مسوية جراحة فك .....قولي تجربتج هني

[barbie girl]

ههههههههههههههههههههههههههههه لا مابي ابي نفس هيفا لوووول

اهم شي حاطه الترجمه

ثانكس قلبووو

 

[El-MaSaH]

السلام عليكم .....
شلونكم بنات ؟؟
انا اشتركت بالمنتدى مخصوص عشاان هالموضوع لاني مسويه هالعمليه وحبيت افيدكم باللي مريت فيه واللي صار معاي
انا تقريبا سويت العمليه قبل شهر عند د.عماد النجاده في البابطين
دخولي المستشفى كان مفاجئ كنت بس بروح افتح ملف ما شووف الا مسويلي دخوول وقالولي باجر عمليتج وانا مو مزهبه ولا شي كلش دقيت على امي قلت لها نقذيني زهبوا لي اغراااض
دخلت العمليات الساعه 8 بس ما سوولي العمليه الا الساعه 11 وطلعوني الساعه 3ونص ودوني العنايه لي اليوم اللي وراه يالله ودوني الجناح العصر
طبعا الويه كاااان متفوووخ بس الحمدلله ما كان فيه رضوض والبراطم متفخين والحلج مربط
ظليت يمكن 6 ايام بالمستشفى (( طبعا انا كانوا هال 6 اييام شهر عندي ما حب المستشفى وكان اكثر شي مازمني الدرب والريحه ))
لما رديت البيت كان ويهي بس خدود وعقب 5 ايام رحت حق دكتور التقويم وفج لي الرباط اللي بحلجي وحط لي سيوور متينه على الاجناب
هني بهالفتره حسييت انه الانتفااخ رااح اللي بخدودي بس طلع لي خدود شوي وهذا قال لي عنه الدكتوور انه بيحرك لي الفك العلوي بطريقه يطلع لي شوي خدود
(( نسيت اقولك انه انا سوالي الفكين العلوي والسفلي ))
وبالنسبه حق خشمي ما حسيت انه حيل تغير بس شوي كبر ومادري يمكن السبب انه الدكتور قالي راح امسك لج ياه من داخل من جذي ما تغير علي حيل
عقب ما فجيت الرباط من حلجي اكتشفت انه ماكو صووت لما اتكلم ماااااكووو صوووت
لما رحت حق دكتورالتقويم الاسبوع اللي وراه قالي غريبه هذه اول حاله تمر علي انه الصووت يرووح انا هني ضاق خلقي قلت مادري حايشين لي حبل صوتي لانه اسبووع كامل مارد الصوووت كلش يعني حتن لدرجه انه اللي يقعد يمي ما يسمعني
عاد قالي دكتوري لازم تروحين تراجعين بانف واذن وحنجره
وعلى طوول طرت حق المستشفى ولما شافني الدكتوور وفحصني قالي هذا ما له شغل بالعمليه هذا فايروس ضارب باحبالج الصوتيه يمكن مال تسكير الحلج صار فيج جذي وقال لي اني ييتي وايد متاخر فعطاني كرتزون وقال لي اهو انشالله يرد الصووت بس هم اذا رد ما راح يرد مثل اول قوته
المهم انا 10 ايام وابلع بهالكرتزوون ماكووو فايده هذا اهوو صوتي على حطته طبعا انا حاشني اكتئاب وقلت بس خلااص صوتي ما راح يرد
خلصت الكرتزون اليوم اللي وراه قعدت ولا الصوت شوي طلع يوم ورا يوم ويا اليانسوون حسيت انه بدا يطلع والحمدلله الحين صوتي زين بس مثل ما قال قوته مو مثل اول
بالنسبه حق حلجي كل اسبوع اروح حق التقويم يجيك على السيور ويقولي بطلي وسكري والحمدلله كل شي اوكي
اول ما فتح لي حللجي كنت ما اقدر ابطله وايد مع الايام يتبطل اكثر واكثر والحيين قمت ااكل بالقفشه الكبيره
واي وحده عندها اي استفسار او سؤال انا حاظر ))))))

 

[بدوره 22]

والله وايد ودي اسوي العمليه

بس الدكتور نائل الهزيم قالي فكري مليون مره

وشافني دكتور التقويم قالي اسنانج ممتازه يعني مشكلتي بس بالفك فقط

ان شاء الله اولد بالسلامه وبصلي استخاره اذا اسويها او لأ

 

[سارة252]

El-MaSaH
طيب كيف الحين صوتك يعني سار واطيي ولا تغيرة نبرته؟
والنتايج كيف .؟ حسيتي وجهك ساير احسن

 

[El-MaSaH]

el-masah
طيب كيف الحين صوتك يعني سار واطيي ولا تغيرة نبرته؟
والنتايج كيف .؟ حسيتي وجهك ساير احسن

والله واطي وهم تغيرت نبرته بس قاعديين يقولولي انه زين بس مو مثل اول بقوته واحسه يوم عن يوم قاعد يصير احسن
وويهي الحمدلله الحييين مافي انتفاخات بس التنميل ليلحيين شوي

 

[amoonaa85]

ماتشوفين شر الماسه

انا بسوي العمليه لفكي اللي تحت + قالي ابيكسر حنجي =ما ادري شنو يعني

لانه انا ماكان فيني شي سويت حادث قبل سنتين والطقه كله كان بويهي واكثر شي تاثر الفك والحنج طبعا الحكومه قالولي مافيج شي

مرت هالسنتين وانا احس ويهي ينعوي زياده بشكل ملحوظ عقب وحده امدحتلي دكتور نائل الهزيم بعيادة الميدان ورحتله واول ما شافني

قالي ويهج عوي اهني اكتئبت لانه من غير اشعه انتبه عقب سوالي الاشعه وقالي لازم تركبين تقويم مدة سنتين عقب بسويلج عمليه لفكجج السفلي

واكسر حنجج لانه الحنج ماله علاج غير الكسر وقالي بيسويها بدار الشفا بس ما قالي جم تكلف انا اخترعت من قالي بكسر قلت الموضوع في كسر اهون احسن بس اهو طمني وقالي العمليه وايد سهله ولا تحاتين صج بتاذين بعدها وراح ينزل وزنج وايد بس علشان صحتج تحملي

وقالي اذا ماسويتيها مع الايام ابينعوي ويهج زياده والناس اول مايحطون عينهم على ويهج ابينتبهون انه عوي

من قالي جذي قلت اوكي وبديت معاهم بالتقويم والحين صارلي سنه ونص امركبته ومو باقي شي واسوي العمليه

 

[سارة252]

El-MaSaH
الحمدالله 3>
وانتي وش كان فيك تقدم بالفك العلوي ولا ايش؟
ومتى حسيتيو جهك استقر وملامحك اخذت شكلها ؟

 

[barbie girl]

السلام عليكم .....
شلونكم بنات ؟؟
انا اشتركت بالمنتدى مخصوص عشاان هالموضوع لاني مسويه هالعمليه وحبيت افيدكم باللي مريت فيه واللي صار معاي
انا تقريبا سويت العمليه قبل شهر عند د.عماد النجاده في البابطين
دخولي المستشفى كان مفاجئ كنت بس بروح افتح ملف ما شووف الا مسويلي دخوول وقالولي باجر عمليتج وانا مو مزهبه ولا شي كلش دقيت على امي قلت لها نقذيني زهبوا لي اغراااض
دخلت العمليات الساعه 8 بس ما سوولي العمليه الا الساعه 11 وطلعوني الساعه 3ونص ودوني العنايه لي اليوم اللي وراه يالله ودوني الجناح العصر
طبعا الويه كاااان متفوووخ بس الحمدلله ما كان فيه رضوض والبراطم متفخين والحلج مربط
ظليت يمكن 6 ايام بالمستشفى (( طبعا انا كانوا هال 6 اييام شهر عندي ما حب المستشفى وكان اكثر شي مازمني الدرب والريحه ))
لما رديت البيت كان ويهي بس خدود وعقب 5 ايام رحت حق دكتور التقويم وفج لي الرباط اللي بحلجي وحط لي سيوور متينه على الاجناب
هني بهالفتره حسييت انه الانتفااخ رااح اللي بخدودي بس طلع لي خدود شوي وهذا قال لي عنه الدكتوور انه بيحرك لي الفك العلوي بطريقه يطلع لي شوي خدود
(( نسيت اقولك انه انا سوالي الفكين العلوي والسفلي ))
وبالنسبه حق خشمي ما حسيت انه حيل تغير بس شوي كبر ومادري يمكن السبب انه الدكتور قالي راح امسك لج ياه من داخل من جذي ما تغير علي حيل
عقب ما فجيت الرباط من حلجي اكتشفت انه ماكو صووت لما اتكلم ماااااكووو صوووت
لما رحت حق دكتورالتقويم الاسبوع اللي وراه قالي غريبه هذه اول حاله تمر علي انه الصووت يرووح انا هني ضاق خلقي قلت مادري حايشين لي حبل صوتي لانه اسبووع كامل مارد الصوووت كلش يعني حتن لدرجه انه اللي يقعد يمي ما يسمعني
عاد قالي دكتوري لازم تروحين تراجعين بانف واذن وحنجره
وعلى طوول طرت حق المستشفى ولما شافني الدكتوور وفحصني قالي هذا ما له شغل بالعمليه هذا فايروس ضارب باحبالج الصوتيه يمكن مال تسكير الحلج صار فيج جذي وقال لي اني ييتي وايد متاخر فعطاني كرتزون وقال لي اهو انشالله يرد الصووت بس هم اذا رد ما راح يرد مثل اول قوته
المهم انا 10 ايام وابلع بهالكرتزوون ماكووو فايده هذا اهوو صوتي على حطته طبعا انا حاشني اكتئاب وقلت بس خلااص صوتي ما راح يرد
خلصت الكرتزون اليوم اللي وراه قعدت ولا الصوت شوي طلع يوم ورا يوم ويا اليانسوون حسيت انه بدا يطلع والحمدلله الحين صوتي زين بس مثل ما قال قوته مو مثل اول
بالنسبه حق حلجي كل اسبوع اروح حق التقويم يجيك على السيور ويقولي بطلي وسكري والحمدلله كل شي اوكي
اول ما فتح لي حللجي كنت ما اقدر ابطله وايد مع الايام يتبطل اكثر واكثر والحيين قمت ااكل بالقفشه الكبيره
واي وحده عندها اي استفسار او سؤال انا حاظر ))))))

هلا حبيبتي

حمدلله عالسلامه و ماتشوفين شر ان شاءالله


ليش سوولج دخول وانتي رايحه تراجعين شنو كانت حالتج صعبه وضروريه ؟؟؟؟ يعني بنفس اليوم سوولج دخول



يصير اروح دايركت البابطين وافتح ملف واطلب اسوي العمليه ؟؟



زين اشرايج بالنجاده كشغل تحسينه اوكي وفاهم ؟؟ انا اللي اعرفه انه شاااطر بالجراحه بس يقولون نفسيته شينه


والعمليه سويتيها بالليزر ؟ و نقلوا لج دم ؟؟


زين بنات سؤال ليش تدشون العنايه ؟؟ يعني اهي على حجيكم مو خطره بس سالفة العنايه تخوف


خليج ويانا ههههه ودنا بتجارب البنات اللي سووا العمليه ما عندنا غير ساره و دانتيلا ماقصروا ذبحناهم بالاسئله

 

[dantella]

اهو الدكاتره بالنسبه لهم الجراحه بسيطه ....... بس اذا فكرتي بالمكان نفسه بتلاحظين ان مكان الجراحه نفسه حساس جدا .... يعني شوفي الفك شنو يمه .... الراس .... القصبه الهوائيه .......... اجهزه التنفس ومجرى التنفس .... اللسان .... الاحبال الصوتيه ........ يعني اقل غلطه ممكن تكون اثارها جدا خطيره ........... يعني انا عقب ماطلعت من المستشفى ظليت سبوع اسمع ونه باذني ...... طبيعي عقب الجراحه ان يحطونه بالملاحظه عشان يتأكدون ان كلشي اوكي ...... وبنفس الوقت عشان يفكونج من العوار الي عقب الجراحه لان لمن تكونين بالملاحظه بتكونين مخدره .... ومشغلين عليج مضخه المورفين
مممم البابطين شغلهم كله ليزر بالنسبه حق هالعمليه
وممكن يكون دخلها بسرعه مو لان حالتها مستعجله بس لان ممكن شاف ان مافي جراحه بهاليوم وحطها .... يعني كان حظها حلو
عموما اعرف ان دكتور عماد مايحب يطشر المواعيد ولا يضيع وقت
صج نفسيته شينه بس شغله ممتاز

 

[El-MaSaH]

ماتشوفين شر الماسه

انا بسوي العمليه لفكي اللي تحت + قالي ابيكسر حنجي =ما ادري شنو يعني

لانه انا ماكان فيني شي سويت حادث قبل سنتين والطقه كله كان بويهي واكثر شي تاثر الفك والحنج طبعا الحكومه قالولي مافيج شي

مرت هالسنتين وانا احس ويهي ينعوي زياده بشكل ملحوظ عقب وحده امدحتلي دكتور نائل الهزيم بعيادة الميدان ورحتله واول ما شافني

قالي ويهج عوي اهني اكتئبت لانه من غير اشعه انتبه عقب سوالي الاشعه وقالي لازم تركبين تقويم مدة سنتين عقب بسويلج عمليه لفكجج السفلي

واكسر حنجج لانه الحنج ماله علاج غير الكسر وقالي بيسويها بدار الشفا بس ما قالي جم تكلف انا اخترعت من قالي بكسر قلت الموضوع في كسر اهون احسن بس اهو طمني وقالي العمليه وايد سهله ولا تحاتين صج بتاذين بعدها وراح ينزل وزنج وايد بس علشان صحتج تحملي

وقالي اذا ماسويتيها مع الايام ابينعوي ويهج زياده والناس اول مايحطون عينهم على ويهج ابينتبهون انه عوي

من قالي جذي قلت اوكي وبديت معاهم بالتقويم والحين صارلي سنه ونص امركبته ومو باقي شي واسوي العمليه

الشر ما اييج حبيبتي ....
شوفي اهي العمليه مو سهله صح بس اذا انتي خايفه من الم او شي لا ماااكو الم ولا راح تحسين بشي كلش بس مثل ما قالج اهو الوزن ينزل ينزل يعني انا ضعيفه حيل فقالي دكتوري لازم تمتنين قبل العمليه يمكن بس رفعت 3 كيلوو وعقب العمليه قطيت 6 كيلوو طبعا هذا وانا تشوفيني اكل كثر ما اقدر
ويالله انشالله تسوينها وتقومين بالسلامه وتقوليلنا تجربتج

 

[El-MaSaH]

el-masah
الحمدالله 3>
وانتي وش كان فيك تقدم بالفك العلوي ولا ايش؟
ومتى حسيتيو جهك استقر وملامحك اخذت شكلها ؟

كان عندي بروز بالفك السفلي بس لما بغيت اسوي العمليه قالي لازم نسوي حق العلوي والسفلي
رجعولي السفلي وجدموا لي العلوي

والله ليلحيين ملامحي كل يووم تتغير وكل يوم اشووف ويهي شكل بس يعني اللي يشووفني عادي يقول ويهي ما فيه شي وتفخه العمليه البسيطه
اهو تقريبا عقب اسبوعين ويهي فش واستقرت شوي الملامح

 

[El-MaSaH]

هلا حبيبتي

حمدلله عالسلامه و ماتشوفين شر ان شاءالله


ليش سوولج دخول وانتي رايحه تراجعين شنو كانت حالتج صعبه وضروريه ؟؟؟؟ يعني بنفس اليوم سوولج دخول



يصير اروح دايركت البابطين وافتح ملف واطلب اسوي العمليه ؟؟



زين اشرايج بالنجاده كشغل تحسينه اوكي وفاهم ؟؟ انا اللي اعرفه انه شاااطر بالجراحه بس يقولون نفسيته شينه


والعمليه سويتيها بالليزر ؟ و نقلوا لج دم ؟؟


زين بنات سؤال ليش تدشون العنايه ؟؟ يعني اهي على حجيكم مو خطره بس سالفة العنايه تخوف


خليج ويانا ههههه ودنا بتجارب البنات اللي سووا العمليه ما عندنا غير ساره و دانتيلا ماقصروا ذبحناهم بالاسئله

الله يسلمج حبيبتي والشر ما اييج
والله انا قبلها كنت رايحه حق عماد بعيادته الخاصه ويوم فحصني ودق على دكتوري التقويم د. اشرف قااالي انتي ليش توج يايه المفرووض انج من زماان مسويتها واللي بعدج سووها من زمان انتي اولى بالعمليه من غيرج انا الصج كان عندي دوام بالجامعه وامتحانات فما قدرت وانا اخرت السالفه على ما اخلص ما ابي اخصبق رووحي بالدرااسه لانه وايد اعرف بنات سووها وقت الدوام وراح عليهم الكورس وتخصبقوا بالدراسه
وسالفه الدخول انا بعد تفاجات منها لانه انا سامعه انه المواعيد بالاشهر بس مادري يمكن ليش شاف حالتي انه لازم اسويها من جذي دخلني والله مادري بس اهي كانت وحده المفرووض تسويها بدالي بس كنسلها وحطني بدالها

وسؤالج اذا تروحين وتطلبين يسوون لج العمليه والله مادري اهي على سالفه الحظ انتي وحظج
والله الصرااحه انا عن نفسي اشووف النجاده بيرفكت يعني الصرااحه شغله اووكي ومضبووط وحتن دكتوري التقويم قالي الحمدلله كل شي تمام ما حسيت بالم كلش حتن عقب ما فج عني البنج مجرد بس تخدر بويهي
وعن نفسيته الصرااحه اي يعني شوي بس يعني تمشين معاه عادي
انا سالت د.عماد اذا بالليزر صدمني قالي لا شنو ليزر ؟؟؟ وبس بعد ما حبيت اكثر معاه لانه اهوو طريقه رده تنرفو فانا ما كنت اساله وايد
اي نقلو لي دم ولازم لانه بالعمليه راح تفقدين دم واايد وبتشوفين حتن الدم اللي نقلو لج اياه ما يكفي
انا ظل اسبوعين ويهي اصفر ودمي نازل بس الله يخلي امي ويا عصير البرتقال كل يوم اشرب
والعنايه لازم لانه راح تطلعين مبنجه وحالتج ليلحين مو مستقره وبيكونون حاطين لج بربيش اكسجين حق التنفس على ما تصحين من البنج يطلعوونج وبعدين احسلج العنايه على الاقل تكونين تحت الملاحظه
وانشالله انا معاكم

 

[سارة252]

كم لك مسويتها الحين ؟
كملي سنه؟

 

[dantella]

يمكن ماسئلتيه عدل ....... انا وانا بغرفه العمليات كنت اسولف معاه حتى يقولي انتي غريبه تسولفين موخايفه هههههههههه قلت له شلون بتفجرون حنجني ......... قالي نحط قنابل بحلجج هههههههههه ..... تالي قالي لا نستخدم الليزر للقطع عشان يكون الكسر نظيف ولاتطلع كدمات ......... خالي مسوي هالجراحه قبل لايستخدمون الليزر تقربيا قبل 15 سنه لمن طلع من الجراحه كان شكله ابدااااااع ويهه كله ازرق وكدمات بس طبعا الحين الطب تطور

 

[amoonaa85]

والله انا احاتي خشمي الكره ما ادري شلون بيصير

 

[dantella]

على حسب ترا في ناس ومنهم ساره خشمها صار اجمل

 

[barbie girl]

انا ودي اسوي العمليه بالباطين عالاقل يخافون ويحسون بالمسئوليه عكس الخاص بس المشكله مواعيدهم

وماعندي واسطه

وهم الخاص حلو لان الموعد على كيفج بس اخاف من نقل الدم لو يصير ملوث ومادري جم بيكون تكلفة العمليه

لو النجاده يسويها لي بالباطين واعطيه فلوس خخخخخخ

 

[dantella]

انا ودي اسوي العمليه بالباطين عالاقل يخافون ويحسون بالمسئوليه عكس الخاص بس المشكله مواعيدهم

وماعندي واسطه

وهم الخاص حلو لان الموعد على كيفج بس اخاف من نقل الدم لو يصير ملوث ومادري جم بيكون تكلفة العمليه

لو النجاده يسويها لي بالباطين واعطيه فلوس خخخخخخ

لوووووووووووووووول عبالج ماقطها علي اشكره ؟؟؟ عقب العمليه قالي هاا شنو هديتي ؟؟؟؟ وانا بقلبي اقول بس تكفه فكني من ويهك

 

[barbie girl]

درين لا رحت له بقوله والله يا دكتور ودي اسويها بالبابطين انا اخاف من الخاص بس شلون ماعندي ملف ومن هالحجي بجس نبضه بس شلون اقوله اعطيك فلوس بس ابيها بالحكومه هههههه بجرب واعطيكم خبر

 

[dantella]

شوفي اهو لي كان بالبابطين كلللللللش ماينتحاجا .......... لي سئلتيه سؤال تحسين جنج مجابله بليس هههههههههه <<<<<< تحسين صج حاقده عالريال
بس بعيادته غير يصير كووول حده وكلاس
وعلى فكره ترا اهو وسكرتيراته يحوسون بهالمنتدى ........... فممكن يكون عنده خبر وقاعد يطالع شنقول عنه هههههههههه