مسوية جراحة فك .....قولي تجربتج هني

[dantella]

شلونكم حبيباتي
انا كنت واعده بشغله
قلت لكم ان ولد عمي سوا جراحته عند محمد المصري ووعدت ان اذا شفته بالعيد اقولكم التغييرات الي صارت له
الحين تقريبا صارله شهرين الا شوي
ماشاء الله الورم كلللللله راح والولد ماضعف مثل ما انا ضعفت وصحته ممتازه ولكن .......
ماتغير شكله وايد يعني مادري انا غير عنه لمن دزو فكي لي ورا شوي تغير شكل فكي صار حلو وبرزتلي خدود
بس اهو ويها مثل ما اهو ماتغير حتى ماطلعت له خدود كل الي صار ان التطابق عنده صار ممتاز بس شكله الخارجي اهو اهو
مادري اذا التكنيك للشباب غير عن البنات او ان عماد النجاده لان اساسا دكتور تجميل فيراعي الامور الجماليه اكثر
اذكر ان دكتور محمد المصري مو دكتور تجميل اهو بس استشاري جراحه فك والرأس .. وسلامتكم

 

[سارة252]

شكرا دانتيلا على الافادة .. بس الحمدالله اهم ش ما سار شكله اسوأ هذي نعمه

 

[dantella]

لا ماصار اسوء بس ضل مثل ما اهو ماتغير في شي ابدا الظاهر كل دكتور وله تكنيك

 

[عزوتي محمد]

شخباركم بنات دانتلا موعدى عند عماد النجادة الاحد يارب خير ومشكورة تراعين الكل ومهتمه الله يجزاج خير وراح اقولكم شصار معاى باول خطوة يارب خير

 

[dantella]

هلا عزوتي الله يوفقج يارب وناطرين تبلغينا شصار معاج وشنو رايج بالدكتور

 

[أحب أمي]

عزوتي محمد

طمنينا شصار وياج

انا موعدي الاحد الجاي 4-10

 

[عزوتي محمد]

هلا حياتى رحت لدكتور عماد النجادة صراحة نفسيته تهبل وعارف شغله ومتفهم ماطول معاى وبعدها حولى ادكتور اسنان قال لازم اولا اشوف شيقول دكتور الاسنان ورحت اليوم صدمنى يقول ماتحتاجين سبحان الله كلمته فال بس عدلى اسنانج تخيلو قهر ومادرى شسوى دانتلا تكفين شتصرف

 

[أحب أمي]

هلا عزوتي

شلون ماتحتاجين عمليه يعني؟

يمكن علاجج بالتقويم

 

[أحب أمي]

توني استوعب

يعني ماتحتاجين تقويم ؟؟

بس لازم التقويم قبل العمليه


وضحي لي اكثر

 

[bint-3shtw]

السلام عليكم الصراحة يعطيكم العافية على هالموضوع
انا سويت عملية الفك بالكويت وللأسف العملية مانجحت ورديت سويتها مرة ثانية عند نفس الدكتور وهم مانجحت الحين صايره جهة اليسار غير عن اليمين بشكل واضح وانا كل الي كان فيني كسر لان صارلي حادث وانا صغيرة ف انكسر خشمي وانكسر الفك وسنة 2005 سويت العملية الاولى وللأسف فاااااااااااشلة والعملية الثانية سنة الي طافت وهم نفس الشي وانا حياتي واقفة ماني قادرة اسوي خشمي ولا قادره حت اتزوج تخيلو ولما قلت حق الدكتور الي مسويلي العملية ماهمه الموضوع بس حابة منج اختي انج تساعديني وتعطيني رقم دكتورج الي سويتي عنده العملية يمكن يقدر يسويلي شي

 

[bint-3shtw]

نصيحة لحد يسوي شي عند محمد المصري لان اهو الي سوالي العمليتين وخربلي كل شي حسبي الله ونعم الوكيل فيه

 

[عزوتي محمد]

هلا احب امى قصدى الدكتور عماد حولنى لدكتور اسنان لانى مومركبه تقويم عشان نبدى الخطوات التقويم اولا وبعدها العمليه فهمتينى ورحت لدكتور الاسنان قال انتى ماتحتاجين عمليه تخيلى ولا حتى تقويم علاجج عالجى اسنانج هذى قصتى ياحياتى يعنى مافى عمليه الله كريم والله يوفقكم وبتابعكم

 

[أحب أمي]

هلا عزوتي محمد... انزين انتي الفك عندج مأذيج بشكلج يعني واضح حيل؟

 

[أحب أمي]

هلا بنت .. روحي للدكتور عماد النجاده بمستشفى البابطين

 

[bint-3shtw]

حاولت بس ماحصلته وانا ماقدر كل اشوي اطلع من الدوام عرفتي .. دقيت على عيادته عشان اشوفه مواعيده بعيده حيل وانا مافيني انطر اكثر وبيني وبينج خايفة اسوي بالكويت لان العمليتين افشلو والله حسيت انهم البو فيني وهذا ويي يعني مو شي بالجسم الي تقدرين تخشينه عرفتي والله نفسيتي تعبانة حاسة مخي بيوقف مادري وين اروح او شنو اسوي

 

[أحب أمي]

ياحياتي الصبر مفتاح الفرج .. وبعدين حتى لو مواعيده طويله بس شغله الحمدلله يستاهل الانتظار ومواعيده بالحكومه شهر بالكثير واحيانا اقل من الشهر بشوي .. روحي وافتحي ملف واخذي موعد

ولاتفكرين بعيادته لان غاليه بصراحه .. روحي له منتي خسرانه واذا على الدوام مو دايما تطلعين كلها مره استأذني مبجر وروحي سوي موعد وبعدين اطلعي الدوام

وانطري لين يجي موعدج

 

[dantella]

هلا حياتى رحت لدكتور عماد النجادة صراحة نفسيته تهبل وعارف شغله ومتفهم ماطول معاى وبعدها حولى ادكتور اسنان قال لازم اولا اشوف شيقول دكتور الاسنان ورحت اليوم صدمنى يقول ماتحتاجين سبحان الله كلمته فال بس عدلى اسنانج تخيلو قهر ومادرى شسوى دانتلا تكفين شتصرف

معقوله دكتور عماد يقول تحتاجين والاسنان يقولون لج لا؟ مشكله الاسنان ان بس يبون يفتكون من الحالات والله .... انا هم اختي نفس حالتي تصدقين ردوها قالولها نفس الكلام ... انتي اي اسنان رحتي الاميري؟

 

[سارة252]

بنت عشتو
الله يعيينك والله .. بس انصحك اما تروحين لدكتور عماد النجادة << عرفته من العضوات وشكله زين :d
او تعالي سويها في السعوديه ولو تبيني اعطيك اسماء الدكاترة الزينين عطيتك
واستخيري قبل كل شي

عندي سؤال بعد هذي العمليتين انفرش خشمك؟ او تغير للاسوء؟

الله يعينك ويسهلك = >

 

[مــســك]

قـووة بنات شلوونكم ؟؟


بصراحة كل ما اقرا رد اخاف اكثر واكثر


بنات انا علتي غريبة ومحد ملاحظ فيها الا انا .. وكل اهلي يقولون عني فسقانة مافيج شي اي ليش


بنات انا ولله الحمد حلوووة << محد طلب رايج لووول


بس مشكلتي شنو ؟؟


ان لما اضحك لثتي تطلـع يعني حيل واضحة ؟؟؟


انا كنت مركبة تقويم وخلصت صار لي تقريبا سنة ونص من قطيتها ومركبة تقويم الثابت الي داخل السنون ..


لما قالت حق دكتورتي الحل مع هاللثة زفتني وقالت لا تعبثين لان هذا فك واذا عايزة تعملي دي عملية جراحية ؟؟


انا من قالت عملية جراحية قلبي طاح بطني


بس وربي في ردود تشجع وتطمن القلب .. خاصة الي فرحني لما تقول دانتيلااا لي عظمة الخد لانهم ارفعو الفك العلوي الله وناسة


لان انا ماشاءالله لي خدود بس مالي عظمة الخد فـ خدودي نازلة لوووووول يبيلهم كرسي يرفعهم :eh_s(6):


الحين ابي اعرف دكتور عماد شنو تخصصة بالضبط ؟؟ يعني جراحة فك ؟


اي وصح نسيت لا اقولكم سالفة ..


بنات انا اعرف وحدة كانت وياي بالدوام وخذت اجازة تقريبااا 3 اسابيع سافرت لــ المانياا وسوت عملية فك السفلي لان كان حنجهااا عوي

وجنه سوت الفك العلوي بس اذكرة انهااا مسوية فك سفلي وفوق هذا سوت بخشمهااا



لما جتنااا ماشاءالله عليهاا مافيهاا ولا انتفااخ وكانت عليهااا الجبس مالت الخشم .. بس وايد تغير شكلهااا وصار حلوو ..


بناات عفيا ياريت تردون علي مابي احد يطنشني انا بروحي ضايق خلقي على هالسالفة :eh_s(2):



والله يسهل امر كل وحدة تبي تسوي العملية .. والله يوفقكم جميعاااااا

 

[dantella]

هلا حبيبتي مسك ... يعني مشكلتج بروز باللثه بس ؟ وفكج مافي شي ؟ عموما دكتور عماد النجاده اهو بالاساس دكتور تجميل وهم متخصص بجراحه الراس والفكين والشفه الارنبيه وتقريبا متميز بشغله ... بالنسبه للخدود اي فعلا لم رفع لي فكي العلوي مثل ماقلتي كأنه حط للخدود كرسي هذا الي فرق بويهي واااااايد وتغير شكل الشفه انها برزت بشكل حلو جني حاقنه ... عموما هذي ماتعتبر عمليه تجميل وغلط تتعاملين معاها بههالاساس لانها وايد صعبه وتبعاتها وتجهيزاتها كثيره من تقويم وقياسات واشعه وفحص وخطه يعني اسمالله عليج دام مافيج شي ليش تفكرين فيها؟