بناات عذروني اني خرعتكم بس لأن ماودي احد يمر بالي مريت فيه
انا كانت مشكلتي بروز بالفك العلوي و اللثه عندي نازله يعني حتى وانا اتكلم كانت اللثه تبين بس اتصدقون هالشي كان عاجبني و احسه مميز فيني و الفك ما كنت فاطنه و منتبهه فيه الا لمن الدكتور قال حق امي و امي قالت حق يدتي و خالاتي و قاموا يتكلمون عن فكي و يدتي تقول ان شاءالله تسوينها و تصيرين شحلوج و امي تحن على الدكتور يستعجل بالعمليه حسيت روحي طايحه بجبد هلي و اني قمت الجكر معني كنت صغيره بعدي بثانيه ثنوي و غير الناحيه الجماليه كان الفك فيه ارتخاء و عدم تطاق و كان يطقطق و يعلق يعني عاددي اتثاوب في البيت و لا بالسوق ولا بأي مكان وباي مكان و ما اكون دايره بالي و يعلق و يظل مشرع و مفتوح لين اروح طوارئ الأميري عشان يسكرون لي و هذا يمكن الشي الوحيد الي خلاني ارضا اسوي العمليه لأن مثل ما قتلكم شكلي كان حييل عاجبني و كنت اشوف روحي مملوحه و حلوه وسويت العمليه على بركتي لا ادري شبيسوي ولا شبيحط و لا سائله جم سانتي ولا شي مثل مانتوا الحين تدرون حمدلله
لاني يمكن كنت صغيره و مو هامني التجميل كثر ماكنت مهتمه بالعلاج لاني كنت ابي افتك من سالفة تعليق الفك .. بس كان الدكتور يقول بنكسر فكج بمطرقه و بندخله و بنقصر اللثه و خشمج بيكبر حته صغيره سانتي و سانتي من اليمين و اليسار
و اتصدقون الدكتور ماقالي عن فكي التحتي بس الحين بعد 8 سنين اكتشفت انه مسوي بعد التحتي ههههههههه اذكر بعد ما سويت العمليه امي كانت تساحلني تقول خشمج صار مرفوع و فيه كسره و طلع لج حنج و انا ابجي و اقولهاا شبيي بالحنج ابي فكي الي فوق و لثتي و روسي و خشمي الظعيف يرجعوون هههه الله الحمدلله على كل حال
تغيرت تغيرت تغيرت لي درجه اني اذا شفت روحي بالمنظره والله ما اشوف روحي اشوف وحده ثانيه و اقولهم صوتي صوت ان بنتها بس شكلي لأ و هالشي ليلحين احسه يعني يمكن تييكم هالحالات الي اكون قاعده و متخيله روحي بشكل و اقوم اطالع روحي بالمنظره و اندقر من الشكل
بنات انا ماابي اخوفكم بس اذا بتسوونها تجميلي قبل لا تسوينها شوفي روحج بالمنظره و سألي روحج هل شكلج ميأووس منه لدرجه انج تجازفين تسوين فيها عمليه ماتدرين تصيب ولا تخيب ؟ اذا كاان صج ميأوس منه و مشوهج او سببه علاجي و يكون صج علاجي انا اعرف وحده من اهلنا مسكينه صج فكهاا مشوهها و تكسر الخاطر و تعور القلب و اهي اتوقع تسويها لي كبرت بس انا شكلي ماكان مشوه ولا شي الحمدلله بس سويتها للأسباب المذكوره فوق و الراي ماكان رايي و لا شوري مثل ما قلت لكم و يمكن لو كنت أكبر و قادره اتخذ قرار بنفسي ماكنت سويتها بس الحمدلله على كل حال و الي صار صار و لو ما تفيد الحين
شكلي الحين خد ارفع من خد يعني جنه عندي ضرس وارم و انا كنت اقول جذي بس لمن دشيت عند دكتور علي السبتي بالاميري قبل جم شهر اشكيلي من شكلي قام يسب بالدكتور الي سوالي العمليه و قال كل عمليتج غلط وويهج عوي هههه ماادري شلون و انا الحين اضحك لاني قاعده احاول اقنع روحي بشكلي كثر مااقدر و عندي خطه ناويه اسويها ان شاءالله تحسن من الشكل بس مو الحين يمكن بعد سنه اذا الله احيانا لي ذاك الوقت
و اسناني الي فوق صارت ما تبين الا اذا ضحكت و مو كاملين و صاروا اسناني الي تحت و لثتي الي تحت اهم الي يبينون عاد تخيلوا الشكل
و دكتور علي قال انه الدكتور وايد كان رافع فكي التحتي عشان جذي صار هالشي
عااد لمن اهو جذي قال انا قمت ابجي و قتله سولي العمليه مرا ثانيه قال انا مااعدل شغل غيري و خل الي سوالج العمليه اهو الي يعدلها لج و بعدين قال صعبه و احتمال خشمج يفرش اكثر
يعني طلعت من عنده مكسووورة الخاطر
الحمدلله على كل حااال
هذا موجز قصتي
