مسموح \ غير مسموح .... موسوعة الأتكيت الكويتي .. للعرايس و المتزوجااات

[You FOR Me Only]

والله كلامج كله عين العقل بس ان شاء الله نمسك نفسنا ومانعتبر ان احنا في بيتنا ونطيح الميانه لاني انا على نياتي عادي اطيح الميانه خخخخخخخ

 

[عيون ملكيه]

صح كلامج
مرت اخوي كل الي قلتي عنه ممنوع كانت تسويه
وحدا كلنا ناقدين عليها

يعطيج العافيه

وفي بعد خدامة اهل زوجج لا تامرين عليها لانها مو لج
لا تحشين بأحد جدامهم لان ماتدرين شنو راح ياخذون فكره عنج
اذا تناقشت اخت زوجج مع امها بموضوع يخصها لا اتليقفين وتبدين رايج
لان الموضوع مايخصج اكتفي بالاستماع فقط..!!

الحديث في هذا الموضوع يطول وربي انه اهم موضوع أنا عندي اهل زوجي
متى ماكسبت اعجابهم ورضاهم راح اكسب إعجاب ورضا زوجي

وكثر ماكنتي ثقيله ورزينه وعاقله كثر ماكبرتي بعينهم وعينه
والله يوفقنا يارب ويحقق كل شي نتمناه

وآسفه ع الاطاله بس حدي تفاعلت لوووووول

برافوووو عليج صاجه حاولو بنات ما تتدخلون بشي ما يخصكم الا اذا طلبو رايكم و نصيحه لو احد طلب رايج ردي بان الراي لكم احسن ما تشورين عليهم بشي و بعدين يصير عكس المتوقع و يلومونج

 

[عيون ملكيه]

يا احلى عيوووووووووووووووون

تسلمين على الموضوع الحلو


>>> لا تحاولين تكونين ظريفه <<<< خخخخخخخخخخخخخخخخخ


بحط كلامج حلأه بوداني



والله يستر لا نطيح الميانه عبالنا اهلنا


وبزيد بعد على كلامج

اذا زاروا خالتج حريم لازم تعاونينها وتشوفين شنو تبي

لانهم راح يسألونها وين جنتج

فلا تفشلينها وتبسطين ببيتج

ولا تطولين بالقعده عندهم قاعده ببيت ابوج انتي >>>> شفيج هدي

علشان ما يملون وانتي اساسا راح تملين وتبون تاخذون راحتكم

قوليلهم قعدتكم ما تنمل وقومي فزي

وكل ما تذكرت شي بقولكم

:icon30:

عدل كلامج ...

بس بالنسبه لمساعدة الخاله

يعتمد على نظام البيت

يعني في بيوت ما تحب تضيف بنفسها كل شي تسويه الخدامه

عموما انتي تقدرين تقيسين هالشي من خوات زوجج يبين اذا يحبون يكونون مضيافين يعني طبيعتهم يضيفون و يقهوون و جذي و لا نظام ريل على ريل و كله عالخدامه

لا تليقفون بنات اول شهر انتو عرايس و العرايس مو لازم يسوون اي شي

المرحله هاذي انتي فيها العروس المرفهه مو اللي جايه تخدم اهل زوجها ولا تحاولين توينهم سنعج حبيبتي خلي سنعج بشقتج لمن احد يزورج فيها وريهم ترتيبج و نظافة مكانج و البخور و الضيافه السنعه ...

:nbptr:

يبيله فنجان قهوه تركيه توني قاعده من النووووم

 

[«ღ»Pure Soul«ღ»]

الله يعطيج العافيه ع الموضوع من اهم المواضيع بالقسم

استفدت من نصايحكم و نبهتوني ع اشيا ماكانت في بالي

 

[magnolia]

ما شاء الله عليج "عيون ملكية " دايما مواضيعج مميزة مثلج
تسلمين و ما قصروا البنات و بانتظار المزيد
الله يجزاكم الف خير

 

[عيون ملكيه]

الله يعطيج العافيه ع الموضوع من اهم المواضيع بالقسم

استفدت من نصايحكم و نبهتوني ع اشيا ماكانت في بالي

حياج حبيبتي نورتي الموضوع

 

[عيون ملكيه]

ما شاء الله عليج "عيون ملكية " دايما مواضيعج مميزة مثلج
تسلمين و ما قصروا البنات و بانتظار المزيد
الله يجزاكم الف خير

حياج حبيبتي صراحه كنت انا وخالاتي و بناتهم نسولف عن هالموضوع و عن المواقف المحرجه و اللي ندمو عليها بأول زواجهم قلت خل انزل هالموضوع عشان تعم الفايده و ما ابي منكم غير الدعوه الحلوه

 

[عيون ملكيه]

بالنسبه لطريقة التعامل مع اهل الزوج تعمد على اذا كانو من نفس العايله يعني اذا ماخذه ولد عمج خاج خالتج عمتج غير لمن تكونين ماخذه واحد بعيد عنكم

ممكن يكون نفس العايله بس مو من الدرجه الأولى عرفتو قصدي

تفرق حيل حيل بالتعامل مع أهله ..


نبدي مع اللي ماخذه ولد عمها او عمتها او خالها او خالتها ...

اخطر شي بالدنيا اهو زواج الاقارب من الدرجه الاولى

لأنج بتكونين معروفه عندهم عدل قبل لا تدخلين بيتهم
يعني يعرفون شخصيتج قبل الزواج
خبالج
حركاتج
لو كنتي شايله بلاعيمج
لو كنتي قاصه خشمج
لو كنتي عصبيه
لو كنتي غبيه
لو كنتي رفله
كل تاريخج أو لو 10 بالميه منه ممكن يعرفونه

يعني ما تقدرين تتصنعين الدلع و النعومه عارفينج عارفينج ...
يمكن الريال اللي اهو زوجج ما يعرفج
لكن خواته و امه يعرفونج

ديري بالج تسوين نفسج حليمه بولند جدامهم
بينج و بين زوجج داخل الغرفه كيفج تبين تصيرين حليمه بولند تبين تصيرين مارلين مونرو تبين تصيرين اشواريا كيفج بس جدام امه و خواته خليج طبيعيه و تكانه

لا تغيرين من نفسج جامهم و تسوين نفسج ثقيله حيل لنهم يعرفونج خليج ذربه بس مو ثقيلة طينه

تذكري دايما ان اقرب الناس لج اهم اخطر الناس عليج لو صادو عليج الزله بينقدون عليج و على امج و مو بعيده يحشون فيج و بأمج لأنهم يعرفونكم عدل
لاتحطين نفسج بموقع مقارنه ... يعني لو كان حماج ماخذ وحده من بره العايله لاتحاولين تقارنين بينها و بينج انتي وحده منهم و فيهم ما يستحون منج كثر ما يستحون منها
حطي في بالج ان خالتج اللي ممكن تكون اخت امج الحين صارت ام زوجج لازم تكونين حريصه عليها و تحبينها مثل امج بس مو معناته تكشفين كل شي جدامها و تشكين عليها من تصرفات زوجج ترا مهما كنتي غاليه و بنت اختها هذا ولدها و ما راح ترضى عليه ...


لو حسيتي ان في نوع من الربود من خالتج ام زوجج مرت عمج او مرت خالج .. ترا طبيعي لأن اهي 100% بتثبت ان اهي و بناتها افضل منج ( حتى لو كانت قبل الزواج تموووت فيج و اهي بنفسها خاطبتج لولدها) تأكدي ان الغيره دايما راح تكون موجوده و هاذي طبيعة الحريم بشكل عام وانتي لازم تكونين حبوبه و تحترمينها و تقدرين كل تصرفاتها لكن بحدود نرجع و نقول الغموض اهو افضل حمايه للمره من خطر الغيره و القيل و القال
يعني لاتقولين شي ممكن يكون مستمسك عليج و لا تنقلين الاخبار حتى لو سمعتي خبر من امج من اختج من اي احد لا تقولينه لخالتج او بناتها
مو حلو تنقلين اخبار العالم و تصيرين نقالة حجي و سوالف و ينطرون يعرفون الاخبار منج ترا مو حلوه لج نهائيا احتفظي بالاخبار اللي سمعتيها لنفسج
و لو كلش كلش دقي على خواتج و قوليلهم السالفه بس ديري بالج تسولفين باخبار الناس عند أهل زوجج

سمعتي خبر مو زين وفاة حادث مرض اي شي مو زين لا تنقلينه لخالتج او لأهله أو لزوجك مهما كان لا تصيرين قبسه و تنقلين الاخبار السيئه .. ديري بالج هاذي مو بشاره خليهم يعرفون هالاخبار من اي مصدر ثاني غيرج

لو خالتج قالتلج قولي لفلان ( زوجج ) ان فلان توفى او ان علان صارله حادث .... اعتذري بهدوء قوليلها خالتي ما اقدر ما اعرف اقوله و الله اخاف من هالاخبار تكفين قوليله انتي يتقبل هالاخبار منج اكثر او قوليلها خالتي بدزله مسج من تلفونج او اي شي قوليلها بطريقه حلوه و ذربه أو تصرفي المهم ما تقوليله اخبار مو زينه ...

لاتنكتين نكت قليلة ادب مهما كان حتى عند زوجج حتى لو قط نكت تفشل او فيها سوالف متزوجين لا تضحكين و تكركرين اول ايامج حتى لو النكته تضحك كتميها و سوي نفسج مستحيه و اذا توهقتي خشي ويهج او انحاشي للحمام او لغرفتج اي شي المهم ما تشقين الكشره و تنسين نفسج حبوبه

لا تحاولين تسولفين مع حموانج بطريقه عفويه و تطيحين الميانه ترا هالشي مو حلو لج كعروس خلي بينج و بينهم حدود و حدود كبيره و قويه بحيث محد يقدر يفكر يتعدى على حدودج
لاتقولين اصغر مني و لا اكبر مني بسنه و لا شهر خلي حموانج يحترمونج بينج و بينهم سلام و بس !

لو كانو حموانج متزوجين و عايشين بنفس البيت مع زوجاتهم خلي بينج و بينهم سلام و بس هالشي راح يريحج و يريح حريمهم بحيث ما يطلعون عنج حجي ماله داعي ..

لو تليقف واحد من حموانج و مدحج بأي طريقه او بأي شكل او قال لزوجج كلام عنج فيه مدح مو تشققين و توزعين ابتسامات سوي نفسج مو سامعه سولفي مع اللي يمج من الحريم عطيه طااااف عشان تمنعين السوالف اللي مالها داعي و لا تفتحين باب عليج لو قالج زوجج سمعتي اخوي شنو قال عنج قوليله لا ما سمعت شنو قال
آسفه ما كنت منتبهه
كان يتكلم عني شنو قال ؟
جذي تغيشمي .. عشان لوكنتي منتبهه لحماج بيعرف زوجج انج تنتبهين على اي انسان ممكن يتكلم عنج و بنفس الوقت بيعرف انج من النوع اللي تحبين الناس تتكلم عنج
لكن لمن تسوين نفسج مو منتبهه او ما سمعتي او شي من هذا القبيل راح يكون عنده خط رجعه لو غار عليج من اخوه بيحتفظ بهالشي لنفسه و ماراح يعقدج من القعده بوجود احد من اخوانه فهمتو علي ...


اذا انتي من النوع اللي يحب المكياج و اللبس و الحركات تاكدي بطريقه غير مباشره ان القعده اللي راح تقعدينها مافيها رياييل

لازم تكونين حاطه في بالج ان ممكن يدخل عليكم حماج او عمج ابو زوجج ..

مو تحطين الاحمر و الأخضر و الازرق و العدسات و الزر ي على بو عروس و تنسين انج في قعدة بيت عاديه مو عزيمه او عرس ...

وااي بس تعبت اكمل بعدين بروح أنام ...

 

[واقعية حـلـم !]

ماشاء الله تبارك الرحمن عليج يا عيون ملكية

انا مو متزوجة بس أحب مواضيعج ماشاء الله عليج تشرحين الصدر سوالفج ما تنمل


ادعي لج بالتوفيق دايما


و أحبج في الله يا الغالية




الله يوفقج و نسمع عنج أخبار حلوة إن شاء الله

 

[مدام زيزو]

رد : مسموح \ غير مسموح .... موسوعة الأتكيت الكويتي .. للعرايس و المتزوجااات

ياليت قريت هالحجي اول ماتزوجت لووول كنت حدي مضيعة

 

[G!RLooNa]

عدل عدل خوش كلام يعطيج العافيه

 

[Killer^Girl]

يعطيج العافيه

 

[قلبي معاك]

خوش كلام كله صح...يعطيج العافيه

 

[~ غـــيـــر البِشـــر }}]

يسلموا

على التكمله

 

[مذهــلــه]

واللللللللللله شيييييي

استمري

^_^

 

[ريـــم إلغـــلآ]

يسلمووووو

 

[ساره الكويتيه]

رد : مسموح \ غير مسموح .... موسوعة الأتكيت الكويتي .. للعرايس و المتزوجااات

ماشاء الله عين العقل


ونصصصايح من ذهب


ربي يجزااج الجنه


كملوووا عفيه بنااات

 

[عنود المهـــا]

رووووووعه الموضوع

يسلموووو حبيبتي وتسلمون بنات عالنصايح الحلوه

ومتابعه بقية الموضوع

 

[om_dodo]

مشكورة

 

[Sarooii]

و اللي تستحي موت من خالتها و حمولتها ؟؟ :x