مسوية جراحة فك .....قولي تجربتج هني

[غلاااه]

هلا السلام عليكم
انا صار لى فتره اقر بهالموضوع والله خايفه حيل
انا فينى بروز بالفلك العلوي وخلال هالاسبوع بقرر اي دكتور جراحه اسوى عنده عمليه
محتاره بين 3 دكاتره واحد بالحرس الوطنى اسمه منصور و2 بالسعد الطبي رائد جلال وجميل
اتمنى من بنات يعلمونى اكثر الان زواجى بشهر 7 يمدينى اسوى عمليه او لا؟؟

هلا وعليكم السلام ورحمة الله وبركاته

حياك الله

الله يوفقك ويسهل امرك

الف مبروك وعقبال الصبايا:27d66a9c24b146327bf
لكن قصدك شهر 7 بالميلادي ولا هجري ؟؟؟

وانتي من فييين ؟ السعوديه ولا الكويت ؟

ولا تنسين غاليتي المستشفيات الحكوميه بطول شويه في المواعيد ..:eh_s(3):

احسبي حساب هالشيء.


موقفه:eh_s(17):​

 

[المكسيكيه]

ما تشوفون شر

 

[سكـون]

هلا والله الزين،، بصراحة مافكر أهون عن العملية! تخيلي بعد كل هالتعب والانتظار والمواعيد
وبيني وبينج أحس الدكتورة مو معطيتني ويه في سالفة التهون يعني شكلها ملزمة اني أسويها بإذن الله، وأشوه إنها يات منها، أخاف لو تعطيني الخيار أو تقول بكيفج، أرجع أهون خخخخخ

- - - - - -

عسولة ودلوعة، سامحيني يالغالية ما عندي فكرة عن حالتج، إن شاء الله البنات اللي عندهم فكرة يفيدونج، وبعد استشيري الطبيب وسئليه عن الأسئلة اللي ببالج ، والله ييسر أمورج يارب

- - - - - - -

ياااعمري أحب أمي، عورتي قلبي، خطاج الشر وسلامات،، والحمدلله إنها جت سليمة
وبالنسبة للجراحة مادري بس ما توقع إن الجراح يأخرج وايد خصوصا إذا وضع أسنانج جاهز للعملية، يعني ماتوقع سنتين شدعوه، ممكن شهرين، لكن سنتين وايد ومستبعد،، يله الله يسهل لج أمورج يارب ولا تنسين تطمنينا

- - - - - -

بسوي زي مشاعل،، هلا بج، والله يعينج وراج مشوار وإن شاء الله ما يطول، يعني بالأول لازم يركبون لج التقويم ويعدلون وضع أسنانج ولما تصير جاهزة للعملية، بعدين يسوون العملية، إن شاء الله يارب ما يطول التقويم عليج،، وبالنسبة للوجه يصير دائري
أو لا ، والله مادري يالغالية، لأني لحد الآن ما شفت أحد مسوي العملية وجها لوجه، بس حسب اللي اسمعه من المجربين إنه فعلا هالشي،وأعتقد إذا ماني غلطانة إن صافية اللي معانا هني بالموضوع صار لها هالشي،، ، أو ع الاقل تخف استطالة الوجه، الله ييسر أمرج يارب

- - - - -

هلا والله بحر55 ،، سامحيني يالغالية ماعندي فكرة عن سؤالج، إن شاء الله البنات يفيدونج
وبالنسبة للزواج بشهر سبعة ، إذا تقصدين بالميلادي يعني باقي أقل من ثلاث أشهر،، وعلى كلام البنات إن النتيجة النهائية للعملية تحتاج وقت، لكن بعد فيه بنات ما شاء الله عليهم استقرت حالتهم بعد فترة قصيرة، إن شاء الله تكونين منهم يارب وتتيسر أمورج

- - - - -

غلاه،،، هلا وغلا منووورة
ما عندج سؤال أجاوب عليه << صدقت اني الأخصائية خخخخخخخخ

- - - - -

المكسيكية الشر ماييج ​

 

[روان المؤدبه]

الحمد لله حسيت ان فيه احد معبرني شكرا شكرا شكرا << مو مصدقه احد رد عليها !_!

انا عندي تقدم الفك السفلي الفك العلوي عادي ماقال الدكتور شي عنه ..بكره ان شاء الله بأتصل على المستشفى واسالهم عن موعدي متى ..
بسألكم الحين لازم يكون التقويم لمدة سنه مافيه مده اقصر ؟؟<< مستعجله ههههه.. بس مليييت من شكلي للهم لك الحمد صحيح احسن من غيري بس مرره متضايقه منهم !_!

 

[لآ بيرلآ]

:eh_s(17):

مساء الخير ..
شلونكم بنات ان شاء الله بخير ...



انا كل شي كنت حاطته ببالي تغير لول ...

اولا .. حطيت تقويم .. و الحديدة اللي فوق بسقف الحلج اللي توسع الفك

طلعت المشكلة ان فكي العلوي ضيج و صغير ... و نازل شوي ...
و اسناني صغار و شفايفي قصار ( قصدي المساحة من تحت خشمي لي شفايفي يعني ) :eh_s(22):

فاللي صار حطيت الحديدة + التقويم اللي تحت ..
و عقبها بشهر حطيت اللي فوق .. اللي اهوا قبل يومين ..
و قالي الدكتور بيشوف نتيجة التوسيع و يقرر ويحكم و قالولي فكج اللي تحت ما فيه شي ..
المشكلة باللي فوق .. و فعلا لمن سمعت الحجي استوعبت ان انا شلون حاطه ببالي ان اللي تحت فيه المشكلة ..
و حط لي شغلة توه باخر موعد .. يا ربي تغث .. مثل الجبس صاروا جنهم كرة على سنين بس بالفك اللي تحت ..
و لا اتكلم و اندمج و يطقون باسناني اللي فوق

و الحين ع التقويم .. و سبحان الله كله اقول اسناني زينين بس لمن حطيته حسيت فعلا في بينهم فراغات
و عندي تقويم عقب 10 ايام .. الحديدة يقول موسعه الفك بس النص اللي اصغر .. يبيله شد
و كان عندي امتحان قلتله ماابي اليوم و عطاني موعد .. والله يستر

دعواتكم

 

[سكـون]

هلا (بسوي زي مشاعل) الله يهديج اسمج مسوي لي مشكلة كلما ييت أناديج كأني حاطة عبارة عن نفسي
أكيد لازم تتابعين مع المستشفى لأن هم اللي بيحددون لج الموعد
وبالنسبة للتقويم ترى مو شرط يكون سنة! ممكن يكون أقل ممكن أكثر، على حسب الأسنان نفسها، يعني حاجتها للتقويم، واستجابتها له إذا انحط، وإن شاء الله إنج ما تطولين

- - - - - -

هلا والله الدانه، الله يسلمج، انتي شلونج

اهاااا فهمت،، زميلتي كانت حاطة الجهاز اللي بالفك العلوي للتوسيع نفسج،،
بس هل الجهاز لازال موجود بالفك حتى بعد ما حطو لج التقويم فوق؟ والا انشال؟؟
يله إن شاء الله يتوسع الفك الفوقي بشكل ممتاز وما تحتاجين عملية وعوار راس

وبالنسبة للكور اللي كأنهم جبس ايييه انا بعد حاطين لي وحاسة بشعورج لكن أبشششرج لا تهتمين أول كم يوم بس بتحسينهم مضايقينج حيييل خصوصا لما يتصافقون بالأسنان اللي فووق وأثناء الأكل اووف يا شين هالشعور شيناه بس بعدييين بتحسيينهم كلش عااادي وكأنهم أسنانج ولا بيضايقونج
هذا انا صار لهم فترة علي وعااااادي ،، لا وأزيدج من الشعر بيت،، لما رحت موعدي اللي كان قبل ثلاث أو أربع شهور تقريبا تخيلي الدكتورة زادتهم!! يعني حطت إضافة كور فوق اللي موجودين وانعادت المأساة :eh_s(2): لكن تذكرت حالتي مع اول مرة وتصبرت يومين وكاهم صاروا عادي
هذي الله يسلمج يحطونهم عشان يصير فيه فراغ بين الفك الفوقي والتحتي، يعني بعبارة أخرى يكبرون مسافة العضة، عشان أسنان الفك التحتي ما تعيق أسنان الفك الفوقي لما تتحرك وتتعدل << إن شاء الله يكون شرحي واضح خخخخ

 

[غلاااه]

المكسيكيه... ماتشوفين شر يارب

...


بسوي زي مشاعل ... الله يسهل امرك .. وبلغينا وش بيصير معاك .


...

سكوووووون
هههههه ايه عندي سؤال

بالنسبه للكور إللي تقولون عنها .. وضحي اكثر .. ولو فيه صوره يااااثلام

ما ادري احسهم بيحطونها لي:eh_s(3):

انا من 5 سنين خلصت التقويم ونزلته بس الحين فكرت بالعمليه ورجعته بس بدون خلع
وما ادري على شو يشدوووووووووون لأن مافيه مسافه بين الاسنان .

وكمان مافيه مسافه بين الفكين
فهمتي علي:eh_s(22):

عشان كذا لما قرات كلامكم حاسه بيحطونه لي .. لووول

احس بفتشل من النااااس .. هو واضح لهم ولا من داخل الاسنان .



الدانه ... الله يوفقك ويسهل امورك


:eh_s(17):

​

 

[غلاااا الروح]

الله يوووووووفقكم بناااااااااااات وتسون العمليه
احب امي بيووووووووووم موعدج علمينا شيقووووووولج عماد
وهو مواعيده أطووووووووول الله يستر بس انا انشالله اذا قربت اخلص التقويم راح اروح له
علشان يحدد العمليه والله كرررررررررررريم يسهلها

 

[سكـون]

هلا والله غلاااه، دورت صورة مع الأسف ما لقيت :eh_s(2):
انا بحاول أشرح لج وإن شاء الله أقدر أوصل الفكرة

احم انتبهي معاي :eh_s(4):

شفتي آخر سنين بالتقويم (الطواحن بالفك السفلي)، اللي تصير عليهم الحلقة الدائرية اللي تمسك نهاية التقويم
هذي الله يسلمج يحطون عليه (على السن من فوق)عجينة مثل العلك تعجنها الدكتورة وتحط قطعة دائرية منها فوق السن ، وتقول لج عضي عليها شوي (يعني مجرد عض بسيط) عشان ياخذ شكلها شكل السن اللي فوق، وشوي بس ثواني وتصير يابسة ، عشان توسع العضة، يعني بدل ما تعضين على السن نفسه وتصير الأسنان اللي فوق تلامس اللي تحت، تصيرين إذا عضيتي العضة على مستوى أعلا من السن، ويصير كأنج فاتحة فمج (اهي مو كبيرة طبعا ولا تبين ولا يبين انج فاتحة فمج بس عشان اوضح لج) عشان الأسنان اللي فوق تتحرك وتاخذ راحتها بدون ما تعيقها الأسنان اللي تحت<< إن شاء الله قدرت اوضح الصورة

يؤ! تصدقين تو أدري انج مخلصة تقويم ومرجعته مرة ثانية
يعني انتي من يوم تحطينه أول مرة قالوا لج محتاجة عملية وما سويتيها والحين قررتي تسوينها؟؟؟ والا انتي لاحظتي بعد التقويم إن فكج محتاج عملية وقررتي هالشي؟؟


- - - - - -

هلا غلا الروح،،، آمييين
ييسر لنا ولج يارب

 

[عايشه بأمل]

السلام عليكم


انا رحت حق عياده ( اسنان )

شافني الدكتور مدري شنو الخياط للتقويم

وقال لي بركب لك تقويم لمده سنه او سنه ونص

بعدين بحولني على دكتور جراحه

وقال تبين حكومه او خاص

قلت له خااااص

لان الحكومه يطولون

قال فيه

دكتور العصفور وفيه الهزيم


شرايكم بناااااااات


منو يعرف هالدكاتره

ومنو اختار

واي مستشفى اختار اذا بسوي العمليه ..فيه ..؟؟

 

[غلاااه]

سكوووووووووون

جزاك الله خير يا قلبي

فعلا شرح وااااااااااااااافي

طول ماانا اقرا اقول ايه ايه:eh_s(22):




طيب سؤال ثاني ..
إللي يحط هالشيء لازم يكون حاط قبل الموسع إللي بالفك العلوي ؟؟؟

...

انا الحين ندمانه اني ما وافقت على قرار العمليه من قبل كان الحين وفرت على نفسي التعب
الجسدي والنفسي .. يلا ان شاء الله مايطولون معاااااااااي

.....



عزيزتي عايشه بامل

الله يسهل امرك ...
من وجهة نظري احس الحكومه افضل .. صدق انها تطفش بالمواعيد .. بس ان شاء الله

انهم اضمن من الخاص إللي لا بد فيه تلاعب .

عموما انتي استخيري والله يسهل امرك .:eh_s(17):



​

 

[سكـون]

عايشة بأمل
وعليكم السلام ورحمة الله وبركاته، حياج الله

ودي أفيدج، بس للأسف ما عندي فكرة
إن شاء الله البنات بالكويت يفيدونج

وعن أي أحسن خاص والا حكومي، مادري شقولج، بس أكيد يعتمد على ظروف وايد
يعتمد على أي أحسن الخاص أو العام بحسب المكان وسمعته بهالجانب، ويعتمد على كفاءة الدكتور نفسه، يعني حاولي تسئلين عن الدكاترة في الجانبين وتاخذين فكرة عن العمليات اللي سبق سووها ونتايجها،، وقبل كل شي عليج بالاستخارة، والله يوفقج ياعمري

- - - - -

غلاااه،،
الحمدلله ، الله يبشرج بالخير ،، كنت خايفة اني ماقدرت أوصل الفكرة بشكل واضح ، بس الحمدلله إن الشرح كان واضح <<لو انه درس علوم خخخخ

وبالنسبة لسؤالج، لااا، مو شرط! عن نفسي حطوه لي، وما حطو لي قبله الجهاز أبد، لأن أنا العكس الظاهر إنه واسع ويبون يرجعونهم على ورى

يالله! كان الحين مفتكة وتعطينا من خبراتج بالعملية، لكن الحمدلله على كل حال، قدر الله وما شاء فعل ،، ودام إنج مستخيرة فبإذن الله إنه خير لج
بس أنا مستغربة ليش يرجعون يحطون لج تقويم وانتي خالصة؟ يعني المفروض تكونين خلاص جاهزة للعملية، وإن كان ولا بد المفروض ما يطول يعني شي بسيط تهيئة للعملية،، بس يمكن يوم قلتي لهم إنج ما تبين عملية المرة الأولى حاولوا يضبطون الوضع بشكل يقلل الحاجة للعملية، ويمكن الحين يبون يعيدونهم للوضع اللازم للعمية<< مجرد توقعات مو قلت لج مصدقة اني أخصائية

الله ييسر لنا ولج الخير يارب

 

[عايشه بأمل]

تسلمون على تجاوبكم معاي


ابي اللي عنده خبره

يعلمني

حدي محتاره

 

[غلاااه]

هلا سكون
رجعوا لي التقويم عشااااااااااااااااااااااان اضراس العقل طلعت وخربت ابو الدونيا

ولذا نحتاج ترتيب الاسنان .

يارب متى اخلص وافتك

...




​

 

[أحب أمي]

دعواااااتكم لي بنات ... كوابيييس يوميا ما اعرف انام
ووسوااااااس جنني حيل تعبانه من التفكيييييييييييير

 

[عايشه بأمل]

الله يسهل امرك يا قلبي


ويطلعك بسلامه

توكلي على الله


بس لا تنسين تطمنينا

 

[Jnona]

أنا بسوي العملية بس للحين ماحدد لي الدكتورمتى بالضبط دعواتكم
الله كريم ان شاءالله

 

[Blonde B]

الدكتور قالي 17-5
موعدي مع دكتور بيتر يشوف اسناني
ويسوي القياسات اذا اوك
يحطوني ع الويتن ليست
وانطر دوري متى عاد يحطوني
بس انا عندي واسطه ابيه يقولي
خلاص اوك بس باقي تحديد الموعد
واييبه الواسطه
ابيه يسويها شهر 6 او 7
لان جريب واكمل السنتين معاها
تعبت والله

 

[أحب أمي]

مازلت ناطره موعدي 9-5

واحس صج بيصكني موعد بعد سنه : \\

 

[غلاااا الروح]

الله يعين بناااااااااااااااات انا هم تعبااااااااااااانه من هالتقووووووووويم متى اخلصه علشان ابلش عمليه
صج بنات بسئلكم في منكم سوه تقويم بخاص والعمليه بالحكومي سوها لكم ولا مايصير تسونها تكفووووون
الي عنده تجربه بهشي يعلمني ضروري