مسوية جراحة فك .....قولي تجربتج هني

[غلاااا الروح]

أحب امي الله يوووووووووووووفقج ويسهل امورج
عااااااااااااااد كنت اليوم عند عمااااااااد ماعطاني لا حق لا باطل
بس الله كررررررررررررريم هو قالي اقدر اسويها لج بمستشفى خاااااااااص
مو بالحكومي كنت بناقشه بس مو فاضي كل شووووووووي يطلع من الغرفه

بس يااااااااقلبي هاااااااااااااانت انشالله وبتسووووووووينها وانشالله سهالات وتطلعين تهبلين بس طمنينا عليج

 

[أحب أمي]

أهلين غلا الروح

حسافه لو ادري جان شفتج وقعدت وياج

لان ابوي خلاني فتره وبعدين رد لي

وين كنتي قاعده علشان اتذكرج

وتسلمين على هالدعوه الطيبه

تخيلي داشه عليه متوقعه موعد بعد شهرين او 3

صدمني قال تدشين باجر

انصدمت حدي سكت بعدين قلت توكل على الله ماكو مشكله

بعدين قال لا خليها الاسبوع الجاي قلت اوكي

 

[MiSS LoOola]

أحب أمي

الله يعينج ويسهل أمورج ويقومج بالسلامة ان شاء الله

الصراحة أنا قبل العملية بساعة بديت أخاف حدي يعني لو قايسين ضغطي بهالوقت لقوه ألف
وقريت المعوذات وآية الكرسي عشرين مرة تقريبا من الخوف

ترا مو قصدي أخرعج بس هذا الي راخ يصر لأن اسم عملية بس يخرع

انتي شنو عمليتج بالضبط؟؟ يعني شنو المشكلة الي عندج بالفك؟

 

[MiSS LoOola]

بنات جراحة الفك خطره يعني ممكن اموت ؟؟
ولا سهالات
وصفكم ايخرع
انا عندي بروز بالاسنان الي فوق بس مو واايد

الموت والحياة بيد رب العالمين
كل عملية تخرع ، استشيري دكتور ومن وجهة نظري روحي حكومة أحسن على الأقل بس بالبداية يعني اذا قالج اسويلج عملية روحي خاص اذا تبين

 

[عايشه بأمل]

MiSS LoOola

عمليتك بأي فك .. وشلون الآثار اللي صارت لك بعد العمليه

ومتى حسيتي ان الآثار راحت ..

 

[أحب أمي]

هلا ياقلبي

عمليتي بالفكين

السفلي متقدم وايد

والعلوي داش داخل

دعواتج امانه

انا حدي خايفه من الحين تخيلي مو قادره ارتاح
والقولون العصبي ذبحني
بطني صاير بلونه
ولايعه جبدي مالي خلق آكل شي
امي تأكلني بالغصب حيل بطني يعورني كأنه نزله معويه

امانه دعواااااااااااااتكم تكفون

وبالنسبه لسؤال الاخت كل العمليات تخوف
والحياة والموت من الله سبحاااااااانه

شنو الاغراض اللي احطها بجنطتي بنات؟
وشنو الاشياء اللي لازم اشتريها وتفيدني
باجر بجهز جنطتي

ناطره ردودكم

 

[أحب أمي]

مس لولا صج بغيت اسألج

شلون شكلج بعد العمليه

ورضيتي عنه رضى كامل او لا

 

[MiSS LoOola]

miss looola

عمليتك بأي فك .. وشلون الآثار اللي صارت لك بعد العمليه

ومتى حسيتي ان الآثار راحت ..

عمليتي بالفكين الي فوق كان صغير ووسعه لي والي تحت كان ناحية أطول من ناحية وعدله الحمدالله

انتفخ ويهي وكنت ما أقدر أتكلم عدل ولا آكل عدل ومافي أي تعابير أقدر أسويها بويهي خخخخخخخخخ
الصراحة شهر أو شهر ونص تم اللزاق على الجرح ولما شلتا كان الأثر رايح الحمدالله

 

[barbie girl]

السلام عليكم


احب امي مبروووك ياالله هانت وتفتكين المفروض تستانسين يلاااا الحين لقينا وحده تسوي العمليه و نقزرها عليها ههههه

بس حلفتج عقب العمليه تدشين تطمنينا عليج يمكن تكونين تعبانه ما تقدرين بس لو احد يدخل بنكج ويبشرنا اوكييييي


بالتوفيق وان شاءالله تنجح العمليه وتقومين بالسلامه يارب

 

[MiSS LoOola]

مس لولا صج بغيت اسألج

شلون شكلج بعد العمليه

ورضيتي عنه رضى كامل او لا

الصراحة ويهي انتفخ وما أقدر أتكلم أو أضحك عدل
وصار معاي شي يمكن مو شرط يصير مع كل الناس ان خشمي نزل منه دم تكرمون طول ما كنت بالمستشفى وهذا شي شوي ضايقني

الحمدالله رضيت عن شكلي لأن واااااااااااايد تغير وكل الناس لاحظوا التغيير للأحلى طبعا
الله يسهل عمليتج ويقومج بالسلامة ويهون عليج ان شاء الله

 

[أحب أمي]

باربي قيرل تقزرون علي هاااااااااا لوووووووووووووول

حاضرين للطيبين ولابتوبي معاي

واللي بتزورني تبلغني اعطيها رقمي علشان تشوف الوقائع بس بليز لاتجيني فاضيه لوووووووووول
كرتون عصير وباقة ورد

صج بنات بسألكم
الحين القياسات صار لها فتره واليوم اشوفها في سن من الاسنان مكسور منه شوي طمنوني هالشي عادي او لا !!

 

[غلاااه]

أحـــــــــــــــــــــب امي

الله يسهل عليييييييييييييييييييييييييييييييييييييييييييك يارب .. وحبيبتي لا تحاتين وخوفك هذا طبيعي

بس لا تكثرين خوف .. وتذكري أنه ان شاء الله النتائج بترضيك .:eh_s(6):

غاليتي .. سمي بالرحمن وكثري من الاستغفار وهدي.


ومثل ماقالت إللي قبلي امانه خلي احد يدخل بنكك يطمنا عليييييييك .


وان شاء الله تقومين بالثلامه ونزعجك بأسئلتنا .
واخيرا ... رددي الدعوه إللي بتوقيعي وقولي يارب تسهلها علي ثلاث مرات


مع خالص حبي ،,​

 

[فاتيتي 88]

بنااات بلييز بكل امانه شرايكم بالدكتور نائل الهزيم حق الفك؟؟؟؟؟؟

 

[أحب أمي]

آآآآآآآآآآمين يارب

طمنتيني بس انا اخاااف يردني على القياسات مكسور سن من الاسنان :\\

 

[سكـون]

السلام عليكم ورحمة الله وبركاته

هلا والله بنااااات.. شخباركم؟ وحشتوووني
MiSS LoOola مشكوورة حبيبتي رفعتي معنوياتي على كلامج
و لا تخافين إن شاء الله إنج ما بتطولين،، ترى أنا حالة استثنائية صدقيني
عمري ما صدفت لحد الآن وحدة ظل عليها التقويم نفس مدتي! وحتى الدكتورة ذاك اليوم بمووعدي تقول للمرضة هذي من الحالات المعقدة.. صرت ملطشة :eh_s(2): المشكلة إن أسناني الحمدلله ما كانت بذاك السوء والحين مرتبة الحمدلله بس مادري ليش تستجيب ببطئ
الحمدلله على كل حال ومشكورة على كلامج يالغالية

- - - - -

أحب أمي
انتي عاد سالفتي معاج طويلة،، غبت شوية ورديت ولقيت كل هالتطورات صارت

أول شي يزاج الله كل خير يالغالية على كلامج
وانا بعد أسناني تقريبا خالصة بس اللي معطلني مو العملية، بااقي فتحات نهائية صغيرة تتسكر ومو قاعدة تتسكر وهذي اللي عليها التعطيل الله يسهل يارب

شفتي شلون! سبحان الله، قلت لج موعدج قريب دام إنج خالصة تقويم، والحمدلله،
تصدقين أول ما قريت إن عمليتج الاسبوع الجاي قلبي طاح ببطني وبطني قام يعورني، حسيت إن أنا اللي راح أدخل العملية مو إنتي خصوصا إن عمليتج نفسييي بالضبببط!

الله يسهل عليج ياقلبي ويشرح صدرج ويطمن بالج
ولا تخافين ولا شي ترى كلها سهالات بإذن الله
لما تدخلين العمليات عليج بآية الكرسي والمعوذات والأذكار والدعاء، أكيد الواحد يتوتر شوي ويقلق من مجرد اسم العملية، لكن شغلي نفسج بالأذكار وبإذن الله بينشرح صدرج وبترتاحين

وبالنسبة للأشياء اللي تاخذينها معاج،، أتذكر من الأشياء المهمة اللي قالتها دانتيلا الله يذكرها بالخير، هو إن الملابس اللي تاخذينها تكون تنفتح من جدام وما تكون فتحة الرقبة ضيقة عشان يسهل عليج تغييرها بدون ما تلامس الفك.. ووو شنو بعد .. ماعرف إذا المستشفى يوفر كمادات باردة أو لا، بس فيه كمادات باردة اللي يكون داخلها مثل الجيلي ، اخذي منها عشان تحطينها على الفك بالتناوب عشان يخف الانتفاخ.. اممممم هذا اللي اتذكره الحين ، وإذا تذكرت أي شي ثاني بقولج

وما يحتاي أوصيج مثل ما قالوا البناات تكفيييييييييين طمنينا علييييج

دعواتي لج والله يسهل علييج يارب وترضين عن النتيجة 100% يااارب

- - - - -

غلاااه
صدقتي والله ،، الحمدلله على كل حال
وإن شاء الله إنج ما تطولين يارب وتخلصين بسرعة

 

[أحب أمي]

اهلييييييييييييين سكوون ياقلبي الله يسمع منج

اي شفتي شلووووووون ماني متوقعه

ولالحين عندي احساس اني بروح الاحد وبيردني يقول القياسات فيها شي غلط مادري ليش : \\

جهزت جنطتي بس اغلب بجاماتي جم قصير والباجي حفر او بديات والكل يقول لي اخذي شي يغطي الجسم لان الدكاتره يدشون عليج وجذي *_*

وشنو بعد شنووو

اي الكمادات هذي من وين اخذها؟

والحين لثتي حاشها التهاب مادري من وين سبحان الله مع اني الاحد مافيني شي لما رحت للطبيب يوم الاثنين قب التهاب مادري من وين طلعلي والحين احط عليه مره واغسل بماي وملح علشان يخف ومايأثر علي تخيلوا يردني علشان التهاب لثه : \\

امبي احس بيردني الاحد مادري ليش *_* عاد تخيلوا اسبوع على اعصابي اخير شي يردني

 

[سكـون]

هلا والله

لا ما عليج لا توسوسين ولا شي، سهالات بإذن الله

وعن البجامات ترى صدقوا، حتى أنا رايي تاخذين ساترة، ما تضمنين إن الدكاترة أو الممرضين يدخلون عليج بأي وقت، وذاك الوقت الوحده طالعه من عملية مالها خلق تغطي نفسها ، فأنا رايي من رايهم ، يعني على الأقل تستبعدين الحفر وإذا كلش ع الاقل الجم القصير أهون ع الاقل تغطين الباقي بالشرشف

وعن الكمادات والله مادري وين تحصلينهم عندكم، لكن أتوقع إذا ماكنت غلطانة إنها تنباع بالصيدليات،
وأذكر مرة إذا ما كنت ناسية شفتها بمحلات الدايسو (طبعا اللي عندنا) وانتو اتوقع عندكم الدايسو بعد :d

وعن الالتهاب إذا ماخف مع المرة والملح، راجعي المستشفى يعطونج مضاد، لأن اللي أعرفه إذا كان فيه التهاب ماتتسوى أي عملية بالأسنان إلا لما يروح ، عاد ماعرف بالنسبة حق الفك إذا عادي


الله ييسر لج يارب

 

[أحب أمي]

ماتتوقعون منو كلمت تلفون من شووووووووووووووي

تتوقعوووووووووون منو

























































دانتيلااااااااااااا


فديتها ماقصرت ارسلت لها مسج عالنقال ودقت علي على طول وكلمتها
وشرحت لي كل شي وريحتني بصراحه ربي يوفقها


____

سكووون ان شاء الله يخف حسيته صار احسن بعد المره بحط عليه الحين وانام

فديتج

دانتيلا قالت لي بيعطوني كمادات بعد العمليه بالمستشفى

 

[MiSS LoOola]

هلا سكون شلونج؟ ولهنا عليج وفقدنا مشاركاتج من غير شر

كنت بسالج انتي سويتي عملية والا لأ؟؟
الحمدالله على كل حال وان شاء الله ييسر أمورنا مع التقويم ونفتك منا ان شاء الله :eh_s(6):


.......................


أحب أمي
من ناحية البيجامات لازم تاخذين على الأقل نص جم لأن أنا لما كنت بالمستشفى كانوا الدكاترة يدشون علي
فاستبعدي البديات والحفر وخليه نص جم

الله بسهل أمورج وتقومين بالسلامة ان شاء الله
وطمنينا عليج بالغالية :eh_s(6):

 

[أحب أمي]

مس لولا الله يسمع منج

تسلمووون والله يسهل امورنا كلنا
ويتمم الصحه والعافيه على اللي خلصوا