مسك الغزال ؟؟؟

[PuPa^^SWeeT]

السلام عليكم



شلونكم بنات



امس و انا رايحة المعرض



ولا كذا مكاان محلات دهن العوود


يوزعون نشرات عن مسك الغزال


طبعا فريييت كل محل




يالله ارتحت انا و حماتي و شرينا من واحد



الحييين


بسال رييحته اهوو قوية



شلون استخدامها ؟؟؟؟

 

[بتبوتااا]

والله ماجربته ان شاءالله البنات يفيدونج

 

[ظبية بوظبي]

قصدج مسك الطهاره؟
هلي يستخدم بعد الدوره لتنظيف؟

 

[i afnan]

اذا تقصدين مسك الطهاره ايه هو ريحته قويه وشيينه ماتتقبلينها بس لما تحطينه ويبرد تصير حلوه

لونه بني غاامق على عنابي وسعره غالي لايلعبون عليك ويبيعون لك رخيص وريحته حلوه ويقولون مسك الغزال تراه مغشوش ومو اصلي وممكن يسبب لك التهابات ف انتبهي
طريقة استخدامه بعد الدوره مره وحده باليوم لمدة 3 ايام تاخذين قطن وتمسحين على المنطقه الحساسه من برا ومن جوا للمتزوجات بس يعني تدخلينه شوي لاتتعمقين اما البنات مسح فقط من برا
اما بالايام العاديه مايفضل انك تستخدمينه في بنات يقولون كل اسبوع انا مانصحك لان الرسول قال يسخدم بعد الدوره ويمسح به على موضع نزول الدم
فائدته يطهر وينزل الاشياء الباقيه ويعطر المنطقه ويقولون يشد ويضيق عموما ممتااز
وبس:d

 

[زوجة عزيز]

i afnan
عدل كلامها

 

[PuPa^^SWeeT]

ايي اللي شريته


رييييحته قوية و بااايخة جنها فكس ولا شي محزر




و غاالي شريته ب 20 ربع تولة بسسسس

 

[سمراء كويتية]

انا الي اعرفه دم الغزال يزيد الشهوه عند الريال ومسك الطهاره اكو اثنين ابيض مسك العروسه للجسم و الشعر و مسك الاسود لاماكن الحساسه بعد الدوره

 

[ظبية بوظبي]

عيل هوا
ونفس ما قالت الاخت
بس عن نفسي اصب شويه على اطراف اصابعي ومسح
لان القطن يشفط على المسك

 

[PuPa^^SWeeT]

^^^^^


انزييين اتهقووون ريحته ماتروج خلال جم ساعة ؟؟؟؟؟

 

[popa]

مسك الغزال بصراحه اول مره اسمع فيه
انا ما استخدم غير مسك الطهاره الاسود لان هذا الي الرسول صلى الله عليه وسلم تكلم عنه
اي شي غيره يسببلي حساسيه

 

[PuPa^^SWeeT]

ايي هذا اهووو مسك الطهارة

 

[ناتشوو]

والله انا استخدمها امتثالا للسنة بنهاية كل دورة
اخذت ربع تولة من القرشي

بس بوبا سويت
مو حركة بايخة من الشركة
هالمطوية اللي موزعينها بكل مكان؟
طاحت بيدي
اعتقد من الوليد
وكله مبالغات بفعايله هالمسك الاسود يقرب البعيد ويبعدالقريب

 

[PuPa^^SWeeT]

صح حده محرج صرااااحة



وغلط



والمصيبة اللي يبيعون ريا ييل بعد



ماكو حل من جذي شريتها و احترت بعدين


لو مرة اللي اتبيع جان عرفت اسالها بس فشلة اسال ريال

 

[manoooram]

مسك الغزال هو بمثابة مسك الطهارة
طريقة أستخدامه بعد كل دورة شهرية بحيث ان ينظف المره من الداخل
ويقلل الالتهابات والافرازات اللي تحصل لها
ويخلي ريحة هالمنطقه فريش وحلوة

واذا تبين شي حلو بعد عندج المسك الأبيض اللي اهو مسك العروس يسمونه صج عجيب كنت استخدمه قبل وبعد الزواج

واللي قلتي عنه شفته بالمعرض بس ما تشجعت أشتريه لأن اللي عند القرشي
حلو وايد جربيه حبيبتي

 

[مولاي الفرج]

انزين شلون يخفف الالتهاب اذا اهو معطر

 

[Patcholli]

اللي لونه اسود اي ريحته قويه ومو حلوه كلش :|
فستبدلته بالابيض اللي يسمونه مسك العروس وايد حلو وعجيب :*

 

[Patcholli]

وترى اهو صج ينظف ويطهر ويشيل الالتهابات بس كثرته هم تسوي التهابات يعني خلي استخدامج له بعد كل دوره بس لاتحطينه بشكل يومي