السلام عليكم ورحمة الله وبركاته
مثولا لطلبات البنات بشرح لكم حالتي من طءطء للسلاموو عليكوو لوول
أولا .. انا المفروض مسويه تقويم من رابعه ابتدائي بس الخووف ومايسووي والا جان الحين ما احتاج تقويم < ندمانه لوول
المهم كبرنا وخلصت الثانويه والاحظ الفك بدى يبيين واحس شكلي مو حلو
فماكان في بالي أسوي تقويم حسبالي جراحه على طول
رحت البابطيين على بداية سنة 2008 شهر 1 .. مع العلم اني تابعه لمحافظة الجهرا .. لان البابطيين المستشفى الوحيد المتخصص بالتجميل والحروق واعتقد دامه استقبلني يستقبل الكل .. فتحت ملف .. بس ما اذكر بنات هل عطاني موعد وبعدين مريتهم او دشيت على طول .. من كثر المواعيد نسيت .. بس اجرائاتهم ماطولت بصراحه اسبوعين وانا خالصه من البابطيين شافني عماد وشاف الاشعه .. وقال لي لازم تسوين تقويم وحولني على الاميري مع اني تابعه للجهرا بتاريخ معين بعد ما كلم الدكتور اشرف وفعلا رحت للاميري وشافني وقال المفروض يحولج للجهرا لانج تابعه لهناك .. ورحت للجهرا وفتحت ملف وقصيت ورقه ودشيت على قسم جراحة الفكين هناك وتلخبطوا اللي هناك هنديه بس شكلها ماتعرف بهالسوالف
المهم قالت لي انتي وين تبين تسويين العمليه قلت لها بالبابطيين .. قلت الحين نبي نعالج اسنانج .. وفعلا من شهر 2 2008 وانا اسوي مواعيد بالجهرا التخصصي للاسنان .. بديت بتنظيف الاسنان وعقبها صكوني بموعد كأنه 6 شهور .. وصبرنا .. وبعدها دشيت على دكتورة التقويم تهبل اسمها ديفا هنديه .. وشافت اسناني .. وكل شوي تردني على موضوع اللثه لان لثتي من صغري كله تعبانه وتلتهب .. وكل شوي يسوون لي تنظيف .. وحاولت اعتني فيها قد ما اقدر .. وقبل نهاية 2008 بتاريخ 4 - 12 ركبت التقويم بس اللي فوق وبعدها بشهر بتاريخ 5-1 - 2009 ركبت اللي تحت .. بتقولون ليش لاني وصلت للموعد متأخره فركبت بس اللي فوق لووووووول
وصارت مواعيدي عاديه للشد كل شهر اروح اشد .. وصج اغراض التقويم اشتريتهم من نفس المكان ب 52 دينار ..
والحمدلله اسناني تعدلت وصارت احلى .. وكان موعدي الاخير عندها 6-9-2009 وقالت لي انا خلصت التقويم الحين بس باقي فتحه صغيره تقريبا بالمللي وحطت سير .. عشان تسكر .. المهم مشكلة الدكتوره حق التقويم انها اول مره تسوي تقويم حق جراحه .. وقتها عرفت ليش عماد ارسلني للدكتور اشرف لانه خبير بهالسوالف وبيخلصني نهائيا مع القياسات والمجسم .. بس انا دكتورتي ماتعرف لازم يكتب لها عماد ورقه .. لذلك قلت اقول لها تكتب لي تحويل دامها مو فاهمه الطبخه وفعلا كتبت تحويل وبعدها بيومين راح ابوي وقلت له يسوي لي موعد قبل موعد الاسنان يعني صار موعد عماد بتاريخ 4 -10 القادم والاسنان 6 -10 ورى بعض علشان اكون ماخذه وياي ورقه اعطيها لدكتورتي .. وتضبط اموري .. واكون انتهزت الوقت ولما اخلص من الاسنان على طول بروح اسوي موعد مره ثانيه عالبابطين يعني ورى بعض بسرعه بسرعه >> الوقت كـ السيف ان لم تقطعه قطعك لوووووووول
وبس ناطرين الحين شهر 10
وهذي كل السااااااااااااالفه
ونكملها لكم بعدين
توته توته خلصت الحتوته لوول
