مسوية جراحة فك .....قولي تجربتج هني

[درر في مكانها]

السلام عليكم ورحمة الله وبركاته
شلونكم خواتى اول شي اهنئكم بقرب حلول شهر رمضان الله يعيده علينا وعلي الامه الاسلاميه
ثانى شي ان الحين صار لي 31 يوم علي عمليتى رحت الدكتور وسويت اشعه جبر جزء بسيط من العظم من فوق بس الخارجى للحين مبطل احس بالم انا مكسور من جهتين من جهةاليسار احس بالم من شنو تعتقدون يعنى والا عاديه هالألام

 

[^^ROSE^^]

قوة بنات شلونكم
طبعا انا اغط اغط وارجع لوووووول بس شسوي لهيت بالصيفي والحين عندي صيفي ثاني وما احك راسي

لقيت فيديو باليوتيوب عن عمليه الحنج وصورة البنت اللي حاطينها نفس حالتي تقريبا
الطريقة مسوينها ان يقصون العظم بالحنج واييبونه جدام وبعدين ينبني مكان اللي قصوه
قبل كانوا يزرعون قطعه سيليكون بس ماتضبط نفس لما يقصون العظم لان بالنهايه مازرعوا شي بجسمي و هم العظم اللي قصوه بيلتئم

هذا الفيديو http://www.youtube.com/watch?v=KobyGjzfGyU&feature=related

سبحان الله كنت بروح حق عماد بالبابطين بس ما الله كتب الفترة الل افت
والحين اظن مو فاضيين لي عقب هالمساكين اللي محتلاين عندهم ولا يدرون شيعالجون وشيخلون
فبروح عقب الصيفي قبل العيد واشوف شيقول اذا للحين موجود

 

[*جبرني الوقت*]

انا سمعت دكتور الحكومه قالي الشي بالوحيد بالعالم مالقو حل هو الفك مهما سويتي ماراح يرجع مكانه ولاتعبين نفسج

لان فكي مصيبه كل مااصور صوره حلجي رايح يمين والله زهقت ياحليل الصور بلاكم بالطبيعه بس الحمدلله محد يلاحظ لان وجهي عريض بس لمل اتكلم مع احد واقص قصة حياتي يعني سالفه طويله عبالهم انا استعبط

يبه الحمدلله على العافيه كل ماابي اصلح شي القى اشياء طالعتلي

 

[عزوتي محمد]

مشكورين وجزاجكم الله خير وخاصه دانتلا الى ردت على وبعد اختى الثانية حطتلى الرابط الله يوفقكم يارب وانا مو مركبه تقويم ورحت لدكتور النجادة قبل سنتين وطلب 4000 دينار وبيسويها بخاص بس سبحان الله ماصار والحين بشوف الحكومى طبعا اخذت نصايحكم ياخواتى والله يسهلها لى

 

[dantella]

كل عام وانتو بخير وعساكم من صوامه وعواد يارب وتقبل الله اعمالكم ان شاء الله
درر في مكانها عاديه هالالام لاتحاتين يعني زين يات على الام بسيطه على كل هالشغل الي يسوونه بالفك
حبيبتي روز مانستغنى عن اضافاتج بالموضوع الي الكل يستفيد منها ......... وبشري عن الصيفي ان شاء الله سهالات ؟
انزين ليش ماتجربين الاميري عند الدكتور محمد المصري هذا وايد زين
حبيبتي جبرني الوقت ...... انتي سمعتي ...... بس احنا نكلمج واحنا مسوين الجراحه وانا عن نفسي صارلي سنتين الحين احس فكي واااااااايد افضل من قبل كافي ان ويهي صار شكله طبيعي كافي ان النطق صار سليم ........ كافي ان التطابق صار طبيعي .......... كافي ان ويهي صار دائري وخدود وجني حاقنه ........... واذا على المضاعفات انا ماشوف ذيك المضاعفات الخطيره ومو قاعده تصير عند الكل ....... يعني اكثر شي صار معاي ان خشمي اختلف قياسه شوي....... انا مو قاعده اشجع على هالجراحه بس اقولج من واقع تجربتي ......... لو يرجع فيني الزمن هم ارجع واسويها

 

[سارة252]

انا معك يا دانتيلا العملية الحمدالله احسها تسوا التعب ... بس لاتسيرون زيي وكل دقيقة تناظرون وجهكم في المرايا :d, لا تبدون تدققون في شكلكم الا بعد ال6 شهورر من جد لا تعبون اعصابكم العملية يبيلها صبر بس النتايج ان شاءالله راح تكووون مرة ايجابية

روز انتي بتسوين ذقنك مو فكك صح ؟
انا سويت الذقن والفك بس عملية الذقن عكسك تماما انا صغرو ذقني لأنه كان كبير

 

[dantella]

ساره انتي تدريتن ان ايام اقعد من النوم وبسرعه اروح المنظره اطالع واتأكد ان شكلي مارد مثل قبل ؟ لا وساعات اتحلم ان فكي رجع نفس اول .......... والله انها هواجس واحمد ربي اني سويتها وفتكيت ..... وفعلا حرام تحكمين على الشكل الخارجي .... الموضوع يبيله سنه وبهالوقت راح تلاحظين التغييرات

 

[مهموومه]

انا امس سويتها وبموت من العوار لامسكن فايد ولاشي فايد

 

[dantella]

مهمومه حمدالله عالسلامه ......... يعني انتي امس طلعوج من العنايه المركزه ..........؟ الي اعرفه ان تكونين يوم كامل بالعنايه المركزه وتكونين مبنجه وماتحسين بشي وحتى لمن تطلعين يكون اثر البنج بعده شغال

 

[سارة252]

لوووووووووول دانتيلا .. ايه والله الحمدالله ايام وعدة


مهمومه الحمدالله ع السلامه 3>

 

[Blonde B]

بنات في وحده سوتها بالعدااان ؟؟

وعند اي دكتووور ؟؟

 

[^kloOot^]

مبارك علييييييييييييييييييييييييييييييييييييييييكم الشهر

ومشكورين على تفاعلكم بالموضوع جان زين يثبتونه المشرفات

 

[dantella]

هلا حبيبتي كلوت علينا وعليج وعسى الله يتقبل ان شاء الله ......... اي والله الموضوع وايد مهم حق الي يبون معلومات عن هالجراحه

 

[Blonde B]

دانتيل انتي متى سويتيها ؟؟؟؟؟؟

 

[dantella]

تقريبا صارلي سنه و9 شهور ماكملت سنتين

 

[Blonde B]

اها

طيب انتي شنو كان البروز عندج ؟؟

الفك اللي تحت او اللي فوق ؟؟

وانا للحين مو فاهمه شلون لما اطلع

من المستشفى يكون الفك عادي و نظيف كل شي

يعني ما يغطونه ؟؟

و سؤال بعد ادري ازعجتج ^^"

الحين متى يحطون ع الاسنان اسيام او ربط

ما ادري شسميه و كم يدوم ؟

لاني مفكره اسوي رجيم بس قالوا لي ان العمليه بتضعفج وايد

يعني انتي جم ضعفتي ؟ وكنتي تسوين رياضه او لا ؟

 

[^^ROSE^^]

الله يسلمج دانتيلا
انا الحمدلله خلصت اول صيفي
والحين على نهايه الصيفي الثاني اخر امتحان 19-9 واعطل اسبوع قبل الكورس الاول هذي عطلة الصيف مالتي لوووول

عزوتي محمد شدعوه 4000 شبيسوي بفكج ياحافظ!!
وي عيل لو اروحله حق حنجي جم بيدفعني!!!

سارة اي انا مابي اسوي فكي لان دكتور التقويم قالي ان وايد متسنع مايسوى التعب
صج ان ماصار 100% بس تحسن عن قبل
فبسوي بس حنجي

دانتيلا فطستيني من الضحك لما قلتي ان تقعدين من النوم تجيكين على فكج لوووووووووول
انا تييني نفس الحاله اذا اخاف تطوفني محاضرة احلم ان طافتني وافزع من النوم ولا الساعه 5 الفير للحين ماطلعت الشمس حتى لوووووووووول

 

[Blonde B]

روز

انتي ماخذه صيفي ثاني شلوون ؟؟

 

[dantella]

اها

طيب انتي شنو كان البروز عندج ؟؟

الفك اللي تحت او اللي فوق ؟؟

وانا للحين مو فاهمه شلون لما اطلع

من المستشفى يكون الفك عادي و نظيف كل شي

يعني ما يغطونه ؟؟

و سؤال بعد ادري ازعجتج ^^"

الحين متى يحطون ع الاسنان اسيام او ربط

ما ادري شسميه و كم يدوم ؟

لاني مفكره اسوي رجيم بس قالوا لي ان العمليه بتضعفج وايد

يعني انتي جم ضعفتي ؟ وكنتي تسوين رياضه او لا ؟

هلا حبيبتي انا كان عندي شغله اسمها العضه المقلوبه كان عندي بروز بالفك الي تحت والفك الي فوق كان صغير وداش نوعا ما داخل
الجراحه فعلا استغربت شلون كانت نظيفه يعني حتى ياتلي فتره قمت اشك ان الدكتور سوا شي الجراحه كلها من الداخل
بالنسبه للوزن لاتعتبرين هالجراحه حق الرجيم اهي من مضاعفاتها ان وزنج ينزل لان ماتقدرين تاكلين لفتره معينه
انا مده شهر نزلت 15 كيلو طبعا انسي الرياضه انتي ماراح يكون فيج حيل تتحركين بسبب الدوخه وقله الاكل بس هذا كل يروح عقب مايفجون الشرايح عقب شهر يبتدي الاكل يتحسن

 

[Blonde B]

اها يعني اوقف رجيم

^^

لان يمكن اسويها بعد شهر

ادعيلي