مسوية جراحة فك .....قولي تجربتج هني

[dantella]

لووووووووووووووووووول فديتك عجبني اللقب .. بس والله هذا من طيبك وماسوينا شي والله وهم انا قاعده استفيد بعد

 

[tinya_girl]

لا بس الحمدلله حييل خف عيل اذا بس باقي الخشم:d والله انا اقوول خليهم يشوفونج ع الاقل شويشوي يتعودون على شكلج يعني يصير التغيير تدريجي بالنسبه لهم عرفتي..... ههههههههههههههههههه الا انا الدكتور ولا مره زفني السستر يحليلها اهي للي تعصب اكثر من الدكتور ههههههههههههههههههههههه

 

[el-zain]

انا مشاركه بنك بنت خالتي بالغلط انا الزيين (تيني قيرل )

 

[safia]

تقويمي حاطته من سنة 2006 وكنت جاهزة للعملية سنة 2007 بس غرف العمليات كان فيها صيانة وطولت وبعدها جدامي ناس شكثر ينطرون العمليه غير الحالات المستعجله اللي يدخلونهم قبلي وانا كنت اقول متى مالله قسمها بسويها وماسويتها الا بشهر 10 سنة 2009
لووووووول هذي مواعيد مستشفيات الحكومة

الزين
الكل فيه فضول يبي يشوفني وانا كلش موراضيه
عندي امل ان خشمي يفش شوي
وي انا انكسر تقويمي فوق الست مرات مالومه المسكين

 

[el-zain]

هههههههههههههههههههههه صافيه بدعتي فووق الست مرات.. والله ونستيني حسستيني في امل ان يعدلي تقويمي هاللي يتقلقل

 

[alhomed]

أختي صافيه كم لك من سويتي الجراحه؟ وكم اعطاكي الدكتور إجازه؟ وهل لاحظتي ان شكلك تغير الحين والا لسه بإستثناء الخشم (يعني تقدري تروحي الدوام) ؟

 

[safia]

صارلي ثمان اسابيع ماشاءالله الايام تركض
وعطوني طبيه لمدة شهر ونص وباجي الايام خذيتها من المستوصف
بالنسبة للتغيير فكي قصر شوي وصار شكله حلو
لكن خشمي حسيته عفس ملامحي
وبالنسبة للدوام احس تو الناس لا زال شكلي متفخ ومتغير ونفسيا مو مستعدة

انت عمليتك بفكك اللي فوق ولا اللي تحت؟

 

[alhomed]

هلا اختي بالنسبه للعمليه المشكله بالفك الي تحت لكن الدكتور يقول لازم الفكين نقدم الي فوق ونرجع الي تحت (يعني مثل دانتيلا )
مع اني اشوف الي فوق مرررررررره تمام واذا ابتسمت شكله مرررررره حلو ماتبين اللثه

ارجع و اقول خيره والي عجبني بهالدكتور انه يهتم بكل التفاصيل تخيلي قالي حتتغير الوجنتين عندك وبالنسبه للخشم قالي راح أخيطه لك بعظمة الفك عشان مايتغير كثير
بس المشكله ان الإجازه بتكون شهر واسبوعين وخايف ان وجهي يبقى متفوخ وأتوهق بالدوام ..لكن بسوي مثل دانتيلا والي يخزني بخزززززه والله يسهلها

 

[safia]

صح كلام الدكتور مثل ماقالوا لي ان الخدود راح يبرزون ويصير شكلهم حلو لكن الى الان مابين شي بسبب الانتفاخات
بالنسبة لك تقدر تاخذ طبيات بحكم ان تغذيتك بتكون ضغيفه وصحيا ماراح تقدر تمارس حياتك طبيعي
مثلي حاليا من قلة الاكل اتعب بسرعه واخاف اسوق خصوصا اني من قبل عمليتي وانا عصلة من كثر ماكنت احاتي
او تقدر تاخذ اجازة اذا ماكنت تشتغل بمدرسة

وحلوة سالفة الخز لوووووووووول بدعت دانتيلا

وبتهون صدقني بتهون يذكروني البنات اول الايام ادش اتشكى لهم وكنت متحسفه والحين الحمدلله نسيت كل شي ولو ان هالخشم مضيق خلقي

الله يوفقك ان شاءالله

 

[alhomed]

مشكوره اختي صافيه ماتقصرين الله يسمع منك وتتسهل هالعمليه وبالفعل الي يشوف كلامك قبل مايصدق انه انتي الحين وبخصوص الخشم صدقيني بيرجع انشالله وبتطلعين فل اوبشن <--حشى سياره موبنيه

وبالنسبه للتغذيه ليش ماتاخذي فيتامينات من الصيدليه أنصحك ب أنشور الي قالت عليه الأخت ساره قبل كذا سألت عليه ومدحلياه الصيدلاني مرررررررررره يقول ( اكسلنت) يجمع كل الفيتامينات الي يحتاجها الجسم جربيه وانشالله بيفيدك والا تعودتي على الراحه وماتبين الدوام ....ههههههه

 

[safia]

لووووووووووووووول ان شاءالله اصير فل اوبشن بس يتسنع هالخشم وكل شي يكون تمام

بالنسبة لانشور دورته امي وقالوا لها مافي منه بالكويت
وعطاها الصيدلي مكمل غذائي للاطفال بقول يصلح لحالتي بس انسى اخذه اغلب الوقت مع ان طعمه لذيذ

بالنسبة للدوام بيني وبينك محد يعوف الراحه لووووووووووووول
بس انا انسانه حساسه حيل وخايفه من نظرة البنات لي بالدوام لان من نظراتهم راح اعرف اذا شكلي مرعب ولا لا واذا بين هالشي بنظراتهم وقتها نفسيتي راح تتعب زياده

انا حاليا بستمر بالتمارين اللي عطاني اياهم الدكتور يمكن تخفف شوي من الورم

 

[dantella]

السلام عليكم ورحمه الله
شلونكم جميعا
صافيه جربتي تمضغين شي؟ اذا جربتي شلون كانت التجربه؟ واذا ماجربتي ياليت تقولين من شنو خايفه

 

[hwt]

السلام عليكم انا عندي ولدي عمره 10 اشهور عند مشكله بلفك جه اكبر من جه فصاير حلجه مايل على جنب اذا ضحك او تكلم بعد عمري صغيرون والياهال دايما يسالون ليش جذيه حلجه انا اراجعله عند دكتور عماد قالي سويله مقطعيه وتخطيط وتاكدو انه من الفك والدكتوره مالت المقطعيه اكدتلي انه علاجه عمليه انا ليلحين ما راجعت دكتور عماد بس ودي استفسر عن العمليه صعوبتها بلنسبه حق طفل اسويها بلكويت وله بره يا ريت اتردون علي بلخاص الي عندها فكره ومشكورن مقدما

 

[safia]

وعليكم السلام دانتيلا
هلا بالغاليه
جربت اكل توست ومعكرونيات تقدرين تقولين لما الحين نص ونص ويوم عن يوم يصير عندي المضغ احسن شوي
بس صوب اليسار يعورني وماخف كلش حتى وقت النوم احيانا اقوم من النوم من العوار
مع اني لاحظت اني امضغ بصوبي اليسار احسن من اليمين
والحلج لما الحين مايتبطل حيل مع ان صارلي فتره فوق الاسبوعين من شالوا السيور
بس عموما الحمدلله ماشي الحال

hwt
مايشوف شر ان شاءالله بالنسبة لولدج ان احسه صغير على العمليه
اذكر لما كنت بالمستشفى دشت معاي بنفس الوقت وحده وولدها صغير تقريبا باولى ابتدائي طايح واهوا صغير ومنكسر فكة وصاير على صوب بس ماسووله العمليه بنفس اليوم اللي سويت عمليتي لان فترة عمليتي تطول بس امي خذت رقم امه وبالاسبوع اللي وراي سووله العمليه
وبعد عمليته باسبوعين او ثلاث تقريبا شفنا الولد ماشاءالله مافيه الا العافيه
عمليته كانت عند الدكتور محمد المصري بالاميري

 

[alhomed]

إختي hwt

الله يشفي ولدك ويخليه لك ويحفطه من كل مكروه وتشوفين عيال عياله

انا انصحك تسألين أكثر من دكتور لأتي لما رحت الدكتور اول مره سألته فيه حل بدون الجراحه وقالي لو اهلك جابوك وإنت صغير كان انحلت مشكلتك بدون جراحه لكن الحين صعب لازم جراحه اتوقع فيه عندهم أجهزه تعدل الفك بالنسبه لللأطفال >< تبين الصدق حقدت على اهلي وزعلت على ميمتي الله يحفظها...ههههههههههه
انصحك لا تتركين ولدك تعالي السعوديه ترى عندنا دكاتره كثير متخصصين بهذا المجال ولو حابه اعطيكي اسماء الدكاتره المختصين فهالمجال اناحاضر
صدقيني مايحس بهالمعاناه الأ الشخص الي عنده المشكله..

 

[alhomed]

السلام عليكم ورحمه الله
شلونكم جميعا

وعليكم السلام ورحمة الله وبركاته
هلا دانتيلا إحنا بخير دامك بخير
من زمان ماشفنى ردود لك:gathering:

 

[Ms.PinK]

الله صاافيه نفس حالتي لوول :>

انا من 2004 معا دكتور اشرف مرتين تقويم حطيت و 3 مرات يحطون موعد العمليه وتلغي والله اخر مره بجيت عند دكتور نشأت كسرت خاطره يقولي ماعليه انشالله قريب تسوينها
كل يوم لهم شي يا صيانه بالمستشفى ياعمرج ماصار 18 لازم يكمل النمو يا الشغل اخترب ولازم اعيده استغفر الله احس الله مو كاتب اسويه
اكثر من مره قالي اشرف روحي عند النجاده وانا ماكنت ارضى الا ابي بالاميري ... ونطرت سنه كامله عشان المستشفى ويوم رحت عند نشأت ويشوف القياسات ولا كل شي مخترب والحين قاعد يعيد الشغل لي ثالث مره اشرف
والله جد الوضع يزهق كل شوي عضه واشعه ومادري شنو.. الحمدالله على كل حال

سوري طولت بس من الحره لاعت جبدي من الوضع

 

[dantella]

مس بنك طيب ليش ماتبين دكتور عماد الي اشوفه ان فاهم شغله وممتاز انا جراحته معاي كانت وايد ممتازه

 

[safia]

مس بنك
صدقيني متى ما الله كتبها لج بتصير
انا لاعت جبدي وصلت فيني اني خلاص بكنسل مابي اسويها
وكنت احن حيل ابي اخلص ويعطوني مواعيد بعدين يقولون خلاص كنسلنا ونطرني ندق عليج
لما مليت وقلت بالطقاق متى مادقوا دقوا ونسيتهم بس كنت اراجع دكتور اشرف علشان لا تخترب قياساتي والحمدلله ماختربوا
وسبحان الله دقت علي امي بالدوام وقالت يالله ترى الاميري دقوا يبونج الحين تسوين دخول للمستشفى والله رحت وانا مخترعه واضحك بنفس الوقت كلش مو مصدقه

ماعليج الصبر جميل

ونصيحة اذا قدرتي تروحين لدكتور عماد النجاده روحي احس من سوالف البنات هني تعاملهم يمكن يكون احسن من الاميري
انا مارتحت في الاميري مادري المشكلة فيهم ولا فيني

 

[مــســك]

اول شي عيــدكم مبارك .. معنا انها متاخرة لووول بس عادي :d


ثاني شي ولهت عليكم كلكم .. صافية ودانتيلا شخباركم ..؟؟ عساكم بخير ؟؟


صافية ماشاءالله احسن الوجه منور .. ها بشري عسى تحسين انج احسن الحين ..؟؟