من الجوده رحت المره اللي وراها مع بنات خالتي إلا أقوله بصوت عالي وين الحمر إللي بنص من ألبون
ويطلعهم لي أثاريه داعسهم بمكان ما يبين هههههههههههههههههههههه ..





وهذول مع أرقامهم .. وعلى فكره الوردي الفاتـح نسخه منسخـه من حمره من سانلوران وردي حيل فاتـح ..






بالـيت حمـر just gold .. لمـا حطيت بصالون رشا شيك حطت لي من هالباليت بس بو حجم أكبر ..

وصـج بنات ألوااااااانـه خطيـره وتهبـل ..






حمـر golden lady .. كل الدرجـااااااااااات تهـبل وخطيـره حيـل .. وللاسف بنات ترى بدت تنقرض غيروا هالنوعيه :eh_s(2):









عنـابي جسـت قولـد أخطـرررررررر عنابي .. ونظـامه مـات وثابت






يتبـع ..

 

[عز النفس يغنيني]

رد: مسـاحـتي الخـاصه .. عن كـل ما يخص عآلـم المكيـاج ... متجدد

حمـر ألبون بس النوعيه هذه تهبـل .. تشوفون الالوان متقاربه بس ترى في فرق بينهم .. وحده مايله على البيج

ووحده مايله على الوردي . .









حمـر ألبون نوعيه غير بعـد .. يهبـلووووون كان معاهم قلوساااااات تحطيـم ..

بس واحد ضاع .. وواحد كلـته إختي الصغيره لانه ريحته حلااااااااااااااو :eh_s(3): >> لكل من يشكك بريـحه حمر الهنود هذا الدلييييييييل








حمره قولـدن ليدي .. لون لحمـي .. حيل أحبه لان أستعمله للخـلط .. وإذا أبي أخفف من لون حمره ..





بالفـلااااااااش





وبدون فـلاااش




أقوى وأحـلىىىى فـووووووووووووشـي .. فظيع قوي حيـل لدرجه إني ما أحطه إلا بالمناسبـات . .


من بيوتي بيرل ..







هذه خذيتهـا من محل أطيـاب فوق بالعربيد بلازا الفروانيه .. تابع للمنصور ..

حمره هالنوعيـه تهبببببببببببـل وخطيره ومعاها قلوسين .. قلوس مات وقلوس معاه زري بس خفيييييييييف وحلوو ..




هذول قلوسين ثقـااااااااااال ويغنون عن الحمـره من قولدن بيوتي ..

الفوشي إللي مايل على بنفسجي .. رقمه 5 .. بس اللون الثاني .. رقمه ممسوح ..

ولونه حيييييييـل غريب _03BA: لاهو بني ولاهو لحمي ولاهو مشمشي .!!





يتبـع ..

 

[عز النفس يغنيني]

رد: مسـاحـتي الخـاصه .. عن كـل ما يخص عآلـم المكيـاج ... متجدد

وبالختـااااااااااااااااامـ .. حمـر الشرقيه حبيبات قلبـي فضيعيـن .. :eh_s(11):

تلقونهم بصالونات الشرقيه ورا الكاشيره وتلقونها بمـحل جودي آيبرل يم صالون الشرقيه بخيـطان ..

عندي كل الالوان .. وفي بعضهم ماخذه منهم كذا حبـه ..


أستخدمـهم كـ حمره وكـ تحديد بعـد .. مـات وألوانهم تهبـل ..







من فوق لي تحـت الارقـام ..:

214
207
216
215
210
209
208





ومـلاحظـه : ترى التصـوير من كـاميرا ديجتـال فـالالوان حيـل قريبه من الطبيعه .. ولكـن تبقى الطبيعه أحلىى


وسلامـتكم حبيبـاتي :hjy5jewf:

 

[عز النفس يغنيني]

رد: مسـاحـتي الخـاصه .. عن كـل ما يخص عآلـم المكيـاج ... متجدد

لعيـونـكم :wqedqw: .. تـابع ( حمـر الهنود )


بسم آلله الرحمن آلرحيم


من كرازا .. لون عنابي غااااااااامـج يهبل يهبل .. وحتى قلوسه يهبل ..




الحمـرا تحت .. والقلوس فوقها ..




حمره من فاشن ليدي مكيـاج .. تشابه up the amp من ماك .. بس ماك أفتح لونها بشوي ..











من قولدن بيوتي ..









حمره من فكـتوريا ..



فوق الحمره بروحها وتحت الحمره مع قلوسها




حمره من مكياج فاشن ليدي .. الوردي إللي ودج تاكلييييييييييينـه يهبل







يتبـع ..

 

[عز النفس يغنيني]

رد: مسـاحـتي الخـاصه .. عن كـل ما يخص عآلـم المكيـاج ... متجدد

حمره من ماركه l.a .. من المنصـور .. جودتها تهببببببببببببـل ..

لونها عنابي على بنفسجي ..










من المنصـور بعد . . يصلحون تحاديد ويصلحون بعد حمـره ... ألوانهم حلوين ..

في منهم كحـل أسود حيييييييـل ساعدني إني اتعلم البوز من قدام .. إن شاء الله بتكلم عنه ..










من محل بهبهباني .. تهبل ألوااااانـه حيل هاديه وبنفس الوقت واضحه وتخط معاج .. أنا غرامي إللي جذي ..











وطبعا مكتوب على الصور أرقام الحمـر :hjy5jewf:

وسـلاااااااااااامـتكم حبيبتـاتي .. :eh_s(7):

 

[عز النفس يغنيني]

رد: مسـاحـتي الخـاصه .. عن كـل ما يخص عآلـم المكيـاج ... متجدد

أشكر صـراااااااااحـه تفاعلـكم الطيب ... :eh_s(17): ..


اليوم بسوي ريفيـو بسيط عن العنـايه بـ (( الايـد )) .. انا مهوووووسـه بالعنايه بإيدي بشكل مو طبيعي

لان حتى صبغ الاظافر ما يصير حلو على الايد إلا إذا كانت صافيه وناعمه وحلـوه ...


=-=-=-=-=-=-=-=-=-=-=

بسم آلله الرحمن الرحيم .. نبتدي ..

1-أول شيء المرطبـات .. والمرطبات واللوشنات إللي حطيتها لكم بالصفحات السابقه أستخدمها لايدي بشكل دايم ..




2-خلطه صبوحه للجسم والوجه ..أشهر من نار على علم منو ما يعرفها .. وطبعا ما أغامر وأحط شيء على وجهي .. فـ قمت أستخدمها لايدي .. والحمدالله لقيت نتيجه حلـووووه بالصفاء .. وعلى فكره ترى ما صارلي شهر ولا شهرين .. صارلي حدود الـ 3 سنين أستخدمها .. وأشوف إن خلطه الوجه مفعولها أحسن من الجسم للايـد ..






3-السنفـرات ... ملح الحليب بأنواعه يهببببببببببببببببل سواء للجسم أو الايد دايم أسنفر في إيدي .. وسنفره المشمش بعد ...

بشكل دايم ..





4-خلطه دلـع للايد ..خليتها بدال الصابون العادي للايد .. ترطب الايد وتسنفرها وتخليها ناعمه داااااااايم ومع الوقت تفتحها



وبنات لا تصيرون دقيقين .. مثلا انا إستبدلت صابونه جونسون بـ صابون لوكس مادري كامييـه ما أذكر ..

وترىى تتم معاااااااااااكـم وكميتها راهيه .. وزعت منها وكليتها ولحد إللحين باقي واااااجد






وهذا رابط الخلطه ..

http://www.q8yat.net/showthread.php?t=541854




5-والختااااااااامـ .. الحمدالله حتى بأيام الدوام إيدي ما تسمر وحتى جم بنت لاحضوا وسألوني :eh_s(3): ..

والسـر .. إني أحط حمايه من الشمس لايدي ودايم بجنطتي إذا كنت طالعه الصبح أو الظهر ..

أول كنت أحط حمايه الوجه للايد .. بعدين أمي قالت لي حسافه وما حسافه وقالت لي رفيجتي تستخدم حمايه رخيصه للايد ..

سمعت كلامها وشريت حمايه أولاي وبنـات يهببببببببببببببببببببل..




وألبس إتسوس ولازم يكون أبيض ولا بيج عشان ما تصبغ إيدج .. الاسود يصبغ ترىى ..




***وطبعـا بنات لا تسوون تحفون إيدكم بالشيره وحتى مفاصل الاصابع .. لان الشيره تشيل الجلد الميت والسواد ..
ولا تنسون ترطبون إيدكم بعدها ..



وكل هالخطـوآت بنات ترى ما تاخذ منكم دقااااااايـق وآلله .. ونتايجها حلـوه وبتخليكم تستمرون عليها .. :eh_s(7):


وسلامـتكم وإن شاء الله كان الدرس خفيف عليكم ..